Tanieri 2:28 - Kakaɨyari Niukieya

²⁸ Matsi xewitɨ Kakaɨyari 'akaniuyeikani mɨtihekɨatawe tita mɨti'awietsie. Mɨkɨ Kakaɨyari kametiniutahekɨatɨani kemɨtiyɨni tukarite 'umahutsie. Mɨpaɨ pekatiniuheinɨni meta mɨpaɨ pekatiniuniere 'ikɨ 'amu'utsie katiniye'ani mexi pekutsukai:

Tanieri 2:28 ပူးပေါင်းရင်းမြစ်များ

Tsutɨarika 40:8

Mɨkɨ mɨpaɨ mekatenitahɨawe: —Tame hikɨ tepɨte'uheinɨxɨa, pumawe mɨtatsitahekɨatɨani. Kutse mɨpaɨ katiniwarutahɨawe: —Kakaɨyari kaniyɨweni mitahekɨata. Tsiparatsɨ xekeneneutaxatɨa kexemɨte'uheinɨ.

'Amuxi 4:13

Ne nekanihɨkɨtɨni hɨri nemɨtiwewiwa, meta 'eka nemunenetɨwa, ne nekanihɨkɨtɨni tewi kemɨtiyurieni nemihekɨata, meta hekɨariya yɨriya nemunenetɨwa, meta kwie heima nemuyeika: Yawé Kakaɨyari Naimekɨmɨtɨrɨkaɨye nekatinitewaka.

Tanieri 10:14

Peru hikɨta nepeyetɨa nemɨmetitaxatɨanikɨ 'ateɨterima wahetsie kemɨtiyɨni 'uxa'awarietɨni, mɨkɨ kepemɨtiunierixɨ 'ana kemɨtiyɨni kanimiemetɨni”.

Tanieri 2:22

Mɨkɨ meukatewatsie timieme pɨtihekɨata meta tita mɨti'awietɨ, yapɨtimate tita 'etɨripa mɨti'awietsie. Hetsiena hekɨariya pɨyeka.

Tsutɨarika 49:1

Merikɨtsɨ Kakuwu yuniwema kaniwarutakwewieni, mɨpaɨ katiniwarutahɨawe: «Xekeneuyukuxeɨri nepɨtixetaxatɨani kemɨtiyɨni xehetsie.

Kitsariyaxi 2:2

'Imatɨrieka tukaritsie, hɨri Yawé kiiya manuwe pɨkawatayuitɨarieni matsi 'a'utewitɨ kanayeimɨkɨ, hɨrite naime kana'iwamɨkɨ, hetsɨana yunaitɨ nuiwarite mekani'axɨakuni.

Tsutɨarika 41:16

Hikɨ Kutse kanita'eiya: —Ne nepɨkahɨkɨ. Kakaɨyari kanihɨkɨtɨni mitahekɨata.

2 Pekuru 3:3

Yemekɨ peuyewetse xemɨtemaikakɨ, tukari 'aye'aximekaku te'itawamete mekanitixuawerikuni, 'amekaniu'uwakuni kememɨte'ukahiwe'erie xeikɨa,

Mateu 6:9

»'Ayumieme 'ipaɨ pɨta xeketeneyunenewieka xeme: »“Ta'ukiyari taheima pemakawe, yuhemekɨ mɨpatsie peke'ayeitɨariwani,

'Utseyaxi 3:5

Peru 'arike 'ixaheritsixi hekwamekɨ Yawé mepɨtiwauni yukakaɨyari, meta Rawiri ti'aitame mekani'eniekuni. 'Imatɨarieka tukaritsie Yawé hetsɨa mepɨ'axɨani memamatɨ mepɨtihɨxima'uni, waɨkawa 'aixɨa kemɨtiuka'iyari.

Tanieri 4:5

kepauka nemɨtiuheinɨ waɨkawa pɨnetsi'utimariu. Nemuwakahuputsie nekakaitɨ, kenemɨtiunierixɨ waɨkawa 'axanetiku'eriwame pɨnetsi'ayeitɨa.

Tanieri 2:18

'Ana kaniwarutawawirieni Kakaɨyari memɨtawawirienikɨ muwatinenimayatakɨ meta heinɨtsika mɨwatahekɨatɨanikɨ, mɨkɨ meta hamikumama wawiruniyatari temaiwawemete wahamatɨa memɨkakukwikwiwanikɨ.

Nɨawari 115:3

Takakaɨyari muyuawitsie kaniuyeikani, mɨkɨ yakatiniyurieneni kemɨtinake.

Hepɨrayutsixi 1:1

Kakaɨyari, meripaitɨ katiniwakuxaxatɨwakaitɨni tapaapama, Kakaɨyari niukametemama yametekuxatakaku, yuxexuitɨ kememɨte'upitɨarie niuki yɨkɨ mɨ'anene hepaɨtsita.

Tanieri 2:47

mɨpaɨta katinitahɨawe: ―'Akakaɨyari kakaɨyarixi wakakaɨyari pɨhɨkɨ meta te'aitamete mɨtiwa'aitɨa pɨhɨkɨ. 'Akakaɨyari naime pɨtihekɨatawe, pemuyɨwekaxɨakɨ pemɨnetsitahekɨatɨanikɨ 'ikɨ heinɨtsika mɨkayumainɨakai mɨ'awietsiekai.

'Etsekieri 38:16

'Imatɨrieka tukaritsie, neteɨterima 'ixaheritsixi pepɨwatakwini, haiwitɨri mɨyɨyɨwi hepaɨ naime kwieyari pepanukanani. Ne yanepɨtiyurieni 'ekɨ Kuki, nekwieyari pemɨtamienikɨ, nuiwarite memɨtama memɨnetsihetimanikɨ, 'ahetsie yanetiyurieyu, kenemɨtipatsie yamepɨtehetimani yunaitɨ.

Keremiyaxi 30:24

Yawé haxɨaya pɨkatihayewa matsi kemutayɨ naitɨ pɨraye'ani 'iyarieya kemɨtiyɨkɨhɨawe. Naime 'ikɨ hetsie xekatenetimaikuni 'imatɨrieka tukariyaritsie.

Hutarieka 'inɨari 31:19

»'Ikɨ kwikari xekenaka'utɨa, xekeniwaruti'ɨkitɨa yunaime 'ixaheritsixi memitakwikanikɨ, mɨkɨ mɨwaraye'eritɨwanikɨ.

Hutarieka 'inɨari 4:30

Hikɨ 'uximatɨarikatsata pe'uyeikatɨ meta petiuka'eniwatɨ, mɨkɨ peheutiparitɨame pehakunuani Yawé 'akakaɨyari hetsɨa hikɨ pepi'enieni niukieya.

2 Timuteu 3:1

'Ipaɨ ketinemaika, tukari taparirɨmekaku 'ana kwaniwemekɨ mepɨyɨaka.

'Etsekieri 38:8

Karikɨ mɨixa tukari 'anukayayu pekanitanɨ'ariemɨkɨ pemuyutamienikɨ. Mɨixa wiyari 'anukayayu xeime kwieyari pekanitamiemɨkɨ 'ari manukuke, nuiwari mɨixa wiyari mu'unikai, peru 'ari memu'axɨa hipame nuiwarite watsata me'u'uwatɨ, 'Ixaheri hɨriyaritsie mekaniu'axɨani. Mekaniukuxeɨriyani hipame nuiwarite watsata me'u'uwatɨ, hikɨri 'aixɨa 'iyari mekaniu'uwani.

Keremiyaxi 48:47

Peru 'arikeketa, Muhawi hetsie 'aixɨa 'itɨariekame nekanayeitɨamɨkɨ», Yawé mɨpaɨ kanaineni. 'Ena kaniu'aka Muhawi kemɨtikwinitɨarieni.

'Inɨatsie 24:14

Hikɨ mexi neka'akunuawe nekie, nepɨmatitaxatɨani 'ikɨ kiekari 'ateɨterima kemɨwayurieni 'uxa'atɨni warie haye'ayu.

Matsiɨkɨtɨ kemɨratɨa 1:1

Ketsutsi Kɨritsitu matsiɨkɨme kanayeitɨani, Kakaɨyari mɨpaɨ katinipitɨani mɨpaɨ mɨtiwahekɨatɨakakɨ mɨkɨ hetsiena mieme memɨte'uximaya, mɨpaɨ memɨtemaikakɨ kwitɨwa kemɨtiyɨni. Ketsutsi Kɨritsitu yuniuki tuayame kaneyenɨ'ani Wani tiyu'uximayatsiriwame hɨxie matsiɨkɨtɨ mayuyeitɨanikɨ.

Tsutɨarika 41:25

Hikɨ Kutse kanitahekɨatɨani naime kemɨtiuheinɨkai Parahuni. Mɨpaɨ kaniutayɨni: —Puyuxewitɨtɨ kepemɨtiuheinɨ. Kakaɨyari kanihɨkɨtɨni mɨmatiutahekɨatɨa kemɨtiyɨni.

Keremiyaxi 10:7

¿Kemɨ'ane pɨka'itimakani, yunaime nuiwarite Tiwa'aitɨwame? 'Ekɨ mɨpaɨ pɨreuyewetse 'ahetsiemieme. Yunaitɨ memɨtemaiwawe memu'uwa watsata, meta yunaitɨ te'aitamete watsata, xewitɨ pumawe 'ahepaɨ 'anetɨ.

'Etsekieri 28:3

¿Kamɨtsɨ Tanieri reuyeta petimaiwe? ¿Kamɨtsɨ naime tita mɨti'awie petimate?

Tanieri 1:20

Ti'aitame kaniwaruti'iwawiya naime kememɨtemaiwawekai meta wa'inɨatanetɨ wahetsie kanikaxeiya tamamata mexɨa matsi kwinimieme mekatenimaiwawekaitɨni keyuri yunaitɨ memɨtemaiwawe meta memɨteyukewaiya mɨra'aitatsie memuxuawekai.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Tanieri 2:45

Mɨpaɨ kananuyɨneni kepemɨtiuheinɨ tete xeime hɨritsie meyetɨa, tete nixewitɨ ka'iparewieku, tepɨa tumuanari kemɨrayeitɨa meta wurunitse, haxu, pɨrata metatsiere huru. Kakaɨyari mɨmariwe kametiniutahekɨatɨani kemɨtiyɨni 'uxa'atɨni warie. 'Ikɨ heinɨtsika kaniyuritɨni, meta kenemɨtihekɨataxɨ kaniyuritɨni».