Tanieri 2:22 - Kakaɨyari Niukieya

²² Mɨkɨ meukatewatsie timieme pɨtihekɨata meta tita mɨti'awietɨ, yapɨtimate tita 'etɨripa mɨti'awietsie. Hetsiena hekɨariya pɨyeka.

Tanieri 2:22 ပူးပေါင်းရင်းမြစ်များ

Kuwi 12:22

Pɨtikuhekɨata tsepa yɨriya taɨta timieme, hekɨaripa pɨti'atɨwa waɨkawa yɨwipa timieme.

1 Wani 1:5

'Ipaɨ panuyɨne niuki hetsɨana mɨmieme temi'eni meta temɨxekuxaxatɨwa: Kakaɨyari hekɨariya kanihɨkɨtɨni, yɨriya pumawe hetsiena.

Tsatiyaku 1:17

Naitɨ 'imikieri 'aixɨa mɨ'ane, meta naime temɨte'umikie mɨraye'axe mɨkɨ taheima kanimiemetɨni, hakewa makawe wa'ukiyari taheima miemete hekɨariwiwamete mɨwarutiwewi, mɨkɨ pɨkayupata, 'etɨriya hepaɨ, tau 'akayunirɨmekaku.

Hepɨrayutsixi 4:13

Tsepa kemɨtitita munetɨarie pɨkayɨwe mɨ'awietsiekakɨ mɨkɨ kemɨtixeiya, naitɨri matsi pɨmatsiɨkɨ panutiyepiya kemɨ'ane mɨtatsitahɨawe 'ixeiyakaku.

Keremiyaxi 23:24

¿Kamɨtsɨ tewi tiyɨwe muyuti'awietakɨ hakewa nemɨkaheitaxeiyanikɨ? —Yawé mɨpaɨ kanaineni—. ¿Ne nekatihɨkɨ naitsarie muyuawi meta kwie nemɨhɨniya? —Yawé mɨpaɨ kanaineni—.

Nɨawari 25:14

Yawé puwanaki'erie kemɨ'ane memeyexeiya, meta yutɨratu kaniwahekɨatsitɨiyani.

1 Timuteu 6:16

kemɨ'ane yuxewitɨ mɨkamɨwe, hekɨaripa meka hakewa mɨkayɨwe 'ahurawa mayanikɨ xewitɨ, kemɨ'ane tewi mɨka'ixeiyawe mɨkayɨwe mixeiyakɨ, mɨkɨ mariweme kexatsiwani, kehetɨrɨkaɨyeni yuheyemekɨ. Mɨpaɨ xeikɨa kani'aneni.

Tanieri 5:11

'Ekɨ ti'aitame pemɨra'aitatsie xewitɨ 'apuyeika kakaɨyarixi memɨpatsie wa'iyari hexeiyatɨ. Kepauka ti'aitame 'amuyeikakai Nawukurunutsuxi, 'ekɨ 'apaapa, mɨkɨ tewi pukaxeiyarie timaiwetɨ, yapauka retimamateketɨ, kakaɨyarixi 'iyari memexeiya hepaɨ 'aneme hexeiyame. 'Ekɨ ti'aitame 'apaapa penukake temaiwawemete, mara'akate, muyuawitsie timiemekɨ memɨteyu'ukitɨa meta memɨtehetimamateke wa'ukiyari mɨhɨkɨtɨnikɨ.

Nɨawari 36:9

'Ahetsie tukari mɨtiwiekɨ, 'Ahekɨariyapa te'u'uwatɨ hekɨariya temuxeiya tepɨyɨwawe.

Tanieri 2:11

'Ekɨ ti'aitame kepemɨtatiwawirie pɨkayɨwe, nixewitɨ pɨkayɨwekaxɨani mɨmatsitahekɨatɨani, hɨrixɨa kakaɨyarixi. Peru mɨkɨ tahamatɨa mepɨka'u'uwa.

Kitsariyaxi 45:7

Ne hekɨariya nekaniunenetɨwani meta yɨriya, 'aixɨa mɨti'ane nekatini'atɨwani meta 'uximatɨarika, ne, Yawé, naime 'ikɨ nekatiniunenetɨwani.

'Epetsutari 3:5

Meripai teɨteri memanutikɨ wa'utɨma miemete, 'ana mɨpaɨ mepɨkate'ɨkitɨariekai teɨteri, hikɨ matsi nɨ'ariekate memupatsie, meta Kakaɨyari niukametemama, mɨkɨ mɨpaɨ mepɨte'ɨkitɨarie 'Iyari yatiwahekɨatɨakaku.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Wani 21:17

Hairiekari Ketsutsi mɨpaɨ katinitahɨawe: —Tsimuni 'aku, Wani nu'aya, ¿penetinaki'erie? Pekuru kaniyuhiweriekaitɨni hairieka «¿Penetinaki'erie?» mɨtitahɨawixɨkɨ. 'Ayumieme mɨpaɨ katinitahɨawe: —Ti'aitame, 'ekɨ naime pekatinimaika, pepɨtimate nemɨmatsinaki'eriekɨ. Ketsutsi mɨpaɨ katinitahɨawe: —Nemuxatsima ketiniwarumikwa.

Kitsariyaxi 41:22

Hurawa xekenakɨni meta xeketenekuxatani kemɨtiyɨni, meta kemɨtiɨyɨ meripaitɨ, mɨpaɨ temɨtemaikakɨ kehepaɨ mɨtiyeyɨximekai. Xeketateneutaxatɨa kemɨtiyɨni 'uxa'awarie.

Nɨawari 104:2

Xawatɨmekɨ pekaneuyukunaka 'ixuriki tuxamekɨ hepaɨ, muyuawi peputaweraxɨ 'ixuriki hepaɨ.

Kuwi 26:6

Kakaɨyari hɨxie mɨkite wateukiyapa peukahekɨa, tiyu'uname miti'awieta pɨkayɨwe.

Wani 8:12

Merikɨtsɨ Ketsutsi tawari teɨteri katiniwarutixatɨani mɨpaɨ 'utaitɨ: —Ne kwiepa memɨtama wahekɨariwiwame nekanihɨkɨtɨni. Kemɨ'ane mɨnetsi'anuweiya yɨwipa pɨka'uyeikani, matsi hekɨariya kanexeiyakamɨkɨ tukaritɨme.

Wani 1:9

Tita yurikɨ mɨtihekɨariya, tita mɨtiwahekɨatɨa yunaime teɨteri, mɨkɨ kwiepa kaninuaximekaitɨni.

Mateu 13:13

'Ayumieme mɨkɨ nepɨtiwakuxaxatɨwa 'ɨxatsikɨ xeikɨa: »Tsepa memɨtaneniere, mepɨkaheuneniere, tsepa memɨta'enana, mepɨkaheu'enana ni mepɨkaheitimaitɨkɨka.

Tanieri 5:14

Mɨpaɨ nepɨtikuxaxatɨariwa kename 'ekɨ kakaɨyarixi wa'iyari pehexeiya, kename kwinimieme petimate meta waɨkawa perakumate.

Kitsariyaxi 42:9

Meripaitɨtimieme pɨraye'atɨarieri, hikɨta hekwame nepɨtikuxata, mɨpaɨ katiyɨwekaku 'akuxi nepɨtikuxata».

Kitsariyaxi 41:26

¿Kemɨ'ane yaputayɨ meripaitɨ, yatemɨtemaikakɨ? ¿Kemɨ'ane meri yaputayɨ, mɨpaɨ temɨtiyuanikɨ: “Yurikɨ painekai”? Nixewitɨ yapɨka'utayɨ, nixewitɨ pɨka'u'enierie niuki kuxatatɨ.

Tsutɨarika 41:16

Hikɨ Kutse kanita'eiya: —Ne nepɨkahɨkɨ. Kakaɨyari kanihɨkɨtɨni mitahekɨata.

Tanieri 2:19

Tɨkarikɨ, Tanieri kaniuxeitsitɨarieni kehepaɨtɨtɨ mɨtiniumɨkɨ heinɨtsika. Hikɨ Kakaɨyari 'aixɨa katiniutahɨawe muyuawitsie makawe

Tanieri 2:47

mɨpaɨta katinitahɨawe: ―'Akakaɨyari kakaɨyarixi wakakaɨyari pɨhɨkɨ meta te'aitamete mɨtiwa'aitɨa pɨhɨkɨ. 'Akakaɨyari naime pɨtihekɨatawe, pemuyɨwekaxɨakɨ pemɨnetsitahekɨatɨanikɨ 'ikɨ heinɨtsika mɨkayumainɨakai mɨ'awietsiekai.

Hutarieka 'inɨari 29:28

Merikɨte hikɨ ketemɨteneniere, Yawé waɨkawa ha'atɨ wakwiepa wananari naime kanahuna, xaɨtsie kaniwarexɨrieni xeime kwieyaritsie”.

Ti'ɨkitame 8:1

¿Kemɨ'ane mɨtimaiwe hepaɨ pɨ'ane? ¿Kemɨ'ane pimate kemɨtikuxata? Tewi mɨtimaiwe kanimatsiɨkɨni yuhɨxie meta kemɨtiyukanaki'erie kaniyutemawieka.

Keremiyaxi 33:3

“Keneneutahɨawi, ne nekamanita'eiyamɨkɨ, pekatinetimaimɨkɨ tita mɨtimamariwawe meta mɨti'awietsie 'ekɨ 'akuxi pemɨkatimate”.