Tanieri 2:18 - Kakaɨyari Niukieya

¹⁸ 'Ana kaniwarutawawirieni Kakaɨyari memɨtawawirienikɨ muwatinenimayatakɨ meta heinɨtsika mɨwatahekɨatɨanikɨ, mɨkɨ meta hamikumama wawiruniyatari temaiwawemete wahamatɨa memɨkakukwikwiwanikɨ.

Tanieri 2:18 ပူးပေါင်းရင်းမြစ်များ

Keremiyaxi 33:3

“Keneneutahɨawi, ne nekamanita'eiyamɨkɨ, pekatinetimaimɨkɨ tita mɨtimamariwawe meta mɨti'awietsie 'ekɨ 'akuxi pemɨkatimate”.

Mateu 18:19

»Tawarita mɨpaɨ nepɨxerahɨawe, yuhutatɨ xeme xeyu'enietɨ xɨka yaxeikɨa xeteyumaika 'ena kwiepa tita xemɨtetawauni hepaɨtsita, tsepa kemɨtitita, ne'ukiyari taheima makawe mɨpaɨ katinixepitɨamɨkɨ.

Mateu 18:12

»¿Kexeteku'eriwa? Xɨka tewi xeitsienituyari warexeiyani yumuxatsi, xɨka xewitɨ mɨkɨ heuyeweni, ¿katiwaku'eirieni hɨritsie nauka tewiyari heimana tamamata heimana 'atanauka memɨyupaɨme, katiwaumie meuyewe?

Nɨawari 91:15

Mɨkɨ pɨnetsitahɨawe, neta nepita'eiya, hamatɨana nepuyeikani kepauka 'uximatɨarika mexeiyani, nekanixɨnamɨkɨ 'aixɨa nekatinitahɨawimɨkɨ.

Nɨawari 50:15

Keneneutahɨawi kepauka 'uximatɨarika pemexeiya, ne nepɨmetsixɨna, 'ekɨta 'aixɨa pepɨnetitahɨawe».

Marakiyaxi 3:18

Xeme 'ana xetemaitɨ xepakɨne keyɨkɨmɨ'ane 'aixɨa memɨteyurie wahetsiemieme meta 'axamemɨteyurie, Kakaɨyari memayexeiya wahetsiemieme meta memɨka'eyexeiya.

Kitsariyaxi 37:4

Heiwatɨ Yawé 'Akakaɨyari kuyaxi tiwa'aitɨwame niukieya 'u'enieni, ti'aitɨwameya 'Atsiriyatsie ti'aitame meinɨ'a, Kakaɨyari mayeniere 'axamɨretahɨawekɨ. Yawé 'Akakaɨyari ketiwarukwinitɨani niuki mɨya'aneme mɨwaru'enirikɨ. Hikɨ keneyutanenewi, teɨterimama memuyuhayewatɨwe wahetsiemieme, 'akuxi 'amemu'uwa”».

1 Tsamuheri 17:37

Kepauka maye meta hutse mɨnetsikuwiwiyakaitsie Yawé kemɨnetiutawikweitsitɨa, hikɨta yaxeikɨa 'ikɨ piritsiteu tewiyari hepaɨtsita kaneniparewimɨkɨ. Tsahuri mɨpaɨ katinitahɨawe: —Kenemietsɨ Yawé kematsihe'ɨwiyani.

Tsutɨarika 18:28

Peru xɨka meheuyewekake yu'auxɨwitɨ mema'atɨkɨnekɨ huta tewiyari heimana tamamata. ¿Petika'una naime kiekari yu'auxɨwitɨ memeuyewetsekɨ? Yawé mɨpaɨ katinita'eiya: —Xɨka huta tewiyari heimana yu'auxɨwime newaretaxeiya heitserie memexeiya nepɨka'ika'una.

2 Pekuru 2:9

Kaniyɨweni Ti'aitame mɨwatawikweitsitɨanikɨ mɨkɨ Kakaɨyari memayexeiya kepauka memɨta'inɨatsieni, pɨyɨweta mɨkɨ heitseriemekɨ yamemɨkatekahu mɨwata'ɨwiyakɨ wa'uximatɨatɨ, 'itsɨkame 'arike mɨwata'iwawiyakɨ.

Xumatari 15:30

Ketsutsi Kɨritsitu mɨtati'aitɨwamekɨ, 'Iyari mɨtatsipitɨakɨ temɨtetakanaki'eriekakɨ, mɨpaɨ nekatinixewawirieka ne'iwama, xemɨnetsiparewiekakɨ nenewieri xe'ipitɨatɨ Kakaɨyari nehetsiemieme

Nɨ'ariekate 12:4

Hikɨ Pekuru 'uwiyaka kanenutahɨani, kuyaxi kaniwaruhɨritɨani tamamata heimana 'ataxewime yunanaukakatɨ memi'ɨwiyanikɨ. Patsikwa 'ixɨarariyari 'aye'ayu teɨteri wahɨxie mekani'atɨarienikekaitɨni Pekuru mɨmierienikɨ.

Tanieri 3:17

Xɨka huxunuta mɨwatita'atsie teheukaxɨriyani, Kakaɨyari temeyexeiya kaniyɨweni mɨtatsitawikweitsitɨani huxunuta meta 'Ekɨ ti'aitame 'ahetsie.

'Etsekieri 36:37

»Yawé naimekɨmɨyɨwe mɨpaɨ kanaineni: Meta nepɨnewaɨriya teɨteri 'ixaheritsixi memɨnetsitawawirienikɨ memuyutimɨirekɨ, muxatsi wahepaɨ memuyutipaɨmerekɨ.

Tanieri 2:23

'Ekɨ, ne'ukiyarima wakakaɨyari, nepɨmatsinɨawa meta pamɨpariyutsi nepɨmatsipitɨa. Nemɨtimaiwenikɨ pepɨnetsi'upitɨa meta tɨrɨkariya, pepɨnetsi'utahekɨatɨa tita temɨmate'utawawiri, pepɨnetsi'utahekɨatɨa ti'aitame heinɨtsikaya».

Tanieri 4:26

Kepemɨtiuta'aitɨarie pemihayewakɨ 'iteɨri kutsunuyari meta nanari mɨkɨta pɨ'inɨariyari 'Ekɨ ti'aitame hekwamekɨ ti'aitame pekanayeimɨkɨ, kepauka mɨpaɨ pemɨretimani kename yurikɨ ti'aita Kakaɨyari muyuawitsie makawe.

Kunatsi 1:9

Mɨkɨ mɨpaɨ katiniwaruta'eiya: ―Ne hepɨrayu tewiyari nepɨhɨkɨ, Yawé nekanayexeiyani, Kakaɨyari muyuawitsie makawe, kemɨ'ane haramara meta kwie mutawewi.

Nɨawari 136:26

Kakaɨyari muyuawitsie makawe pamɨpariyutsi xekenepitɨaka. Mɨkɨ hatsuaku pɨkatatsihayewa tatsinaki'erietɨ.