Tanieri 12:3 - Kakaɨyari Niukieya

³ Memɨtemaiwawe mepɨxawawatɨni xawatɨriya muyuawitsie miemekɨ, kemɨ'ane yumɨireme teɨteri memɨtewaruta'ɨkitɨa tita mɨtiheitserie hepaɨtsita xurawetsixi wahepaɨ meputimerɨkani yuheyemekɨ.

Tanieri 12:3 ပူးပေါင်းရင်းမြစ်များ

Mateu 13:43

Mɨkɨ heitseriemekɨ yamemɨtekahu pɨta memamariwawetɨ mekanakɨnikuni 'ana hakewa wa'ukiyari mɨre'aita, tau kemɨtimerɨkaɨye. Xewitɨ netɨ mu'enaxɨ, ke'u'ena.

Temaiwawemete 4:18

Heitseriemekɨ yamemɨtekahu wahuye witsipɨ'ane, kepauka tau 'ɨrɨya ximeri manatinexɨaxime hepaɨ: hekɨariya waɨkawa mɨhekɨariwiexime hepaɨ kepaukake hekɨariya 'aixɨa tixawatɨtɨ mayani.

Tanieri 11:33

»”Memɨtemaiwawe yumɨireme mepɨwata'ɨxatsitɨani, peru yapaɨmexɨa 'anuyeyayu 'ixiparakɨ mepɨkwi'iwa, yatɨni mepɨtitaiyarieni, yatɨni 'ateewa mepanuhapanieni xeime kwieyaritsie meta naime yupiinite mepɨtenawaiyarieni.

Tanieri 11:35

Hipatɨ temaiwawemete mepɨkaxɨriyani, peru mɨkɨ 'inɨatsikakɨ mepɨ'itiyani meta 'aixɨa puwatiyurieni, kepauka tukari maye'anitsie tɨniriya memɨkahexeiyanikɨ. Waɨkawa 'akuxi kaneuyewekani tukari maye'ani.

Temaiwawemete 11:30

Heitseriemekɨ yamɨtikamie mɨkɨ kɨye tukari tiyupitɨwame hepaɨ kani'aneni. Mɨtimaiwe tukari 'aixɨa 'aneme kaniwapitɨaka memeuyexɨrixime.

Hepɨrayutsixi 5:12

Kamɨtsɨ, mɨpaɨ pɨreuyewetse matsi te'ɨkitamete xemɨhɨkɨtɨnikɨ, mɨixa manuyetɨakɨri yuri xemɨte'uta'eri, peru xekaneiyehɨaka kemɨ'ane hutarieka mitsutɨani tixe'ɨkitɨatɨ tsutɨapai mieme 'ɨkitsika Kakaɨyari kemaine, hekwamete kememɨte'ɨkitɨarie. Retsi xeheuyehɨatɨ xekanakɨne, 'ikwai mɨtɨrɨkaɨye xekematɨ xepɨka'akɨniwawe.

Wani 5:35

Wani kɨxeme kanihɨkɨtɨkaitɨni tatɨ hekɨariwietɨ. Xeme xekaniyuwaɨriyakaitɨni xemɨyutemamawiekakɨ mɨkɨ yatixehekɨariwiyakaku yapaɨmexɨa.

Wani 4:36

Hikɨ 'itsaname katini'iwaneniri, kanikuxeɨrieni tita mɨtiutixuawerixɨ, tukari mɨkaxɨwe memexeiyanikɨ, 'etsame 'itsaname hamatɨa yaxeikɨa memɨyutemamawiekakɨ.

1 Kurinitutari 3:10

Kakaɨyari 'aixɨa tiuka'iyaritɨ kemɨnetiumi, mɨpaɨ nepɨtitawewi tenari kiitɨa mieme, kii wewiwamete tiwa'aitɨwame mɨtimaiwe hepaɨ neyɨanetɨ. Xewitɨ kii pɨtawewieni heimana. Yuxexuitɨ mekeyukweriwayurieka kememɨte'iwewiwa.

Keremiyaxi 23:22

Xɨka ne newaruta'uxatsitɨanike, neniuki mekanitaxatakekaitɨni neteɨterima wahetsɨa, huye 'aixɨa mɨ'anetsie mekaniwara'uitɨanikekaitɨni meta 'aixɨa meteyuriekame mekaniwarayeitɨanikekaitɨni.

Matsiɨkɨtɨ kemɨratɨa 1:20

'Ipaɨ katinimatsiɨkɨni niuki mɨ'awietsiekai 'atahuta xurawetsixi netserieta newaratɨkɨme pemɨnetsi'uxei hepaɨtsita, meta 'atahutame kɨxeme 'uitɨwame hurukɨ wewiyatɨkaime pemuxei hepaɨtsita: Mɨkɨ xurawetsixi 'atahutame pemɨwaruxei, niuki tuayamete mekanihɨkɨtɨni 'atahuta kiekariyaritsie memɨyutixexeɨriwa puwahetsiemieme, meta kɨxeme 'uitɨwame mɨkɨ memɨyutixexeɨriwa 'atahuta kiekaritetsie mepɨhɨkɨ.

2 Pekuru 3:15

Yatepɨtemaika Tati'aitɨwame kawaɨripietɨ kemɨtiwatawikwetsitɨamɨkɨ, meta ta'iwa Papuru teminaki'erie yaxeikɨa 'utaitɨ katinixe'uta'utɨirieni, timaiwetɨ Kakaɨyari kemɨtipitɨa.

'Epetsutari 4:11

Mɨkɨ mɨpaɨ pɨtiwarumi, hipatɨ nɨ'ariekate memakɨnekɨ, hipatɨta texaxatamete, hipatɨ tehekɨatamete, hipatɨta te'ɨwiyamete meta te'ɨkitamete.

Mateu 24:45

»Ti'uximayatame yamɨtikamie meta mɨtimaiwe kanihɨkɨtɨni mɨyɨwe kutsiyarieya mɨtihɨritɨani mɨtiwa'aitɨakakɨ hipameta te'i'uximayatsiriwamete meta mɨtiwamikwanikɨ kepauka memeiyehɨwa.

Mateu 19:28

Ketsutsi mɨpaɨ katiniwarutahɨawe: —Yurikɨ mɨpaɨ nepɨxerahɨawe, xeme nehetsie xemɨtewiya, kepauka kwie mɨhekwatsie temɨ'axɨani, Yuri Tewi nehɨkɨtɨtɨ kepauka ne'uwenitsie nemayerɨni neti'aitatɨ witsine'anetɨ, 'ana xemeta 'itsɨkate xekanakɨnikuni, tamamata heimana huta 'uweniyaritsie xe'ayaxeme xekateniwata'aitɨakuni teɨteri tamamata heimana huta 'Ixaheri nuiwarimama.

Nɨ'ariekate 13:1

Hikɨ 'Anutiyukiyatsie memɨyutixexeɨriwakai hipatɨ Kakaɨyari niukametemama mekanihɨkɨtɨkaitɨni meta mekateni'ɨkitametetɨkaitɨni Werunawe, Tsimuni Nikeri mɨtitewakai, Rutsiyu tsirenetanaka, Manaheni ti'aitame Herurexi hamatɨa memutiwawerixɨ meta Tsauru.

Temaiwawemete 3:35

Kemɨ'ane memɨtemaiwawe 'aixɨa mepɨtehamamatiwani, matsi kemɨ'ane memɨkayuwaɨriya memɨwaparewienikɨ teɨteri hipame 'aixɨa pɨ'ane 'axamemɨtehamamatiwanikɨ.

Kitsariyaxi 53:11

'Arikeke tikwineme, hekɨariya kanixeiyamɨkɨ meta 'iyarieya 'aixɨa kaniyɨmɨkɨ, mɨrakumatekɨ neti'uximayatsiriwame heitserie mexeiya heitserie kaniwapitɨamɨkɨ yuwaɨkawame, 'axamemɨte'uyurikɨ pɨranukɨtɨni.

Tanieri 12:10

Yumɨiretɨ 'aixɨa mekani'itɨariekuni meta mekanitaheitseritɨariekuni, meta me'itiyatɨ mekaniyuhayewakuni, peru 'axateyuruwamete yaxeikɨa 'axamekateniyuriekakuni. Mɨkɨ nixewitɨ pɨkaretimaitɨyani, peru memɨtemaiwawe naime mekatenetimaikuni.

Memeyekɨ 34:35

'Ixaheritsixi memixeiyakaikɨ 'ayexawatɨme, Muitsexi tawarita kaneuyuku'eimakaitɨni kepauka Yawé hamatɨa mɨtitixata.

'Itsɨkate 5:31

»Mɨpaɨ mekete'ukwini yunaitɨ Yawé, memɨmatsi'aye'unie. Peru kemɨ'ane mɨmatsinaki'erie, tau hepaɨ ke'aneni kepauka maneika xawatɨtɨ». Hikɨ 'ixaheritsixi kayuwatɨ mekanexeiyakaitɨni huta tewiyari wiyari.

Ti'ɨkitame 12:9

Matsi waɨkawa timaiwetɨ, ti'ɨkitame teɨteri katiniwarutaxatɨani naime ketita mɨretima. Mɨkɨ naime katineutixeiyaxɨani yumarima, mɨireme temaiwawemete kememɨte'u'ɨxatsita waxapa kanayeitɨani.