Tanieri 11:45 - Kakaɨyari Niukieya

⁴⁵ Haramara meta witsimɨ'ane hɨri mɨpatsie wahixɨapa kanitayerɨmɨkɨ, peru mexi mana 'ukani, tukarieya kaneutiparimɨkɨ yapauka, xewitɨ hetsiena mɨtanuani pɨkayɨwekaxɨani.

Tanieri 11:45 ပူးပေါင်းရင်းမြစ်များ

2 Tetsarunikatari 2:4

Mɨkɨ neye'uniekamɨkɨ kanitawe'eriekamɨkɨ naime Kakaɨyari mɨtitewa meta naime mɨrayexeiyarie, yɨkɨmana kanayerɨmɨkɨ Kakaɨyari tukieyata meta Kakaɨyari puyuxatani.

Tanieri 8:25

'Itarikakɨ ti'ɨkitame kanayeimɨkɨ, mariweme kaniyu'eriekamɨkɨ. Yumɨireme teɨteri kaniwaka'unamɨkɨ 'atsimekate'anuyekɨneke memɨyu'eriekai meta te'aitamete Tiwa'aitɨwame kanitamiemɨkɨ, peru kanika'unariemɨkɨ tewi tɨrɨkariyayakɨ pɨkatixaɨ.

Matsiɨkɨtɨ kemɨratɨa 20:9

Hikɨ kwie manuye'atɨkatsie paitɨ mekaneutayeixɨani, meta Kakaɨyari teɨterimama memakuteitsie warita mekanikutekaitɨni, kiekari mɨnaki'eriwa. Peru tai muyuawitsie kanakanemɨkɨ mɨkɨ kaniwatixɨtsitɨamɨkɨ yunaime.

Matsiɨkɨtɨ kemɨratɨa 20:2

Hikɨ mɨkɨ kuu kaniuwiya meripaitɨ mieme Kauyumarie meta Tsatanaxi mɨhɨkɨ, kanekuwieni xeimiriyari wiyari.

Matsiɨkɨtɨ kemɨratɨa 13:10

Kemɨ'ane teɨteri 'ateewa paitɨ mɨwaranuhapani, mɨkɨta kananuhaniemɨkɨ 'ateewa paitɨ. Kemɨ'ane 'ixiparakɨ mɨtiyumemiwa, mɨkɨta 'ixiparakɨ kanimieriemɨkɨ. Mɨpaɨ metemaitɨ Kakaɨyari teɨterimama mepɨte'uka'eniwani yuri mete'erietɨ.

2 Tetsarunikatari 2:8

'Anakeri, matsiɨkɨtɨ kanayeimɨkɨ 'iya 'axamɨtiyuruwame, mɨkɨ Ti'aitame Ketsutsi kanimiemɨkɨ yu'iyakɨ yuteta miemekɨ meta kanika'unamɨkɨ matsiɨkɨtɨ mayuyeitɨanitsie kepauka munuanitsie.

Tsakariyaxi 14:8

»'Iya tukaritsie haa tukari tiyupitɨwame puhaneni Kerutsareme 'ayeneikatɨ, puhaneni witarita meta tsepa mɨtitaxata, hixɨata'atɨ yapaɨmetɨ peukakukeni Harakuna Mɨmɨkitsie, hixɨata'atɨta yapaɨmetɨ peukakukeni haramara Meritexaniyutsie.

Mikeyaxi 4:2

meta nuiwarite yumɨiretɨ hetsɨana mekani'axɨakuni, mɨpaɨ mekanitiyuakuni: «Xekenakɨni, tepanutikɨne Yawé yemurieyatsie, Kakuwu Kakaɨyarieya tukita. Kakaɨyari yukɨmana yu'aitsikate kataneta'ɨkitɨamɨkɨ, 'ana mɨpaɨ tepɨte'u'uwani». Karikɨ Tsiyunitsie kanayeneikani 'ɨkitɨarika, Kerutsareme hetsie, Yawé niukieya.

Kuheri 2:20

»Nepɨkawapitɨani 'utsikari xeyeta 'amemayehu, kwie makumawetsie meta makuwakitsie nepɨwareukɨnɨ'ani: Haramara Mɨmɨkitsie nepɨwakayunitɨani wakuyaxi memanuyetei, wa'utɨmata memuhu Haramara Meritexaniyatsie. Wakaxari pɨtipɨne waɨkawa pɨtiukuri'ɨaka». Yawé waɨkawa mariwemekɨ katiniyurimɨkɨ.

Tanieri 11:41

Yaxeikɨata takwieyari witsimɨraku'anetsie kanitahamɨkɨ, yumɨiretɨ nuiwarite mekana'iwariekuni hetsɨana miemete mekanakɨnikuni, peru mekanitawikweikuni 'Erumi, Muhawi meta 'amunitsixi tewa'aitɨwamete.

Tanieri 11:16

Kuyaxi tayeta kiekatari kemɨtiwanake mepɨteyurieni, xewitɨ mɨwara'iwa mɨkayɨwenikɨ, hikɨ takwie witsimɨraku'anetsie mekaniyuhayewakuni, mɨkɨ mana mekatenita'aitakuni.

Tanieri 7:26

'Itsɨkate 'ɨparitsie mekanayaxikuni, mɨkɨ 'awa tɨrɨkariya kaninawaiyariemɨkɨ meta yuheyeme kanika'unariemɨkɨ.

Tanieri 2:35

Naitɨ mɨkɨ tepɨa meta haxu tumuanari kanayani meta wurunitse, pɨrata metatsiere huru. Tewi 'ɨkiyari naitɨ tumuanari kanayani, kepauka tɨriku mutikatsiwatsie manuye'eke hepaɨ. 'Eka kaniukuyani tewi 'ɨkiyari naime kane'enitsitɨani, nitixaɨtɨ pɨkatiyuhayewaxɨ. Peru tete tewi 'ɨkiyari hetsie mukawe hɨri kanayani mariwetɨ kwie naime kanakuhɨniya.

'Etsekieri 39:2

Pemayeyanikɨ nepɨmatsi'ayewitɨni, 'ateewa paitɨ tayeta nepɨmatsihakanetɨani, 'Ixaheri hɨriyaritsie nepɨmatsi'atɨani.

Kitsariyaxi 14:13

'A'iyaritsie mɨpaɨ peputainekai: «Muyuawitsie paitɨ nepanutiyani. Ne'uweni mana paitɨ nepɨtakeni Kakaɨyari xurawetsiximama waheima. Tayeta mutiniere paitɨ nepɨtita'aita, kakaɨyarixi wahɨritsie paitɨ.

Kitsariyaxi 2:2

'Imatɨrieka tukaritsie, hɨri Yawé kiiya manuwe pɨkawatayuitɨarieni matsi 'a'utewitɨ kanayeimɨkɨ, hɨrite naime kana'iwamɨkɨ, hetsɨana yunaitɨ nuiwarite mekani'axɨakuni.

Nɨawari 48:2

hɨri witsimɨ'ane, naitsarie kwiepa watemawierika pɨhɨkɨ. Tsiyuni hɨriyari, tayeta katini'aneni, Ti'aitame mɨmariwe kiekarieya kanihɨkɨtɨni.

Kitsariyaxi 11:9

Xewitɨ pumaweni 'axamɨwayurienikɨ meta mɨtiwakwinitɨanikɨ nehɨri naitɨ mɨpatsie hetsie, kwie kanitahɨnimɨkɨ Yawé memaitɨ memakɨne mɨ'ayumiemekɨ haramara hakɨ kemɨranatiyeuriwe hepaɨ.

Kitsariyaxi 27:13

'Iya tukaritsie kuxineta mariwetɨ kanitahɨtsieriemɨkɨ. Kemɨ'ane 'Atsiriya memehapanie meta kemɨ'ane 'Ekipitu memanutaxɨriya mekani'axɨakuni Yawé memayexeiyanikɨ hɨri mɨpatsietsie Kerutsareme.

Kitsariyaxi 65:25

Maye muxa hamatɨa yunaitɨ mepɨtetikwani makutsiɨraɨyetsie, maye 'ɨxa pɨtikwani tuuru hepaɨ, meta kuu 'ikwaiya tumuanari pɨhɨkɨtɨni. Naitsarie nehɨri mɨpatsietsie tiyukwinitɨwatɨ kaniumawekamɨkɨ meta tiuyuka'unatɨ», Yawé kanaineni.

Kitsariyaxi 66:20

Meta naitsarie xe'iwama nuiwarite watsata memutetɨka nehɨri mɨpatsietsie Kerutsareme xepuwa'atɨani, mawari hepaɨ Yawé hetsiemieme, kawayutsixi, kaxetate yukukuyamete, kaxetate titɨkɨmete, muratsixi meta kameyutsixi wahetsie me'utekame xepɨwa'atɨani ―Yawé mɨpaɨ kanaineni—. 'Ixaheritsixi wahepaɨ, watsute 'aixɨa 'anenemeta, hatsi mawariyari Yawé tukita memɨte'atɨwa hepaɨ xekateniwa'atɨakuni.

Tanieri 9:16

Mɨpaɨ tepɨtemate waɨkawa 'aixɨa pepɨtiuka'iyari, 'ayumieme ketineuhayewari peha'atɨ Kerutsareme hetsiemieme, mɨkɨ pɨ'akiekari meta 'ahɨri mɨpatsie pɨhɨkɨ. 'Axatemɨte'uyurikɨ meta tatewarima 'axamemɨte'uyurikɨ, Kerutsareme meta tame 'ateɨterima mepɨtatsiyuriya ta'aurie kiekatari.

Tanieri 9:20

»Ne nepiyeweiyakai netikuxatatɨ meta neyunenewietɨ Yawé nekakaɨyari hamatɨa. Hɨxiena nepunetahekɨataxɨ ke'axanemɨtiuyuri meta 'ixaheritsixi ke'axamemɨte'uyuri, meta waɨkawa nepitawawiri hɨri mɨpatsie hetsɨana mɨmieme hetsiemieme.

Tanieri 11:44

Matsi niuki hetsɨana kaninuamɨkɨ tayeta miemete meta tau manatineika miemete mekani'atɨiriekuni mɨkɨkɨ kanikumunuaxɨamɨkɨ, hikɨ waɨkawa ha'atɨ kanayeyeimɨkɨ yuwaɨriyatɨ muwaka'unakɨ meta muwakwinikɨ yumɨireme teɨteri.

'Inɨatsie 34:5

Manata 'Ekipitu 'akiyaritsie kaneukayunimɨkɨ haramara Meritexaniyu mata'atɨka mɨye'anikɨ.

Kitsariyaxi 10:12

Kepauka Yawé mɨtitahayewa Tsiyuni hɨriyaritsie kemɨtiyurienikɨ meta Kerutsareme hetsie, mɨkɨ mɨpaɨ kanitayɨmɨkɨ: «'Atsiriyatsie Ti'aitame nekatinikwinitɨamɨkɨ 'iyarieya kwinimieme mɨtiyuta'ɨrekɨ, meta kwinimieme mɨtiyukatawe'eriekɨ hɨxiteya».