Tanieri 11:36 - Kakaɨyari Niukieya

³⁶ »”Mɨkɨ ti'aitame kemɨtinake pɨtiyurieni. Yuhetsiemieme 'aixɨa putaineni, yunaime kakaɨyarixi watsata mariweme puyu'erieka, meta yuri Kakaɨyari hepaɨtsita 'axapɨtayɨni nixewitɨ mɨkatayɨwe hepaɨ. Naitɨ 'aixɨa pɨtikɨyɨneni kemɨtiku'eriwani, mexi Kakaɨyari haxɨaya hetsɨana ka'uye'aweni, karikɨ kemɨtiyɨnikeyu yakatiniyɨmɨkɨ.

Tanieri 11:36 ပူးပေါင်းရင်းမြစ်များ

2 Tetsarunikatari 2:4

Mɨkɨ neye'uniekamɨkɨ kanitawe'eriekamɨkɨ naime Kakaɨyari mɨtitewa meta naime mɨrayexeiyarie, yɨkɨmana kanayerɨmɨkɨ Kakaɨyari tukieyata meta Kakaɨyari puyuxatani.

Tanieri 8:19

mɨpaɨ netikɨhɨawetɨ: “Nekamanitahekɨatɨamɨkɨ kemɨtiyɨni 'imatɨrieka tukari kepauka Kakaɨyari haxɨaya maye'ani, karikɨ 'imatɨrieka tukari kanaye'amɨkɨ kepauka mɨka'inɨari.

Hutarieka 'inɨari 10:17

Yawé 'akakaɨyari matsi kakaɨyarixi kaniwakakaɨyaritɨni, meta yunaime te'aitamete katiniwa'aitɨwametɨni, kwi tɨrɨkaɨyetɨ 'ayemakaxiwatɨ, yɨkɨ katiwaxeiyatɨ teɨteri tixaɨtɨkɨ katipatatɨ.

Tanieri 11:16

Kuyaxi tayeta kiekatari kemɨtiwanake mepɨteyurieni, xewitɨ mɨwara'iwa mɨkayɨwenikɨ, hikɨ takwie witsimɨraku'anetsie mekaniyuhayewakuni, mɨkɨ mana mekatenita'aitakuni.

Tanieri 2:47

mɨpaɨta katinitahɨawe: ―'Akakaɨyari kakaɨyarixi wakakaɨyari pɨhɨkɨ meta te'aitamete mɨtiwa'aitɨa pɨhɨkɨ. 'Akakaɨyari naime pɨtihekɨatawe, pemuyɨwekaxɨakɨ pemɨnetsitahekɨatɨanikɨ 'ikɨ heinɨtsika mɨkayumainɨakai mɨ'awietsiekai.

Kitsariyaxi 14:13

'A'iyaritsie mɨpaɨ peputainekai: «Muyuawitsie paitɨ nepanutiyani. Ne'uweni mana paitɨ nepɨtakeni Kakaɨyari xurawetsiximama waheima. Tayeta mutiniere paitɨ nepɨtita'aita, kakaɨyarixi wahɨritsie paitɨ.

Matsiɨkɨtɨ kemɨratɨa 10:7

Matsi kepauka 'atahutarieka mieme niuki tuayame mɨtaniuni, kepauka yukuxineta mitahɨtsieni, 'ana tita Kakaɨyari mɨtiuti'awietakai kanaye'amɨkɨ mɨtahekɨatsienikɨ, kemɨtiwarutaxatɨakai yuniukamete hetsiena mieme memɨte'uximayakai».

Kitsariyaxi 10:25

'Ena mɨtiyehane yapaɨmexɨa tukari 'anukayayu neha'atɨ 'ahepaɨtsita nepɨtihayewa, meta nehaxɨa memɨmetsi'aye'unie kaniwaka'unamɨkɨ».

Nɨawari 136:2

Pamɨpariyutsi xekenepitɨaka Kakaɨyari mumariwe kakaɨyarixi kememɨka'anene, mɨkɨ hatsuaku pɨkatatsihayewa tatsinaki'erietɨ.

Matsiɨkɨtɨ kemɨratɨa 17:17

Kakaɨyari mɨpaɨ pɨtiwa'iyaritɨani mɨpaɨ memɨteyuriekakɨ mɨkɨ pɨta kemɨtiyuriemɨkɨ wa'iyari yuxewikaku me'ipitɨakaku yeutanaka mɨkɨ pɨta mɨti'aitametɨnikɨ wahetsiemieme, mɨpaɨ meteyurieyu katinaye'atɨariemɨkɨ naitɨ Kakaɨyari kemutayɨ.

Matsiɨkɨtɨ kemɨratɨa 17:3

Hikɨ niuki tuayame 'Iyari nehetsie nuaku kanenewitɨni makumawetsie paitɨ. Mana 'ukaratsi nekaniuxeiya yeutanaka meuyɨtsikimaɨyetsie 'akaime. Yeutanaka naitsarie hetsiena pɨra'utɨkatei 'axa'anɨyɨnemekɨ Kakaɨyari hepaɨtsita, 'atahuta mu'ute pexeiyakai, meta tamamata 'awate.

Matsiɨkɨtɨ kemɨratɨa 12:14

Hikɨ 'ukaratsi kaniupitɨarieni ma'anatɨkanikɨ kwixu 'amɨnena hepaɨ, makumawetsie paitɨ manuwienikɨ yuhuyeripa, mana kuu 'amɨtimariwe mɨka'ixeiyakɨ, hakewa xeiwiyari mɨremikieka, 'ariketa huta wiyari, 'ariketa merie wiyari.

Nɨ'ariekate 4:28

mekaniyukuxeɨrieni yameteyurienike tita pemɨtiyurienikekai meripaitɨ yapɨtiyɨnikekai.

Wani 6:38

Ne taheima nepɨka'akane tita mɨnetinake yanemɨtiyurienenikɨ, matsi tita mɨtinake 'iya mɨnetsiheyenɨ'a pɨta yanemɨtiyurienenikɨ.

Wani 5:30

Ne nekɨmana 'atsinepɨkatiyɨwe, kenemɨti'ena, mɨpaɨ heitserie nepɨtiyuriene 'itsɨkame hepaɨ neyɨanetɨ, kemɨtiheitseriekɨ nepɨwayuriene nemɨka'ikuwaunekɨ tita mɨnetinake ne, tita mɨtinake 'iya mɨnetsiheyenɨ'a pɨta nemɨkuwaunekɨ.

Tanieri 12:7

»Ne nekanixeiya meta nekani'enieni tewi rinu kamixayari manakatɨkɨ, haa heima muyewiekai, yuheima yumamate hetseraxɨaka hikɨ yakatiniyɨhɨritɨani kemɨ'ane mayeniere yuheyemekɨ hɨxie, mɨpaɨ kaniutayɨni: “Haika wiyari heimana 'ataxewi metseri kaneuyewekani. 'Ikɨ naitɨ katinaye'amɨkɨ kepauka teɨteri memɨpatsie watɨrɨkariya tawariri mɨkaka'unarieni”.

Tanieri 11:3

Hikɨ xewitɨta ti'aitame nanutikemɨkɨ kwinimieme titɨrɨkaɨyetɨ, mɨkɨ katinita'aitamɨkɨ waɨkawa reukemakamekɨ meta yakatiniyurimɨkɨ kemɨtinake.

Tanieri 8:4

»Ne'ixeiyatɨ nekaniyuhayewa kemɨtiwakwinekai tayeta meta tatsutɨa memɨtama. Nixewitɨ yeutanaka me'iwa pɨkayɨwekai meta nixewitɨ pɨkayɨwekai mitawikweiya. Muxa 'uki kemɨtinake yapɨtiyurienekai, matsi waɨkawa tɨrɨkaɨyetɨ kanayeiximekaitɨni.

Tanieri 7:8

»Mexi 'awateya kwinexeiyakai, xewitɨta 'awa 'etsipetɨ watsata kanatineni. Mɨkɨ muwatinekɨ haikatɨ mexɨakate 'awate kanamurariexɨani. 'Awa 'etsimupe tewi hɨxiteya mayatsani hepaɨ katiniyuxexeiyakaitɨni meta teni kanexeiyakaitɨni mutaniukakai tiyukatawe'eriekamekɨ.

Tanieri 4:35

Yunaitɨ kwiepa memɨtama nitixaɨtɨ mepɨkatehɨkɨ hɨxiena. Kakaɨyari yapɨtiyuriene kemɨtinake niuki tuayamete wahetsie meta teɨteri kwiepa memɨtama wahetsie. Pumawe xewitɨ tɨrɨkariyaya hɨxie mukeni meta pumawe titayari mɨya petiyuriene mɨrehɨawe.

Kitsariyaxi 46:10

Ne yanekaniutayɨni tsutɨa paitɨ kepauka tukari maye'ani, meripaitɨ nepɨtikuxata, kemɨtiyɨni. Ne mɨpaɨ nepaine: Ne kenemaineni yapɨtiyɨni, meta kemɨnetinake yanepɨtiyurieni.

Kitsariyaxi 26:20

Neteɨterima nehetsɨa miemete, yukiita xekeneutahaxɨa xeheutahaxɨame xeketeneunama, yaxeketeneuteri xeyu'awietatɨ, haxɨa hanuyeyayuke.

Temaiwawemete 19:21

Tewi waɨkawa puyu'iyaritɨa yu'iyaritsie yamɨtiyurienikɨ, matsi 'imatɨrieka Yawé kemɨtinake yapɨtiyɨni.

Nɨawari 33:10

Nuiwarite kwiepa memɨtama kememɨteyuriku Yawé pɨkawapitɨa memeye'atɨanikɨ, ke'axamemɨteyuriku teɨteri pɨkawapitɨa.

Kutsuhexi 22:22

―Yawé, Kakaɨyari mɨmariwe kakaɨyarixi wahɨxie, yurikɨ, Yawé, Kakaɨyari mɨmariwe kakaɨyarixi wahɨxie, mɨpaɨ pɨtimate kename 'axatekate'uyuri kename te'i'eirikutɨ tekayɨa. Xemetsiere 'ixaheritsixi yunaitɨ mɨpaɨ xeketenemaika. Mexɨka mɨpaɨ ka'aneni, 'aixɨa pɨ'ane xemɨtatsikwini.

2 Tetsarunikatari 2:3

Xepɨkatepitɨaka nɨkahɨrixɨa xewitɨ xe'ukwamana, karikɨ meri hipatɨ Kakaɨyari me'aye'unietɨ mekanakɨnikuni meta matsiɨkɨme kanayuyeitɨamɨkɨ mɨkɨ tewi 'axamɨtiyuruwame, kemɨ'ane mɨka'unarieni.

2 Tetsarunikatari 2:8

'Anakeri, matsiɨkɨtɨ kanayeimɨkɨ 'iya 'axamɨtiyuruwame, mɨkɨ Ti'aitame Ketsutsi kanimiemɨkɨ yu'iyakɨ yuteta miemekɨ meta kanika'unamɨkɨ matsiɨkɨtɨ mayuyeitɨanitsie kepauka munuanitsie.

Matsiɨkɨtɨ kemɨratɨa 13:1

Merikɨtsɨ mana ne'uwetɨ haramara tetsita, yeutanaka nekaniuxeiya haramaratsie 'anatiyeiximeme. Tamamata 'awayari kanexeiyakaitɨni, meta 'atahuta mu'ute, xexuime 'awatetsie kuruna kananamanakaitɨni. Xexuime mu'utetsie pɨra'utɨkatei Kakaɨyari kemɨtitsewixima.

'Etsekieri 35:13

Xemɨnetsiha'iwani hepaɨ xeputiyua 'axaxe'utiyuatɨ nehepaɨtsita, nepɨxe'u'eni.

Tanieri 5:19

Kakaɨyari 'ipitɨaku mɨti'aitanikɨ, hɨxiena yunaitɨ teɨteri mekaniutiyɨyɨakakaitɨni, nuiwarite meta yunaitɨ yɨkɨ memɨte'uniuka. Kemɨ'ane meumiemɨkɨkai puwatakukuyakai, kemɨ'ane mɨreuyehɨwiriemɨkɨkai pɨtiwareuyehɨwiriwakai, kemɨ'ane mariweme mauyeitɨamɨkɨkai mariweme puwarayeitɨwakai, meta xɨka xeime tixaɨtɨ katihɨkɨtɨme heuyeitɨamɨkɨni, mɨkɨ tixaɨtɨ katihɨkɨtɨme payeitɨwakai.

Tanieri 5:20

Peru kepauka 'iyarieya matsi 'axatiuka'iyaritɨ matɨa meta muyuta'ɨrixɨ, ti'aitame 'uwenieya kaniunawaiyarieni, xawatɨriya kemɨrexeiyakai katiniunawaiyarieni,

Tanieri 11:37

Mɨkɨ ti'aitame yututsima meripaitɨ kiekatari wakakaɨyarixi pɨkawarayexeiyani, nitɨma kakaɨyari 'ukarawetsixi memeyexeiya, nixeimetɨma kakaɨyari pɨkahayexeiyani, matsi pɨta mɨkɨ mariweme puyuxatani keyuri mɨkɨ kakaɨyarixi.

Kitsariyaxi 10:5

«Xɨa'ui 'Atsiriya, nehaxɨa kɨyeyari. Nehaxɨa 'iwaɨyɨyari wamamatsie katini'aneni.

Kitsariyaxi 10:23

Karikɨ Ti'aitame, Yawé Naimekɨmɨtɨrɨkaɨye, yakatinaye'atɨamɨkɨ mika'unakɨ kemutayɨ mɨkɨ nuiwari.

Kitsariyaxi 14:14

Nekananutiyeimɨkɨ haiwitɨri yekɨrita paitɨ 'emeutitewatsie, 'Amutewi hepaɨ nekani'anekamɨkɨ».

Kitsariyaxi 30:33

Tupeti meripaitɨri kaniyukuha'aritɨani, ti'aitame hetsiemieme kanihɨkɨtɨni. Teeka kaniwati'inierieni heukatewatɨ 'awatiyeutɨ, waɨkawa tai meta kɨyexi hexeiyame, Yawé 'ihɨtsieyu kanitaimɨkɨ, tai hayari hatɨa muhaneni hepaɨ.

Kitsariyaxi 57:9

Muruki hetsɨa pepanɨtɨa, huriwa hatseitiyari pepeihaniri, witsimu'ɨatɨka 'ahetsiemieme peputimɨiriyaxɨ. 'Ateewa pepɨwarenɨ'a 'anɨ'arima, meta mɨki teukiyata pepuwareukanɨ'a.

'Etsekieri 28:2

«Tewi pemunu'aya, mɨpaɨ ketinayehɨtɨa ti'aitame Tiru kiekame, Yawé naimekɨmɨyɨwe mɨpaɨ kanaineni: »“'Ataɨta pe'uyuta'ɨreka mɨpaɨ peputayɨ: ‘Ne kakaɨyari nepɨhɨkɨ. Haramara 'amatiyewatsie nepɨyeyeika, kakaɨyarixi wa'uwenitsie ne'akaitɨ’. Peru neuxei 'ekɨ pepɨkakakaɨyari, tsepa mɨpaɨ pemɨti'amate. 'Ekɨ tewi pemɨmɨwe xeikɨa pekanihɨkɨtɨni.

Tsakariyaxi 11:16

karikɨ ne xeime muxatsi wahɨweme nekananukakemɨkɨ 'ikɨ kwieyaritsie, mɨkɨ pɨkayu'iyaritɨaka muxatsi memɨkwixime wahetsiemieme, meta pɨkawatiwauni 'etsimemɨpepe, meta pɨkawati'uayemani memɨti'ɨkamɨrike, meta 'aixɨa memɨ'anene pɨkatiwamini, matsi pɨwatikwani kemɨ'ane memɨwaiyatɨka meta wakarutsa panutihɨnaxɨani».