Tanieri 11:33 - Kakaɨyari Niukieya

³³ »”Memɨtemaiwawe yumɨireme mepɨwata'ɨxatsitɨani, peru yapaɨmexɨa 'anuyeyayu 'ixiparakɨ mepɨkwi'iwa, yatɨni mepɨtitaiyarieni, yatɨni 'ateewa mepanuhapanieni xeime kwieyaritsie meta naime yupiinite mepɨtenawaiyarieni.

Tanieri 11:33 ပူးပေါင်းရင်းမြစ်များ

Wani 16:2

Mɨkɨ mepɨkaxepitɨani tukita, metatsiere tukari kanaye'amɨkɨ kepauka yunaitɨ memɨxekwini Kakaɨyari me'ayexeiyakame mepɨyu'erieka.

Mateu 24:9

»'Ana xekaniyetuiyakuni xemɨ'uximatɨariekakɨ meta xemɨkwi'iwakɨ, metatsiere yunaitɨ nuiwarite mekanixe'uxiwe'eriekakuni nehetsɨa xemɨmiemetekɨ.

Marakiyaxi 2:7

»Mawari wewiwame niukieya 'aixɨa mɨti'ane waɨkawa katinexeiyani mɨtimaiwenikɨ, 'ayumieme teɨteri mekanikuwautɨweni mɨwata'ɨxatsitɨanikɨ, karikɨ mɨkɨ Yawé Naimekɨmɨtɨrɨkaɨye niukieya tuayame kanihɨkɨtɨni.

Matsiɨkɨtɨ kemɨratɨa 17:6

Hikɨ mɨkɨ 'ukaratsi nekaniuxeiya tawekame Kakaɨyari teɨterimama waxuriyakɨ, meta mɨkɨ memɨyuhekɨatakai Ketsutsi hetsɨa memiemetetɨtɨ waxuriyakɨ. Hikɨ ne'ixeiyatɨ kwinimieme nekanihɨxiyakaitɨni.

Hepɨrayutsixi 11:34

mekanitɨni tai tsepa mɨtɨrɨkaɨyekai, mekaniutawikweni kutsirakɨ memɨkakwi'iwakɨ, tsepa memuweraranikai meputɨrɨkariyarie, kuyakɨ memɨyɨwawe mekanakɨne, mekaniwaranukuweiya kuyaxi xaɨtsie miemete.

Tanieri 12:10

Yumɨiretɨ 'aixɨa mekani'itɨariekuni meta mekanitaheitseritɨariekuni, meta me'itiyatɨ mekaniyuhayewakuni, peru 'axateyuruwamete yaxeikɨa 'axamekateniyuriekakuni. Mɨkɨ nixewitɨ pɨkaretimaitɨyani, peru memɨtemaiwawe naime mekatenetimaikuni.

Matsiɨkɨtɨ kemɨratɨa 7:14

Ne mɨpaɨ nekatinita'eiya: —Neuxei, matsi 'ekɨ yapepɨtimate. Mɨkɨ mɨpaɨ kanetiniutahɨawe: —Mɨkɨ mekanihɨkɨtɨni memu'axɨa waɨkawa metehekwineka. Yu'ixuriki mekaniuti'ekwa, meta mekanitituriya Muxa Nunutsi mumierie xuriyayakɨ.

Matsiɨkɨtɨ kemɨratɨa 6:9

Hikɨ kepauka Muxa tseyu 'auxɨwirieka mieme maxɨnaxɨa, mawari taiyame hetɨa 'iyarite me'atekame nekaniwaruxeiya, mɨkɨ memukwi'iwaxɨ Kakaɨyari niukieyatsie memɨtewiyakaikɨ, hetsiena metewiyatɨ memɨyuhekɨatakaikɨ.

Matsiɨkɨtɨ kemɨratɨa 2:13

Neri nepɨtimate hakewa pemeka: mana Kauyumarie 'uwenieya pewe hakewa mɨre'aita. Matsi, 'ekɨ pepɨka'aku'imawa yuri peti'erietɨ nehetsie meta pepɨkatiuhayewaxɨ, tsepa mɨkɨ tukaritsie kepauka 'Anɨtipa mɨyuhekɨatakai yatikamietɨ kenemainekai, mɨkɨ nehetsɨa miemetɨtɨ tiukwineka pumierie mɨkɨ kiekaritsie Kauyumarie manuka.

Matsiɨkɨtɨ kemɨratɨa 1:9

Ne, Wani, xe'iwa nepɨhɨkɨ, xehepaɨ nemɨti'uximatɨarie, ketemɨte'aitɨarie tete'uka'eniwatɨ Ketsutsi hetsie teyuxewitɨ, kwie Patɨmuxi mɨrakutewatsie haramara hixɨapa mɨyematsie nekaneyeikakaitɨni Kakaɨyari niukieyatsie nemɨtiwiyakɨ meta Ketsutsi hepaɨtsita netihekɨatatɨ.

2 Timuteu 4:6

Neri mawari nepayeitɨariexime, tukari kanahuraniri nemɨyemiekɨ.

2 Timuteu 1:12

Mɨpaɨ nemɨ'anekɨ, 'ayumieme mɨya nepɨtiuka'eniwa, peru nepɨkanetewiya nemimatekɨ kemɨ'anetsie yuri nemɨtiuta'eri, yuri nekatini'erieka mɨkɨ mɨyɨwekɨ mi'ɨwiyanikɨ tita mɨnetiyetuiri 'iya tukari mexi ka'aye'awe.

1 Kurinitutari 4:9

'Ipaɨ nekatiniku'eriwani, Kakaɨyari pɨtatsi'ukayatsaxɨ tame nɨ'ariekate, 'imatɨremete temɨhɨkɨtɨnikɨ, mɨkɨ memanutaxɨriya mekwi'iwake wahepaɨ temɨ'anenenikɨ. Tetaxeiyarietɨ tekanakɨne kwiepa memɨtama wahɨxie, Kakaɨyari niuki tuayametemama meta teɨteri wahɨxie.

Nɨ'ariekate 14:21

Mana niuki 'aixɨa manuyɨne mekaniwakuxaxatɨwakaitɨni kiekatari, yuwaɨkawame mekateniwa'ɨkitɨakaitɨni. 'Ariketa me'akunuaxɨaka, Ritsitɨratsie, 'Ikuniyutsie meta 'Anutiyukiyatsie meniuyekɨne.

Nɨ'ariekate 11:26

Mana xeiwiyari mepuyuri memɨyutixexeɨriwakai wahamatɨa meyukuxexeɨriwatɨ. Yumɨireme mekateniwa'ɨkitɨakaitɨni, 'Anutiyukiyatsie teyɨ'ɨkitɨwamete “Kɨritsitiyanutsixi” mepɨte'utaterɨwarie matɨari.

Mateu 28:20

xetewa'ɨkitɨatɨ yamemɨtekahunikɨ naime xeme kenemɨtixe'u'aitɨa. Yurikɨ mɨpaɨ xeketenemaika, netsietɨ tukarikɨ xehamatɨa nekaniuyeikamɨkɨ, kepaukake kwie meutipare. Mɨpaɨ xeikɨa kani'aneni.

Mateu 20:23

Ketsutsi mɨpaɨ katiniwarutahɨawe: —Yurikɨtsɨ nehepaɨ xekatenikwinikuni ne kenemɨtikwine. Peru heitserie nepɨkahexeiya nemɨxepitɨanikɨ netserieta ne'utata xemayaxekɨ. Matsi mɨkɨ puwahetsiemieme ne'ukiyari kemɨ'ane wahetsiemieme mikuha'aritɨa.

Mateu 13:11

Mɨkɨ mɨpaɨ katiniwaruta'eiya: —Xeme xekaniupitɨarieni xemimaikakɨ tita mɨti'awietsiekai Kakaɨyari mɨra'aitatsie timieme, peru mɨkɨ mɨpaɨ mepɨkatepitɨarie.

Mateu 10:21

»'Iwamarixi xewitɨ yu'iwa kaniyetuamɨkɨ mɨmierienikɨ, meta nuariekame yuniwe kaniyetuamɨkɨ. Tɨɨri mekaniyeha'akuni yupaapama wahepaɨtsita meta mekatenita'aitakuni memɨkwi'iwakɨ.