Tanieri 11:27 - Kakaɨyari Niukieya

²⁷ Yunaitɨ yuhutatɨ te'aitamete xeimexayaritsie me'utitetɨ, yunaitɨ kememɨteyunanaimani xeikɨa mekateniku'eriwakuni, meteyu'itaiyatɨwetɨ xeikɨa, peru mɨkɨ yakɨ xeikɨa katinayeimɨkɨ, 'akuxi 'imatɨrieka tukari mɨka'aye'awenikɨ.

Tanieri 11:27 ပူးပေါင်းရင်းမြစ်များ

Nɨawari 12:2

Meteyu'itaiyatɨwetɨ xeikɨa 'amekaniu'uwani yunaitɨ, 'aixɨa mete'uxaxatatɨtɨ kwitɨwata 'axamekaniutiyuaneni.

'Awakuki 2:3

Karikɨ kepemɨtiunierixɨ yakatiniyɨmɨkɨ yemekɨ kepauka tukaritsie yamɨtiyɨnikekai, tukari kaniyemieni maye'anikɨ, mɨkɨ tukari pɨkahayewarieni mɨka'aye'anikɨ. Tsepanetɨ 'amɨreɨtewini yakatiyɨwetɨ, keneta'ikwewani, mɨkɨ tukari kanaye'amɨkɨ kahauyewekamekɨ.

Tanieri 11:35

Hipatɨ temaiwawemete mepɨkaxɨriyani, peru mɨkɨ 'inɨatsikakɨ mepɨ'itiyani meta 'aixɨa puwatiyurieni, kepauka tukari maye'anitsie tɨniriya memɨkahexeiyanikɨ. Waɨkawa 'akuxi kaneuyewekani tukari maye'ani.

Nɨawari 64:6

Tita mɨkatiheitserie mepɨteku'eriwa, mɨpaɨ meputiyuane: «Yemekɨ 'aixɨa tepɨteku'eriwa». Yemekɨ pɨkayumatiwanɨa teɨteri wa'iyaritɨarika.

Tanieri 11:40

»”Kepauka tukari maye'ani, ti'aitame tatsutɨa kiekame tayeta kiekame kanitamiemɨkɨ, matsi mɨkɨta kanitamiemɨkɨ kaxetate kuyaxa miemete meta kawayutsixi metatsiere kanuwate kuyaxa miemete wakuha'aritɨame. Yumɨireme nuiwarite kaniwaka'unamɨkɨ, wahetsɨa kaninuamɨkɨ haa teɨteri mɨwahautsitɨwa hepaɨ.

Tanieri 8:19

mɨpaɨ netikɨhɨawetɨ: “Nekamanitahekɨatɨamɨkɨ kemɨtiyɨni 'imatɨrieka tukari kepauka Kakaɨyari haxɨaya maye'ani, karikɨ 'imatɨrieka tukari kanaye'amɨkɨ kepauka mɨka'inɨari.

Temaiwawemete 26:23

Kwitame pɨratakɨ muwewiya haxu xariyari hetsie muyeka, tewi mɨpaɨ kani'aneni yu'iyaritsie mɨtihɨniya 'axamɨti'ane.

Temaiwawemete 12:20

Kemɨ'ane 'axamemɨteyurie wa'iyaritsie kwamanarika puxuawe, matsi kemɨ'ane 'aixɨa 'iyari temu'uwanikɨ mɨtikuxata mɨkɨ temawierika pexeiya.

Nɨawari 58:2

Matsi pɨta wa'atɨ, yu'iyaritsie kemɨkatiheitserie xeteku'eriwa, meta xenanaimarika mɨkɨ kwieyaritsie kanihekɨaka.

Nɨawari 52:1

¿Titayari 'axamɨti'anetsie pereu'ayetuika, tewi pemɨtɨrɨkaɨye? Kakaɨyari naki'eriyaya yuheyemekɨ yakatineuyuhaneni.

1 Tetsarunikatari 5:1

'Iwamarixi, witarite tukarite hepaɨtsita tixaɨ xepɨkateheuyehɨwa xemɨteta'utɨiyarienikɨ,

Nɨ'ariekate 17:31

Xeime tukari pukaye mɨwa'inɨatanikɨ kwiepa memɨtama heitseriemekɨ yɨanetɨ, 'iya 'uki manuyexei yatiyurienekaku. Kakaɨyari yurikɨ niwarutahekɨatɨani yunaime, 'enukuketɨaka mɨkɨ mɨkite watsata».

Nɨ'ariekate 1:7

Ketsutsi mɨpaɨ katiniwarutahɨawe: —Xeme xehetsie pɨkatinake xemɨtemaikakɨ kepauka tukari mɨtinake. Ne'ukiyari xeikɨa yakatini'aitani.

Tanieri 11:29

»”'Aye'ayu tukari, ti'aitame tayeta kiekame, ti'aitame tatsutɨa kiekame kanitamiemɨkɨ tawarita, peru 'ana yaxeikɨari pɨkatiyɨni,

Tanieri 10:1

Hairieka wiyaritsie Tsiru ti'aitakaku Peritsiya kiekame, Tanieri hɨxie matsiɨkɨtɨ katinayani kuyaxi meyumɨireme kaniwaruxeiya. Mɨkɨ kemɨtiunieritɨarie puyuritɨkai, Tanieri meta mɨkɨtɨtɨ mɨtitewakaitsiere Werititsatsaxi, kaneitimaitɨyani kehapaɨtɨtɨ manuyɨnekai kemɨtiunierixɨ.

'Etsekieri 17:9

»Mɨpaɨ ketiniwaraye'eritɨa: Yawé mɨpaɨ kanaineni: »Mɨkɨ kaxie pɨkakaxuawere. Kwixɨ nanarimakame pahuna. 'Ikwaxi pɨka'inɨni, kaxie nanayari pɨtayɨnare. Huu, yɨrariyari pɨtiwani. Pɨkaheuyeweka mamá tɨrɨkaɨyetɨ meta teɨteri meyumɨiretɨ memehunakɨ naime.

Temaiwawemete 19:21

Tewi waɨkawa puyu'iyaritɨa yu'iyaritsie yamɨtiyurienikɨ, matsi 'imatɨrieka Yawé kemɨtinake yapɨtiyɨni.

Nɨawari 62:9

Mɨkɨ teɨteri 'eka hepaɨ mekani'aneni, kemɨ'ane tixaɨtɨ memɨkatehayuyeitɨa, teɨteri memamariwaweme memayuyeitɨa 'itarika mepɨhɨkɨ, yunaime mɨkɨ xɨka waranuyewieni, yunaitɨ mɨkɨ mepɨkahahete.

2 Tsamuheri 13:26

Hikɨ 'Awitsaruni mɨpaɨ katinitahɨawe: —'Ekɨri ti'aitame pemɨkamiekɨ, ¿'aixɨa katiyɨnikeyu ne'iwa 'Aminuni xɨka heuyanike mɨtatsiheteɨtakɨ? Ti'aitame mɨpaɨ katinita'iwawiya: —¿Titayarikuta 'ahamatɨa mɨmiekɨ pereiyehɨwa?

Tanieri 11:28

Ti'aitame tayeta kiekame yukwieyaritsie kanakunuamɨkɨ waɨkawa piinite rexeiyatɨ, peru 'akuxi meri tuki mɨpatsie 'axakaniyurimɨkɨ, kemɨtiku'eriwakai yakatiniyurimɨkɨ, 'anake yukwieyaritsie kanakunuamɨkɨ.

Tanieri 8:17

»Kepauka Kɨrawieri ne'aurie mutake, waɨkawa nekaniutimani netunuma nekaniukaweni. Peru mɨkɨ mɨpaɨ kanetiniutahɨawe: “Tewi, mɨpaɨ ketinemaika, 'ikɨ mɨya pemɨtiunierixɨ 'imatɨrieka tukari hepaɨtsita kanimiemetɨni”.