Tanieri 11:24 - Kakaɨyari Niukieya

²⁴ Kepauka kwie mukumane waɨkawa mɨxikutsixi 'atsimemɨkateha'eriwani, kaniwatakwimɨkɨ, paapamama meta teukarimama kememɨkate'uyuri katiniyurimɨkɨ. Katiniwatapitɨamɨkɨ yuteɨterima piinite tita memɨte'u'axixɨ tita memɨteha'iwaxɨ meyukwitɨwetɨ, meta katinitixatamɨkɨ kiekarite kuraruyari 'amatitɨtɨ memɨwatakwinikɨ. »”Peru mɨkɨ waɨkawa tukari pɨkayurieni.

Tanieri 11:24 ပူးပေါင်းရင်းမြစ်များ

Mateu 9:4

Ketsutsi wa'iyaritɨarika maitɨ, mɨpaɨ katiniwarutahɨawe: ―¿Titayari 'axaxeteyukɨhɨawe yu'iyaritsie?

Tanieri 7:25

Kakaɨyari 'Amutewi hepaɨtsita kaneuniumɨkɨ memɨpatsie hetsɨana miemete kaniwa'uximatɨamɨkɨ, katinipataxɨamɨkɨ tita 'ixɨarari mɨratineika meta 'aitsika niukiyari, meta memɨpatsie katiniwata'aitɨamɨkɨ haika wiyari heimana 'ataxewime metseri.

'Etsekieri 38:10

»”Yawé naimekɨmɨyɨwe mɨpaɨ kanaineni: 'Uxa'atɨni warie yɨkɨ pepɨti'erieni meta pewaraye'unietɨ 'axa'anemekɨ.

Temaiwawemete 23:7

mɨkɨ kanihɨkɨtɨni 'axatiyukɨhɨawetɨ mumatsi'inie, mɨpaɨ kanitayɨmɨkɨ «ketinekwaka ketine'ieka», matsi 'iyarieya yaka'anekaku pumatikɨhɨawe.

Temaiwawemete 19:6

Xikutsixi waɨkawa hamikutsixi mekaniwareuxeiyani, yunaitɨ teɨteri mekaniwatemawikuni 'etsiwa 'imikierikɨ.

Temaiwawemete 17:8

Kemɨ'ane tumini mɨwata'ɨitɨwa 'awie yamemɨteyurienikɨ hipatɨ kemɨtinake, mɨkɨ 'itsɨ mariweme makwe'e puyu'erie, matsi mɨkɨ kemɨtiyuriene naitɨ yapɨtikɨyɨne.

Nehemiyaxi 9:25

Kiekarite kuraruyari 'amatitetewa mepɨwara'iwaxɨ meta kwie 'aixɨa mɨ'anene, kiite yukii mepayeitɨaxɨa piinitɨarika tihɨpɨneme, meta putsute muyewawaki, kaxie haraweriyarite meta huriwu, metatsiere waɨkawa 'iteɨrite 'ikwaxi mɨrexeiyatɨka. Meteniutikwani meta meniutihuxani metatsiere meniutiwaiyata, mepɨteha'inɨataxɨ waɨkawa ke'aixɨa pemɨwaruyuri.

'Itsɨkate 9:4

Mekani'ɨitɨani pɨrata tuminiyari haika tewiyari heimana tamamata Wahari-Weriti kiita mieme, mɨkɨkɨ 'Awimereki hipame 'axamemɨte'u'iyari kaniwaruta'inieni memiparewienikɨ.

'Inɨatsie 13:20

Kwie xekenexeiya xɨka 'aixɨa rexuaweriyani yatɨ hawaikɨ, xɨka kɨyexi hexuaweni yatɨ pɨremawe. Hikɨ xekenehu xekamamatɨ. Tixaɨtɨ 'ikwaxi xekateni'atuakuni muwa timieme». Mɨkɨ tukaritsie kaxie takari matɨari mieme matikwakwaxetsie mekaniyɨakaitɨni.

'Etsekieri 34:14

'Ɨxa waɨkawa maxuawetsie nepɨwatahɨni, wakii hɨri 'amutitɨtɨtsie 'Ixaheri kwieyaritsie puxuaweni. Mana mepɨka'uxipieni 'aixɨa 'anekɨa mehɨrietɨ meta 'ɨxa 'aixɨa mɨ'anene mepɨtikwani 'ixaheri hɨriyaritsie.

Tanieri 11:23

Katiniwa'itaiyamɨkɨ kemɨ'ane hamatɨana tɨratu memɨwewieni, meta 'etsimeyupaɨmeme teɨteri warexeiyatɨ pɨrayu'i'iwani.