Tanieri 11:22 - Kakaɨyari Niukieya

²² Kaniwara'iwamɨkɨ yunaime kemɨ'ane memitamieni, metatsiere ti'aitame hamatɨana tɨratu muwewiekai.

Tanieri 11:22 ပူးပေါင်းရင်းမြစ်များ

Tanieri 11:10

Hikɨ niwemama mekaniyukuha'aritɨakuni memɨyukwiyukɨ, kuyaxi meyumɨireme mekaniwakuxeɨrikuni, haa waɨkawa muwayeneka hepaɨ, naime meteye'unarɨmetɨ mekaniyekɨnikuni kiekari kuraruyari 'ematitewatsie mekaniye'axɨakuni.

Tanieri 9:26

haika tewiyari heimana huta tsemanayari 'anukayayu, 'ana ti'aitame manayexeiyarie tukarieya kaninawaiyariemɨkɨ. Mɨkɨ karekakiekaritɨ kaniyuhayewamɨkɨ meta tuki muyepatsie kahexeiyatɨ, karikɨ xewitɨ ti'aitame kananutikemɨkɨ mɨkɨ kanika'unamɨkɨ. 'Imatɨrieka tukari pɨkatixemaritɨani, wiyeri mɨtiyuhautsitɨwa hepaɨ, mekwi'iwatɨ pɨkatihayewarieni kepaukake kuyaxa meutipare.

Tanieri 8:25

'Itarikakɨ ti'ɨkitame kanayeimɨkɨ, mariweme kaniyu'eriekamɨkɨ. Yumɨireme teɨteri kaniwaka'unamɨkɨ 'atsimekate'anuyekɨneke memɨyu'eriekai meta te'aitamete Tiwa'aitɨwame kanitamiemɨkɨ, peru kanika'unariemɨkɨ tewi tɨrɨkariyayakɨ pɨkatixaɨ.

Nahumi 1:8

Peru Niniwe kanika'unamɨkɨ kaniwatihautsitɨamɨkɨ waɨkawa mekaneuyewekuni, tsepa makuyɨwitsie mɨwaraye'unie kaniwaranukuweiyamɨkɨ.

'Amuxi 9:5

Yawé naimekɨmɨyɨwe, Naimekɨmɨtɨrɨkaɨye, kwie kanikumaɨwani, mɨkɨ kaneukupenikeni. Kanitiyeikani meta kanikayeikani kwie Niru hayari hepaɨ, 'Ekipitu muyeka, meta mana memɨteye'uwa meyuhiwerietɨ mekanakɨkani.

'Amuxi 8:8

»'Ikɨ naimekɨ kwie kaniwatayuamɨkɨ. Mana kiekatari mekanitinutuixiekuni. Kwie kanitiyeimɨkɨ Niru hayari hepaɨ, kaniwatayuamɨkɨ meta kanikayeimɨkɨ, 'Ekipitu hatɨayari hepaɨ.

Kitsariyaxi 28:15

Xeme mɨpaɨ xemutiyuane: «Tɨratu tepuwewi mɨki hamatɨa, mɨki teukiyapa hamatɨa tɨratu tepuwewi. Kepauka 'uximatɨarika munuani, pɨkayɨwe mɨkatatsi'axekɨ, tame tita mɨti'itarika tahetsie nunuwame temayeitɨakɨ meta tita kwamanarika mɨtihɨkɨ tatsi'awiwietame».

Tanieri 11:23

Katiniwa'itaiyamɨkɨ kemɨ'ane hamatɨana tɨratu memɨwewieni, meta 'etsimeyupaɨmeme teɨteri warexeiyatɨ pɨrayu'i'iwani.