Tanieri 10:11 - Kakaɨyari Niukieya

¹¹ meta mɨpaɨ kanetiniutahɨawe: “Tanieri, kenanukukexi 'ahetsɨa nekaneyenɨ'arieni. Kakaɨyari mɨmetsinaki'erie pekanihɨkɨtɨni, 'ayumieme keneneu'eni kenemɨmetitahɨawe”. »Kepauka 'iya tewi mɨnetsi'utahɨawixɨ, 'anekaniutakeni ne'uyɨyɨakatɨ.

Tanieri 10:11 ပူးပေါင်းရင်းမြစ်များ

Nɨ'ariekate 26:16

Hikɨri kenanukukexi, meta keneneu'eni. 'Ayumieme hikɨ nepɨnehekɨataxɨ 'ahɨxie, pemanayexeiyariekɨ ti'uximayatame pemayanikɨ, meta pemɨtihekɨatanikɨ nehetsiemieme kepemɨnetiuxei meta kenemɨmatitahekɨatɨani 'akuxi.

Marikuxi 16:8

Hikɨ teukiyapa mewayekɨneka mekaniyuta'una, me'utiyɨyɨakatɨ meta memamatɨ. Xeimetɨma 'atsimepɨkate'utahɨawixɨ memɨmamakaikɨ.

'Etsekieri 2:1

Mɨkɨ niuki mɨpaɨ kanetiniutahɨawe: «Tewi pemunu'aya keneutakexi, nekamatinitaxatɨamɨkɨ».

Nɨ'ariekate 9:6

Tsauru 'uyɨyɨakatɨ matɨ mɨpaɨ kaniutayɨni: —Ti'aitame, tita matinake yanemɨtiyurieni. Ti'aitame rehɨawe: —Hikɨ kenanukukexi, kiekaritsie keneutahaki. Manari yapepɨretahɨawarieni kemɨreuyewetse yapemɨtiyurienenikɨ.

Wani 21:20

Pekuru ta'aurie 'aweka tiyɨ'ɨkitɨwame Ketsutsi minaki'eriekai kaniuxeiya waruweiyakame, mɨkɨ memɨte'ukwaitsie 'auriena mukatei mɨpaɨ mɨtitahɨawixɨ: «Ti'aitame, ¿kepaikɨ pɨmatsiyetuani?»

Wani 13:23

Xewitɨ tiyɨ'ɨkitɨwame Ketsutsi 'aurie kaniukateitɨni Ketsutsi minaki'eriekai.

Tanieri 10:19

kepauka mɨpaɨ mɨnetikɨhɨawekai: “Kayuwatɨ pekehexeiyani, tewi Kakaɨyari waɨkawa mɨmatsinaki'erie. Keneutatɨrɨkaxɨa, pepɨkaheumaka”. »Mexi mɨkɨ netikuxaxatɨwakai, ne nekaniutatɨrɨkaxɨani hikɨ mɨpaɨ nekatinitahɨawe: “'Ari pepɨnetsi'utatɨrɨkariyaxɨ, neti'aitɨwame, kenetineutaxatɨa”.

Tanieri 10:3

'Ana tukariyaritsie nepɨkatikwakai witsiti'aneme, wai nepɨkakwakai meta winu, metatsiere witsimɨtiu'ɨatɨka nepɨkanetawiri.

Nɨawari 45:11

Ti'aitame witsikepemɨti'ɨimari kamenihiwe'erieka, mɨkɨ meti'aitɨwame kanihɨkɨtɨni, hɨxiena kenanakatutsita.

Kuwi 37:1

»'Ari 'ena ne'atimietɨ nepuma, ne'iyari putɨrarɨka, wa'atɨri ne'iyari pɨrewatiyeixime.

Kwikari 7:10

Ne 'uki neminaki'erie hetsiemieme nepɨhɨkɨ, kanenikuwauneni waɨkawa netsihaunaki'erietɨ.

'Etsekieri 14:14

Xɨka mana Nuhexi meta Tanieri metatsiere Kuwi mɨkɨ kwieyaritsie metitenike, mɨkɨ xeikɨa mepɨtawikwenikekai heitserie memexeiyakɨ. Ne Yawé naimekɨmɨyɨwe mɨpaɨ nekanaineni.