Tanieri 1:2 - Kakaɨyari Niukieya

² Ti'aitame muyuawitsie makawe, Nawukurunutsuxi kaniupitɨani Kuhatsimi ma'iwakɨ meta miwiyakɨ. He'iwaka, Kakaɨyari tukieyata timieme piinite katinepinita yatipaɨmeme, Nawukurunutsuxi Wawiruniyatsie katinetɨni, mana yukakaɨyarixi watukita katineutapini.

Tanieri 1:2 ပူးပေါင်းရင်းမြစ်များ

2 Kemɨtiuyɨ 36:7

Metatsiere, Nawukurunutsuxi Yawé tukieyata timieme piinite katinetɨni Wawiruniya paitɨ, hikɨ yutukita katineutapini Wawiruniya paitɨ.

Tsakariyaxi 5:11

Mɨkɨ mɨpaɨ kanetiniuta'eiya: «Wawiruniya paitɨ mekaneihana, tuki muwa metawewiyarienikɨ. Kepauka tuki menɨrieni, muwa ti'inɨnɨatame peutayerieni, 'ɨkayari hetawewiyame mana peuyeyerieni».

'Itsɨkate 4:2

Hikɨ Yawé kaniwayetuani Kawini hetsɨa, Kanani kwieyaritsie ti'aitame hetsɨa, Katsuxi 'ukaitɨ pɨti'aitakai. Kuyaximama wa'ukiyari kanihɨkɨtɨkaitɨni Tsitsara, Karutseti-Kuhimi mukatei.

'Itsɨkate 3:8

Yawé waɨkawa kaniuyeha'ani 'ixaheritsixi wahekɨ, kaniwayetuani ti'aitame Kutsani-Xitsatahini hetsɨa, Metsuputamiya mɨti'aitakai, 'atahaika wiyari mekateniuta'uximayatsitɨarieni.

'Itsɨkate 2:14

Hikɨ Yawé kaniuyeha'ani 'ixaheritsixi wahekɨ, kaniwarupitɨani memɨwaraye'unie wapiinite memɨtewanawatsirietɨwenikɨ. Niwayetuani waneɨkixiwima wahetsɨa wa'aurie memutetɨkatei meripaitɨ memɨkawara'iwaxɨ.

Hutarieka 'inɨari 32:30

Tewi pɨkayɨwe yuxaɨta xeimiriyari mɨwara'iwa xɨka teteya ka'ituanike. Yuhutatɨ tamamata miriyari memɨwataweiyakɨ mepɨkayɨwawe xɨka Yawé kawayetuanike.

Tsutɨarika 11:2

Hikɨ mehekɨneka tau manatineika hepatsie, mekanitaxeiya hakuwerime Tsinaxi kwieyaritsie, mana mekanikuyaxe.

Tsutɨarika 10:10

Kiekarieya 'amɨtimamariwawekai mɨra'aitakaitsie kanihɨkɨtɨkaitɨni Waweri, 'Ereki, 'Akari, meta Karine, Tsinaxi kwieyaritsie.

'Awakuki 1:16

'Ayumieme wawiruniyutsixi yu'ixiparate yukakaɨyari mekanayeitɨwani, meta mekaniwarayexeiyani. 'Ixiparate waparewiekaku waɨkawa xikutsixi mekanayexɨrieni.

Tanieri 5:18

»Kakaɨyari 'Amutewi 'apaapa Nawukurunutsuxi kaniupitɨani, mɨmariwenikɨ, xawatɨriya mexeiyanikɨ, mɨti'aitanikɨ 'aixɨa rahɨawarɨwatɨ.

Keremiyaxi 51:44

Weri kakaɨyariyari wawiruniya mieme nekatinikwinitɨamɨkɨ, tita mɨtiutikwai mihayanikɨ yanekatiniyurimɨkɨ. Nuiwariteri hetsɨana tawari mepɨka'axɨani, meta Wawiruniya kuraruyari 'a'uwetɨri pɨkahayewarieni.

Kitsariyaxi 11:11

'Iya tukaritsie Yawé tawarita yumamá kaneutatseramɨkɨ yuteɨterimama memuyuhayewatɨwe muwakuxeɨrienikɨ, 'Atsiriyatsie memuyuhayewaxɨ, 'Ekipitu, Paturutsi meta Kutsi, 'Erami, Tsinaxi meta Kamati, meta haramara hatetsitayari 'ametetewatsie.

'Etsitɨraxi 1:7

Metatsiere, ti'aitame Tsiru, katiniuta'aita mɨrewayetɨkienikɨ piinite Nawukurunutsuxi mɨrewayetɨkai Yawé tukita Kerutsareme, hikɨ mɨkɨ yukakaɨyari tukita pɨta katineutapikaitɨni.

1 Tsamuheri 5:2

kakaɨyari muwewiya Rakuhuni hetɨa mekaniteni memeyexeiyanikɨ mɨkɨ tukita.

Kitsariyaxi 42:24

¿Kemɨ'ane Kakuwu pɨyetua mɨtinawaiyarienikɨ yupiinite yatɨni kemɨ'ane 'Ixaheri pɨyetua mɨtinawatsiyarienikɨ? Yawé kanihɨkɨtɨni kemɨ'ane hetsiena mieme teɨterimama 'axamemɨte'uyuri. Huyeya mepɨka'anukuwei meta 'aitsikaya mepɨka'anu'eni.

2 Te'aitamete 24:1

Hikɨ Kuhatsimi ti'aitakaku, Nawukurunutsuxi Wawiruniya kwieyaritsie ti'aitame kaninuani kanitamieni, hikɨ waɨriyarika katini'uximayatsiriekaitɨni haika wiyari, hikɨ 'arike 'eye'unietɨ kanayani.

Keremiyaxi 25:1

'Ikɨ niuki kanihɨkɨtɨni Keremiyaxi kemɨtiutahɨawarie yunaitɨ Kura kiekatari wahepaɨtsita. Mɨpaɨ katiniutahɨawarieni naurieka wiyari Kuhatsimi Kutsiyaxi nu'aya ti'aitakaku Kura kwieyaritsie, tatsɨari mexɨakame wiyari ti'aitakaku Nawukurunutsuxi, ti'aitame Wawiruniya kwieyaritsie.

Keremiyaxi 27:16

Yaxeikɨatsiere nekatiniwarutaxatɨani mawari wewiwamete meta yunaime teɨteri mɨpaɨ nekatiniwarutahɨawe Yawé mɨpaɨ kanaineni: »Xepɨkawa'enieka Kakaɨyari niukametemama mɨpaɨ memɨtexekɨhɨawe kename kwitɨwa rakunuitɨarieni piinite Yawé tukita timieme Wawiruniya mɨretɨkie. Mɨkɨ mekateniku'itawani xeikɨa.

Keremiyaxi 28:3

Huta wiyari 'anuyeyayu tinaime 'ena nekatini'atɨamɨkɨ Yawé tukita timieme Nawukurunutsuxi mɨretɨ Wawiruniya paitɨ.

Keremiyaxi 35:11

Peru kepauka Nawukurunutsuxi Wawiruniya kwieyaritsie ti'aitame 'ikɨ kwieyari mutami, 'ana mɨpaɨ teputiyua: “Hikɨmɨtɨka Kerutsareme paitɨ tepɨyehu, tepɨtata'una, kuyaxi wawiruniyutsixi meta tsiriyutsixi wahekɨ”. 'Ayumieme hikɨ Kerutsareme tepɨtitei».

Keremiyaxi 50:2

«Xeketeniwarutaxatɨa yunaime nuiwarite kwiepa memɨtama. Xekeneutihiwani xe'ikuxatatɨ, patera xe'anuwietɨ. Tixaɨtɨ xepɨkate'anukanaka, matsi mɨpaɨ xekeneutiyuaneni: “Wawiruniya kana'iwarieni. Weri kaniyutitewiyamɨkɨ. Maxiruki kanitimurariexɨamɨkɨ 'etsipepetɨ. Kakaɨyarixi memɨwewiyatɨka meta wa'ɨkiyarite mekaniutimurarieni tixaɨtɨ mepɨkatehayeitɨarie”.

Tanieri 5:13

Tanieri ti'aitame hɨxie kani'atɨarieni, mɨkɨ mɨpaɨ katinita'iwawiya: ―¿Kamɨtsɨ 'ekɨ Tanieri petihɨkɨ waniu, Kura kwieyaritsie nepaapa mɨxeheyehapa?

2 Kemɨtiuyɨ 36:5

Hikɨ Kuhatsimi kepauka mitsutɨa ti'aitatɨ xeitewiyari heimana 'auxɨwi wiyari pexeiyakai, meta Kerutsareme 'ukaitɨ pɨtiuta'aitaxɨ tamamata heimana xewi wiyari, peru Yawé yukakaɨyari kemɨkatinake katiniuyurieni.