Tanieri 1:15 - Kakaɨyari Niukieya

¹⁵ Haye'aku kepauka mɨwarutipiniriekai, 'ikɨ temari 'aixɨa mekateniyuxexeiyakaitɨni 'aixɨa memɨtekwaka hepaɨ, keyuri hipatɨ 'aixɨa ti'anekame memɨte'utikwa'akai.

Tanieri 1:15 ပူးပေါင်းရင်းမြစ်များ

Memeyekɨ 23:25

»Nenewieri kenepitɨaka Yawé 'akakaɨyari, mɨkɨ 'aixɨa piyurieni 'a'ikwai meta 'ahaa. »Ne naime kwiniya xehetsie nepɨkapitɨani.

Mateu 4:4

Ketsutsi mɨpaɨ katinita'eiya: ―'Utɨarika mɨpaɨ kanaineni: “Tewi paakɨ xeikɨa pɨka'ayeniereni, Kakaɨyari kemutayɨ, niukieya naitɨ peuyewetseta”.

Temaiwawemete 10:22

Yawé hetsɨa katinayeneikani waɨkawa mɨrexeiyanikɨ, yu'iyaritɨatɨ tixaɨtɨ pɨkara'iwa.

Marakiyaxi 2:2

Xɨka xekanetsihanu'enieni meta xɨka xekayuwaɨriya mariweme xemɨnetsi'ayeitɨani, xehetsɨa 'axamɨ'ane nepanunɨ'ani, ke'aixɨa nemɨxeyuriekai nepipata 'axanepɨxeyurieka. 'Ari matsi 'axanekanixe'uyurieni, xeme heitseriemekɨ xemɨkanetsi'ayexeiyakɨ —Yawé Naimekɨmɨtɨrɨkaɨye mɨpaɨ kanaineni—.

'Akehuxi 1:9

»Xeme waɨkawa xekatenitakwewieka, peru 'etsiwa xeikɨa xepuka'itsana, tita yukiita xemɨte'uti'uta, ne xeihɨtsieriyarikɨ nekanikumaweriyani. ¿Ketitayari? Netuki 'unitɨ 'amuwekɨ, mexi xeme yuhetsiemieme xeikɨa xetekuwautɨwe —mɨpaɨ kanaineni Yawé Naimekɨmɨtɨrɨkaɨye—.

'Akehuxi 1:6

»Xeme waɨkawa xekaniuka'etsani, peru 'etsiwa xekaniuka'itsanani, xekateniutikwa'ani, peru xepɨka'utihuxarɨwe, xekatenanuye'eni, peru xepɨkahuxaiwawe, xepuyukemaritɨa, peru yaxeikɨa xepɨyexerikwitɨwe, meta ti'iwame tuminieya yapɨreuyeika kuxitari matsani hepaɨ».

Nɨawari 37:16

'Aixɨa pɨ'ane kemɨ'ane 'aixɨa mɨtiuka'iyari 'etsiwa xeikɨa rexeiyatɨ, keyuri 'axateyuruwamete waɨkawa kememɨtehexeiya,

Tanieri 1:14

Tihɨweme yakatiniutanaki'erieni kemɨtitahɨawixɨ meta tamamata tukari kaniwaruta'inɨata.