Piriputari 3:20 - Kakaɨyari Niukieya

²⁰ Tame pɨta muyuawitsie tekanikiekataritɨni, 'ayumieme tekanikwewieka tatsiwikweitsitɨwame Ti'aitame Ketsutsi Kɨritsitu 'umamiekɨ.

Piriputari 3:20 ပူးပေါင်းရင်းမြစ်များ

'Epetsutari 2:19

Hikɨrixɨa 'ayumieme xaɨtsie xepɨkakiekatari, kɨkamete xepɨkahɨkɨ. Matsi Kakaɨyari teɨterimama wahamatɨa heitserie xepexeiya, Kakaɨyari kie xepɨkiekatari.

2 Kurinitutari 4:18

Peru tepɨkatekuwautɨwe tita temɨtexeiya, tita temɨkatexeiyawawe pɨta tekanikuwautɨweni. Tita temɨtexeiya 'apɨkatiteriwe, tita temɨkatexeiyawawe pɨta yuheyemekɨ 'apɨtiteriwe.

Hepɨrayutsixi 12:22

Xeme matsi xepu'axɨa Tsiyuni yemuriyari hakewa mewe, Kakaɨyari mayeniere kiekariena, Kerutsareme taheima mieme hakewa maniere, yumɨireme wahetsɨa xepu'axɨa, taheima miemete niuki tuayamete wa'ixɨararipa,

Kurutsetari 1:5

mɨpaɨ xekateniyurieka 'amuwekɨ tita xehetsiemieme mɨti'ɨwiyarie taheima, yaxete'ikwewietɨ. Xeme meripai xekaniu'enanani kemɨti'ɨwiyarie, kuxaxatsiwakaku niuki 'aixɨa manuyɨne kemɨtiyuri,

'Epetsutari 2:6

Hamatɨana katananuku'uitɨani, kataniukayatsa muyuawitsie Kɨritsitu Ketsutsi hetsie tetewiyakaku.

2 Kurinitutari 5:8

'Ayumieme ta'iyari tepukayetsa, tepɨtawaɨriya matsi temiku'eirienikɨ tawaiyari, Ti'aitame hetsɨa pɨta teme'uwanikɨ.

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

1 Tetsarunikatari 1:10

xemikwewiekakɨ Nu'aya taheima makaneni, Kakaɨyari yuniwe manukuketɨa mɨkite watsata, Ketsutsi kanihɨkɨtɨni kemɨ'ane mɨtatsi'utawikweitsitɨa haxɨa maye'axime mɨkatatsi'axekɨ.

Hepɨrayutsixi 9:28

Yaxeikɨata Kɨritsitu mekanixeiyakuni mɨkɨ memikwewie, kaniwatawikweitsitɨamɨkɨ. Kemɨ'ane xeimieme mawari mayeitɨarie hetsiena mɨtiuhɨiwanikɨ tita 'axamemɨte'uyuri yuwaɨkawatɨ, mɨkɨ 'arike mekanixeiyakuni tita 'axamɨti'ane kaxuawekaku.

Karatsiyatari 4:26

Xewitɨ pɨta Kerutsareme taheima mieme, mɨkɨ muyɨnɨ'a kanihɨkɨtɨni, tame kanitamaamatɨni.

Titu 2:13

meta temikwewiekakɨ kemɨ'ane yemekɨ mɨtatsitemawieritɨani. Hikɨ tepikwewie, matsiɨkɨtɨ mayanikɨ witsi'anetɨ kemɨ'ane Kakaɨyari mɨhɨkɨ mɨmariwe tatsiwikweitsitɨwame Kɨritsitu Ketsutsi hɨkɨtɨtɨ.

1 Kurinitutari 1:7

'Ayumieme naime xekatenikumikiwani, tixaɨtɨ pɨkareuyewetse mexi xe'ikwewie Tati'aitɨwame Ketsutsi Kɨritsitu, matsiɨkɨtɨ mayeitɨarienike.

Nɨ'ariekate 1:11

Mɨkɨ mɨpaɨ mekateniwarutahɨawe: —Karereyutari, ¿titayari mana xeteti'u muyuawitsie xeheutinenieretɨ? Mɨkɨ Ketsutsi xetsata 'uwetɨ manutiwitɨkie, kexemɨte'ixei muyuawitsie heutimieme, yaxeikɨata tiyuxexeiyatɨ kaninuamɨkɨ.

Mateu 19:21

Ketsutsi mɨpaɨ katinitahɨawe: —Xɨka pe'awaɨriyani naimekɨ yapemɨtikamienikɨ, kenemie ketinetua 'apiini, ketiniwarumikwa tixaɨtɨ memɨkatehexeiya, mɨpaɨ petiyurieme waɨkawa perexeiyatɨ pepayani taheima. 'Ana kenaye'a nehetsie ketineuwiya.

1 Tetsarunikatari 4:16

Mɨkɨ Ti'aitame taheima pakaneni 'utaniutɨ ti'aitatɨ, niuki tuayamete tiwa'aitɨwame 'utaniukakaku, Kakaɨyari kuxinetaya hɨtsiriekaku, mɨkɨ memeukutsixɨa Kɨritsitu hetsie metewiyatɨ mekananuku'uikuni meri.

Rukaxi 14:14

Mɨkɨ tixaɨtɨ mepɨkatehexeiya kɨmana tawarita memɨmate'apiniriekakɨ, mɨpaɨ petiyurienetɨ 'aixɨa pekani'itɨariekamɨkɨ, tawari pepɨrapiniyarieka kepauka memanuku'uni mɨkɨ heitseriemekɨ yamemɨtekahu.

Matsiɨkɨtɨ kemɨratɨa 1:7

Kamɨ, haitsata pakaneni. Yunaitɨ yuhɨxikɨ mekanixeiyakuni, meta yunaitɨ memeititseixɨa mekanixeiyakuni, mekaniyutiheiweriekuni me'ixeiyatɨ yunaitɨ nuiwarite kwiepa memɨtama. Mɨpaɨ katiniyɨmɨkɨ. Mɨpaɨ xeikɨa kani'aneni.

Temaiwawemete 15:24

Mɨtimaiwe tukari huyeyari taheima meutiyune 'utɨa pumie, mɨki teukiyapa meukahɨiyanikɨ puyutawikweitsitɨwa.

Piriputari 1:10

xemɨyɨwawenikɨ xemipatanikɨ 'aixɨa mɨti'ane meta 'axamɨti'ane kexemɨte'imate. Mɨpaɨ xeteyuriekaku, kepauka Kɨritsitu munuani kanimatsiɨkɨkamɨkɨ kexemɨkatetsewiximarieka, xehetsie karahɨiwakaku,

Nɨawari 17:15

Peru ne matsi heitseriekamekɨ 'ahɨxie nepumatsihexeiya. 'Ahɨxie kepauka nemanutaniere nematsihexeiyatsie mɨkɨkɨri ne'iyari 'aixɨa peyɨni.

Nɨawari 16:11

Pepɨnetsi'uxeitsitɨa huye tukari nemexeiyanikɨ, waɨkawa pepɨnetsihetemawieritɨani kepauka 'ahɨxie nemeta'ani, 'atserieta meta yuheyemekɨ yanepɨreyutemawieka.

Rukaxi 12:21

»Mɨpaɨ katinikɨyɨneni kemɨ'ane yuhetsiemieme waɨkawa mɨtiyuti'utsiri hetsie, peru pɨkaxiku Kakaɨyari hetsiemieme».

1 Kurinitutari 15:48

Kemɨ'ane mɨkɨ kwiekɨ mutawewiya, mɨpaɨta mekani'aneneni kwiepa miemete. Kemɨ'ane mɨkɨ taheima mɨmieme, mɨpaɨta mekani'aneneni taheima miemete.

Piriputari 1:27

Tsepa xemu'uximatɨarie, yaxeikɨa xeketeneyurieka, kemɨreuyewetse yamɨtiyurienenikɨ heixeiyatɨ niuki 'aixɨa manuyɨne Kɨritsitu hepaɨtsita, mɨpaɨ xeketeneu'uwani. Xɨka mɨpaɨ xeteyurieka, tsepa xehetsɨa nemeyeika nexexeiyatɨ, tsepa 'ateewa paitɨ nemeyeika ne'enatɨ xehepaɨtsita, mɨpaɨ nekatinimaikamɨkɨ xemɨyutseiriyakɨ 'iyari xehexeiyatɨ mɨyuxewi, yaxeikɨa xeteku'eriwatɨ yunaitɨ xemɨyukwitɨwekɨ kapa xe'unawaiyarienikɨ titatsie yuri xemɨte'erie niuki 'aixɨa manuyɨne kemaine,