Piriputari 3:1 - Kakaɨyari Niukieya

¹ Mɨkɨ meta, ne'iwama, xekeneyutemamawieka Ti'aitame hetsie xetewiyatɨ. Tawarita mɨpaɨ netixe'utɨirietɨ, nepɨnewaɨriya, niukikɨ nepɨka'uxiwe, 'aixɨa kaniyɨmɨkɨ matsi xehetsiemieme xekweriwa'anekaku.

Piriputari 3:1 ပူးပေါင်းရင်းမြစ်များ

Piriputari 4:4

Merikɨte, yuheyemekɨ xekeneyutemamawieka Ti'aitame hetsie xetewiyatɨ. Tawarita nepaine: Xekeneyutemamawieka.

Xumatari 5:11

Mɨkɨ meta, 'aixɨa tepɨtetakɨhɨawe Kakaɨyari teha'eriwatɨ Tati'aitɨwame Ketsutsi Kɨritsitu yamɨtiuyurikɨ. Mɨkɨ kanihɨkɨtɨni kemɨ'ane mɨtatsi'upataxɨ 'aixɨa temɨtetaxeiyanikɨ.

Tsatiyaku 1:2

Ne'iwama nemɨxenaki'erie, xekeneyutemamawieka kepauka xemɨta'inɨatsieni 'inɨari yɨkɨ mɨ'anenekɨ,

1 Pekuru 4:13

Matsitsɨ, kexemɨteyuxewi Kɨritsitu hamatɨa, xete'ukakukwinetɨ mɨkɨ mɨtiukwinixɨ hepaɨ, mɨkɨkɨ xekeneyutemamawieka, mɨkɨ meta, xɨka mɨpaɨ 'aneni, kwinimieme xekaniyutemamawiekakuni kepauka matsiɨkɨtɨ mayani witsi'anetɨ.

1 Tetsarunikatari 5:16

Xekeneyutemamawieka yuheyeme.

Piriputari 4:8

'Imatɨrieka ne'iwama, naitɨ yuri mɨraine, naitɨ mɨreuyehɨwiyarie, naitɨ mɨtiheitserie, naitɨ mɨti'itiya, naitɨ witsimɨ'ane, naitɨ 'aixɨamaine, tsepa kemɨtitita xɨka 'aixɨa 'aneni, xɨka 'aixɨa tikuxaxatsiwani, mɨkɨ hepaɨtsita yaxeketeneyɨkɨhɨaweni xeme.

1 Pekuru 3:8

'Imatɨrieka yunaitɨ xekeneyuxewini kexemɨteyɨkɨhɨawe, xekeneyuxewini 'axeikɨa xeyutemamawietɨ xeyuhiwerietɨ nutsu, xekeniwanaki'erieka 'iwamarixi, xeketeneyukanenimayaka, xepɨka'ayu'eririyani.

2 Kurinitutari 13:11

Merikɨte ne'iwama, xekeneyutemamawieka. Xekenaye'axɨaka xemɨmanetsikitɨarienikɨ. Xekenene'enieka kenemɨtixetuika. Xekeneyuxewini kexemɨteyɨkɨhɨawe yu'iyaritsie. 'Aixɨa xeketeneyuxeiyani. Mɨpaɨ xɨka xeteyurieka, Kakaɨyari mɨtatsipitɨa temɨtetakanaki'eriekakɨ temɨka'uximatɨariekakɨ ta'iyaritsie, mɨkɨ xehamatɨa kaniuyeikamɨkɨ.

2 Pekuru 3:1

Hikɨri nenaki'erima 'ikɨ pɨhɨkɨ hutarieka mieme xapa nemutawewi nemɨxe'uta'utɨiri. 'Ikɨtsie mieme 'iyatsie mieme yanepɨtixe'utaxatɨa tita xemɨteha'eriwa, nexe'anutahɨtɨatɨ nexe'iyaritsitɨatɨ xe'iyari mɨyuxewikɨ,

'Epetsutari 6:10

'Imatɨrieka ne'iwama, Ti'aitame hetsie xetewiyatɨ xekenetɨrɨkariyarieka, kemɨ'ane mɨtɨrɨkaɨye xetɨrɨkariyakaku.

Rukaxi 1:47

ne'iyari kaniyutemawieka Kakaɨyari hetsie Netsiwikweitsitɨwame,

Tsakariyaxi 10:7

'Epɨrahini kiekatari kuyaxi memɨte'ayu'iwa wahepaɨ mepɨ'aneni, wa'iyari puyutemamawieka winu memanu'ieni hepaɨ. Waniwema kepauka memɨwaxeiya mekaniyukatemamawikuni, wa'iyari puyutemawieka Yawé hetsiemieme.

Tsupuniyaxi 3:17

Yawé 'akakaɨyari 'ahamatɨa kaniukani mɨkɨ kuya mɨrayu'iwa pɨhɨkɨ. Pɨyutemawieka 'ahetsiemieme, pɨmetsihekwariyani yunaki'eriyakɨ, kaniutakwikamɨkɨ yutemawietɨ 'ahetsiemieme

Tsupuniyaxi 3:14

Keneutahiwani, neniwe 'uka Tsiyuni, temawierikakɨ, memɨtehayu'iwa wahepaɨ xeketeneuhiwani, 'ixaheritsixi. Xekeneutikwikani meta xekeneyutemamawieka yu'iyarikɨ, neniwe 'uka Kerutsareme.

Kuheri 2:23

Xekeneyutemamawieka Tsiyuni tɨɨriyamama, temawierika xekenexeiyani Yawé yukakaɨyari hetsiemieme, kepauka maye'ani wiyeri pukuyuitɨani tukarieyatsie. Wiyeri pɨxehanɨ'airieni xekaka'ewawekaku meta xeka'itsanayu, meripaitɨ manukatɨatsie kemɨtiyurienekai hepaɨ.

Nɨawari 37:4

Yawé 'anaki'eriya keneyetuiri, mɨkɨ pɨmetiyetuirieni tita pemɨreuyehɨwa 'a'iyarikɨ.

Nɨawari 32:11

Xekeneyutemamawieka xeme xehetsie mɨkarahɨiwa, xekeneyutemamawieka Yawé hetsie, xekeneutikwikani xeme xeyunaitɨ xe'iyari mɨ'itiyatɨka.

Kuwi 22:26

Naimekɨmɨtɨrɨkaɨye hetsie pepɨ'atemawieka, Kakaɨyari hetsɨa pepeutaniereni.

1 Kemɨtiuyɨ 29:22

Mɨkɨ tukaritsie mepɨte'ukwai meta mepɨte'anu'i meyutemamawietɨ Yawé hɨxie. Hikɨ 'ana hutarieka teɨteri Tsarumuni ti'aitame mayanikɨ yamekaniutiyuani Rawiri nu'aya, Yawé hɨxie hatseiti mu'uyatsie mekanikawirieni ti'aitame mayanikɨ, meta Tsaruki mekaniukawirieni mawari wewiwame mayanikɨ.

Piriputari 3:3

Tame pɨta Kakaɨyari 'inɨarieya tepexeiya, tame pɨta tepɨhɨkɨ Kakaɨyari temayexeiya 'Iyari kemaine, tame taheyemekɨ tekaninaki'aka Kɨritsitu Ketsutsi hetsie temɨtewiyakɨ, mɨkɨ meta, yuri tepɨkate'erie herie miemetsie.

Mateu 5:12

Xekeneyutemamawieka 'ana xekenenaki'aka mɨpaɨ xetemaitɨ, 'aixɨa 'aneme xekanipitɨariekuni waɨkawa taheima mieme. Mɨpaɨta meteniwaruweiyakaitɨni Kakaɨyari niukametemama meripaitɨ miemete.

Kitsariyaxi 61:10

Yawé hetsiemieme nepɨnetemawie yemekɨ waɨkawa, nekakaɨyari hetsie temawierika nepexeiya. Mɨkɨ wikweitsitɨarika kamixayari mɨnetsi'anakatɨtɨakɨ meta tita mɨtiheitserie matayari pɨnetsiwakuketɨa. Neneɨkeme hepaɨ nekani'aneni witsimɨrekemari, yatɨni wikiwame hepaɨ nekatinekukani.

Kitsariyaxi 41:16

Pekaniwarexɨrimɨkɨ, meta 'eka kanenu'enitsitɨamɨkɨ, 'eka mɨtɨrɨkaɨye kaniwataxɨriexɨamɨkɨ. Peru 'ekɨ Yawé hetsie petiwiyatɨ pekaniyutemawiekamɨkɨ, 'Ixaheri hetsie Mɨpatsie kɨmana pekani'ata'ɨrimɨkɨ.

Nɨawari 149:2

'Ixaheritsixi mekeyutemamawieka mɨwarutawewi hetsiemieme, Kerutsaremetari xekeneyutemamawieka xeti'aitɨwame hetsiemieme.

Nɨawari 97:1

Yawé pɨti'aitame. Kwie keyutemawieka. Xekeneyutemamawieka kwie haramaratsie xemɨyetei.

Nɨawari 42:4

Mɨpaɨ neti'erieme nepɨtikuhayeikawa ne'utatsuatɨ: Ne nepayeyeikakai yumɨireme wahamatɨa, nepɨwarewitɨkɨkai Kakaɨyari tukita. Temawierika hiwariyari meta pamɨpariyutsi 'ixɨarariyari tepatinenetɨwakai.

Nɨawari 5:11

Peru 'ahetsɨa memuyu'awieta mekeyutemamawieka, meke'utikwikani kwikari 'aixɨa manuyɨtɨka. Waɨkawa keniwa'ɨwiyani memuyuwaɨriya, yunaitɨ memɨmatsinaki'erie.

Nehemiyaxi 8:10

Hikɨta Nehemiyaxi mɨpaɨ katiniwarutahɨawe: «Xekeneuhuniri. 'Aixɨa xeketenekwaka, xeketene'ieka mɨrakaka meta 'ikwaikɨ xekeneyuparewieka kemɨ'ane mɨkarexeiya hamatɨa, 'ikɨ tukari patsietɨ matɨakɨ Yawé hetsiemieme. Xepɨkanututuixieka, temawierika Yawé hetsiemieme katanitɨrɨkariyani».

1 Kemɨtiuyɨ 16:10

Xekeneyutemamawieka mɨmariwe mɨpatsie xemexeiyakɨ. xekeneyutemamawieka yurikɨ Yawé xemɨkuwautɨwe.

1 Kemɨtiuyɨ 15:28

Hikɨ temawierika hiwariyaritsata meta muxatsi wa'awate 'utihɨtsieriwakaku meta kuxinetate, tepɨa mɨxikɨrawi mutitirirɨka, 'arɨpatetsie meta kanarite tiutiyuanekaku, yunaitɨ 'ixaheritsixi Yawé tɨratuya kakuniyari mekaniukweiximekaitɨni.

1 Tsamuheri 2:1

Hana kemɨtiukwikaxɨ: «Ne'iyari Yawé hetsie tiwiyatɨ puyutemawie, netɨrɨkariya mana pɨtiwiya. Nepɨnetemawie Kakaɨyari mɨnetsi'utawikweitsitɨakɨ nepɨyɨwe memɨnetsi'aye'unie nemɨwara'iwa.

Hutarieka 'inɨari 16:11

'Ana xekaniyutitemawikuni Yawé xekakaɨyari hɨxie hakewa mɨkɨ meyuhayewa, xeniwema yunaitɨ 'ukitsi meta 'ukari wahamatɨa, meta xete'uximayatsiriwamete 'ukitsi meta 'ukari, rewitsixi 'akie kiekatari, 'ateewa kiekatari, nutuite meta wiuraxi mana xekie kiekatari.

Hutarieka 'inɨari 12:18

Matsi pɨta pekatinikwakamɨkɨ ketita Yawé 'akakaɨyari hetsɨa mɨtimieme, mɨkɨ hakewa metsihepitɨani, yaxeikɨata mepɨteyurieka xeniwema 'ukitsi, 'ukari, meta texe'uximayatsiriwamete, meta rewitsixi xekiekaritsie memɨtitei, yaxeikɨata Yawé 'akakaɨyari hɨxie pepɨ'atemawieka peti'uximayatɨ kepemɨtiuyuri.

1 Tetsarunikatari 4:1

'Imatɨrieka ta'iwama tepɨxewawirie, Tati'aitɨwame Ketsutsi hetsɨa temiemetetɨtɨ tepɨxetuika 'axemu'uwanikɨ kexemɨtehetima tame tetexekuxaxatɨwakaku kemɨreuyewetse 'axemu'uwanikɨ xeminaki'aritɨanikɨ Kakaɨyari, mɨpaɨtɨtɨ kwini mieme yaxemɨte'u'uwanikɨ, yaxemɨte'u'uwa hepaɨ.

Kitsariyaxi 65:14

Nete'uximayatsiriwamete meputikwikani yu'iyarikɨ meyutemamawietɨ, peru xeme xeputihiwani yu'iyaritsie xete'uka'eniwatɨ, xeputitsuanani yu'iyaritsie xete'uka'eniwatɨ.

Nɨawari 33:1

Yawé xekenenɨawani yutemawierima xeme xehetsie mɨkarahɨiwa, 'aixɨa memɨtekahu kaniwahetsiemiemetɨni Yawé hetsiemieme memutikwikanikɨ.