Piriputari 2:7 - Kakaɨyari Niukieya

⁷ Katiniuhayewa heitserie hexeiyatɨ, kemɨ'ane waɨriyarika mɨti'uximaya hepaɨ 'anetɨ kanayuyeitɨani, Teɨteri wahepaɨ 'anetɨ kanayani.

Piriputari 2:7 ပူးပေါင်းရင်းမြစ်များ

2 Kurinitutari 8:9

Xeme mɨpaɨ xepɨtehetima 'aixɨa kemɨtiuka'iyari Tati'aitɨwame Ketsutsi Kɨritsitu. Mɨkɨ tsepa mɨxikutɨkai, xehetsiemieme tixaɨtɨ karexeiyatɨ payuyeitɨa, xeme xikutsixi xemakɨnekɨ, mɨkɨ tixaɨtɨ karexeiyatɨ matɨakɨ.

Mateu 20:28

yaxeikɨa Yuri Tewi kenemɨtihɨkɨ, nepɨkanua nemɨparewiyakakɨ, matsi hipame newaparewienike nekaninuani meta netukari nemɨyetuanikɨ, yumɨireme nemɨwaxɨnakɨ.

Wani 1:14

Mɨkɨ niukitɨtɨ tewi kanayani, tatsata 'ukaitɨ ratɨa. Tame tekanixeiya witsikemɨ'anekai, 'ukiyarieya witsikemɨtipitɨa yuniwe muyuxewi, kanaye'ani 'aixɨa tiuka'iyaritɨ yuri tikuxatatɨ.

Xumatari 8:3

'Inɨari niukiyari kemɨkatiyɨwekai, kemɨtiweranikai temɨteɨterikɨ, Kakaɨyari pɨta kanenutahɨani tita 'axamɨti'ane kememɨteyurie teɨteri wahepaɨ mete'u'iyaritɨ. Kanenutahɨani yuniwe heyenɨ'aka teɨteri 'axamemɨteyuruwa wahepaɨ 'aneme, heiyenɨ'aka tita 'axamɨti'ane hepaɨtsita.

Karatsiyatari 4:4

Peru kepauka tukari 'aixɨa mɨ'ane maye'a, 'ana Kakaɨyari yuniwe kaneyenɨ'ani, 'uka hetsie mɨyenuiwaxɨ, mɨti'aitɨariekai 'inɨari niukiyari kemɨti'aita.

Hepɨrayutsixi 4:15

Mawari wewiwamete tiwa'aitɨwame ketemɨte'ayexeiya, tepɨkaheixeiya kemɨ'ane mɨkayɨwe tahepaɨ mɨtiyumaikakɨ ketemɨtewerarani tame, tepeixeiya pɨta kemɨ'ane naime hepaɨtsita mu'inɨatsie yaxeikɨa tahepaɨ, peru 'axakatiyuriewetɨ.

Xumatari 15:3

Kɨritsitu yuxaɨtame xeikɨa mɨnaki'akakɨ pɨkayɨanekai, matsi kemɨre'uxa: «Nehetsie xeikɨa katininakeni memɨmatsi'aye'unie watierika».

Kitsariyaxi 53:11

'Arikeke tikwineme, hekɨariya kanixeiyamɨkɨ meta 'iyarieya 'aixɨa kaniyɨmɨkɨ, mɨrakumatekɨ neti'uximayatsiriwame heitserie mexeiya heitserie kaniwapitɨamɨkɨ yuwaɨkawame, 'axamemɨte'uyurikɨ pɨranukɨtɨni.

Hepɨrayutsixi 12:2

kwinimieme Ketsutsi teha'eriwatɨ, kemɨ'ane mitsutɨa meta meye'atɨa titatsie yuri temɨte'erie. Mɨkɨ mɨpaɨ ra'eriwatɨ kemɨtiyutemawiekakekai 'arikeke, kuruxi punewi tsepa mutewinɨarie. Hikɨ mana kanakani Kakaɨyari 'uwenieya tserieta.

Rukaxi 22:27

Kexeteku'eriwa, ¿kemɨ'ane matsi pumariwe, kemɨ'ane kiekametɨtɨ mɨtikwa'a, kemɨ'ane miparewie timikwatɨ, mɨkɨ nutsu pumariwe? Xɨari kiekame matsi pumariwe. Perutsɨ ne xetsata nepuyeika xehetsiemieme neti'uximayatɨ pɨta.

Xumatari 15:8

'Ipaɨ nepaine, Kɨritsitu mɨkɨ xitekiya 'inɨariyari memexeiya waparewiwame kanayani, matsiɨkɨme meyeitɨanikɨ yuri kemaine Kakaɨyari, mitatseiriyakɨta meripaitɨ tatutsima kemɨtiwarutahɨawixɨ kename metemikienikekai,

Piriputari 2:6

Tsepa mɨkakaɨyaritɨkai Kakaɨyari hepaɨ 'anetɨ pɨka'ayuyeitɨa, peru mɨpaɨ pɨkatiku'eriwakai kename 'aixɨa yɨnikeyu xɨka Kakaɨyari hepaɨ mariwetɨ 'ayuyeitɨanike, tsepa mɨyɨwekai.

Kitsariyaxi 42:1

»'Ikɨ neti'uximayatsiriwame kanihɨkɨtɨni, nemiparewie, nemenayexei, hetsiena mieme nemɨnetemawie, ne'iyari hetsiena nekaniupitɨani, kemɨtiheitserie nuiwarite watsata yakatiniyurimɨkɨ.

Nɨawari 22:6

Ne matsi nepɨkatewi, kwitsi nepɨhɨkɨ, teɨteri waɨkawa mepɨnetsiyuriya, yunaitɨ teɨteri mepɨnetsixani'erie.

Tsakariyaxi 9:9

Waɨkawa keneyutemawieka, neniwe 'uka Tsiyuni. Keneutahiwani temawierikakɨ, neniwe 'uka Kerutsareme. Neuxei, mana pamie 'ahepa meti'aitɨwame, heitserie yamɨtikamie, tiyuwikweitsitɨwame meta mariwetɨ mɨkahayuyeitɨwa. 'Akanamieni puxutsie 'anakaitɨ, puxu temaikɨ hetsie, puxu 'ukaratsi nu'ayatsie.

Mateu 12:18

«'Ikɨ neti'uximayatsiriwame kanihɨkɨtɨni, nemenayexei, neminaki'erie, hetsiena mieme nepɨnaki'a ne'iyaritsie, nekanipitɨamɨkɨ Ne'iyari, hikɨ nuiwarite katiniwataxatɨamɨkɨ tita mɨtiheitserie hepaɨtsita.

Hepɨrayutsixi 13:3

Xekeniwara'eriwani kemɨ'ane memanutaxɨriya, wahamatɨa xemanutaxɨriya hepaɨ xeteyumaitɨ, xekeniwara'eriwani mɨkɨ 'axamemɨ'itɨarietɨwe mɨpaɨ xetemaitɨ, xemeta yuwaiyaritsie wahepaɨ xemɨ'itɨarietɨweni hepaɨ.

Xumatari 1:3

yuniwe xatatɨ, tewi hɨkɨtɨtɨ, nu'aya kaniutinuiwa Rawiri hetsie mɨyetɨa.

Marikuxi 9:12

Mɨkɨ mɨpaɨ katiniwaruta'eiya: —Kaniyuritɨni. 'Eriyaxi meri kaninuamɨkɨ, 'aixɨa mitiyurieni tinaime. ¿Matsi kere'uxa Yuri Tewi hepaɨtsita, kemɨreuyewetse waɨkawa mɨtikwinekɨ mɨxani'eriwanikɨ?

Tsakariyaxi 3:8

»”Kutsuhexi, keneneu'eni, mawari wewiwamete tiwa'aitɨwame, meta 'a'iwama meke'u'enanani, 'ahɨxie memayaxike, xeme xekani'inɨaritɨni kemɨtiyɨni: Neti'uximayatsiriwame nekani'atɨaximeni, nekani'atɨaximeni Meukuyɨraxɨ.

Tanieri 9:26

haika tewiyari heimana huta tsemanayari 'anukayayu, 'ana ti'aitame manayexeiyarie tukarieya kaninawaiyariemɨkɨ. Mɨkɨ karekakiekaritɨ kaniyuhayewamɨkɨ meta tuki muyepatsie kahexeiyatɨ, karikɨ xewitɨ ti'aitame kananutikemɨkɨ mɨkɨ kanika'unamɨkɨ. 'Imatɨrieka tukari pɨkatixemaritɨani, wiyeri mɨtiyuhautsitɨwa hepaɨ, mekwi'iwatɨ pɨkatihayewarieni kepaukake kuyaxa meutipare.

Kitsariyaxi 49:3

Mɨpaɨ kanetiniutahɨawe: «'Ixaheri, 'ekɨ neti'uximayatsiriwame pepɨhɨkɨ, 'ahekɨ 'aixɨa nepɨtitahɨawarieni».

2 Kurinitutari 13:4

Tsepa kuruxitsie mumierie mɨweranikaikɨ, Kakaɨyari mɨtɨrɨkaɨyekɨ kanayeniereni matsi. Tameta tsepa hetsiena temɨtewiya tepɨwerarani, matsi Kakaɨyari mɨtɨrɨkaɨyekɨ hetsiena tetewiyatɨ tepayeneniereni texeparewienike.