Piriputari 2:6 - Kakaɨyari Niukieya

⁶ Tsepa mɨkakaɨyaritɨkai Kakaɨyari hepaɨ 'anetɨ pɨka'ayuyeitɨa, peru mɨpaɨ pɨkatiku'eriwakai kename 'aixɨa yɨnikeyu xɨka Kakaɨyari hepaɨ mariwetɨ 'ayuyeitɨanike, tsepa mɨyɨwekai.

Piriputari 2:6 ပူးပေါင်းရင်းမြစ်များ

Wani 5:18

'Ayumieme matsi kwinimieme mekanikuwautɨwekaitɨni huriyutsixi me'imienike, 'uxipiya tukari 'inɨariyari mɨtitsanakaikɨ xeikɨa hawaikɨ, matsitsɨ 'akuxi Kakaɨyari mɨxatakaikɨ yu'ukiyaritɨme, Kakaɨyari hepaɨ 'anetɨ 'ayuyeitɨwatɨ.

2 Kurinitutari 4:4

Hikɨ miemete wakakaɨyari kaniwarakɨpiriyaxɨani mɨkɨ yuri memɨkate'erie kememɨteyumate yu'iyaritsie, kapa hekɨariya me'uxeiyakɨ, niuki 'aixɨa manuyɨne Kɨritsitu kemɨtimariwe kemɨtiwahekɨariwiyakeyu. Mɨkɨ Kɨritsitu Kakaɨyari kani'inɨarieyatɨni, hepaɨna pɨtiyuxexeiya.

Hepɨrayutsixi 1:3

Mɨkɨ hetsie Kakaɨyari kemɨtixawatɨ kanimatsiɨkɨni meta kemɨtimariwe, Kakaɨyari kani'inɨarieyatɨni kaniyuritɨni. Naime meta pɨratɨkɨ yuniuki mɨtɨrɨkaɨyekɨ, mɨkɨ yɨkɨmana 'aixɨa 'iyurieka tita 'axatemɨte'uyuri hepaɨtsita mɨtatsi'itienikɨ, 'ana kemɨ'ane mɨmariwe tserieta kanayerɨni muyuawitsie.

Wani 17:5

Hikɨri ne'ukiyari, 'ahetsɨa witsine'aneme kenenayeitɨa, witsinemɨ'anekai hepaɨ kwie kaxuawekaku 'akuxi.

Matsiɨkɨtɨ kemɨratɨa 21:6

Mɨpaɨta pɨnetiutahɨawixɨ: «'Ari naitɨ katinaye'ani. Ne Mexɨakame meta 'Imatɨreme nekanihɨkɨtɨni, nemitsutɨa meta neminɨni. Kemɨ'ane meuharimɨkɨ, ne neka'ituirietɨ nekaniharitɨamɨkɨ nehaixakɨ kɨmana tukari mexeiyanikɨ.

Wani 10:30

Ne ne'ukiyari hamatɨa tekanitaxewini.

Kitsariyaxi 9:6

Matsi nunutsi tahetsɨa mutinuiwaxɨkɨ, 'uki xeime tekaniutuitɨarieni, tɨrɨkariya naiparieyatsie kanika'uxipimɨkɨ, meta 'ipaɨ katiniterɨwariemɨkɨ: 'Ɨxatsitame, mɨmariwe, Kakaɨyari mɨtɨrɨkaɨye, Yuheyemekɨ mɨtapaapa, Ti'aitame kayuwatɨ tiyupitɨwame.

Hepɨrayutsixi 13:8

Ketsutsi Kɨritsitu meripaitɨ hikɨta yaxeikɨa kani'aneni, tsepanetɨ xeitsienitu wiyari manuyekɨka.

Wani 10:33

Huriyutsixi mɨpaɨ mekatenita'eiya: —'Uximayatsika 'aixɨa mɨ'anekɨ tepɨkamatsituaxa, 'axapemutainekɨ pɨta tepɨmatsituaxa. 'Ekɨ tewi pehɨkɨtɨtɨ Kakaɨyari peme'ayeitɨwakɨ.

Mikeyaxi 5:2

Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

Xumatari 9:5

Tapaapama mepɨwa'ukiyarima, watsatata kanimiemetɨni kemɨ'ane heitserie mupitɨarie Kɨritsitu hɨkɨtɨtɨ, kemɨtiunuiwaxɨ. Mɨkɨ naime ti'aitame Kakaɨyari kanihɨkɨtɨni. 'Aixɨa ketikuxaxatsiwani yuheyemekɨ. Mɨpaɨ xeikɨa pɨ'ane.

Kitsariyaxi 7:14

'Ayumieme Ti'aitame 'inɨari kanixewewiriemɨkɨ: 'Ɨimari kanitihukatamɨkɨ kanitiniwemɨkɨ, 'Emanuheri katiniterɨwamɨkɨ.

1 Timuteu 3:16

Mɨpaɨ katinihekɨaka, pɨmariwe mɨkɨ niuki matsiɨkɨtɨ matɨa, ketemɨteheyexeiya Kakaɨyari manuyɨne: Mɨkɨ matsiɨkɨtɨ kanayani yuwaiyaritsie 'uyeikatɨ, heitserie pupitɨarie 'Iyari hexeiyatɨ, niuki tuayamete mepixei, pɨkuxaxatsiwakai nuiwarite watsata, yuri mepɨte'uta'eri hetsiena kwiepa memɨtama, witsi'anetɨ panutiwitɨkie.

Wani 20:28

Tumaxi mɨpaɨ katinita'eiya: —Neti'aitɨwame meta nekakaɨyari 'aku.

Wani 10:38

Peru xɨka yanetiyurieneni, tsepa yuri xemɨkanete'eririe, tita nemɨtiyurienetsie pɨta yuri xeketene'erieka mɨpaɨ xemɨtehetimanikɨ kename ne'ukiyari nehetsie tiwiya, neta ne'ukiyari hetsie netiwiya.

Hepɨrayutsixi 1:6

Matsi tukari hepaɨtsita tikuxatatɨ kepauka kwiepa mi'atɨani yumatɨari mɨpaɨ pɨta kanaineni: «Yunaitɨ Kakaɨyari hetsɨa miemete niuki tuayamete meke'eyexeiyani».

Titu 2:13

meta temikwewiekakɨ kemɨ'ane yemekɨ mɨtatsitemawieritɨani. Hikɨ tepikwewie, matsiɨkɨtɨ mayanikɨ witsi'anetɨ kemɨ'ane Kakaɨyari mɨhɨkɨ mɨmariwe tatsiwikweitsitɨwame Kɨritsitu Ketsutsi hɨkɨtɨtɨ.

Mateu 1:23

«Kamɨtsɨ 'ɨimari mɨyuxewi pɨtihukata, 'ukitɨme pɨtiniweni, 'Emanuheri xepɨte'iterɨwa» (mɨkɨ mɨpaɨ panuyɨne «Kakaɨyari tahamatɨa muyeika»).

Wani 14:9

Ketsutsi mɨpaɨ katinitahɨawe: —Mɨixa xehamatɨa ne'uyeikakaku pekaneretimaiwe 'akuxi, Peripe 'aku. Kemɨ'ane mɨnetsixeiya, ne'ukiyarita kanixeiyani. ¿Kehepaɨtɨtɨ peputaine: “Ketaneuxeiyatsitɨa 'a'ukiyari” pehaitɨ?

Keremiyaxi 23:6

Mɨkɨ tukaritsie Kura kwieyari kanitawikweitsitɨariemɨkɨ, 'ixaheritsixi yu'iyarikɨ mekaniu'uwakuni. 'Ipaɨ pɨtitaterɨwarieni: “Yawé tatsiwikweitsitɨwame pɨhɨkɨ”».

Kitsariyaxi 8:8

Kura kwieyaritsie paitɨ kaniye'amɨkɨ, kanikayunitɨamɨkɨ, kɨipitɨana paitɨ kaniuku'atɨyeimɨkɨ. Neuxei 'Emanuheri, yu'anate taweratɨkaitɨ, 'akwie kemɨyewa kananukanamɨkɨ».

Hepɨrayutsixi 1:8

Yuniwe pɨta xatatɨ mɨpaɨ paine: «'Ekɨ, Kakaɨyari, 'a'uweni hakewa pemɨra'aita yuheyemekɨ 'apuwe, kanixeuraɨyeni 'a'itsɨ pemakwe'e pemɨti'aitamekɨ 'inɨari kanihɨkɨtɨni heitseriemekɨ kepemɨtikamie 'ekɨ.

Wani 5:23

yunaitɨ 'aixɨa memɨtehehɨawenikɨ nu'aya, yaxeikɨa 'aixɨa kememɨtehahɨawe hepaɨ 'ukiyarieya yuniwe meyenɨ'a. Kemɨ'ane nu'aya 'aixɨa mɨkarahɨawe, mɨkɨ 'ukiyarieyata 'aixɨa pɨkarahɨawe meiyenɨ'a.

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

Wani 14:28

»Xekaneniu'enieni mɨpaɨ nexerahɨaweme: “Nekaniyemieni, peru xehetsɨata nekanayenemɨkɨ kenemɨtixe'utahɨawixɨ”. Xɨka xenetsinaki'erieka, xekaniyutemamawiekakuni ne'ukiyari hetsɨa nemɨyemiekɨ. Ne'ukiyari yemekɨ kanimariweni, ne hepaɨna nekamariwekaku.

Wani 1:18

Xewitɨ hatsuaku pɨka'ixeiyawe Kakaɨyari, Nu'aya muyuxewi, Kakaɨyari mɨhɨkɨ kemɨ'ane yu'ukiyaritsie mɨtiwiya, mɨkɨ katanihekɨatsitɨiyani.

1 Timuteu 1:17

Kemɨ'ane kwiepa naime mɨti'aitame yuheyemekɨ, kemɨ'ane mɨkapɨniwe, mɨkaxeiyariewe, yuxewitɨ timaiwetɨ Kakaɨyari, mɨkɨ mariweme kexatsiwani meta witsiketixeiyarieka yuheyemekɨ tsepanetɨ xeitsienituyari wiyari manuyekɨka. Mɨpaɨ xeikɨa kani'aneni.

2 Kurinitutari 8:9

Xeme mɨpaɨ xepɨtehetima 'aixɨa kemɨtiuka'iyari Tati'aitɨwame Ketsutsi Kɨritsitu. Mɨkɨ tsepa mɨxikutɨkai, xehetsiemieme tixaɨtɨ karexeiyatɨ payuyeitɨa, xeme xikutsixi xemakɨnekɨ, mɨkɨ tixaɨtɨ karexeiyatɨ matɨakɨ.