Piriputari 2:21 - Kakaɨyari Niukieya

²¹ Hipatɨ yunaitɨ tita wahetsie mɨtimieme xeikɨa metenikuwautɨweni, tita Kɨritsitu Ketsutsi hetsie mɨtimieme mepɨkatekuwautɨwe.

Piriputari 2:21 ပူးပေါင်းရင်းမြစ်များ

1 Kurinitutari 10:24

Xewitɨ yuhetsiemieme pɨkatikuwaɨneni 'aixɨa mɨ'itɨarienikɨ. Matsi hipatɨ pɨta 'aixɨa memɨ'itɨarienikɨ.

Mateu 16:24

Hikɨ Ketsutsi mɨpaɨ katiniwarutahɨawe yuhetsɨa miemete teyɨ'ɨkitɨwamete: —Xɨka xewitɨ yuwaɨriyani tiyu'ɨkitɨwame nehetsɨa mieme mayani, ketihayewani kemɨtinake yuhetsiemieme tiyurienetɨ, yukuruxi ke'utitɨni, kenetsi'uweiyani.

Piriputari 2:4

Yuxexuitɨ xeme xepɨkatekuwautɨweni tita xehetsie mɨtimieme xeikɨa, tita hipame wahetsie mɨtimieme pɨta xeketenekuwautɨweni.

2 Timuteu 3:2

Teɨteri yuhetsiemieme mepɨtenaki'erieka xeikɨa, tumini mepɨhiwe'erieka, mepɨyuxeɨmakani, mepɨyuxani'erieka, mepɨwatsewiximani hipame 'axame'utiyuatɨ wahepaɨtsita, mepɨkawa'enieni yu'ukiyarima, pamɨpariyutsi mepɨka'ipitɨani xeime, 'axamepɨ'aneneni,

1 Kurinitutari 10:33

Naimekɨ nekatiniyurieneni memɨparewiyanikɨ yunaitɨ. 'Aixɨa nemɨ'itɨarienikɨ ne, mɨkɨkɨ nepɨkayɨane. Yumɨiretɨ 'aixɨa memɨ'itɨarienikɨ pɨta nekaniyɨaneni, mɨkɨ memɨtawikweitsitɨarienikɨ.

1 Kurinitutari 13:5

Yapɨkatiyuriene kemɨtiyutewiyatsitɨa. Pɨkatikuwaune tita yuhetsie mɨtimieme xeikɨa, pɨkayuhaxɨatɨa, 'axamɨti'anene pɨkara'eriwa.

Rukaxi 14:26

«Xɨka xewitɨ nehetsɨa nuani, xɨka kawa'uxiwe'erieka yupaapa meta yumaama, yɨ'ɨya, yɨtɨriyama, yu'iwama, meta xɨka ka'i'uxiwe'erieka yutukari, pɨkayɨwe nehetsɨa mieme tiyɨ'ɨkitɨwame mayuyeitɨwanikɨ.

Kitsariyaxi 56:11

Tsɨikɨri kwinie memɨteyukwaiwawie mepɨhɨkɨ, hatsuaku mepɨkahuxaiwawe. Muxatsi wahɨwemete mekanihɨkɨtɨni 'atsimekateheitimaitɨkɨkatɨ, yuxexuitɨ kemɨtiwanake xeikɨa mekaniu'uwani. Nitixaɨtɨ mekateha'eriwatɨ, yu'iwarikakɨ xeikɨa mepuyumexɨitɨa.

2 Timuteu 4:10

Remaxi pɨnetsi'uku'eiri kwiepa timieme tinaki'erietɨ, Tetsarunika paitɨ kaneyani. Kɨretseniti Karatsiya kwieyaritsie petɨa, Titu Tarɨmatsiyatsie paitɨ retɨa.

2 Kurinitutari 1:5

Mɨpaɨ yemekɨ ketemɨtekwine Kɨritsitu mɨtiukwinixɨ hepaɨ, mɨpaɨta yemekɨ tekateninɨtɨarieka Kɨritsitu yatatipitɨakaku.

2 Timuteu 4:16

Matɨari nehetsiemieme nemutaniutsie, nixewitɨ neheima pɨka'utanua, yunaitɨ mepɨnetsi'uku'eiri. Merikɨte wahetsie pɨkatiuhɨiwani mɨkɨkɨ.

Nɨ'ariekate 15:38

Papuru hepaɨtsita 'aixɨa pɨka'anekai memenuwitɨnikɨ mɨwareku'eiriekaikɨ Pamɨpiriyatsie, wahamatɨa mɨkahetɨakɨ mɨti'uximayakakɨ.

Nɨ'ariekate 13:13

Hikɨ Papuru meta hamatɨana memu'uwakai Papuxitsie mekanekɨne, Perɨke Pamɨpiriya kwieyaritsie mekaniye'axɨani. Wani mana kananayeyani wahamatɨa 'uyeikatɨ, yu'ɨtɨma pɨta Kerutsareme kaneyani.

Marakiyaxi 1:10

Yanepɨra'eriwakaku xewitɨ xeme netukita mɨreunanikɨ, yakɨ xeikɨa xemɨka'ikutaiyanikɨ tai nemawari taiyametsie mieme. Nepɨkayutemawie tɨma xehetsiemieme, meta xemawari xeime tɨma nepɨkatanaki'erieni —Yawé Naimekɨmɨtɨrɨkaɨye mɨpaɨ kanaineni—.

2 Timuteu 1:15

Mɨpaɨ pepɨtimate, yunaitɨ 'Atsiya kwieyaritsie miemete mepɨnetsi'uku'eirie, me'aye'utɨ Pikeru meta Herumukenexi.

2 Te'aitamete 12:6

Hikɨ xeitewiyari heimana haika wiyari ti'aitakaku Kuhatsi, mawari wewiwamete 'atsimekateyuriwawekaku tuki hetsiemieme,