Piriputari 2:13 - Kakaɨyari Niukieya

¹³ Kakaɨyari kanihɨkɨtɨni kemɨ'ane yamɨtiyuriene xetsata, xekuyuitɨwatɨ xemɨyuwaɨriyanikɨ, 'arike meta yaxemɨteyuriekakɨ, kemɨtixekuyuitɨwa yakatiniyɨmɨkɨ kemɨtinake.

Piriputari 2:13 ပူးပေါင်းရင်းမြစ်များ

Hepɨrayutsixi 13:21

mɨkɨ xɨka xe'aye'atɨani kemɨtinake yaxemɨteyuriekakɨ naimekɨ 'aixɨa xeteyurietɨ, mɨkɨ xɨka xe'uyuitɨani xeminaki'aritɨanikɨ kemɨtixexeiya, Ketsutsi Kɨritsitu xeparewiekaku. Mɨkɨ hepaɨtsita 'aixɨa ketikuxaxatsiwani yuheyemekɨ. Mɨpaɨ xeikɨa kani'aneni.

2 Kurinitutari 3:5

Mɨpaɨ tepɨkateku'eriwa kename takɨmana teyɨwawe tixaɨtɨ temɨtetsutɨani. Matsi Kakaɨyari yatatipitɨakaku tepɨyɨwawe.

2 Timuteu 1:9

Mɨkɨ kanihɨkɨtɨni kemɨ'ane mɨtatsi'utawikweitsitɨa, mɨtatsi'uta'ini temɨpatsiekakɨ hetsiena miemekɨ, tita temɨteyuriekai tame mɨkɨkɨ 'atsipɨkatiuyuri, matsi mɨpaɨ mɨtiyuwaɨriyakaikɨ yɨkɨmana meta 'aixɨa mɨtiuka'iyarikɨ. Mɨpaɨ katiniuka'iyarikaitɨni tahetsiemieme tukari kaxuawekaku 'akuxi, tatsiha'eriwatɨ Kɨritsitu Ketsutsi hetsie ketemɨtewiyanikekaikɨ.

Xumatari 9:16

'Ayumieme tsepa xewitɨ yamɨtiyuwaɨriyakɨ yatɨni yamɨtiunanautsakɨ pɨka'ayumieme, Kakaɨyari mɨtiyukanenimayakɨ kanihɨkɨtɨni kemɨ'ane mɨpaɨ mɨtiyuriene.

1 Kurinitutari 15:10

Peru Kakaɨyari 'aixɨa mɨtiuka'iyarikɨ, 'ayumieme mɨpaɨ nekani'aneni kenemɨ'ane. Yakɨ xeikɨa pɨka'uyɨ, 'aixɨa kemɨtiuka'iyarikai nehetsiemieme. Ne matsi kwinimieme nekatini'uximayaka, mɨkɨ yunaitɨ kememɨkate'uximayatawawe. Peru ne nepɨkahɨkɨ kemɨ'ane mɨpaɨ mɨtiyuriene. Kakaɨyari pɨta 'aixɨa tiuka'iyaritɨ nehamatɨa yakatini'uximayaka.

Wani 3:27

Wani mɨpaɨ katiniwarutahɨawe: —Tewi pɨkayɨwe tixaɨtɨ mɨtiutanaki'erieni, xɨka taheima miemekɨ yatipitɨarieka xeikɨa pɨyɨwe.

'Epetsutari 1:11

Mɨkɨ meta, mɨkɨtsie tetewiyatɨ tekananayexeiyarieni. Mɨpaɨ tepɨte'ukayatsarie teɨterimama temakɨnekɨ, mɨpaɨ katiniyuriemɨkɨkaitɨni meripai, mɨpaɨ tiniyɨkɨhɨawekaitɨni kemɨ'ane naime mɨtikuyuitɨwa yatiyɨkɨhɨawetɨ kemɨtinake.

1 Kurinitutari 12:6

Yɨkɨ tepɨtekuyuitɨariwa, Kakaɨyari yuxewikaku. Mɨkɨ kanihɨkɨtɨni kemɨ'ane yunaime mɨwakuyuitɨwa naimekɨ.

2 Tetsarunikatari 1:11

Mɨpaɨ mɨtiyɨnikɨ, xehetsiemieme tekanitanenewieka taheyemekɨ, takakaɨyari mɨpaɨ mɨtixemaikakɨ xeme xe'u'uwame kemɨreuyewetse 'amuyeikanikɨ Kakaɨyari 'ita'inieyu, tepɨtanenewieta takakaɨyari yɨtɨrɨkariyakɨ meye'atɨanikɨ naime kexemɨteyuwaɨriya 'aixɨa xeteyuriekutɨ, naime kexemɨteyurie yuri xete'erietɨ.

'Epetsutari 1:5

Tatsinaki'erietɨ, meripaitɨ yatiyɨhɨaweka, yuniwema pɨtatsi'ayeitɨa, Ketsutsi Kɨritsitu hetsiemieme. Kemɨkɨ mɨtatsiyurimɨkɨkai.

'Epetsutari 2:8

Mɨpaɨ 'aixɨa mɨtiuka'iyarikɨ, 'ayumieme xeputawikweitsitɨarie yuri xete'erietɨ. Peru kexemɨte'utawikweitsitɨarie, yɨkɨmana xepɨka'utawikweitsitɨarie. Kakaɨyari pɨta yakatinixe'upitɨani.

1 Te'aitamete 8:58

Yaketatiu'iyaritɨani hetsiena mieme xeikɨa yatemɨtekahunikɨ, temiweiyanikɨ huyeya, yatemɨtekahunikɨ 'aitsikayatsie meripaitɨ ta'ukiyarima mɨwayetuiritsie.

Nɨawari 119:36

Ne'iyari 'a'aitsikatsie yɨkɨhɨaweme kenayeitɨa, matsi tumini 'iwarikayarikɨ 'axamɨ'anetsie pɨkayɨhɨaweni.

Rukaxi 12:32

»Nemuxatsima, tsepa xemɨkayumɨire, xepɨkaheumamaka, xe'ukiyari kaniyuwaɨriyani mɨtixepitɨanikɨ tita mɨrexeiya ti'aitametɨtɨ.

'Epetsutari 1:9

katatinihekɨatsitɨaka tita mɨtinake. Meripai pɨkatimatsiɨkɨkai tita mɨtinake, peru Kɨritsitu ha'eriwatɨ yapɨtiyuwaɨriya mɨtatihekɨatsitɨanikɨ.

Wani 6:65

'Ayumieme tawarita mɨpaɨ kaniutayɨni: —'Ayumieme nepɨtixekɨhɨawe, xewitɨ mɨkayɨwe nehetsɨa mɨye'ani xɨka ne'ukiyari mɨpaɨ katipitɨaka.

Keremiyaxi 32:38

Mɨkɨ mepɨneteɨterimatɨni, neta Xekakaɨyari nepɨhɨkɨtɨni.

Xumatari 9:11

Mekatinunuiwawekaku 'akuxi, tita 'aixɨa mɨti'ane yatɨni 'axamɨti'ane yamepɨkateyuriewawekai 'akuxi para mɨtseiriyarienikɨ tita Kakaɨyari mɨtiyuriemɨkɨkai yatiwaranuyeteɨxɨka,

Keremiyaxi 31:33

»'Ikɨ tɨratu kanihɨkɨtɨni 'iya tukari 'anuyeyayu nemɨwawewirieni 'ixaheri teɨteriyari —Yawé mɨpaɨ kanaineni—: Wa'eriwametsie ne'inɨari niukiyari nepɨwapitɨani meta wa'iyaritsie nekanika'utɨamɨkɨ. Ne wakakaɨyari nekanihɨkɨtɨkamɨkɨ mɨkɨta neteɨterima mepɨhɨkɨtɨni.

Temaiwawemete 21:1

Ti'aitame 'iyarieya 'aki'utua haa muhane hepaɨ kani'aneni Yawé yatinɨ'akaku, 'itanɨ'awakaku mɨkɨ hakewa meinake.

'Etsitɨraxi 1:1

Merikɨtsɨ mexɨakame wiyaritsie ti'aitakaku Tsiru, Peritsiya kwieyaritsie ti'aitame, Yawé ti'aitame 'iyarieya mɨpaɨ katiniuyuitɨani, mɨkɨ ti'aitame minetɨanikɨ 'aitsika naitsarie mitanɨ'axɨanikɨ mɨra'aitatsie, hikɨ mɨpaɨ mɨraye'atɨarienikɨ Yawé niukieya Keremiyaxi kemɨtiupitɨa. Ti'aitame mɨpaɨ 'aneme 'aitsika kaniutawewieni, meta yakaniutayɨni yuniukikɨ meta mɨpaɨ katinaka'utsieni:

'Etsitɨraxi 7:27

«Yawé 'aixɨa ke'itɨarieka ta'ukiyarima meripaitɨ memu'uwakai wakakaɨyari, ti'aitame 'iyarieya muyuitɨa witsi'anekame kanayeitɨani tukieya hepaɨtsita Kerutsaremetsie.

'Etsitɨraxi 1:5

Hikɨ Wenikamini nuiwarimama meta Kura nuiwarimama 'ukirawetsixi memanuyetei, yaxeikɨa yunaitɨ mawari wewiwamete meta rewitsixi, yunaitɨ kemɨ'ane Kakaɨyari mɨpaɨ mɨtiwaruyuitɨa wa'iyaritsie memɨyehukɨ tuki tawarita memetawewienikɨ, yamekateniuxata memɨyehukɨ Kerutsareme.

2 Kemɨtiuyɨ 30:12

Metatsiere Kuratsie kiekatari, Kakaɨyari waruyuitɨaku, yamekatenikakɨne meyuxewitɨ ti'aitame kemɨra'aitakai meta teɨteri wa'ukiyarima, Yawé niukieya kemainekai.

Wani 6:45

Kakaɨyari niukametema waxapatsie mɨpaɨ katine'uka: “Kakaɨyari katiniwa'ɨkitɨaka yunaime”. Yunaitɨ memɨ'enana ne'ukiyari kemaine, memɨteyɨ'ɨkitɨa, mɨkɨ nehetsɨa mekaniye'axɨakuni.

Kitsariyaxi 26:12

Yawé, 'ekɨ kayuwatɨ pepɨxuawitɨa tahetsiemieme, 'ekɨtsɨ pekanihɨkɨtɨni yapemɨtiyuriene naime ta'uximayatsikakɨ.

Nɨawari 141:4

Pepɨkanetsipitɨaka 'axanemɨtiyukɨhɨawenikɨ, meta pepɨkanetsipitɨaka kapa 'axanetiuyurienikɨ, pepɨkanetsipitɨaka 'ixɨararipa nemuyeikanikɨ 'axateyuruwamete wahamatɨa.

Nehemiyaxi 2:4

Ti'aitame mɨpaɨ kanetiniuta'iwawiya: ―¿Kekuta netiyurieni 'ahetsiemieme? Ne nepitawawiri Kakaɨyari muyuawitsie makawe mɨnetsiparewienikɨ,

1 Pekuru 1:3

'Aixɨa ketikuxaxatsiwani Kakaɨyari, Tati'aitɨwame Ketsutsi Kɨritsitu mu'ukiyarieya, waɨkawamekɨ kemɨtiuyukanenimaya, hutarieka kataniutinuiwitɨani Ketsutsi Kɨritsitu mɨkite watsata manukuketɨariekɨ, tukari temexeiyanikɨ mexiteta'ikwewa yuri tete'erietɨ, yuniwema katanayeitɨani,

Nɨ'ariekate 11:21

Mɨkɨ Ti'aitame tɨrɨkariyaya kaniwaparewiekaitɨni, yuwaɨkawatɨ yuri mekateniuta'erieni, Ti'aitame hetsie mekateniuwiya.

Nɨawari 110:3

'Akuyaxima mepuyuwaɨriyani tukaritsie kepauka xemuyutakwini, hɨrite mɨpatsietɨkatsie me'u'uwatɨ. Tau 'ɨrɨya manatinexɨanitsie, kepauka 'ahetsie mɨtinake hekwamekɨ pɨmatsitɨrɨkariya.

Kuwi 33:29

»'Ikɨ naime Kakaɨyari yapɨtiyuriene heiwamieme, hutarieka meta hairieka paitɨ,

Rukaxi 2:14

«Taheima witsikatinikɨhɨawarɨwani Kakaɨyari, kwiepa 'aixɨa mekatenixeiyariekuni teɨteri mɨkɨ wakɨmana mɨnaki'a».

Xumatari 12:3

Kakaɨyari 'aixɨa mɨtiuka'iyarikɨ nehetsiemieme, 'ayumieme mɨpaɨ nepɨtixekɨhɨawe yuxexuitɨ yuhetsɨa xemetitei, xepɨka'anuyehaitɨrɨweni yaxeteyɨkɨhɨawetɨ yuhepaɨtsita kemɨkareuyewetse yaxemɨteyɨkɨhɨawenikɨ. Matsi yaxeketeneyɨkɨhɨaweni para 'aixɨa xemɨteyumaikakɨ pɨta, yuxexuitɨ Kakaɨyari kemɨtixe'u'inɨatsiri yuri xemɨte'eriekakɨ.