Piriputari 1:20 - Kakaɨyari Niukieya

²⁰ Mɨpaɨ yemekɨ yuri nekatini'erieka meta mɨpaɨ netita'ikwewatɨ 'uxa'atɨni warie nepɨkatewiyatsitɨarieni, tsepa nemayeniere tsepa nemumɨ, matsi Kɨritsitu kemɨtimariwe kanimatsiɨkɨkamɨkɨ yaxeikɨa meripai hepaɨ.

Piriputari 1:20 ပူးပေါင်းရင်းမြစ်များ

1 Pekuru 4:16

Matsi xɨka tiukakukwineni Kɨritsitu hetsie mɨtiwiyakɨ, pɨkayutewiyani, Kɨritsitu hetsɨa miemetɨtɨ mɨpaɨ ke'itɨarieni matsi, Kakaɨyari 'aixɨa mɨtikuxaxatsiwanikɨ.

1 Kurinitutari 6:20

Xewitɨ pɨta 'uyutuaku xepunanaiya. 'Ayumieme yuwaiyaritsie witsitikuxaxatsiwame Kakaɨyari xekenayeitɨa, meta yu'iyaritsie, Kakaɨyari mukutsiyarieyakɨ.

Kitsariyaxi 54:4

»Pepɨkamaka, hatsuaku pepɨkatewiyatsitɨarieni. Pepɨkayu'iyaritɨaka, hatsuaku nitixaɨtɨ petihɨkɨtɨtɨ pepɨkahayeitɨarieni. Pemɨ'ɨimaritɨkaitsie mieme tewiyarika pepatɨmaiya, meta tawariri pemɨwiuratɨkaitsie 'axapemɨtikɨhɨawarɨwakai pepɨkahaye'erieni.

1 Tetsarunikatari 5:23

Mɨkɨtɨtɨ Kakaɨyari mɨtatsipitɨa ta'iyaritsie temɨka'uximatɨariekakɨ, mɨkɨ kexe'aye'atɨani xepatatɨ naime yuhetsiemieme ―xe'iyaritsie, kexemɨteyumate meta xewaiyari― xehetsie karahɨiwakaku kepauka Tati'aitɨwame Ketsutsi Kɨritsitu munuani.

1 Wani 2:28

Hikɨtsɨari neniwema hetsiena xetewiyatɨ xekeneyuhayewa, xɨka mɨpaɨ xeteyurieka, kepauka matsiɨkɨtɨ mayani mɨkɨ, 'aixɨa tepɨtetamaika tekatatetewiyatɨ hɨxiena kepauka munuani.

Piriputari 2:17

Tsepanetɨ netukari mawari mayeitɨarie, hetsiena mieme xekateni'uximayaka, xɨka ne'umierieni mɨpaɨ yuri xemɨte'eriekakɨ, nexuriyakɨ xɨka xemawari 'uxurimarieni, mɨkɨkɨ nekaninaki'akamɨkɨ, xeme yunaitɨ kexemɨteyutemamawie, neta xehepaɨ nekaninetemawieka.

Xumatari 8:19

Naitɨ mɨtiunetɨarie pɨta'ikwewa Kakaɨyari niwemama mematsiɨkɨtɨ memakɨnekɨ, kwiwaxeiyamɨtɨ.

2 Kurinitutari 10:8

'Ikɨ heitserie temexeiya tame, Ti'aitame mɨpaɨ pɨnetiupitɨa nemɨxetɨrɨkariyanikɨ, nemɨxeka'unaxɨanikɨ nepɨka'utaine. Merikɨte, xɨka 'etsiwa ne'anuyehaitɨrɨweni mariweme nexatatɨ 'ikɨ heitserie temexeiyakɨ, nepɨkanetewiya mɨpaɨ ne'utaitɨ.

2 Kurinitutari 4:10

Taheyemekɨ tepɨkwixime tawaiyaritsie, Ketsutsi kemɨtiumɨ. 'Ayumieme tukari kanimatsiɨkɨni tawaiyaritsie, Ketsutsi kemɨrayeniere kanimatsiɨkɨni.

1 Kurinitutari 7:34

Hutamekɨ mɨpaɨ katinimaika. 'Uka 'ɨimari meta kaniyu'iyaritɨaka Ti'aitame hetsie timiemekɨ, hetsiena mieme mɨpatsienikɨ yuwaiyaritsie yu'iyaritsieta. Kemɨ'ane mɨrekakɨna kaniyu'iyaritɨaka kwiepa timiemekɨ, kemɨtinaki'atsitɨanikɨ yɨkɨna.

Kitsariyaxi 50:7

Yawé naimekɨmɨyɨwe matsi mɨnetsiparewiekɨ, hatsuaku tixaɨtɨ mekanete'ayeitɨatɨri mepɨkahakɨne. 'Ayumieme nenierika neputseiriyaxɨ tete mɨtse'i hepaɨ, mɨpaɨ nepɨtimate hawaikɨ nepɨkatewiyatsitɨarieni.

Nɨawari 119:116

Kepemutayɨ keneneparewieka, mɨpaɨ nepɨtiwikweka, 'ahetsie kenemɨtitakwewie pepɨka'ikupatani.

Xumatari 5:5

Mɨpaɨ teteta'ikwewatɨ xɨka yuri tete'erieka, tepɨkatewiyatsitɨarieni, Kakaɨyari ta'iyaritsie mɨtihɨniyakɨ tatsinaki'erietɨ, 'Iyari Mɨtiyupata temupitɨarie yatiyurienekaku.

Kitsariyaxi 45:17

Peru 'Ixaheri Yawé pitawikweitsitɨani, yuheyeme wikweitsitɨarikakɨ, tawarita hatsuaku pɨkatewiyatsitɨarieni meta tawariri tixaɨtɨ pekatihɨkɨtɨtɨ pepɨka'ayeitɨarieni.

Kurutsetari 1:24

Hikɨtsɨari ne nekaninetemawieka tsepa nemu'uximatɨarie xehetsiemieme, nekaneye'atɨani tita mɨreuyewetse nemu'uximatɨariekakɨ, Kɨritsitu kemɨtiu'uximatɨarie, newaiyaritsie mɨpaɨ nekatiniyurieneni mɨkɨ waiyarieyatsie mieme, memɨyutixexeɨriwa mehɨkɨtɨkaku.

Xumatari 12:1

'Ayumieme, ne'iwama, Kakaɨyari mɨtiyukanenimayakɨ, mɨpaɨ nekatinixewawirieka, xemiyetuanikɨ yuwaiyari mawari mayanikɨ mayeniere, mɨpatsie, minake Kakaɨyari. Mɨkɨ 'uximayatsikakɨ xekaneyexeiyakakuni 'iyaritsie mɨmiemekɨ.

Piriputari 1:14

'Iwamarixi yumɨiretɨ menetsiha'eriwatɨ kenemɨranutahɨiya, Ti'aitame hetsie metewiyatɨ mekaniyuwaɨriyani hikɨ matsi waɨkawa Kakaɨyari niukieya memɨkuxatanikɨ mekaheumamatɨ.

2 Kurinitutari 7:14

'Aixɨa kenemɨtitaxatɨa xehepaɨtsita, nepɨka'utewiyatsitɨarie neniuki hepaɨtsita. Matsi yaxeikɨa yuri ketemɨtexekuxaxatɨwakai naimekɨ, mɨpaɨta kaniyuritɨkaitɨni Titu 'aixɨa ketemɨte'itaxatɨa.

2 Kurinitutari 5:15

Mɨkɨ meta, yunaime wahetsiemieme kaniumɨni, mɨkɨ memayeneniere yuhetsiemieme memɨka'ayenenierenikɨ, kemɨ'ane wahetsiemieme mumɨ manukuketɨarie, mɨkɨtsie miemekɨ pɨta memɨyɨakakɨ.

1 Kurinitutari 15:31

Tukarikɨ 'etsiwatɨkaku nekanikɨmɨmɨkɨni tɨma. 'Ipaɨ nepaine 'aixɨa nemutainekɨ xehepaɨtsita ne'iwama, kenemɨtinetemawie nexeha'eriwatɨ Kɨritsitu Ketsutsi mɨtati'aitɨwame hetsie.

Xumatari 9:33

kemɨre'uxa: «Neuxei Tsiyuni hetsie nepikaye tete mɨwati'ɨkamɨra, tete kɨmana memekaxɨrɨwe, peru kemɨ'ane yuri mɨti'erie hetsiena pɨkayutewiyani».

Xumatari 6:19

Tewi hepaɨ nepɨtikuxata xemɨweraranikɨ teɨteri wahepaɨ xete'u'iyaritɨ. Xepɨyuyetuakai xewaiyari mɨti'uximayakakɨ tita mɨkati'itiyatsie mieme tita 'inɨari mɨtititsanatsie mieme, 'inɨari xemɨtitsananikɨ. Hikɨrita yaxeikɨa xekeneyuyetua xewaiyari mɨti'uximayakakɨ tita mɨtiheitserietsie mieme, Kakaɨyari hetsiemieme xemɨpatsienikɨ.

Xumatari 6:13

Xepɨka'iyetuaniri yuwaiyari para kɨmana 'axaxemɨteyuriekakɨ heitseriemekɨ yaxekatekahutɨ. Matsitsɨ mɨkɨ memanutanenierixɨ mɨkite watsata wahepaɨ xeyɨatɨ, xekeneyuyetuaka Kakaɨyari mɨxekuyuitɨirienikɨ xewaiyari, heitseriemekɨ yatiyurienetɨ.

Nɨ'ariekate 21:13

Papuru mɨpaɨ katatiniuta'eiya: —¿Titayari xe'utitsuatɨ ne'iyari xeteweranariya? Ne nepɨha'aritsie Kerutsaremetsie nemɨhɨiyanikɨ meta nemɨmɨnikɨ Ti'aitame Ketsutsi hetsiemieme.

Nɨ'ariekate 20:24

Matsi, netukari raye'akame nepɨka'erie nehetsiemieme. Nepinɨni xeikɨa nehɨritɨarika nenetemawietɨ, 'uximayatsikatsie yanepɨtiyurieni Ti'aitame Ketsutsi kemɨnetiuhɨritɨa, nemɨtihekɨatanikɨ niuki 'aixɨa manuyɨne hepaɨtsita Kakaɨyari 'aixɨa kemɨtiuka'iyari.

Wani 21:19

Mɨpaɨ kaniutayɨni tihekɨatatɨ Pekuru kemɨtimɨnikekai witsi'aneme Kakaɨyari 'ayeitɨanike. Mɨpaɨ 'utayɨka mɨpaɨ katinitahɨawe: —Kenenanuweiya ne'utɨma.

Temaiwawemete 23:18

Mɨpaɨ peti'atemawietɨ pe'ukiratsitɨtɨ pepɨmɨni, titakɨ pemɨtita'ikwewa mɨkɨ hatsuaku pɨkaka'unarieni.

Temaiwawemete 10:28

Yamemɨtekahu temawierika mekanikaxeiyakuni, 'axamemɨteyurieta tita memɨtetakwewie pɨkahaye'ani.

Nɨawari 119:80

Ne'iyari heitseriemekɨ keyukɨhɨaweni 'a'aitsikatsie, ne nemɨkatewiyatsitɨarienikɨ hatsuaku.

Nɨawari 62:5

Kakaɨyari hetsie xeikɨa ne'iyari puka'uxipiwe, mɨkɨ xeikɨa nepɨtakwewie.

Nɨawari 25:2

nekakaɨyari, 'ahetsie yuri nepɨti'erie, pepɨkanetsipitɨaka nemɨnanaimariekakɨ, memɨnetsi'aye'unie pepɨkawapitɨaka memɨnetsiyuriyanikɨ.

Nɨ'ariekate 4:31

Hikɨ me'uyutanenewieku mana memayuxeɨrietsie kaniutayuani, yunaitɨ 'Iyari Mɨtiyupatakɨ mekaniutihɨne, Kakaɨyari niukieya mekanikuxatakaitɨni tixaɨtɨ mekateheumakatɨ.

2 Kurinitutari 3:12

Mɨpaɨ yuri temɨte'eriekɨ, 'ayumieme kwiteyuyetuatɨ tepɨtekuxata.

2 Kurinitutari 7:4

Waɨkawamekɨri nepɨkane'iyaritɨa xehepaɨtsita, yemekɨ 'aixɨa nepɨtikuxata xehepaɨtsita. Waɨkawa xepɨnetsitɨrɨkariya, tsepa naimekɨ kenemɨti'uximatɨariekai, nepɨnɨtɨarie, hikɨ netemawierika panayuhayewa.