Nehemiyaxi 3:1 - Kakaɨyari Niukieya

¹ Hikɨ 'Eriyatsiwi mawari wewiwamete tiwa'aitɨwame meta 'iwamama mawari wewiwamete yunaitɨ meteniuta'uximayata kitenie 'aixɨa mekaniuyurieni Muxatsi Memanutahake mɨtitewa. 'Aixɨa mekaniyurieni kemɨrekuwewiyakai, 'itupariyari mekaneuwɨtɨaxɨani, yaxeikɨata kuraru 'aixɨa mekaniuyurieni Xeitsienituyari Tuxiyuyari mɨtitewa manuwe me'itsutɨaka Tuxiyu Kananeri mɨtitewa manuwe ye'akame.

Nehemiyaxi 3:1 ပူးပေါင်းရင်းမြစ်များ

Nehemiyaxi 12:39

Kitenie 'Epɨrahini mɨtitewa heima tekaniuyekɨne meta Ketsahana heima, meta kitenie Tsapari mɨtitewa heima, tuxiyu Kananeri mɨtitewa hetsie meta tuxiyu Xeitsienituyari mɨtitewatsie meta Muxatsi wakitenie mɨtitewatsie, 'atsita Kuyaxi kitenie mɨtitewatsie paitɨ tekaniye'axɨani. Mana tekaniwa'uni.

Keremiyaxi 31:38

Yawé mɨpaɨ kanaineni: «Tukari kanaye'amɨkɨ Yawé kiekarieya manukuketɨarienikɨ, tuxiyu Kananeri manuwe tsutɨarietɨ kitenie 'Itsikina mɨtitewatsie paitɨ ye'atɨkaitɨ.

Wani 5:2

Kerutsareme haa mana kaniyemakaitɨni Muxatsi Wakitenie hehurakaku, hepɨrayutsixi waniukikɨ Wetetsita katiniuyetewakaitɨni haa mayemakai, 'auxɨwitɨ kitenie waritana pawetɨkatei 'etɨpiwari hexeiyatɨkaitɨ.

Tsakariyaxi 14:10

»Kehewa mɨtiyetewatsie 'atsita Ximuni mɨtiyetewatsie 'uyenieretɨ, Kerutsareme hetɨa meukayunetsie, mɨkɨ kwieyari naitɨ 'akuweritɨ kanayeimɨkɨ. Matsi Kerutsareme yuyemuritsie pɨyuhayewani, yaxeikɨa pɨreukumaka, ye'atɨkaitɨ Wenikamini 'itupariyari manuwietsie meta Mexɨakame mɨtitewa 'itupari manuwietsie, meta 'itupari 'Itsikina mɨtitewa manuwietsie ye'atɨkaitɨ, metatsiere Kananeri tuxiyuyari manuwe ye'atɨkaitɨ 'atsita kaxie pɨname ti'aitame tipiinieya matineniere paitɨ ye'atɨkaitɨ.

Temaiwawemete 3:9

Yawé kenayexeiyani tita pemɨrexeiyakɨ, meta matɨarimieme 'ikwaxi keneyetuirieka tita pemɨtiukaxexeiya.

Nehemiyaxi 13:28

Kuyara niwemama xewitɨ, mawari wewiwamete tiwa'aitɨwame 'Eriyatsiwi nu'aya, nepitanɨ'a nehamatɨa mɨka'uyeikanikɨ Tsamɨwarati huruni tewiyari mumunieyatɨkaikɨ.

Nehemiyaxi 3:32

Manata 'atsita Muxatsi wakitenie 'u'akame 'aixɨa mekaniyurieni pɨratakɨ te'uximayatamete meta tetuayamete.

Temaiwawemete 3:6

Kakaɨyari kena'eriwani naimekɨ kepemɨtiyurienekɨ, 'ana mɨkɨ 'ahuye pɨheitseritɨaka.

Nɨawari 30:1

Yawé, 'aixɨa nepaineni 'ahetsiemieme, pemɨnetsi'anukuketɨakɨ, memɨnetsi'aye'unie pemɨkawarupitɨakɨ memɨnetsi'atsenikɨ.

Nehemiyaxi 12:30

Mawari wewiwamete meta rewitsixi me'uyu'itieka meri, 'ariketa teɨteri, meta kiteniete, metatsiere kuraru mekateniu'itieni.

Nehemiyaxi 7:1

Kepauka kuraru munɨrie 'itupari meuwɨtɨarie kitenie, mekaniutihɨawarieni kitenie tehɨwemete, kwikamete meta rewitsixi.

Nehemiyaxi 6:1

Tsamɨwarati, Tuwiyaxi, Ketseni 'arawe tewiyari meta yunaitɨ memɨtatsi'aye'unie, metenetimani kename ne kuraru ne'anukuketɨakai meta kenameri naitɨ 'akanɨrietɨkatei (peru 'akuxi 'itupari pɨkaheuwɨtɨkatei).

Nehemiyaxi 3:20

Manata mikatsutɨa mutatsikuritsie 'atsita mawari wewiwamete tiwa'aitɨwame 'Eriyatsiwi kitenienatsie 'u'akame, 'aixɨa kaniyurieni Waruki Tsawahi nu'aya waɨkawa yuwaɨriyatɨ.

Hutarieka 'inɨari 20:5

»Meta kuyaxi tewa'aitɨwamete wa'ukiyarima kuyaxi mɨpaɨ mepɨtewatahɨawe: “Xɨka xewitɨ yukii hekwame hetawewieni xɨka muwa 'akuxi kahayeyerɨwekaitɨni, mɨkɨ keheyani yukie, kapa 'umierieni 'ena, hikɨtari xewitɨ pɨta kiitana hayeyerɨni.

Nehemiyaxi 12:10

Ketsuha xiɨyarimama mekanihɨkɨtɨkaitɨni Kuhakimi, 'Eriyatsiwi, Kuyara,

Nɨawari 48:12

Tsiyuni 'aurie xekenahuni, waritana xekenakɨni meta xekeneuti'inɨata tuxiyuya,

Tanieri 9:25

»”'Aixɨa ketineu'ena kenemetitahɨawe: 'Atahuta tsemanayari kananukayeimɨkɨ tsutɨtɨ kepauka 'aitsika mutawewiya maine Kerutsareme ke'anukuketɨarieni 'atsita 'uti'atɨ munuanitsie ti'aitame manayexeiyarie. Mɨkɨ tukari 'anukayayu tawari kanahuni haika tewiyari heimana huta tsemanayari. Hikɨ 'ana Kerutsareme kananukuketɨariemɨkɨ, kayeyari meta kuraruyari 'amatayewa. Tukari waɨkawa kwaniwetɨ kanayeimɨkɨ,

Nehemiyaxi 3:21

Manata mikatsutɨa 'Eriyatsiwi kitenietsie 'atsita naime kiiya manu'axe, 'aixɨa kaniyurieni Meremuti 'Uriyaxi nu'aya Kuhutsi teukarieya.

Nehemiyaxi 13:4

Mɨpaɨ katiyɨwekaku 'akuxi, mawari wewiwame 'Eriyatsiwi mɨhɨritɨarie Kakaɨyari tukita timieme mɨtiuyepitɨkatsie, Tuwiyaxi kaniutimareta,