Nehemiyaxi 2:8 - Kakaɨyari Niukieya

⁸ ximɨxi nematsiwawirie huku mɨ'ɨwiya 'Atsahapi mɨpaɨ pemɨtitahɨawekɨ huku kɨyeyari mɨnetsiminikɨ, tukita 'itupari nemeuwɨtɨaxɨanikɨ, meta kiekari kuraruyari hetsiemieme meta kiita hakewa nemayekani hetsiemieme. Ti'aitame yakatiniutanaki'erieni kenemɨrewawiriwakai, Kakaɨyari mɨnetsiparewiekaikɨ.

Nehemiyaxi 2:8 ပူးပေါင်းရင်းမြစ်များ

'Etsitɨraxi 7:6

'Ikɨ 'Etsitɨraxi kaninuani Wawiruniya 'aneka. Ti'ukitame kanihɨkɨtɨkaitɨni 'aitsika 'inɨari niukiyari naime makumaikai Yawé 'Ixaheri Kakaɨyarieya Muitsexi mupitɨa. Ti'aitame waɨkawa kaninaki'eriekaitɨni, Yawé Kakaɨyari hamatɨana kaniuyeikakaitɨni.

Kitsariyaxi 66:14

Kepauka xeme mɨpaɨ xemɨteneniere, yu'iyaritsie xepuyutemamawieka, hikɨ mɨkɨ waiyarieya pɨtaxutuni tupiriya hepaɨ, Yawé matsiɨkɨme payeitɨani yutɨrɨkariya te'i'uximayatsiriwamete watsata, meta yuhaxɨa kemɨ'ane memeye'unie watsata.

Nehemiyaxi 7:2

Ne'iwa Kananihi, mɨkɨ tewi yamɨtikamie Kakaɨyari mayemakaxe mɨhɨkɨtɨkai, Kerutsareme nenihɨritɨani Kananiyaxi mame kuyaxi tiwa'aitɨwame mɨhɨkɨ mɨkɨ kiekariyaritsie.

Tanieri 1:9

Tsepanetɨ Kakaɨyari 'aixɨa mɨtiuyuriekai Tanieri hepaɨtsita, te'uximayatamete wa'ukiyari 'aixɨa mɨtixeiyakɨ,

'Etsitɨraxi 5:5

Matsi huriyutsixi wa'ukiyarima Kakaɨyari mɨwa'ɨwiyakaikɨ, waɨriyarika mepɨka'upitɨarie memɨtehayewakɨ yu'uximayatsika kepaukake Rariyu yamɨtayɨnikekai xapatsie.

Tsutɨarika 32:28

Hikɨ tewi mɨpaɨ katinitahɨawe: —Kakuwu pepɨkatitewakari, 'Ixaheri pɨta, Kakaɨyari pemutamikɨ meta teɨteri, pemɨrayu'iwakɨ.

2 Kurinitutari 8:16

Pamɨpariyutsi Kakaɨyari nekanipitɨaka Titu mupitɨakɨ nehepaɨ mɨtiku'eriwanikɨ ne xehetsiemieme kenemɨtiku'eriwa.

Nɨ'ariekate 26:22

Matsi Kakaɨyari kaneniparewieka hikɨ 'akuxi, mɨpaɨ nekatiniyuwaɨriyani netiwahekɨatɨatɨ teɨteri 'ukirawetsixi meta tɨɨri yunaime. Kakaɨyari niukametemama meta Muitsexi kememutiyua yamɨtiyɨnikekaikɨ:

Nɨ'ariekate 7:10

Nitawikweitsitɨani naime kemɨti'uximatɨariekai, pipitɨa 'aixɨa mɨtixeiyarienikɨ mɨtimaiwenikɨ Parahuni hɨxie 'ekipitutari mɨtiwa'aitɨwametɨkai hɨxie. Mɨkɨri 'itsɨkame kaneyeitɨani Kutse 'Ekipitu kwieyari hepaɨtsita naime yukiita mieme hepaɨtsita 'ihɨritɨatɨ.

Temaiwawemete 21:1

Ti'aitame 'iyarieya 'aki'utua haa muhane hepaɨ kani'aneni Yawé yatinɨ'akaku, 'itanɨ'awakaku mɨkɨ hakewa meinake.

'Etsitɨraxi 7:9

Wawiruniya kanayeyakaitɨni mexɨakame tukaritsie mexɨakame metseritsie, Kerutsareme kaninuani mexɨakame tukaritsie 'auxɨwirieka metseriyaritsie, Kakaɨyari 'aixɨa 'anemekɨ miparewiekaikɨ meta hamatɨana mumiekaikɨ.

'Etsitɨraxi 6:22

'Atahuta tukari waɨkawa meyutemamawietɨ paa mɨkakuxanariyarietɨka 'ixɨarariyari mekaniwewiekaitɨni, Yawé tawarita temawierika muwarupitɨakaikɨ meta ti'aitame Peritsiyatsie mɨti'aita mɨwaruparewiekaikɨ yamɨtiuyurikɨ meta mɨwarupitɨakɨ 'Ixaheri Kakaɨyarieya tukieya hutarieka memanukuhanakɨ.

Ti'ɨkitame 2:5

nehetsie timieme nekatini'uximayakaitɨni, harawerita meta 'iteɨrite, mana nekatiniuka'iteɨrita kɨyexite yu'ikwaxi mexeiyatɨka.

Ti'ɨkitame 2:6

Yaxeikɨa putsu 'emeukatetewa nekaniutiwewieni waɨkawa kɨyexi mana muxuawekai nemɨhatuiyanikɨ mɨtiwawerenikɨ.

'Etsitɨraxi 6:8

Metatsiere mɨpaɨ nepaine xemeta xepɨwareparewieni, xeteheyutɨatɨ tita mɨreuyeweka tuki manukuketɨarienikɨ, tuminikɨ mɨkɨ kwieyaritsie xemɨteyukutɨayakɨ 'ena paratsiyuta. 'Exepɨkateheutewini reuyewekaku tukitsie timieme xeketeneyutua, 'uximayatsika mɨkahewakekanikɨ.