Nehemiyaxi 1:9 - Kakaɨyari Niukieya

⁹ matsi xɨka nehetsɨa xe'u'axɨani, yaxetekahutɨ yaxete'u'uwatɨ kenemɨti'aita tsepa hakewa xemehapanie kwiepa, mana nekanixehayewitɨmɨkɨ hakewa kwie nemanayexeitsie ne hakewa nemekanitsie nekanixe'atɨamɨkɨ”.

Nehemiyaxi 1:9 ပူးပေါင်းရင်းမြစ်များ

Keremiyaxi 32:37

Nemɨxeheutanɨ'axɨa waɨkawa neha'atɨ meta nehaxɨa makaxiwakaku naitsarie nuiwarite watsata, nekanixekuxeɨrimɨkɨ, meta 'ikɨ kiekaritsie nekanixe'atɨamɨkɨ 'aixɨa 'iyari xemɨtetenikɨ.

Mateu 24:31

Meta kuxineta hɨtsieriekaku pɨwatanɨ'axɨani yuniuki tuayamete, hikɨ mɨkɨ mepɨwakuxeɨrieni memanayexeiyarie, naitsarie kiekatari muyuawi hetɨa.

Keremiyaxi 12:15

'Arike newarahuname, nekaniwatinenimayatamɨkɨ, nekaniwa'atɨamɨkɨ yuxexuime wakwietsie nemɨwayetuiritsie.

Kitsariyaxi 56:8

Yawé mɨpaɨ kanaineni naimekɨmɨyɨwe, kemɨ'ane muwakuxexeɨriwa 'ixaheritsixi memeutaweiyariexɨa: «Neteɨterima nepɨwakuxeɨrieni hipame teɨteri meyunɨkame, meta 'akuxi hipame nemuwarukuxeɨri».

Nɨawari 147:2

Yawé Kerutsareme panukuketɨa, memehapanie 'ixaheritsixi puwakuxexeɨriwa,

'Etsitɨraxi 6:12

Kakaɨyari Kerutsareme kananayexeiya mana memeyexeiyanikɨ, ke'ika'una ti'aitame kemɨ'ane yatɨni hipatɨ teɨteri 'ikɨ 'aitsika 'axamuyurieni yatɨni xɨka Kakaɨyari tukieya kemɨ'ane mɨka'unamɨkɨni. Ne, Rariyu, 'ikɨ 'aitsika nekaniunetɨani. Mɨpaɨ xeketenemaika meta kemɨre'uxa mɨpaɨ keraye'atɨarieka.

Hutarieka 'inɨari 12:5

xenuiwaritsie Yawé kanenayexeiyamɨkɨ hakewa memeyexeiyanikɨ kemɨtitewakɨ, mana xeme xehume xekaneyɨwawekakuni xeikɨa xemeyexeiyanikɨ.

'Etsekieri 36:24

Nuiwarite watsata me'u'uwame nekaniwakuxeɨrimɨkɨ, hipame teɨteri watsata me'u'uwame nekaniwarayewitɨmɨkɨ, wakwiepa nekaniwa'atɨamɨkɨ.

Keremiyaxi 31:10

»Nuiwarite, Yawé niukieya xekeneu'eni, meta xekenekuxatani haramara tetsita meteewatsie paitɨ: “Kemɨ'ane 'Ixaheritsixi mɨwareutaweiyaxɨa, mɨkɨ kaniwakuxeɨrimɨkɨ, muxatsi wahɨweme hepaɨ nekatiniwa'ɨwiyamɨkɨ”.

Kitsariyaxi 11:12

Patera panuwieni nuiwarite wahetsiemieme, 'ixaheritsixi memutaweiyarie puwaxeɨrieni, naitsarie kwiepa Kura nuiwarimama memeutaweiyariexɨa puwakuxeɨrieni.

Nɨawari 106:47

Yawé, ketaneutawikweitsitɨa, takakaɨyari pemɨhɨkɨ, tawarita ketaneukuxeɨri takwieyaritsie, pamɨpariyutsi temɨmetsipitɨakakɨ pepatsietɨ kepemɨtitewa, meta teyutemamawietɨ temɨmetsinɨawanikɨ.

1 Te'aitamete 9:3

mɨpaɨ katinitahɨawe Yawé: «'Anenewieri nepu'eni meta waɨkawamekɨ kepemɨnetiutawawiri. Patsiekame nepayeitɨani mɨkɨ tuki pemitawewi muwa nemayekanikɨ yuheyemekɨ. Nepixeiyani meta ne'iyarikɨ nepinaki'erieka yuheyemekɨ.

Keremiyaxi 3:14

Yawé mɨpaɨ kanaineni: «Nehetsɨa xekeneu'axɨa xemɨnetsi'uku'eiri, karikɨ ne xekɨna nekanihɨkɨtɨni. Yuxexuime xeikiekariyaritsie nepɨwarayewitɨxɨani meta yuhuhutakame xeinuiwaritsie miemete, Tsiyuni paitɨ nepuwa'atɨani.

1 Kemɨtiuyɨ 16:35

Mɨpaɨ xeketenahɨaweni: “Ketaneutawikweitsitɨa, Kakaɨyari, tawikweitsitɨwame pemɨhɨkɨ. Ketaneukuxeɨri ketaneɨxɨna Kakaɨyari memɨka'ayexeiya watsata temɨka'u'uwanikɨ, temɨmatsinɨawanikɨ kepemɨtimariwe, temɨyutemamawiekakɨ tematsinɨawatɨ”.

Hutarieka 'inɨari 12:21

Xɨka 'ahetewani hakewa meyuhayewa Yawé 'akakaɨyari, pepɨyɨweni tewaxi pemɨwarutimawa tsikerutsixi yatɨni muxatsi, netsɨ kenemɨtiu'aitaxɨ, pepɨyɨwe pemɨtikwaka 'akiekaritsie tsepa ketipaɨmeme.

1 Te'aitamete 8:48

meta mana memɨwaraye'unie memɨwarehapa wakwieyaritsie paitɨ xɨka 'ahetsɨa yu'iyarikɨ meyuyetuani meta kememɨteyumatekɨ, xɨka nenewieri memetsiheyetuirieni meta kwie wa'ukiyarima pemɨwayetuiri hepa xɨka mehataneniereni meta kiekari pemenayexei hepa meta tuki 'ahetsiemieme nemitawewi hepa,

Nɨawari 107:3

Naitsarie kwiepa wara'iniexɨaka mɨwarukuxeɨri, tayeta meta tatsutɨa miemete, tatserieta meta ta'utata miemete.

Kitsariyaxi 27:12

'Iya tukaritsie Yawé tɨriku pɨtiketsini 'Eupɨrate hayari manuye'anetsie paitɨ 'itsutɨame 'Ekipitu hayari manuyekatsie paitɨ ye'atɨkaime, xeme 'ixaheritsixi yuxexuitɨ xepeu'itsanariexɨani xemukuxeɨriyanikɨ.

Keremiyaxi 6:22

Yawé mɨpaɨ kanaineni: «Neuxei. Tayeta kuyaxi mepayehu, xewitɨ nuiwari mariwetɨ puyukuha'aritɨwa kwie manu'axetsie paitɨ.

'Etsekieri 14:6

»'Ayumieme, mɨpaɨ ketiniwaraye'erietɨa 'ixaheritsixi teɨteriyari, Yawé naimekɨmɨyɨwe mɨpaɨ kanaineni: “'Ari ta'aurie xekenaxɨri. Xekeneuyupatari kakaɨyarixi xekeniwaruku'eiri, meta 'axaxeteyurietɨ xeketeneuhayewa”.

Mawari 26:3

»Xɨka yaxete'u'uwani kenemɨtixe'u'aitɨa meta ne'aitsikatsie yaxetekahuni 'aixɨa 'anemekɨ,

Hutarieka 'inɨari 30:1

»Kepauka 'ikɨ naimekɨ 'aixɨa xemɨ'itɨarieni yatɨni kepauka 'ikɨ naimekɨ 'axaxemɨ'itɨarieni hikɨ nemɨxekuxaxatɨwa, meta kepauka xemaye'erieni hipame wakwietsie xe'u'uwatɨ hakewa Yawé xekakaɨyari mɨxehetaxɨriexɨanitsie,

Tsakariyaxi 8:7

»Mɨpaɨ kanaineni Yawé Naimekɨmɨtɨrɨkaɨye: »“Neteɨterima nepɨwatawikweitsitɨani, tau manatineika hepatsie kiekatari wahetsɨa memu'uwa meta makayuyuipike hepatsie.