Nehemiyaxi 1:7 - Kakaɨyari Niukieya

⁷ Kemɨkametinake tepɨte'uyuri meta yemekɨ 'axateputayuri, yatepɨkatekakɨ 'aitsika hepaɨtsita pemɨtatsiyetuiri mati'uximayatsiriwame Muitsexi ya'utainekaku.

Nehemiyaxi 1:7 ပူးပေါင်းရင်းမြစ်များ

Tanieri 9:11

Yunaitɨ 'ixaheritsixi 'a'aitsika mepuku'eiri, mepɨkayuwaɨri yamemɨtekahuni kepemaine. 'Ayumieme, 'axatemɨte'uyurikɨ 'ahepaɨtsita, tahetsie paye'a kepemutayɨ ketemɨtekwinitɨarienikekai, 'inɨari xapayaritsie kemɨre'uxa meti'uximayatsiriwame Muitsexi kemɨraka'utɨa.

Tanieri 9:13

»”Yawé meta Kakaɨyari, naitɨ 'ikɨ 'uximatɨarika tahetsie kaninuani, Muitsexi xapayatsie 'inɨari niukiyaritsie kemɨre'uxa, mɨyatɨtɨ 'akuxi tepɨkatekuwautɨwe pemɨtatsitinenimayatakɨ. Tita'axamɨti'ane tepɨkateku'eiriwawe meta tepɨkayumexɨitɨa 'aniuki yuri maine temɨ'enienikɨ.

Nɨawari 106:6

'Axatepɨte'uyuri, yaxeikɨa tapaapama wahepaɨ, 'axatepɨte'uyuri meta 'axamɨti'ane waɨkawa tepɨte'uyuri.

Matsiɨkɨtɨ kemɨratɨa 19:2

kemɨtiyuheitseritɨwa kaniyuritɨni meta 'aixɨa ketiniuka'iyarini. 'Ukaratsi tuminikɨ muyumayɨinɨa mɨmatiwa kaniutaxaneta, kayukɨnama wamayɨanetɨ kwie 'axa'anekame payeitɨa. Kakaɨyari te'uximayatsiriwamete waxuriya metayeurikɨ».

Marakiyaxi 4:4

»Muitsexi neti'uximayatsiriwame 'aitsikate kemɨraka'utɨa xekena'eriwani. Xekena'eriwani 'aitsikate meta 'inɨari niukiyarite nemɨxeyetuiri Huré hɨriyaritsie yunaime 'ixaheritsixi wahetsiemieme.

Tsupuniyaxi 3:7

Kiekari mɨpaɨ nepɨtiutahɨawixɨ: “Yurikɨ pepɨnetsi'ayemakaxeni, kenemɨmetita'ɨxatsitɨani pepeu'enani”. Hikɨ 'ayumieme wakiekari pɨkaka'unarienikekai, naimekɨ nemɨtita'aitɨakaikɨ. Peru mɨyatɨtɨ, meyumexɨitɨatɨ mekanakɨne pɨta 'axamemɨteyurienikɨ naime hepaɨtsita.

'Utseyaxi 9:9

Kemɨkatiheitserie xeteyurietɨ 'ari xepakɨ, Kiweya mɨtiuyɨ hepaɨ, Peru Kakaɨyari pɨkaratɨmaiya waɨkawa kexemɨte'uyuri 'uximatɨarika pɨxepitɨani 'axaxemɨte'uyurikɨ.

'Etsitɨraxi 7:6

'Ikɨ 'Etsitɨraxi kaninuani Wawiruniya 'aneka. Ti'ukitame kanihɨkɨtɨkaitɨni 'aitsika 'inɨari niukiyari naime makumaikai Yawé 'Ixaheri Kakaɨyarieya Muitsexi mupitɨa. Ti'aitame waɨkawa kaninaki'eriekaitɨni, Yawé Kakaɨyari hamatɨana kaniuyeikakaitɨni.

2 Kemɨtiuyɨ 27:2

Kutani yakatiniuyurieni Yawé kemɨtinake, naimetsie 'ukiyarieya 'Utsiyaxi ke'aixɨa mɨtikatɨa kanenukuweiya, peru Yawé tukita pɨkaheta'axekai. Matsi teɨteri, mepiyeweiyakai 'axameteyurietɨ.

2 Kemɨtiuyɨ 25:4

Matsi, Yawé kemɨtiuta'aitaxɨ, teyumiekate waniwema pɨkawarukwi, mɨpaɨtsɨ katine'uka Muitsexi 'inɨari niukiyari kemɨraka'utɨatsie: «Wa'ukiyarima mepɨkakwi'iwa waniwema 'axamemɨte'uyurikɨ, meta waniwema mepɨkakwi'iwa wa'ukiyarima 'axamemɨte'uyurikɨ, matsi yuxexuitɨ mekanikwi'iwakuni yuxexuitɨ ke'axamemɨte'uyurikɨ».

1 Te'aitamete 2:3

Yawé 'akakaɨyari 'aitsikayatsie yaketinekamieni huyeya keneuweiyani meta Muitsexi naime 'inɨari niukiyaritsie kemɨraka'utɨa. Mɨpaɨ 'ana tsepa kepemɨtiyuriene 'aixɨa pepɨtiukaxexeiyani meta tsepa hakewa pemetɨa,

Hutarieka 'inɨari 6:1

»'Ikɨ kanihɨkɨtɨni 'inɨari niukiyari meta 'aitsika waɨkawa Yawé 'akakaɨyari mɨnetsi'uta'aitɨa ne nemɨmatsita'ɨkitɨanikɨ, mɨpaɨ xemɨtehe'uwanikɨ xema'axɨanitsie yukwie xemayeitɨanikɨ,

Hutarieka 'inɨari 5:1

Muitsexi yunaime 'ixaheritsixi kaniwarukuxeɨrieni, mɨpaɨ katiniwarutahɨawe: «'Ixaheritsixi, xekeneu'eni 'inɨari niukiyari meta 'aitsikate waɨkawa hikɨ ne nemɨxetaxatɨani. Xekenetimati mɨkɨ meta mɨpaɨ xeketeneu'uwani.

Hutarieka 'inɨari 4:5

»Neuxei, neri nepɨtixe'uta'ɨkitɨa 'inɨari niukiyari meta 'aitsika Yawé nekakaɨyari kemɨnetiuta'aitɨa, xemeri mɨpaɨ xemɨtekakɨnekɨ mɨkɨ kwieyaritsie xe'axɨame xekwie mayanitsie.

Hutarieka 'inɨari 4:1

»'Ixaheritsixi, 'ikɨ xekeneu'eni 'aitsika 'inɨari niukiyari kenemɨtixe'u'ɨkitɨa, kemaine yaxemɨtekahunikɨ. 'Ana mɨpaɨ xeteyurietɨ xekaneutahaxɨakuni 'iya kwieyaritsie Yawé tatutsima wakakaɨyari mɨxeyetuirietsie xekwie mayanikɨ.

Mawari 27:34

'Ikɨ 'aitsikate kanihɨkɨtɨni Yawé Muitsexi mɨyetuiri 'ixaheritsixi wahetsiemieme, Tsinahi yemuriyaritsie.

Kitsariyaxi 1:4

Xɨa'ui nuiwari 'axateyuruwamete, teɨteri xehetsie mɨrahɨiwa, 'axateyuruwamete nuiwariyari, tɨɨri heitseriemekɨ yaxemɨkateyurie. Yawé xekaniuku'eirieni. Mɨpatsie 'Ixaheri hetsiemieme tixaɨtɨ tihɨkɨtɨme xepɨka'ayeitɨa. Yu'ɨtɨma xekanekɨne.

Nɨawari 89:31

xɨka me'iku'eirieni ne'aitsika meta xɨka mekaheitixeiyaxɨani kenemɨtiu'ai,

Nɨawari 89:32

kɨyekɨ nekatiniwakwinitɨamɨkɨ 'axamemɨte'uyurikɨ meta nekaniwatiwamɨkɨ yamemɨkatekakɨkɨ.