Nehemiyaxi 1:3 - Kakaɨyari Niukieya

³ Mɨkɨ mɨpaɨ mekaneteniuta'eiya: «Huriyutsixi Wawiruniya memɨkaheyehapanie waɨkawamekɨ mepɨteheka'eniwa meta mepeyutetewiya. Kerutsareme kuraruyari 'akuxi pe'uni naitɨ, 'itupariyarite kanetaiyarietɨkani».

Nehemiyaxi 1:3 ပူးပေါင်းရင်းမြစ်များ

Nehemiyaxi 2:17

'Ayumieme mɨpaɨ nepɨtiwarutahɨawixɨ: ―Xeme xemunenierixɨ xepɨhɨkɨ ketemu'itɨarie. Kerutsareme pu'uni, 'itupariyari pɨxɨxɨwi taikɨ. Hikɨmɨtɨka, xekeneuyuwaɨriya. Kerutsareme kuraruyari 'aixɨa tepuyurieni para hipatɨri tawarita memɨkatatsinanaimakakɨ.

2 Te'aitamete 25:10

Hikɨ kuyaxi wawiruniyutsixi tiwa'aitɨwame tiwa'aitɨakaku kiekari kuraruyari mekaniuka'una, kiekari warie makatei.

Nehemiyaxi 7:6

'Ikɨ xapa kanihɨkɨtɨni Kura kwieyaritsie kiekatari, tatsɨari, Nawukurunutsuxi Wawiruniya kwieyaritsie ti'aitame mɨwarehapakai, memepitɨarie memakunuaxɨanikɨ Kerutsareme meta Kura kwieyaritsie. Yuxexuitɨ yukiekaritsie mekanakunuaxɨani,

Nehemiyaxi 2:13

Mɨkɨ tɨkaritsie nepuwayetɨa Mayeweri kitenieyaritsie nekaneuyehani, haixa Yawi Mayu'eriya mɨtitewa matiniere hepatsie meta Xatsi kitenieyari manuwietsie hepatsie. Kerutsareme kuraruyari nekaniuxeiya mu'uni meta 'itupariyarite naitɨ mɨxɨxɨwi.

Nehemiyaxi 2:3

mɨpaɨ nekatinita'eiya: ―Ti'aitame waɨkawa tukari pekepitɨarieka. ¿Titayarikuta nekatinutuixieka, panatsi kiekaritsie ne'ukiyarima memakateukie naitɨ kaheka'unarie meta 'ituparite naitɨ kahetata'i?

'Etsitɨraxi 5:8

Ti'aitame mɨpaɨ pemɨtimaikakɨ tepɨmatehaxaxatɨwa Kura kwieyaritsie tepanukɨ, Kakaɨyari mɨmariwe tukieya manuwekai, hikɨ tekaneixeiya hekwamekɨ kanewewiyaneni tetexi 'anenemekɨ, meta herie mexa kanekamarɨwani. Mɨkɨ 'uximayatsika yemekɨ me'ikweriwayurietɨ mekatene'uximayaka, peru yapauka mekateneyurieka.

Hiwerika 5:1

Yawé, kenaye'eri kemɨtatiuyuri, ketemɨteyutewinɨa kenaye'eri.

Hiwerika 3:61

Yawé, 'ekɨ pepɨwaru'eni ke'axamemɨtate'utahɨawixɨ meta naime kememɨteku'eriwakai nehetsiemieme,

Hiwerika 1:7

Paye'eriwa Kerutsareme, kepauka yɨxaɨta nutuixietɨ 'amuyeikakai, meripaitɨ waɨkawa kemɨrexeiyakai pɨra'eriwa meripaitɨ mɨtipiinieyatɨkai. Kepauka memeye'unie hetsɨana memɨye'axɨa, nixewitɨ 'ana pɨkanua 'iparewienike. Memeye'unie mepixei kepauka matiwe, 'ana mɨkɨ mepi'atsekai me'inanaimatɨ.

Keremiyaxi 52:14

Hikɨ kuyaxi wawiruniyutsixi naime kiekari kuraruyari meniuta'una mɨkɨ tiwa'aitɨakaku.

Keremiyaxi 42:18

Mɨpaɨtsɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: “Kehepaɨ Kerutsareme kiekatari wahetsiemieme waɨkawa nemɨtiuyeha'a, mɨpaɨta xehetsiemieme waɨkawamekɨ nekatiniyeha'amɨkɨ xɨka xehekɨne 'Ekipitu. 'Axaxe'itɨarietɨ xepakɨne, waɨkawa mepumamaka hipatɨ mexexeiyatɨ, meta xepɨtixani'eriwa xepuyuriyarieka meta hatsuakuri 'ikɨ kwieyaritsie xepɨka'axɨani”.

Keremiyaxi 39:8

Wawiruniyutsixi paratsiyu mekaniutaiya meta teɨteri wakii, Kerutsareme kuraruyari mekaniuta'una.

Keremiyaxi 29:18

Nekaniwarayeweiyamɨkɨ 'ixiparakɨ, haakakɨ meta kwiniyakɨ, te'aitamete kwiepa memɨtama yunaitɨ mepuwaxani'erieka, 'axamepɨ'itɨarieka meta 'atsieriwamete meta mepuyuriyarieka naitsarie nuiwarite wahetsɨa hakewa ne nemuwaranɨnɨ'anitsie.

Keremiyaxi 24:9

Yanepɨtiyurieni hipatɨ mewaxeiyatɨ memɨmamakakɨ meta mepɨte'uka'eniwani, yunaime nuiwarite memɨtama wahetsie. Meta tsepa hakewa ne nemɨwaretanɨ'axɨani, muwa 'aixɨa mepɨkate hexeiyarieka, mepeyuriyarieka, mepenanaimarieka, 'axamepe'itɨarieka.

Keremiyaxi 5:10

»Xuruku 'utɨa xekeneutayeixɨa 'ikɨ kaxie mayematsie, xekenayehuna, peru hipame xekeneuhayewa. Xekenamuraxɨa yɨrariyarite, karikɨ mɨkɨ Yawé hetsɨa pɨkamiemete.

Kitsariyaxi 43:28

'Ayumieme tukita memɨte'uximayakai nitixaɨtɨ nepɨkatiwarayeitɨa, Kakuwu nepɨyetua mɨka'unarienikɨ naitɨ, 'Ixaheri nepɨyetua mɨtixani'eriwakɨ.

Kitsariyaxi 5:5

Ne nepɨtixetaxatɨani kenemɨtiyurieni nekaxie haraweriyari hepaɨtsita: Kuraruyari nepa'unatɨyani, kanika'unariemɨkɨ, tetsariya 'amɨtɨtɨ nekanika'unamɨkɨ, hetsiena katina'uitɨmɨkɨ.

Nɨawari 79:4

Ta'aurie kiekatari tahetsiemieme niuki mekaniwewieka, tame tekanihɨkɨtɨni 'atsieriwamete ta'aurie memahane wahetsiemieme.

'Etsitexi 1:1

Hikɨ ti'aitame 'Atsuheru, pɨti'aitakai xeitsienituyari heimana xeitewiyari heimana 'atahuta (127) kwieyaritetsie, 'akaniyeukaitɨni Hiriya mɨrakutewatsie meta Kutsi kwieyaritsie paitɨ ye'atɨkaitɨ.

Nehemiyaxi 11:3

'Ikɨ mekanihɨkɨtɨni 'ikɨ kwieyaritsie memanuyetei Kerutsareme memuyuhayewaxɨ meta hipame kiekaritetsie Kura kwieyaritsie. 'Ixaheritsixi, mawari wewiwamete, rewitsixi, tukita te'uximayatamete meta Tsarumuni te'uximayatsiriwamete wanuiwarima mana mekaniyuhayewa, yuxexuitɨ yukiekaritsie meta yukwieyaritsie.

'Etsitɨraxi 2:1

'Ikɨ 'ena mepaye'uxa teɨteri Kura kwieyaritsie memɨkiekataritɨkai Nawukurunutsuxi, Wawiruniyatsie ti'aitame, muwarehapa Wawiruniya paitɨ, meta kemɨ'ane memupitɨarie Kerutsareme meta Kura kwieyaritsie hutarieka memɨ'axɨanikɨ. Yuxexɨitɨ mɨkɨ mekaniu'axɨani yukiekaritsie,

1 Te'aitamete 9:7

ne 'ixaheritsixi nepɨwarakumaweriya kwie nemɨwayetuiritsie meta tuki nepɨtixani'erieni patsiekame nemayeitɨa nehetsiemieme. Hikɨ 'ana 'Ixaheri 'atsieriwame payani yunaime teɨteri wahetsiemieme.

Temaiwawemete 25:28

Kiekari muka'unarie kakurarutɨiyarietɨ, tewi yu'iyaritsie mɨpaɨ kani'aneni yukɨmana mɨkatiyu'aitɨawekɨ.

Hiwerika 2:9

'Ituparite kaneuxɨriexɨani kwiepa kaniyuhayewa, kaneimuraxɨani 'ituparite warita mauku'uwe. Ti'aitame meta 'iparewiwamete mekane'uwani hipame nuiwarite watsata, 'inɨari niukiyari pɨkakuxaxatsiwari meta Kakaɨyari niukametemama mepɨka'u'uwari, Yawé pɨkatiwaxeitsitɨari.

Mawari 26:31

Xekiekarite nepakumaweriyari, watukite nepatixɨriexɨani. Xemawari witsimu'ɨatɨkatei mɨnetsinakekaikɨri nepɨkayukatemawieni.

Mawari 26:33

Hipame nuiwarite watsata nekanixetaxɨriexɨamɨkɨ: 'ixipara newatihaname nepɨwaranukuweiya wakwie yuxaɨtame nepɨhayewa, wakiekari nepɨka'unaxɨani.

2 Kemɨtiuyɨ 36:19

Hikɨ Kakaɨyari tukieya mekaniutataiya, Kerutsareme kuraruyari 'amatayewa mekaniuka'una, meta paratsiyute mekaniutitaiya meta tinaime mekateniutitara piinite mɨraye'atɨkatei muwa mɨtiyepitɨkatei.