Mikeyaxi 7:9 - Kakaɨyari Niukieya

⁹ Yawé hepaɨtsita 'axanekatiniuyurieni, 'ayumieme nepinewieni haxɨaya kepaukake 'aixɨa mɨtiyurieni kenemɨtiuyurikɨ meta kemɨtiheitserie nehetsiemieme. Hikɨ 'ana hekɨaripa pɨnetsi'atɨani meta neyutemawietɨ nepayani wikweitsitɨarikayakɨ.

Mikeyaxi 7:9 ပူးပေါင်းရင်းမြစ်များ

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Nɨawari 37:6

Mɨpaɨ kepauka pemɨtaxanetsieni 'aixɨa mɨti'ane 'ahetsie pɨhekɨariwieximeni, keheitserie pemɨrexeiya pɨhekɨaka tuka hepaɨ.

1 Tsamuheri 24:15

Yawé kehɨkɨtɨni tame teyuhutame tahetsie kerahɨani, yaxeikɨa ke'uniere kemɨ'ane 'axamɨtiyuriene, ne kenemɨtiyuriene ke'utiniere, 'aixɨa kenetsi'uyurieni meta 'ahepaɨtsita kenetsi'utawikweitsitɨani».

2 Timuteu 4:8

Hikɨ nepe'utsiyarie kuruna nemɨmariwakɨ heitseriemekɨ yanemɨtikatɨakɨ, ti'aitame 'itsɨkame kanihɨkɨtɨni heitseriemekɨ yamɨtikamie, mɨkɨ mɨpaɨ pɨnetipitɨani 'iya tukari 'aye'ayu, ne xeikɨa mɨpaɨ pɨkanetipitɨani, matsi yunaitɨ memɨnaki'a munuaximekɨ mɨpaɨ pɨtiwapitɨani mɨkɨ.

Marakiyaxi 3:18

Xeme 'ana xetemaitɨ xepakɨne keyɨkɨmɨ'ane 'aixɨa memɨteyurie wahetsiemieme meta 'axamemɨteyurie, Kakaɨyari memayexeiya wahetsiemieme meta memɨka'eyexeiya.

Matsiɨkɨtɨ kemɨratɨa 18:20

Kene'atemawieka muyuawi, mɨyamɨtiuyɨkɨ. Xekeneyutemamawieka xemeta Kakaɨyari teɨterimama, nɨ'ariekate, Kakaɨyari niukametemama. Kakaɨyari miyetuakɨ xeme pɨta heitserie xemexeiyanikɨ».

Kitsariyaxi 46:13

Tita mɨtiheitserie nehetsɨa mieme pɨkaheteewa, newikweitsitɨarika kwitɨwari paye'ani pɨkareutere. 'Ari nekani'atɨamɨkɨ. Tsiyuni wikweitsitɨarika nekanipitɨamɨkɨ, meta 'Ixaheri kenemɨtimariwe nepɨxeitsitɨani.

Nɨawari 43:1

Kakaɨyari, 'aixɨa ketineuyuri nehetsie. Nehetsie keneutanua 'ikɨ nuiwari wahɨxie yuri memɨkate'erie, keneneutawikweitsitɨa teɨteri memɨte'itawa watsata meta 'axamemɨte'u'iyari.

Nɨawari 7:6

Yawé, keneuyeha'a, memɨnetsi'aye'unie kememɨteha'a wahepaɨtsita. Kakaɨyari, 'aixɨa ketineuyuri kenenaye'eri.

Kuwi 23:10

Matsi mɨkɨ, nehuye naime pakumate, xɨka netsi'uta'inɨatake, ne huru 'aixɨa mɨ'ane hepaɨ ne'anetɨ nepayeiwe.

2 Tsamuheri 24:17

Hikɨ Rawiri kepauka niuki tuayame muxei kemɨtiwakwikai, Yawé nenewieri mɨpaɨ katiniupitɨani: «'Ikɨ teɨteri 'axamepɨkate'uyuri muxatsi wahepaɨ mepɨ'ane. Ne pɨta nekanihɨkɨtɨni 'axati'aneme nemɨreutiwiwiexɨa meta 'axanemɨtiuyuri. Nepɨta 'axamɨti'ane nehetsie ketiunake meta netɨɨriyama wahetsie».

1 Tsamuheri 26:10

Tawarita mɨpaɨ kaniutayɨni: —Kaniyuritɨni Yawé kemɨrayeyuri, mɨkɨtɨtɨ kanimiemɨkɨ. Yatɨni yɨkɨmana kanimɨmɨkɨ, yayumienetɨ kanemieriemɨkɨ.

1 Tsamuheri 25:39

Kepauka Rawiri mɨpaɨ mɨretima kename Nawari hemɨkai, mɨpaɨ kaniutayɨni: «Yawé 'aixɨa ketikuxaxatsiwani kemɨtiuyuri, Nawari hepaɨtsita kenemɨtiyurienikekai, Yawé 'aixɨa pɨtiuyuri mati'uximayatsiriwame 'axamɨkatiyurienikɨ, matsi yapɨtiuyuri Nawari yamɨyɨnikɨ ke'axamɨtiuyuri hepaɨtsita». Hikɨ 'ayumieme Rawiri 'Awikahiri hetsɨa niuki kanenɨ'ani, 'iwawirietɨ mitiwitɨnikɨ 'ɨyaya mayanikɨ.

1 Tsamuheri 3:18

Tsamuheri katinitaxatɨani naime, tixaɨ karanukanatɨ, 'ana 'Eri mɨpaɨ kaniutayɨni: —Yawé mɨkɨ kanihɨkɨtɨni, yaketiɨyɨni kemɨtinake.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

Hiwerika 1:18

«Yawé heitserie kanexeiyani, peru ne 'aitsikateyatsie yanepɨkatikatɨa. Xekeneu'enana, xeme hikɨ teɨteri, kenemɨtiuka'eniwa xekeneuyu'ɨwiya. Mekanehapanieni 'ateewa paitɨ nehetsɨa miemete temari meta 'ɨimarixi.

Nɨawari 94:15

Xanetsika tita mɨtiheitserietsie katinitaxatamɨkɨ, kemɨ'ane 'iyari heitseriekame memexeiyani mɨkɨ mepenukuweiya.

Nɨawari 119:154

Nehetsie keneutanua, keneneutawikweitsitɨa, kepemutayɨkɨ tukari kenenepitɨaka.

Kitsariyaxi 42:7

memɨkaheuneniere pemɨwaranutanieritɨanikɨ, pɨretsutsixi pemɨwarayehapanikɨ, meta kemɨ'ane yɨriya tsata memu'uwa pemɨwarayehapanikɨ.

Kitsariyaxi 42:16

memɨkaheuneniere nekaniwaranuwitɨmɨkɨ huyeta memɨkahemaririetsie, huyeta nepɨwaranuwitɨni xewitɨ mɨkahemarietsie, wahetsiemieme yɨriya hekɨariya nepayeitɨani, nepakuweririta mɨkahakuweweritsie. Mɨpaɨ nekatiniyurimɨkɨ, meta nepɨkawaku'eirieni.

Kitsariyaxi 56:1

Yawé mɨpaɨ kanaineni: «Tita mɨtiheitserie xeketenexeiyani, heitseriemekɨ yaxeketeneu'uwaniri, newikweitsitɨarika 'ari kaninuaximeni, mɨtiheitserie nehetsɨa mieme matsiɨkɨtɨ kanayeimɨkɨ.

Keremiyaxi 10:19

Xɨa'ui ne, nepeutimurariexɨa. Kenemɨtiukwinitɨarie pɨkayu'uayemarinɨa. Peru pɨnekwiniya peuyewetse neminewieka.

Keremiyaxi 51:10

»“Yawé pɨtiuhekɨataxɨ heitserie ketemɨtehexeiyakɨ. Xekenayeixɨa, Tsiyunitsie tepɨtetaxata Yawé kemɨtiuyuri, takakaɨyari”.

Kuwi 35:14

Tsepa kepauka kename peka'ixeiya pemaine, kepemɨtiuyuri hɨxiena pɨti'ane, 'ayumieme peuyewetse pemikwewieka.

Kitsariyaxi 51:22

Yawé 'ahetsɨa mumieme 'ipaɨ kanaineni meta 'akakaɨyari, 'akakaɨyari, maniuka yuteɨterima wahetsiemieme: «'Amamatsie nekamaniunawairieni, tekɨxi mɨmatsi'anutawaitɨakai. Mɨkɨ tekɨxita nehaxɨa muyema, hawaikɨ tawarita pepɨka'enu'ieni.

Keremiyaxi 14:7

Tsepa ke'axatemɨte'uyuri tahetsie mɨrahɨpa, peru 'ekɨ Yawé, 'aixɨa pemɨramamatiwanikɨ yaketineuyuri, waɨkawamekɨ yatepɨkatekahu, 'ahepaɨtsita 'axatepɨte'uyuri.