Mikeyaxi 7:8 - Kakaɨyari Niukieya

⁸ Pemɨnetsi'aye'unie 'aku, 'axakemɨnetiyuriekɨ pepɨkayutemawieka. Nepatiwe, matsi nepanukukeni, yɨwipa nepuyeika, matsi Yawé nehekɨariya pɨhɨkɨ.

Mikeyaxi 7:8 ပူးပေါင်းရင်းမြစ်များ

Wani 8:12

Merikɨtsɨ Ketsutsi tawari teɨteri katiniwarutixatɨani mɨpaɨ 'utaitɨ: —Ne kwiepa memɨtama wahekɨariwiwame nekanihɨkɨtɨni. Kemɨ'ane mɨnetsi'anuweiya yɨwipa pɨka'uyeikani, matsi hekɨariya kanexeiyakamɨkɨ tukaritɨme.

Kitsariyaxi 9:2

Teɨteri yuwipa memu'uwakai hekɨariya mariweme mekaniuxeiya, kemɨ'ane yɨriya 'a'ayetsuime hetsie memu'uwakai hekɨariya kaniwaruhekɨariwiya.

Nɨawari 112:4

'Aixɨa memɨte'u'iyari mekanihekɨariwiyarieka yɨwipa. Kakaɨyari 'aixɨa pɨtiuka'iyari, pɨtiyukanenimaya meta heitserie pɨtiyuriene.

Nɨawari 27:1

Yawé nehekɨariwiwame kanihɨkɨtɨni meta netsiwikweitsitɨwame, ¿kemɨ'ane nepumakaxeni? Yawé netukari mɨ'ɨwiya kanihɨkɨtɨni, ¿kemɨ'ane 'aku pɨnetsi'utimariutawe?

'Awiriyaxi 1:12

Pɨkaheuyewekai 'a'iwa hetsiemieme pemutanaweni pe'inanaimatɨ mɨtiuka'eniwakaitsie, kepauka waɨkawa mu'uximatɨariekai. Pɨkaheuyewekai 'ekɨ pemɨ'atemawieka kepauka Kura teɨterimama memakumaweriyarietsie. Hawaikɨ pɨkaheuyewekai 'axapemutaineni kepauka 'iya tukaritsie mete'uka'eniwakaku.

2 Kurinitutari 4:6

Matsi Kakaɨyari mɨpaɨ mutayɨ: «Hekɨariya yɨwipa ke'uneni», 'utaitɨ, mɨkɨ katanihekɨariwiyani ta'iyaritsie. 'Ayumieme yatetemaitɨ Kakaɨyari kemɨtimariwe, Kɨritsitu hetsie kemɨtimatsiɨkɨ, tekanihekɨariwiyarieka.

Nɨawari 38:16

Nepɨmetsiwawirie xeikɨa mepɨkanetsinanaimaka, memamariwaweme mepɨka'ayuyeitɨaka kepauka nemekawenitsie.

Matsiɨkɨtɨ kemɨratɨa 22:5

Pɨkahekɨyɨyɨreniri mana, kɨxeme meta tau mɨwahekɨariwiyanikɨ mepɨkaheuyehɨaka, matsi Ti'aitame Kakaɨyari pɨwahekɨariwiyani. Yuheyemekɨ pɨti'aitametɨni tsepanetɨ xeitsienituyari wiyari manuyekɨka.

Nɨawari 84:11

Yawé tau hepaɨ kani'aneni meta tepɨa tahetsie nunuwame, Kakaɨyari tahetsiemieme witsipɨtikuxata. Yawé kaniwareu'enieka heitseriemekɨ memu'uwa wahetsie karahɨpatɨ.

Kuwi 31:29

»Hatsuaku nepɨkayukatemawi mɨnetsi'aye'unie 'atiweku. Meta tiuka'eniwakaku.

Nɨawari 97:11

Heitserie memexeiya hekɨariya wahetsie pɨ'axe, meta temawierika pɨ'axe kemɨ'ane yu'iyaritsie 'aixɨa memɨteyɨkɨhɨawe wahetsie.

'Etsekieri 35:15

Kehepaɨ xemɨteyutemamawiekai hepaɨ kepauka 'ixaheritsixi wa'imikieri mɨreuyehɨiyatsie, mɨpaɨta ne nepɨtiyukatemawieni 'ahetsiemieme. 'Ekɨ Tsehixi hɨriyari, meta naitɨ 'Erumi kwieyari pakumawere. Mɨpaɨke 'ana xepɨtehetimani kename ne, Yawé nehɨkɨ”.

Nɨawari 35:19

Pepɨkawapitɨaka memɨnetsiyuriyanikɨ, memɨnetsi'aye'unie meteyukwamanatɨ. Memɨnetsinanaimaka pepɨkawapitɨaka 'atsinekawayurienekaku.

Wani 16:20

Yurikɨ mɨpaɨ nekanaineni, xekaniutitsuanakuni xekaniyuhiweriekakuni. Kwiepa memɨtama pɨta mekaniyutemamawiekakuni. Xeme xekaniyuhiweriekakuni, peru xeyutihiwerieme matsi xeyutemamawietɨ xekanakɨnikuni.

Marakiyaxi 4:2

Peru xeme matsi xemɨnetsi'ayemakaxe xehetsiemieme, tita mɨtiheitserie nehetsɨa miemekɨ xepɨhekɨariyarieni, mɨkɨ hekɨariyakɨ xepanayexɨrieni. Hikɨ xeme xetixɨnarieme, xekanayekɨnikuni xe'utitsukwakatɨ tsikerutsixi memɨxɨxɨni hepaɨ 'ɨxapa.

Mikeyaxi 7:10

Mɨnetsi'aye'unie kepauka mɨniere, mɨpaɨ mɨnetikɨhɨawekai: «¿Hakewari 'akakaɨyari?», waɨkawamekɨ puyutitewiya. Nekanixeiyamɨkɨ kemɨtika'unarieni, karikɨ haxu huye 'utɨa mieme hepaɨ katiniketsinariemɨkɨ.

'Etsekieri 25:6

»”Mɨpaɨ kanaineni Yawé naimekɨmɨyɨwe: Xeme 'amunitsixi xemɨte'utahutsunakaikɨ meta xemutitsunaxɨakɨ temawierikakɨ, meta xemutinanaikɨ 'Ixaheri hetsiemieme,

Nɨ'ariekate 26:18

meheunenieretɨ memakɨnekɨ, yɨriya meku'eirieme hekɨariyatsie memɨtewiyanikɨ, kauyumarie tɨrɨkariyaya meku'eirieme Kakaɨyari hetsie memɨtewiyanikɨ, tita 'axamemɨteyurie memɨteheuyehɨwiyarienikɨ nehetsie yuri mete'erietɨ, wahetsie mɨtinakenikɨ tita memɨtetanaki'erieni mɨkɨ nemɨwarupataxɨ nehetsiemieme”.

'Amuxi 9:11

»Mɨkɨ tukaritsie nekanenukuketɨamɨkɨ Rawiri kiiya matiwe. Kemɨtiukatsitsini 'aixɨa nekaniyurimɨkɨ, mɨti'u'uni 'aixɨa nekatinitiyurimɨkɨ 'aixɨa nekatinitiyurimɨkɨ meripaitɨ kemɨti'anenekai,

Mateu 4:16

teɨteri makuyɨwitsie memɨtitei mɨkɨ hekɨariya kwimɨxawatɨ mekaniuxeiya, mɨkɨ yɨwipa memɨkutei hake memɨkwiximekai, mɨkɨ wahetsiemieme hekɨariya kaniuhekɨariwieni».

Keremiyaxi 50:11

»Xeme, neteɨterima xemɨtewarunawatsiri, xekeneyutemamawieka xekeneutinaweni. Tsikerutsixi wahepaɨ xekenetsunatɨweni tupiriya tsata, kawayutsixi wahepaɨ xekeneutiyuaneni.

Kitsariyaxi 49:9

mɨpaɨ pemɨtiwatahɨawekɨ memanutaxɨriya: “Xekenewayekɨni”, meta yɨwita memu'uwa: “Xekanixɨxɨniniri”. »Huye 'aurie xepɨtetikwani meta naitsarie hɨri mu'aiyatsie yu'ikwai xepɨkaxeiya.

Kitsariyaxi 2:5

Kakuwu kiekarieya, niwa kenaye'a, Yawé hekɨariyayatsie tepuhuni.

Nɨawari 37:24

tsepa metiwitsei pɨkahekaweni, Yawé yumamakɨ miwiyakɨ.

Nɨawari 37:21

'Axamemɨte'u'iyari mekaniyuniɨrɨweni, peru mepɨkateyutuarita, matsi heitserie memexeiya mepɨteyumikwa 'aixɨa 'anemekɨ.

Matsiɨkɨtɨ kemɨratɨa 21:23

Kiekari tau meta metseri mɨhekɨariwiekakɨ pɨkaheiyehɨwa, Kakaɨyari yuxawatɨrɨyakɨ pɨwahekɨariwiya, meta Muxa wahekɨariwiwame kanihɨkɨtɨni.

Kitsariyaxi 50:10

¿Kemɨ'ane xeme Yawé payemakaxe meta kemɨ'ane xeme tiyu'uximayatsiriwame peu'enie? Tsepanetɨ yɨwikɨta mumie, 'etsiwa tɨma kahekɨariwiyarietɨ, Yawé hetsie yuri keti'erieka, meta Kakaɨyari hetsie ketiwiyani.

2 Kurinitutari 4:9

Tsepa temeutaweiyariexɨa, tepɨkaku'eiriwa. Tsepa tematixɨriya, tepɨka'utatɨmaiyarie.

Nɨawari 20:8

Mɨkɨ mekana'iwarɨwani meta mekanatixɨrɨweni, peru tame tepanuku'uwe, 'atepɨti'u.

Keremiyaxi 8:4

»Peru 'ekɨ mɨpaɨ ketiniwarayehɨtɨa ne Yawé mɨpaɨ nemainekɨ: »“Kepauka teɨteri memekaxɨrɨwe, ¿kamɨtsɨ mekate'anuku'uwe? Kepauka xewitɨ yuhuyeta 'umietɨ meuyeweni, ¿kamɨtsɨ karanuani yuhuyeta?

Keremiyaxi 48:27

'Ekɨ Muhawi, neteɨterima 'ixaheritsixi pepuwananaimakai, pepɨwakuxatakai pewayuriyatɨ, tenawayamete wahamatɨa pemuwarutaxeiya hepaɨ.

'Etsekieri 36:5

Yawé naimekɨmɨyɨwe mɨpaɨ kanaineni: Waɨkawa ne'ɨtetsatɨ nekaniuyutaxata yunaime nuiwarite wahetsiemieme meta naime 'Erumi kwieyaritsie, waɨkawa meyutemamawietɨ meta waɨkawa meheinanaimatɨ nekwie mepuka'unaxɨ meta mekaneteniunawatsirieni”.

Mikeyaxi 4:10

Ketineukakukuineni meta keneu'atawawaɨriyani, neniwe 'uka Tsiyuni, 'ukaratsi mɨtiniwerɨmeni hepaɨ, karikɨ hikɨri 'akiekaritsie pekanayeyeimɨkɨ, meta yeuta pe'ukaitɨ pekanayeimɨkɨ. Wawiruniya pekaniyemieni, matsi mana pe'uyeikatɨ pekanixɨnariemɨkɨ, Yawé kamenixɨnamɨkɨ memɨmatsi'aye'unie kememɨmete'aitɨatsie.

Tsakariyaxi 12:8

»'Iya tukaritsie ne, Yawé, Kerutsareme kiekatari wahetsie nepɨtanuani. Mana kiekame yemekɨ mɨkatɨrɨkaɨye Rawiri hepaɨ pɨtitɨrɨkaɨyeni, meta Rawiri nuiwarimama Kakaɨyari hepaɨ mepɨ'aneni, niuki tuayame Yawé hetsɨa mieme hepaɨ teɨteri muwaruwitɨxime.

Nɨawari 143:3

Mepɨnetsimieku memɨnetsi'aye'unie: kwiepa mepɨnetsi 'ɨhɨa nehɨxima. Yɨwita nemuyeikanikɨri waɨriyarika mepɨnetsipitɨa, meripaitɨ memukwi wahepaɨ.