Mikeyaxi 7:4 - Kakaɨyari Niukieya

⁴ Watsata muyeika 'aixɨa mɨtiuka'iyari kwinimieme matsi katinihɨaka keyuri 'ɨtsi, kemɨ'ane heitserie 'amuyeika, matsi kanitunini keyuri xuya. Matsi kanaye'aximeniri memɨhɨxiyatɨarienitsie, kanehuraniri tukari memɨtekwinitɨarienitsie, kememutiyua memɨtaneniere 'ahetsɨa miemete.

Mikeyaxi 7:4 ပူးပေါင်းရင်းမြစ်များ

Kitsariyaxi 22:5

Ti'aitame, Yawé Naimekɨmɨtɨrɨkaɨye, yakaniutayɨni xeitukari marika mɨtixuawerekɨ, xeitukaritsie tixaɨtɨ temɨkate'ayeitɨarienikɨ meta temeuyuyexɨriekakɨ mayeweri nemuxeiyatsitɨarietsie, xeitukaritsie kuraru mɨka'unarienikɨ meta hɨritetsie temekahiwanikɨ.

'Etsekieri 2:6

'Ekɨ, tewi pemunu'aya, pepɨkawarayemakaka meta waniuki pepɨkamakaka, tsepa xuyatsata meta witsaxatsata pemuwe, tsepa terɨkaxi watsata pemuyeika. Pepɨkaheumaka kememɨtekuxatani, teɨteri memeuyexɨri mekanihɨkɨtɨni.

Kitsariyaxi 10:3

¿Kemeteyurieni kepauka memɨta'iwawiyarienitsie, kepauka 'ateewa paitɨ wiyeri tɨrɨkaɨyetɨ muwayanitsie? ¿Kemɨ'ane mepanukuwauni xɨka parewiya meheuyehɨaka? ¿Hakewa yupiinite waɨkawa memɨtehexeiya mepɨteheti'uta?

Hepɨrayutsixi 6:8

Mexɨka kwie xɨka xuya witsaxa 'utinetɨani pɨxani'eriwa pɨta, pɨkweriwa'ane hepaɨtsitana mɨtikuxaxatsiwanikɨ para 'axamɨ'itɨarienikɨ, mɨtataiyarienikɨ pɨ'ayumieme xeikɨa.

Rukaxi 21:25

»'Inɨarite pɨtixuawere, tautsie, metsatsie meta xurawetsixi wahetsie. Kwiepa, nuiwarite mepɨyuhiwerieka meta mekanimamakakuni haramara yuarikaya me'enietɨ meta hamewari.

Nahumi 1:10

Tupiriya mɨwawaki hepaɨ mekanitixɨtsitɨariekuni, xuya mayuyewiya hepaɨ, meta tarɨwekarixi winu 'iiyarikɨ memanutikɨ hepaɨ.

'Amuxi 8:2

hikɨ mɨpaɨ kanetiniuta'iwawiya: ―¿'Amuxi, tita petixeiya? Ne mɨpaɨ nekatinita'eiya: ―Xei tsikɨiwitiyari 'ikwaxi kwakwaxime. Hikɨ Yawé mɨpaɨ kanetiniutahɨawe: ―'Ari kanaye'ani 'Ixaheri makaweni 'ikwaxi mukwaxi makaweni hepaɨ, tawariri nepɨkareiyehɨwirieni.

Keremiyaxi 10:15

Tixaɨtɨ mepɨkateyunaki'erie, wawewiya pɨnanaiyɨkɨ xeikɨa, kepauka tukari maye'ani memɨtekwinitɨarienitsie, mepɨka'unarieni.

Keremiyaxi 8:12

¿Kamɨtsɨ mete'uyutitetewiyaxɨ kemɨtixani'eriwakɨ yamete'uyurieka? Hawaikɨ, tixaɨtɨkɨ mepɨkateyutitetewiyawawe, mepɨka'imate paitɨ tita mɨtitewiyarika. 'Ayumieme, mepatixɨrieni kemɨ'ane mematixɨriyani wahamatɨa, kepauka 'uximatɨarika wahetsie nemɨkawiwieni —Yawé mɨpaɨ kanaineni—.

Kitsariyaxi 55:13

'Ɨtsi muxuyatɨka hetsiemieme huku mɨxexeurawi pɨtiwawere, kieká hetsiemieme tsikwai kanitixuawerimɨkɨ. 'Ana Yawé 'aixɨa pɨtitahɨawarieni, mɨkɨ 'inɨarieya payani yuheyemekɨ».

Keremiyaxi 11:23

Mɨkɨ nixewitɨ pɨkayuhayewa. Kepauka maye'ani nemɨwa'uximatɨanitsie 'ana 'uximatɨarika nenanayetuamɨkɨ 'Anatuti kiekatari wahetsie”».

Keremiyaxi 46:21

Kuyaxi xaɨtsie kiekatari pareku me'uhutɨ tsikerutsixi memeuwiyamatɨka wahepaɨ mepɨtematsiɨkɨ, mɨkɨtatsiere mepukununuwa, yunaitɨ meyɨnɨtɨ mepuyuta'una meka'uku'uwetɨ, watukari maye'akɨ kememɨteka'unarienikekai, kepauka memɨtekwinitɨarienikekai.

'Etsekieri 28:24

'Ixaheritsixi tawariri mepɨka'uximatɨarieka wa'aurie kiekatari 'aixɨa mekatewaxeiyakaku, kɨye manuyemɨtsɨkɨ 'anatseiwatɨ kemɨtiyukukuine hepaɨ, meta xuyakɨ hepaɨ, 'ana mɨpaɨ mepɨtehetimani kename ne, Yawé nehɨkɨ”.