Mikeyaxi 7:3 - Kakaɨyari Niukieya

³ Nixewitɨ pɨkawara'iwa ke'axamemɨteyuriekɨ, ti'aitame parewiwametemama meta 'itsɨkate mepiku'iwawa 'awie memɨtepitɨarienikɨ. Memɨtɨrɨkawi mekateniku'iwawani xeikɨa, meta yunaitɨ mekaniyutemawieritɨaka ketita memɨtehiwe'eriekɨ.

Mikeyaxi 7:3 ပူးပေါင်းရင်းမြစ်များ

Mikeyaxi 3:11

Wa'itsɨkate metepitɨarietɨ xeikɨa 'aixɨa mepɨteyurie, wamawari wewiwamete mepɨwa'ɨxatsitɨa meteyuwiyatɨ, meta wakakaɨyari niukametemama tuminikɨ xeikɨa mekatenikuxatani kemɨtiyɨni, 'imatɨrieka matsi, Yawé hetsie mekaniyutɨrɨkariyani, mɨpaɨ mekaniutiyuaneni: «¿Tamɨ Yawé tahamatɨa katiuyeika? Tame hawaikɨ 'axatepɨka'itɨarieni».

'Amuxi 5:12

Ne nepɨtimate kepaɨmeme xemɨte'apine, pɨmɨireri ke'axaxemɨte'uyuri. Xeme xepɨwananaima heitseriemekɨ yamemɨtekahu, waɨriyarika xepɨtewawawirie meta 'itsɨkate wahɨxie mɨreuyehɨwa xepekahɨpa.

Keremiyaxi 8:10

'Ayumieme wa'ɨitama hipame 'ukitsi nepɨwayetuirieni, meta wakwie hipame pɨta nepɨwayetuirieni. Karikɨ 'etsimeyumatetɨ meta 'ameyumatetɨ, yunaitɨ mepɨtehiwe'erie mɨkatiwapiini, Kakaɨyari niukametemama meta mawari wewiwamete, yunaitɨ mekateni'itawani.

1 Kurinitutari 4:5

'Ayumieme xepɨka'i'inɨatani tukariyari ka'aye'awekaku 'akuxi, Ti'aitame 'akuxi kanuawekaku. Mɨkɨ katinihekɨatamɨkɨ tita mɨtiuti'awietsie yɨwipa. Matsiɨkɨme kaneyeitɨamɨkɨ kememɨteyuriekɨ teɨteri yu'iyaritsie. 'Anakeri yuxexuitɨ 'aixɨa mekatenikɨhɨawarɨwakuni, Kakaɨyari yatiwayetuiriekaku ketita mɨtiwahetsiemiemetɨkai.

Mateu 26:15

Mɨpaɨ katiniwarutahɨawe: —¿Kepaɨmeme xepɨnetsi'ɨitɨani, neta Ketsutsi nekanixeyetuiriemɨkɨ? Mɨkɨ me'uyu'enieka xeitewiyari heimana tamamata pɨrata tuminiyari mekani'ɨitɨani.

'Utseyaxi 4:18

Kepaukari winu memɨkahexeiya, hipame wahamatɨa mepukahipite, metatsiere te'aitamete pɨwanake 'axamɨti'ane.

'Etsekieri 22:27

Kiekaritsie memɨ'itsɨkate, yawixi memayu'eririya mepɨhɨkɨ yeutari memɨwakwa'a, mekanitahupani xeikɨa xuriya metayeurienike, hipame mewakwikutɨ, mɨpaɨ memɨte'iwanikɨ 'axa'anemekɨ.

'Etsekieri 22:6

Neuxei, 'Ixaheri kwieyaritsie te'aitamete pekaniwarexeiyani, 'akaye 'utɨma yɨtɨrɨkariyakɨ xeikɨa xuriya mekanitayeuriwani.

Keremiyaxi 3:5

¿'aheyemekɨ petiha'a? ¿Haxɨa peti'utani 'aheyemekɨ?” Mexi petikuxatakai, kepemɨtiuyɨwekaxɨa 'axapepɨtiuyuri».

Kitsariyaxi 26:21

Xekenayeneniereni, Yawé yukiita kaniwayeyeimɨkɨ 'axamemɨteyurie tiwakwinitɨanike kwiepa memɨtama. Kwie xuriya mutayeuriya kanihekɨatamɨkɨ, xuriya mana memutayeuri pɨkawa'awietaniri.

Kitsariyaxi 1:23

Te'aitamete 'ahetsɨa miemete mepunetsi'aye'unie, tenawayamete mepuwa'iwama, yunaitɨ 'itarikakɨ metekuxatatɨ memɨtepitɨariekakɨ mepɨnaki'erie tixaɨtɨ xeikɨa mepɨte'iwaku. Nutui hetsiemieme mepɨkahaniutɨka, meta wiura hetsiemieme.

Temaiwawemete 17:23

'Axateyuruwamete tumini memɨnaki'erie tixaɨtɨkɨ 'awie yameteyurienike, 'itsɨkate niuki tutunime xeikɨa mekani'enieka tumini memanɨ'ɨwekɨ.

Kitsariyaxi 3:5

Yuxexuitɨ hipame wahamatɨa mepuyuti'uximatɨani: yuhepaɨ 'ukitsi mepuyu'uximatɨaka, yu'aurie kiekatari, temaikɨ, 'ukiratsi hamatɨa, tewi tixaɨtɨ mɨkatihɨkɨ, waɨkawa mɨtiyunaki'erie hamatɨa.

Kitsariyaxi 5:23

tumini memanu'ɨwe hetsiena mɨraka memɨteheuyehɨwirienikɨ, meta 'atsimɨkatiuyuri heitserie kemɨrexeiyakɨ mepɨkaparewiku.

Kitsariyaxi 32:7

Mɨtiyukwamana katinikuwauneni kemɨtiwakwamanakɨ, meta yakatinikuxatani kehepaɨ mɨtiwananaimanikɨ, tixaɨtɨ memɨkatehexeiya kaniwaka'unani 'itarikakɨ, tsepanetɨ tixaɨtɨ mɨkarexeiya mɨtixanetane.

'Etsekieri 9:9

Yawé mɨpaɨ kanetiniuta'eiya: «'Ixaheri kiekariyari meta Kura kiekariyari 'axakememɨte'uyuri pɨmariwe. 'Ikɨ kwieyaritsie pɨhɨne nanaimarika, kiekari tita mɨkatiheitseriekɨ pɨhɨne. Mɨkɨ mɨpaɨ mekateniku'eriwani: “Yawé 'ikɨ kwieyari kaniuku'eirieni. Yawé kaniumaweni kapɨniere”.

'Etsekieri 22:12

Hipatɨta mana mepu'uwa meteyumemiwatɨ tumini me'iwatɨ 'awie. 'Axapetiyurienetɨ, pemɨwaniɨtɨa waɨkawa perana'iwatɨ, 'a'iwa pekanihiweritɨaka, meta 'ayumieme pekanenatɨmaiya. Yawé mɨpaɨ kanaineni.

'Utseyaxi 7:3

»'Axamemɨteyuriekɨ ti'aitame mepɨtemawieritɨa, meta yaxeikɨa 'itsɨkate memɨtewa'itaiyakɨ.

Mikeyaxi 2:8

Takai xeme neteɨterima xepɨhɨkɨtɨkai, peru hikɨri xemɨnetsi'aye'unie xepakɨ. Hakewa mɨreyukwine memeyekɨka, kayuwatɨ me'uhukaku huyeta, wakamixa 'amɨtɨtɨ xepɨtewanawairietɨwe.

Mikeyaxi 3:2

Xeme 'aixɨa mɨti'ane xekateni'uxieka, tita mɨkatiheitserie pɨtata xetenaki'erie, neteɨterima me'ayeneniereme wanawiyari xepɨkatsana meta wawaiyari wa'umeyaritsie,

Temaiwawemete 16:30

Kemɨ'ane yuhɨxikɨ 'inɨari metsiwewirie mɨkɨ 'axametsiyurimɨtɨ pɨyɨane, kemɨ'ane mita'atse 'ariri mɨkɨ 'axakatiniuyurieni.

Keremiyaxi 4:22

«Neteɨterima mepɨka'u'iyari, mepɨkanetsimate, tɨɨri 'atsimemɨkatemate mepɨhɨkɨ memɨkatemaiwawe. Kwinimieme mepanayeyɨne 'axamemɨteyurienikɨ, 'aixɨa memɨteyurienikɨ mepɨkamate».

'Etsekieri 34:21

Xeme yu'etsama xemɨwaretaimakɨ meta yuwarima, meta xemɨwatsikɨpatɨwekɨ memɨwerarani, mɨpaɨ xewayurietɨ xepɨwareutaweiyaxɨa,