Mikeyaxi 7:2 - Kakaɨyari Niukieya

² Teɨteri Kakaɨyari memayexeiya 'ikɨ kwieyaritsie mekanakuxɨtɨarieniri, 'ena kwiepa mepumaweri teɨteri 'aixɨa memɨte'u'iyari. Yunaitɨ hipame mepɨwakwiku, meta yunaitɨ mekaniyuwiniyatɨweni.

Mikeyaxi 7:2 ပူးပေါင်းရင်းမြစ်များ

Nɨawari 12:1

Yawé ketaneutawikweitsitɨa, teɨteri 'aixɨa memɨtekahu mepumaweri, mepumaweri 'ena kwiepa teɨteri heitseriemekɨ memu'uwa.

Kitsariyaxi 57:1

Heitseriemekɨ 'amuyeika kanimɨmɨkɨ, xewitɨ hetsiena mieme pɨkayu'iyaritɨa, te'a'uximayatsiriwamete yamemɨtekahu mekanitakukuweni xewitɨ 'atsipɨkaretimamateke, heitseriemekɨ memu'uwa mekanitakukuweni 'axamɨti'anekɨ memɨkatekwinenikɨ.

Keremiyaxi 5:26

Kanahekɨaka nekiekaritsie mekanixuaweni 'axamemɨte'u'iyari, mehupatɨ xeikɨa wikixi wahupiwamete wahepaɨ, winiyari memuwɨwɨtɨwa teɨteri memɨwawiniyakɨ.

Kitsariyaxi 59:7

Wa'ɨkate kaniyumexɨitɨaka 'axamɨtiyurienikɨ hepaɨtsita, mepuyumexɨitɨa 'atsimɨkatiuka'iyari xuririyaya memɨtayeurienikɨ. 'Axa'aneme xeikɨa 'iyari mekaniwewieka, yuhuyeta mekateniu'unani meta ti'u'unime mekatenikuhayeikawani.

Temaiwawemete 1:11

Xɨka mɨpaɨ memetehahɨaweni: «Kɨmɨ tahamatɨa kenemie. Xeime tepuhupieni tsepa 'atsimɨkatiuyuri tepeimieni yakɨxeikɨa.

Keremiyaxi 16:16

Yawé mɨpaɨ kanaineni: «Ne nekaniwaranunɨ'amɨkɨ yuwaɨkawame ketsɨteweiyamete, mɨkɨ xeme mepɨxetitekaina. 'Ariketa, nekaniwaranɨnɨ'amɨkɨ yuwaɨkawame memɨxe'aye'unie, memɨxe'anukuweiya naitsarie hɨritetsie, yemuritetsie meta 'aita, yeutari tewakukuyamete wahepaɨ mepɨxe'anukuweiya.

1 Tsamuheri 24:11

Neuxei nepaapa, keneuxeiya 'a'ixuriki kɨtsimeyari nepahurie. Ne 'ikɨ 'etsiyeume nekaneukɨxiteni nepɨkamatsi'umi. Mɨpaɨ ketinemaika nehetsie tixaɨ 'axati'anetɨ pɨkatixuawe. 'Ekɨ matsi pekanenikuwauneni penetsimiemɨtɨ, tsepa ne 'axanekamatsi'uyuri.

Mikeyaxi 3:10

Kerutsareme meta netuki manuwe 'imieri meta kemɨkatiheitserie tukarikɨ yapɨtixuawe.

Hiwerika 4:18

'Etsiwa temuku'uwatsie tepuhupierie, kaye 'utɨma temɨye'uwani pɨkayɨweri. Ta'imatɨrieka tukariyari kanehuraniri, 'ariri kanaye'ani, tatukari naitɨ pɨ'inɨatsie.

Keremiyaxi 5:16

Mɨkɨ yunaitɨ kuyaxi mepɨka'ukamama, wa'ɨrɨ mɨki peutiwie.

Temaiwawemete 12:6

'Axateyuruwamete waniuki winiyari mɨmɨɨya pɨhɨkɨ, matsi heitseriemekɨ yamemɨtekahu yuniukikɨ hipame mepɨwawikweitsitɨa.

Nɨawari 57:6

Winiyari nehuyeta mekaniuwieni, 'ana nekanewaɨriyatɨ nepatɨa. Nehuyeta mekanewatixawarita, peru mɨkɨ pɨta muwa mepeukaxɨri.

1 Tsamuheri 26:20

Hikɨ matsi 'ekɨ 'aixɨa pɨkayɨni, pemɨnetsi'uweiya penetsimiemɨtɨ. ¿Titayari 'Ixaheri kwieyaritsie ti'aitame penetiwaune tepɨ nemɨhɨkɨtɨni hepaɨ, yanutsutɨni xɨ'au 'ɨtsita kiekame hepaɨ? Ne nemaniwawirieka 'ekɨ 'ateewa pemɨkanetsikumemiwanikɨ Yawé kanierekaku.

Nɨawari 10:9

Maye hepaɨ terɨta payehupu mɨkayɨhɨawe hupietɨ 'iwiyake, heimana 'uweme yuwiniyaritsie kanihanimɨkɨ.

Kitsariyaxi 9:19

Yawé Naimekɨmɨtɨrɨkaɨye haxɨayakɨ kwie taikɨ kananutataimɨkɨ. Teɨteri mɨtitaiwawe mepakɨne: 'Ana nixewitɨ yu'iwa pɨkatinenimayata.

Keremiyaxi 8:6

Kwi yemekɨ nepu'enaxɨ, nemi'enienikɨ tsikere xeime heitserie tikuxatame, peru xewitɨ pɨkatihayewawe ke'axamɨtiuyuri, xewitɨ tɨma pɨka'ixeɨmate kename 'axatiyuriene. Yunaitɨ yamepɨteyurie kemɨtiwanake, kawayutsixi memɨkayuwiyanɨa wahepaɨ kepauka memɨyutakwinitsie.

'Etsekieri 22:12

Hipatɨta mana mepu'uwa meteyumemiwatɨ tumini me'iwatɨ 'awie. 'Axapetiyurienetɨ, pemɨwaniɨtɨa waɨkawa perana'iwatɨ, 'a'iwa pekanihiweritɨaka, meta 'ayumieme pekanenatɨmaiya. Yawé mɨpaɨ kanaineni.

'Etsekieri 24:6

»”Yawé naimekɨmɨyɨwe mɨpaɨ kanaineni: »”Xuriya kiekaritsie waɨkawa kanixuaweni. Mɨkɨ xari pewayukukwitama, mɨpaɨ mɨ'anene pɨkayɨwe muwaku'itienikɨ. Kenewatitɨki wai xexuime 'etsipepeme, tsepa ke'anenetɨ mɨwatitɨkirixɨ.

'Utseyaxi 5:1

»'Ikɨ niuki xekeneu'eni xeme mawari wewiwamete. Xekeneu'enana 'ixaheritsixi. Xekene'enanaka ti'aitame nuiwarimama. Xehetsie pɨmieme kexemɨte'anutaxɨriyani. Mitsipa kiekariyaritsie xeme xekateni'irɨwiyarieka, Tawuxi hɨriyaritsie winiyari 'amɨtewi xekaniutawieka.

Mikeyaxi 2:8

Takai xeme neteɨterima xepɨhɨkɨtɨkai, peru hikɨri xemɨnetsi'aye'unie xepakɨ. Hakewa mɨreyukwine memeyekɨka, kayuwatɨ me'uhukaku huyeta, wakamixa 'amɨtɨtɨ xepɨtewanawairietɨwe.

Mikeyaxi 3:2

Xeme 'aixɨa mɨti'ane xekateni'uxieka, tita mɨkatiheitserie pɨtata xetenaki'erie, neteɨterima me'ayeneniereme wanawiyari xepɨkatsana meta wawaiyari wa'umeyaritsie,

Tsakariyaxi 11:6

'Ayumieme 'ariri nepɨkawatinenimayata 'ikɨ kwieyaritsie memɨkiekatari —mɨpaɨ kanaineni Yawé—, pɨta nekaniwayetuamɨkɨ wa'aurie kiekatari wahetsɨa meta tiwa'aitɨwame hetsɨa. Tsepa wakwieyaritsie memɨtetahaxɨa meteyuniyatɨ, ne wahetsie nepɨkatanuani».

Nɨawari 12:2

Meteyu'itaiyatɨwetɨ xeikɨa 'amekaniu'uwani yunaitɨ, 'aixɨa mete'uxaxatatɨtɨ kwitɨwata 'axamekaniutiyuaneni.

Kitsariyaxi 3:5

Yuxexuitɨ hipame wahamatɨa mepuyuti'uximatɨani: yuhepaɨ 'ukitsi mepuyu'uximatɨaka, yu'aurie kiekatari, temaikɨ, 'ukiratsi hamatɨa, tewi tixaɨtɨ mɨkatihɨkɨ, waɨkawa mɨtiyunaki'erie hamatɨa.

'Utseyaxi 6:9

Mawari wewiwamete mepɨyuxeɨrie Tsikeni huyeri'utɨa 'awie metanenieretɨ, tenawayamete wahepaɨ mekaniwakwika mana memuyekɨka metewawawirietɨ.

Nɨ'ariekate 24:9

Meta huriyutsixi mekaniniukimakaitɨni, mɨpaɨ me'utiyuatɨ kename naitɨ tiyuritɨkai.