Mikeyaxi 7:18 - Kakaɨyari Niukieya

¹⁸ Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Mikeyaxi 7:18 ပူးပေါင်းရင်းမြစ်များ

Kitsariyaxi 43:25

»Ne matsi nekɨmana nemɨnenaki'eriekɨ 'aitsikaya pemutitsanaxɨkɨ nekananuyeitɨani, meta tawariri 'axakepemɨtiuyurikɨ nepɨkaha'eriwa.

Kitsariyaxi 44:22

'Aitsika pemutitsanaxɨakɨ neputayeitɨa haiwitɨri ximeri mieme hepaɨ, metatsiere ke'axapemɨtiuyuri nepekuyeitɨa haɨtsi hepaɨ. Nehetsɨa kenenua, nekameniutawikweitsitɨani».

Keremiyaxi 50:20

'Iya tukaritsie 'Ixaheri ke'axamɨtiuyuri pɨtiwawiyarieni, peru pɨkakaxeiriyarieni. 'Iya tukaritsie Kura hetsie 'axamɨti'ane pɨtiwawieni, peru hetsiena pɨkakaxeiyarieni, karikɨ ne nekatiniwareuyehɨwiriemɨkɨ kemɨ'ane memuyuhayewa —Yawé mɨpaɨ kanaineni—.

Keremiyaxi 32:41

Nekaniyutemawiekamɨkɨ newaparewietɨ, meta naime ne'iyarikɨ meta naime kenemɨtinematekɨ yurikɨ 'ikɨ kwieyaritsie nekaniwakayatsamɨkɨ.

Keremiyaxi 3:12

Kenemie tayeta 'ikɨ niuki kenetaxata: »“Kenenua, 'Ixaheri pemɨnetsi'uku'eiri. Neha'atɨ nepɨkamatsixeiya —Yawé mɨpaɨ kanaineni—. Haxɨari 'ahetsiemieme nepɨka'utani yuheyemekɨ, ne nemɨtiyukanenimayakɨ —Yawé mɨpaɨ kanaineni—.

Memeyekɨ 15:11

Yawé, xewitɨ pumawe kakaɨyarixi watsata 'ahepaɨ 'anetɨ. Xewitɨ pumawe 'ahepaɨ timariwetɨ meta 'ahepaɨ tipatsietɨ. 'Ekɨ, mariweme pemɨtiyuriwe, 'ekɨ yemekɨ pepɨtatsihɨxiyatsitɨa 'atɨrɨkariyakɨ.

Nɨawari 89:8

Xewitɨ 'ahepaɨ 'anetɨ pumawe Yawé Kakaɨyari Naimekɨpemɨtɨrɨkaɨye, tɨrɨkariya pemexeiya meta 'aixɨa pemɨtikamie.

Nɨawari 86:15

'Ekɨ peru, Ti'aitame, Kakaɨyari pepɨtiuyukakwewimɨkɨ petiuyukanenimayatɨ, pepɨkahayu'eriya, waɨkawa peti'akanaki'erietɨ meta yuri pehaitɨ.

Nɨawari 65:3

'axamemɨte'u'iyarikɨ. 'Axaketemɨteyurie mɨkɨ pɨtatsihatixɨrɨwa, 'ekɨ matsi pepɨtareuyehɨwirie.

Nɨawari 89:6

¿Kemɨ'ane muyuawitsie Yawé hepaɨ pɨ'ane? ¿Kemɨ'ane muyuawitsie 'uyeikatɨ Yawé hepaɨ pɨ'ane?

Rukaxi 24:47

Mɨkɨ meta, yunaitɨ nuiwarite mɨpaɨ mekatenitahɨawariekuni, xɨka xete'uhayewa kexemɨteyuriekai, xɨka pɨta xenetsihahɨaweni kemɨ'ane nemɨhɨkɨ, xepɨteheuyehɨwiyarieni 'axaxemɨte'uyurikɨ, Kerutsareme meri, 'ariketa xaɨtsie yakatinikuxaxatsiwamɨkɨ.

Mikeyaxi 4:7

Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

Mikeyaxi 2:12

Kakuwu, yurikɨ mɨpaɨ nekanaineni, ne yunaime 'ateɨterima nekaniwakuxeɨrimɨkɨ. 'Ixaheri, yurikɨ mɨpaɨ nekanaineni, ne nekaniwakuteɨximɨkɨ memuyuhayewaxɨ. Nepuwakuxeɨrieni muxatsi kuraruta memeuta'ɨnarieni hepaɨ, muxatsi wahepaɨ, maku'ɨxaya hixɨapa, memɨyuwaɨkawani hepaɨ tɨranari mepɨwewieni.

'Etsekieri 33:11

Mɨpaɨ ketiniwarutahɨawi: “Yawé naimekɨmɨyɨwe mɨpaɨ kanaineni: Ne yurikɨ mɨpaɨ nekanaineni, nepɨkanetemawie 'axatiyuruwame mɨmɨnikɨ, matsi 'axatiyurienetɨ ketiuhayewa meta 'ake'uyeikani. 'Ayumieme xeketeneuhayewa, 'ixaheritsixi teɨteriyari, xeketeneuhayewa 'axaxeteyurietɨ. ¿Titayari xetetakukuweni?”

1 Te'aitamete 8:23

mɨpaɨ 'utaitɨ: «Yawé, 'ixaheritsixi takakaɨyari, xewitɨta Kakaɨyari 'apɨka'uyeika 'ahepaɨ 'anetɨ taheima muyuawitsie meta 'ena kwiepa, 'ekɨtsɨ 'atɨratu pekanaye'atɨwani meta pekaniwanenimayaka yuheyemekɨ kemɨ'ane memɨmate'uximayatsirie meta yu'iyarikɨ memɨmatsi'uweiya.

Hutarieka 'inɨari 33:26

»Xewitɨ pumawe Ketsuruni Kakaɨyarieya hepaɨ 'aixɨa tiuka'iyaritɨ, xeparewienike muyuawitsie pakaneika, haitsata, waɨkawa mariwetɨ.

Tsatiyaku 2:13

Kemɨ'ane mɨkatiyukanenimaya, 'itsɨkame ka'inenimayatɨ pitahɨawe. Matsi kemɨ'ane mɨtiyukanenimaya, Kakaɨyari 'inenimayatɨ kanitahɨawimɨkɨ.

Tsupuniyaxi 3:17

Yawé 'akakaɨyari 'ahamatɨa kaniukani mɨkɨ kuya mɨrayu'iwa pɨhɨkɨ. Pɨyutemawieka 'ahetsiemieme, pɨmetsihekwariyani yunaki'eriyakɨ, kaniutakwikamɨkɨ yutemawietɨ 'ahetsiemieme

Mikeyaxi 7:14

'A'itsɨ pe'akwetɨ 'ateɨterima keniwahɨneni, muxatsi 'atewama, yuxaɨta 'ɨtsita memɨkie, 'ɨtsi hixɨapa. Watsani meta Karaha mu'ɨxayatsie ketiniwarutimikwa meripaitɨ hepaɨ.

Kunatsi 4:2

'Ayumieme mɨpaɨ katiniuyunenewieni Yawé hahɨawetɨ: ―Neuxei Yawé. Ne 'ikɨ nepɨxatakai nekwiepa neheyeikatɨ 'akuxi. 'Ayumieme meripaitɨri nepuyuta'unakai 'Itsipaniya paitɨ, ne mɨpaɨ nemɨtimaikaikɨ Kakaɨyari 'aixɨa pemɨtiuka'iyari pemɨhɨkɨ pemɨtiyukanenimaya, pemɨkahayu'eriya meta waɨkawa pemɨtiyukanaki'erie, pemɨ'awaɨriya hipame pemɨtiwareuyehɨwirieni meta pemɨkawakwini.

Kuheri 2:32

Yunaitɨ Yawé memahɨawe kemɨtimariwe yutukari mekanitawikweitsitɨakuni, hɨritsie xeikɨa Tsiyuni meta Kerutsaremetsie, pɨyɨweni muyuta'una, Yawé kemɨtiwarutahuawekai. Memayeneniere wahamatɨa xeikɨa mepu'uwani Yawé mɨwaruta'ini.

Kitsariyaxi 57:16

Yuheheyemekɨ nepɨkamatsixanetani, meta yuheyemekɨ nepɨkaha'aka, xɨka mɨpaɨ 'anenike nehɨxie yunaitɨ memɨte'u'uwa nemuwarutiwewi mekaniukwiwaweni.

Nɨawari 86:5

Ti'aitame, 'ekɨ 'aixɨa pekatiniuka'iyarini meta pekanetineuyehɨwiriemɨkɨ, pɨmariwe 'anaki'eriya kemɨ'ane memɨmetsihahɨawe wahetsɨa.

Tanieri 9:9

Peru mɨyatɨtɨ tsepa temɨmatsi'uku'eiriekai tematsi'aye'unietɨ temakɨ, 'ekɨ, Tati'aitɨwame, Kakaɨyari pemɨti'akanenimaya meta pemɨtareuyehɨwirieni pekanihɨkɨtɨni.

Keremiyaxi 3:5

¿'aheyemekɨ petiha'a? ¿Haxɨa peti'utani 'aheyemekɨ?” Mexi petikuxatakai, kepemɨtiuyɨwekaxɨa 'axapepɨtiuyuri».

Kitsariyaxi 65:19

Nepuyutemawieka Kerutsareme hetsiemieme meta nepuyutemawieka neteɨterima wahetsiemieme, tawarita mana pɨka'enierieni tsuari hiwariyari meta kukuiniya hiwariyari.

Kitsariyaxi 55:7

'Axatiyuruwame yuhuye ke'uku'eirieni, meta 'axamɨtiyuriene 'axatiku'eriwatɨ ketiuhayewa. Yawé hetsɨa kenuani, takakaɨyari hetsɨa, mɨkɨ puyuwaɨriya mɨreuyehɨwirienikɨ, nenimayatsikaya hetsiena pɨtinake.

Kitsariyaxi 1:18

Yawé mɨpaɨ kanaineni: «Xekenakɨni, 'aixɨa tepɨtayurieni 'ahekɨakamekɨ, ¿'Axakexemɨteyuriekɨ xuriya muweka hepaɨ ti'ane? 'Ɨwi hepaɨ tituxatɨ kanayeimɨkɨ. ¿'Axakexemɨteyuriekɨ tixeta mɨyɨtsikimaɨyeni hepaɨ? Muxa huxarieya mutuxa hepaɨ kaniyɨmɨkɨ.

Nɨawari 130:4

Peru 'ekɨ pepɨtareuyehɨwiriwa, 'ayumieme peuyewetse temɨmetsi'ayemakaxenikɨ.

Nɨawari 71:19

Kakaɨyari 'aku, 'ekɨ mariweme pepɨtiuyuri, heitserie kepemɨtiyuriene meutitewatsie pɨye'axe. ¿Kakaɨyari 'aku, kemɨ'ane 'aku 'ahepaɨ pɨtiuka'iyari?

Nehemiyaxi 9:17

Mematsi'enienike mepɨkayuwaɨri, mariweme kepemɨtiuyuri wahetsiemieme mepɨkahaye'eri. Waɨkawa mepɨtsetse'ikai meta mepɨkaheu'enanakai 'atsita xeime mepanuyeye muwarakunuitɨanikɨ 'Ekipitu waɨriyarika memɨteha'uximayakaitsie. Peru 'ekɨ pepɨkawaruku'eiri Kakaɨyari pemɨtareuyehɨwirie pemɨhɨkɨkɨ, pemɨtiuyukakwewimɨkɨ meta pemɨtiuyukanenimaya, haxɨakɨ pekayumexɨitɨatɨ, peru waɨkawa petiuyukanaki'erietɨ.

Memeyekɨ 34:9

mɨpaɨ katiniuyunenewieni: —Ti'aitame, xɨka yemekɨ penetsiparewiwametɨni tahamatɨa keneuyuhayewa. Nepɨtimate 'ikɨ teɨteri yu'iyaritsie mepɨtsetse'i, hikɨ ketatineuyehɨwiri 'axatemɨte'uyurikɨ, 'ahetsɨa miemete ketanayeitɨa.

Xumatari 11:4

¿Peru Kakaɨyari ketita'ei? Mɨpaɨ pɨtita'ei: «Nehetsiemieme 'atahuta miriyari nepuwatiyatsa teɨteri, memɨkakatunuma'uiwawe Wahari hɨxie».

Rukaxi 15:32

Kaneuyewekaitɨni temɨtatemamawiekakɨ, karikɨ 'ikɨ 'a'iwa 'umɨme nekani'eriekaitɨni, peru 'ari panutanierixɨ punua, meuyewekai kaniutaxeiyarieni”».

Mikeyaxi 5:3

'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

'Amuxi 8:2

hikɨ mɨpaɨ kanetiniuta'iwawiya: ―¿'Amuxi, tita petixeiya? Ne mɨpaɨ nekatinita'eiya: ―Xei tsikɨiwitiyari 'ikwaxi kwakwaxime. Hikɨ Yawé mɨpaɨ kanetiniutahɨawe: ―'Ari kanaye'ani 'Ixaheri makaweni 'ikwaxi mukwaxi makaweni hepaɨ, tawariri nepɨkareiyehɨwirieni.

'Amuxi 7:8

Yawé mɨpaɨ kanetiniuta'iwawiya: ―¿'Amuxi, tita petixeiya? Mɨpaɨ nekatinita'eiya: ―Kii 'inɨnɨatame mahete pepahana. Hikɨ Ti'aitame mɨpaɨ kaniutayɨni: ―Keneuxeiya, 'ikɨ kii 'inɨnɨatame mahete neteɨterima 'ixaheritsixi wahixɨapa nekaneikahɨamɨkɨ, 'ari tawariri nepɨkatiwareuyehɨwirieni.

Keremiyaxi 31:34

Pɨkayɨweniri xewitɨ yuhepaɨ tewi mɨti'ɨkitɨakakɨ meta yu'iwa mɨpaɨ haitɨ: “Yawé kenemateni”, karikɨ yunaitɨ, 'etsimemuyumate paitɨ meta 'amemuyumate mekanenetimaikuni —Yawé mɨpaɨ kanaineni—. Ne ke'axamemɨte'uyurikɨ nekatiniwareuyehɨwiriemɨkɨ, hatsuakuri nepɨkahaye'erieni».

Kitsariyaxi 57:10

Waɨkawa pekuyeikatɨ peputi'uxixɨ, peru mɨpaɨ pepɨka'utayɨ: “'Ena xeikɨa nepɨye'ani”. Pepuyɨwekaxɨa tɨrɨkariya waɨkawa pepukaxei, 'ayumieme pepɨka'u'amɨ.

Kitsariyaxi 40:25

«¿Kamɨtsɨ kemɨ'ane hepaɨ kename ne'ane xepɨtiyuani? ¿Kemɨ'ane nehepaɨ pɨ'ane?», mɨpaɨ kanaineni Mɨpatsie.

Kitsariyaxi 40:18

¿Kemɨ'ane Kakaɨyari hepaɨ 'aneme mepayeitɨani? ¿Kehepaɨ mete'iwewieni?

Nɨawari 103:13

Yawé waɨkawa pɨwanenimaya kemɨ'ane memeyemakaxe wahetsiemieme, nuariekame yuniwema wahetsiemieme kemɨtiuka'iyari hepaɨ.

Nɨawari 35:10

'ana mɨpaɨ yemekɨ nepɨtayɨni: «Xewitɨ pumawe 'ahepaɨ 'anetɨ Yawé. 'Ekɨ pepɨwawikweitsitɨa haweri memɨyɨa memɨtɨrɨkawi wahetsɨa, haweri memɨ'anene meta tixaɨtɨ memɨkateheuxeiya pepɨwawikweitsitɨa memɨtewa'uximayatsitɨa wahetsɨa».

'Inɨatsie 23:21

»Kakaɨyari Kakuwu pɨkaxeiya 'axatiyurieneme 'Ixaheri pɨkatiuyukananaima. Yawé wakakaɨyari wahamatɨa puyeika, wahamatɨa ti'aitame puyuxata.

Keremiyaxi 38:8

'Ewemereki paratsiyuta kaniwayeyani mɨpaɨ katinitahɨawe:

Kitsariyaxi 62:5

Temaikɨ 'uka mutiuwitɨkɨ hepaɨ, mɨpaɨ kemɨ'ane mɨmatsi'anukakitɨani pumatiwitɨni, neneɨkeme mitiwitɨni xeiyatɨ muyutemawie hepaɨ, mɨpaɨta 'akakaɨyari pɨtiyutemawieka 'ahetsiemieme.

Tsutɨarika 4:7

Xɨka 'aixɨa petiyurienenike heitserie pekanatinierenikeyu. Xɨka 'aixɨa pekatiyurieneni, 'axamɨ'ane kamenihupieka metsiwiyake tiyukwa'ame hepaɨ. Peru 'ekɨ pekaniyɨweni peme'iwa».

2 Kemɨtiuyɨ 6:21

Keneu'eni waɨkawa kenemɨmatiwawirie ne ti'a'uximayatsiriwame meta 'ateɨterima 'ixaheritsixi kepauka memɨyunenewie 'uwa. Ketane'enieka muyuawitsie paitɨ hakewa 'ekɨ pemeyeika, ketaneu'eni meta ketatineuyehɨwiri.

2 Kemɨtiuyɨ 30:9

Yawé hetsɨa xɨka xe'u'axɨani, xe'iwama meta xeniwema memɨwarehapa mepɨwaretinenimayata, hikɨ memanuaxɨani 'ikɨ kwieyaritsie mepeyɨwekaxɨani. Yawé xekakaɨyari pɨtiuyukanenimaya meta mɨreuyehɨwirieni pɨyɨwe. Xɨka xeme ta'aurie xehaxɨrieni hetsɨana xe'u'axɨani, mɨkɨ hatsuaku pɨkaxeku'eirieni».

Kitsariyaxi 33:24

Nixewitɨ mɨpaɨ pɨkatayɨni: «Nepɨtikuye», mana kiekatari 'axakememɨte'uyurikɨ mepɨteheuyehɨwiyarieni.

Kitsariyaxi 64:9

Waɨkawa pepɨkaha'aka, Yawé, pepɨkaheye'eriwaniri yuheyemekɨ 'axaketemɨte'uyuri. Nepɨmatsiwawirie, mɨpaɨ ketinemaika, kename tame 'ateɨterima tehɨkɨ.

Keremiyaxi 9:24

Xɨka xewitɨ yuta'ɨrimɨkɨ, keyuta'ɨre mɨnetsimatekɨ meta mɨpaɨ mɨretimakɨ kename ne Yawé nehɨkɨ, nemɨti'uximaya kwiepa naki'eriyakɨ, heitseriemekɨ meta 'aixɨa 'anemekɨ, netsɨ mɨpaɨ kanetininakeni —Yawé mɨpaɨ kanaineni—.

Keremiyaxi 31:20

»'Epɨrahini tewiyari neniwe 'uki neminaki'erie pɨhɨkɨ. 'Ikɨ neniwe 'uki kanihɨkɨtɨni waɨkawa neminaki'erie. Kepauka nemɨtikwinitɨa, nepeye'eriwa ne'inaki'erietɨ. Mɨkɨ hetsiemieme waɨkawa nepɨne'iyaritɨa, mɨkɨ waɨkawamekɨ nepeunenimaya —Yawé mɨpaɨ kanaineni—.

Keremiyaxi 33:8

Nekaniwa'itimɨkɨ 'axamemɨte'uyurikɨ nehepaɨtsita, naimekɨ nekatiniwareuyehɨwiriemɨkɨ memɨnetsi 'aye'uniekaikɨ.

'Etsekieri 18:23

Mɨpaɨ xepɨkateku'eriwani kename xɨka 'axatiyuruwame 'umɨni, ne'iyari 'aixɨa kuyɨne. Hawaikɨ matsi pɨnetsinake 'axatiyurienetɨ mɨtihayewakɨ, 'amuyeikanikɨ. Ne, Yawé, mɨpaɨ nekanaineni.

'Utseyaxi 14:2

'Aixɨa ketineu'ahɨawi kepemɨtayɨni, Yawé hetsɨa kenenua mɨpaɨ ketineutahɨawi: «Ketatineuyehɨwirieka ke'axaketemɨte'uyuri, 'aixɨa 'anemekɨ ketaneutanaki'eri mawari hepaɨ, tepɨmatetaxatɨani.

'Amuxi 1:11

Yawé mɨpaɨ kanaineni: «'Erumi kiekatari waɨkawa 'axamepɨte'uyuri, 'ayumieme ne nepɨkatiwareuyehɨwirieni, mepɨwareutaweiyaxɨa yu'iwama mewakwikutɨ 'ixiparakɨ, mepɨka'uyupitɨa memɨte'uyukanenimayakakɨ, 'amepɨteheuterixɨ meha'atɨ 'amepɨtitekai meha'atɨ.

'Itsɨkate 10:16

Hikɨ kakaɨyarixi mekaniwaruku'eirieni memɨwarayexeiyakai, Yawé me'ayexeiyatɨ pɨta mekanakɨne, meta Yawé pɨkayɨwekairi mɨtinewieka, 'ixaheritsixi kememɨte'uka'eniwakai.

Nɨawari 65:4

'Aixɨa ke'itɨarieka 'iya kemɨ'ane 'ekɨ pemanayexei, 'iya kemɨ'ane 'ahetsɨa pemɨ'atɨa 'atakwa mukanikɨ. 'Akie timieme 'aixɨa mɨti'anekɨ tekehuxaka, kepemɨtatiumi 'atuki mɨpatsieta timiemekɨ.

Kitsariyaxi 38:17

Mɨpaɨ nepɨtimate, 'aixɨa mɨti'anenikɨ 'uximatɨarikatsata nepuyetɨa. Penetsinaki'erietɨ pepɨkanetsi'upitɨa mɨki teukiyata nemɨkayunekɨ, 'axakenemɨtiuyuri pepuwarixiwiyaxɨ.

'Etsekieri 33:16

Pɨkataxatsiyarieni 'axakemɨtiuyuri meripaitɨ miemekɨ, matsi 'apuyeikani heitseriemekɨ 'aixɨa tiyurienetɨ 'amuyeikakɨ”.

'Utseyaxi 14:5

Ne wiyeri hepaɨ nepɨ'aneni 'Ixaheri hetsiemieme, yanepɨtiyurieni mɨkaxutunikɨ texuxuri tuturiyari hatetsita mieme hepaɨ. Nanayari tetɨata paitɨ ratiwiwiyame nepayeitɨani Riwanu kɨyeyari hepaɨ.