Mikeyaxi 7:13 - Kakaɨyari Niukieya

¹³ Karikɨ mɨkɨ kwieyarite makumawe kanayeixɨamɨkɨ teɨterimama ya'aneme meheutiwiwiexɨaku, 'axamemɨteyuriekaikɨ.

Mikeyaxi 7:13 ပူးပေါင်းရင်းမြစ်များ

Keremiyaxi 25:11

Naitɨ 'ikɨ kwieyari 'akumariwetɨ kanayeimɨkɨ meta 'akumawetɨ, meta 'ikɨ nuiwarite ti'aitame Wawiruniyatsie metenita'uximayatsiriekuni haika tewiyari heimana tamamata wiyari”.

Keremiyaxi 17:10

«Ne Yawé, 'iyari 'awie nepɨxeiya, meta kemɨtiku'eriwa nepɨ'inɨata, yanemɨtiwapitɨanikɨ yuxexuime kememɨteyurie meta yuxexuitɨ kememɨte'ukaxuxuawere».

Mikeyaxi 6:13

'Ayumieme ne, nekametinikwinitɨamɨkɨ nemetsitiwayatɨ, ne nepɨmetsika'una 'axapemɨtiuyurikɨ.

Mikeyaxi 3:12

'Ayumieme, xeme ya'aneme xewiwiekaku Tsiyuni kwietsanaripa hepaɨ tiyuxexeiyatɨ kanayeimɨkɨ, Kerutsareme 'unimeyari xeikɨa kaniyuhekɨarimɨkɨ, meta yemuri tuki manuwekai 'ɨtsita kanayeimɨkɨ.

Keremiyaxi 32:19

Kepemɨtiku'eriwa pumamariwawe, yemekɨ witsipɨ'anene 'a'uximayatsika. Pepuwataxeiya yunaime teɨteri kememɨteyurie, yuxexuime yapemɨtiwarakapitɨanikɨ kememɨtekakɨ meta kememɨte'u'uximayataxɨakɨ.

Keremiyaxi 21:14

Yawé mɨpaɨ kanaineni: “Ne 'uximatɨarika nekanixepitɨamɨkɨ kexemɨte'ukaxuxuawerekɨ, xehɨri muhukuya nekanitaiyamɨkɨ, mɨkɨ tai naime 'aurienata katinakɨxɨtsitɨamɨkɨ”».

Temaiwawemete 31:31

'Uka pumatiwani naitsarie kemɨtiukaxuxuawere, meta 'uximayatsikayatsie naitɨ mɨtihekɨakɨ 'aixɨa pɨraniuwani.

Temaiwawemete 5:22

'Axatiyuruwame yɨkɨmana puyuwiniya 'axatiyurienetɨ, 'axamɨti'ane mɨrexeiya kaunariyari mɨkɨ kanenutahɨaximeni.

Temaiwawemete 1:31

Tita tewi mɨtiuka'e mɨkɨ katinika'itsanamɨkɨ, pɨtitimɨiriya tita yuhetsie mɨtiupitɨa pɨka'ikemakaxɨani,

Kuwi 4:8

Kenemɨretima mɨpaɨ pɨneti'ɨkitɨa kemɨ'ane 'axamɨti'ane mɨtika'eni, mɨkɨ 'uximatɨarika kanika'itsanamɨkɨ.

'Etsekieri 12:19

Mɨpaɨta ketiniwaraye'eritɨa teɨteri 'ena kiekatari, Yawé naimekɨmɨyɨwe mɨpaɨ kanaineni, Kerutsareme kiekatari meta 'Ixaheri kwieyaritsie memɨtama wahetsiemieme: “Waɨkawa mehaumamatɨ yupa mekaniutikwa'akuni, meta waɨkawa me'uyɨyɨakatɨkaitɨ mekaniharekakuni. 'Ena kiekatari 'axamemɨteyuriekɨ, naitɨ mana mɨtixuawe katinanutɨkiemɨkɨ.

'Etsekieri 33:28

Mɨkɨ kwieyari kiɨripa nekanayeitɨamɨkɨ, kemɨtitɨrɨkaɨye meta kemɨtiyukatawe'erie nepɨtinawairieni. 'Ixaheri hɨriyaritsie 'akumawetɨ kaniyuhayewamɨkɨ, nixewitɨ mana pɨka'uyeikani.

Mikeyaxi 3:4

'Uxa'atɨni Yawé mekanitahiwikuni parewiya mehewawiriwatɨ, matsi mɨkɨ pɨkawata'eiya, wahetsiemieme puyuti'awieta 'axamemɨte'uyurikɨ.

Mikeyaxi 5:3

'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

Kitsariyaxi 17:9

'Iya tukaritsie kiekarite mɨtɨrɨkawi, muku'eiriwaxɨ 'ixaheritsixi ya'aneme meheutiwiwiexɨaku, kiekarite muku'eiriwaxɨ hepaɨ tiyuxexeiyatɨ kanayeimɨkɨ 'uhukuyatɨ meta 'u'ɨtsiyatɨ mayeika hepaɨ. Naitɨ 'akumawetɨ kanayeimɨkɨ.