Mikeyaxi 7:1 - Kakaɨyari Niukieya

¹ Xɨa'ui ne. Wiita 'ikwaxi muti'inɨiwatsie 'anutiyaku nepunua, pɨkayɨweri kaxie nemɨtiwauni, tsikere xeixatsimuyari nepɨkahexeiya nemitikwanikɨ, xapa takari yɨrime tɨma nepɨkahexeiya, kɨmana nemɨmɨxime.

Mikeyaxi 7:1 ပူးပေါင်းရင်းမြစ်များ

'Utseyaxi 9:10

Mɨpaɨ kanaineni Yawé: «Kepauka 'Ixaheri nemutaxei, makumawetsie kaxie takari nemutaxeiya hepaɨ nepuyɨ, kepauka 'atutsima nemɨwaruxei meripai miemete, xapa takari yɨyɨrime nemuxeiya hepaɨ nepuyɨ. Peru mɨkɨ mepekɨ Wahari-Pehuxi kakaɨyariyari hetsɨa, mepɨnetsi'uku'eiri, tewiyarikatsie mepuyuyetua, 'anari wahepaɨ 'axame'anenetɨ mepakɨ menaki'eriwatɨ hepaɨna.

Kitsariyaxi 28:4

Mɨkɨ tutu mɨyɨna witsikemɨtiyuxexeiyakai, hɨri 'ayewerikaku 'aixɨa raye'anekaku mɨyewe, mexɨakame xapa mukwaxi kanayeimɨkɨ katika'inɨiyawekaku 'akuxi: xewitɨ 'ixeiyame yapauka 'eka'inɨme, kanitakwaimɨkɨ.

Kitsariyaxi 24:13

Mɨpaɨ kwie hixɨapa katiniyɨmɨkɨ nuiwarite wahetsie, kepauka huriwu takariyari mɨka'inɨiwatsie karima kuweiwatɨ hepaɨ, kepauka muyuhayewaxɨ mutiwawiwa hepaɨ matɨari mɨka'inɨiwatsie 'anuyeyayu.

Kitsariyaxi 17:6

Peru hipatɨ puyuhayewa, kepauka huriwu manuyekatsiwa hepaɨ, hutatɨ yatɨni haikatɨ takari puyukuhayeikawa xawaritetsie meutitetewatsie, heiwatɨ naukatɨ yatɨni 'auxɨwitɨ naime xawarite kɨyeyaritetsie». Yawé mɨpaɨ kanaineni, 'Ixaheri Kakaɨyarieya.

Keremiyaxi 45:3

“'Ekɨ mɨpaɨ peputayɨ: ‘Xɨa'ui ne. Yawé matsi waɨkawa pɨnetsi'uximatɨa. Nepu'uxeri ne'uta'aiwatɨ, 'uxipiya nepɨkakaxeiyawe’.

Keremiyaxi 15:10

Xɨa'ui nehetsie, nemaama, pemɨnetsi'utiniwexɨ niuki nemɨxɨatɨakakɨ meta nemɨnemienenikɨ naime 'ikɨ kwieyaritsie wahepaɨtsita. Ne xeime nepɨkatiniɨtɨawe meta nepɨkanetaniɨwe, peru yunaitɨ 'axamepɨnetekumamateke.

Keremiyaxi 4:31

Hiwari nepɨ'enie, niweyame hiwarieya hepaɨ 'anɨyɨneme, 'aiwarika matɨari mɨniweneni 'aiwarikaya hepaɨ 'anɨyɨneme. Tsiyuni witsimɨti'ɨimari 'aiwarieya kanihɨkɨtɨni, waɨriyarika meka'ietɨyeika, yumamá 'utatsetseratɨ mɨpaɨ mutaine: «Xɨa'ui ne, nepɨmɨximeri. Teyumiekate 'ari mepɨnetsiwiya».

Kitsariyaxi 24:16

Kwie manu'axetsie paitɨ kwikarieya tekani'enieka: «'Aixɨa mɨtiuka'iyari 'aixɨa ketikuxaxatsiwani». Ne matsi mɨpaɨ nepaine: «Ne xɨa'ui. Kukuinari nehetsie pɨye'a». Kemɨ'ane memɨteyukananaima mepɨteyukananaima, 'axamemɨte'u'iyari yamekateniyurieka kememɨteyurienikɨ.

Kitsariyaxi 6:5

Hikɨ nekaniutahiwa: «Xɨa'ui ne, nehetsie pɨrahɨiwa. Tewi nepɨhɨkɨ neteta mɨkati'itiya pɨrayeneika meta teɨteri 'axame'utiyuaneme watsata nepuyeika, matsi Ti'aitame nepuxei, Yawé Naimekɨmɨtɨrɨkaɨye».

Nɨawari 120:5

Xɨa'ui ne, 'ateewa nemuyeika Metseki kwieyaritsie, 'ena nemuka Tseraxi 'ixuriki kiiyari mati'u.

Keremiyaxi 24:2

Xeime hetsie xapa witsi'anenetɨ payetekai, matɨari mɨtikwakwaxe mieme hepaɨ, hutarieka mieme hetsieta payetekai xapa kwinimieme 'axa'anenetɨ kayukwainɨatɨkaitɨ.

'Inɨatsie 18:13

Mɨkɨ kwie matɨari mɨtiutixuaweriyatsiemieme mɨkɨ mekateni'atɨakuni, neta nekameniyetuiriemɨkɨ. Kemɨ'ane tewi mɨ'itiya mitikwani kaniyɨweni.

Temaiwawemete 20:6

Yumɨiretɨ mɨpaɨ meputiyuane kename 'ahetsie metewiya, ¿kemɨ'ane pɨyɨwe tewi 'aixɨa mɨtiuka'iyari mɨtaxeiyakɨ yuri mɨti'eririekakɨ?

Keremiyaxi 5:1

«Kerutsareme kayeyaritetsie xekeneutikɨni, 'anɨkai xekunieretɨwetɨ, teɨteri memayukuxexeɨriwatsie xekeneutinieri. Xɨka xeime xehetaxeiya heitseriemekɨ yatiyurieneme, tita yuri mɨraine tikuwauneme, ne nepɨreiyehɨwirieni 'ikɨ kiekari.