Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Mikeyaxi 6:9 - Kakaɨyari Niukieya

9 Nuiwarite meta teɨteri kiekaritsie kiekatari, Yawé niukieya xekeneu'eni, pɨxeha'iniwa, xɨka xetemaiwaweni, Yawé xekenemakaxeni.

အခန်းကိုကြည့်ပါ။ ကော်ပီ




Mikeyaxi 6:9
43 ပူးပေါင်းရင်းမြစ်များ  

Keyupaɨmeme nemɨwanaki'erie, mɨkɨ nepɨwatate'a nepɨtiwa'ɨkitɨa newa'uximatɨatɨ. 'Ayumieme 'aixɨa 'anemekɨ kene'awaɨriyani, ketineuhayewa kepemɨtiyuriene hikɨ.


Mɨkayu'ɨxatsitɨarinɨa, meta mɨkatiyuxatɨarinɨa. Yawé hetsie yuri mɨkati'erie, meta yukakaɨyari hetsɨa 'ahurawa mɨka'uyeika.


Kemɨ'ane mɨtimaiwe kaneitimaitɨyeikani, kemɨ'ane waɨkawa mɨtiuyemate. Kaniyuritɨni Yawé huyeya kanixeuraɨyeni, mɨkɨ 'utɨma mekaniuhuni heitserie memexeiya, peru kemɨ'ane 'axamemɨteyurie mekanetiketamɨrikeni meteyukahiwe'erietɨ.


Neuxei. Yawé kemɨtitewa 'ateewa kanamieni, haxɨakɨ tatɨ waɨkawa kɨtsi 'anawietɨ, tenieyatsie pɨhɨpɨne haxɨa, nenieya tai mɨtiyuxɨtsitɨwa hepaɨ pɨ'ane.


'Ayumieme, xeme ya'aneme xewiwiekaku Tsiyuni kwietsanaripa hepaɨ tiyuxexeiyatɨ kanayeimɨkɨ, Kerutsareme 'unimeyari xeikɨa kaniyuhekɨarimɨkɨ, meta yemuri tuki manuwekai 'ɨtsita kanayeimɨkɨ.


Xɨa'ui xeme Kerutsareme xemɨtama kayuwatɨ xemexeiya, xɨa'ui meta xeme Tsamariya hɨriyaritsie xemɨtama 'aixɨa 'iyari xemu'uwa. Xɨa'ui xeme xemɨmamariwawe 'ikɨ kwieyaritsie xemu'uwa, teɨteri 'ixaheritsixi memɨxe'ayexeiya xeikɨa.


'Ayumieme tai nepanunɨ'ani Kura hetsie, Kerutsareme kuraruya 'aixɨa mɨ'ane mɨtaxɨtsitɨanikɨ».


Teɨteri Tsamariya kiekatari yuhetsie mekatenahɨakuni, yukakaɨyari me'aye'unietɨ mepakɨ. 'Ixiparatekɨ mekanikwi'iwakuni, tɨɨri mekanititetseweiyakuni kwiepa, memayehukatɨka yuhukatsie mekaneuxitekiexɨakuni.


kename, 'Etsekiyaxi kepauka mɨti'aitametɨkai, Mikeyaxi Muretseti kiekame yunaime Kura kwieyaritsie kiekatari wahetsiemieme mɨpaɨ tiuxatakai: «Mɨpaɨ kanaineni Yawé Naimekɨmɨtɨrɨkaɨye: “Tsiyuni kanakukwietsanariemɨkɨ kwie mɨraka'etsitɨre hepaɨ, Kerutsareme 'unitɨ kanayeimɨkɨ, meta tuki yemuriyari 'ɨtsita kanayeimɨkɨ”.


hikɨ 'ana ne Tsiru kenemɨtiuyuri mɨpaɨta nekatiniyurimɨkɨ 'ikɨ tukikɨ: 'Ikɨ kiekari 'axamɨ'ane nekanipitɨamɨkɨ yunaime nuiwarite wahetsiemieme’ ”».


Hiwari pa'eniɨriɨkɨ kiekaritsie, tukita payeneika hiwari: Yawé hiwarieya kanihɨkɨtɨni memeye'unie yakatiniwarakapitɨamɨkɨ tita wahetsie mɨtimieme.


Kiekari 'aixɨa mɨreukukurarutɨarie panuka'unarie, mɨka'akukiepaya pɨhɨkɨ, makumawe muku'eiriwaxɨ hepaɨ. Muwa tsikeru kaneuta'ariwani, mana katiniutikwa'ani meta tupiriyate katinikwaka.


Yawé, 'amamá pepanukuhana, peru mɨkɨ mepɨka'ixeiya. 'Ateɨterima wahetsiemieme kepemɨti'ɨtetsa meke'ixeiya, 'ana meke'uyutitetewiya, taikɨ meke'utixɨtsitɨarieni memɨmetsi'aye'unie muwahetsiemieme.


Peru teɨteri mɨpaɨ mepɨkatehetimaiwawe kemɨ'ane mɨyɨane mɨtiwakwinitɨa, Yawé Naimekɨmɨtɨrɨkaɨye mepɨkatiwauwawe.


Kemɨ'ane mɨtimaiwe 'axamɨti'ane katinixeiyani mɨkɨ 'ateewa puyeyeika, matsi mɨkatimaiwe mana kaniuyeyeikani 'ayumieme pɨtiuka'eniwa.


Kemɨ'ane mɨtimaiwe, mɨpaɨ timaitɨ kehayani meta 'aixɨa kereitimani Yawé naki'eriyaya mɨmariwe.


Meketehetimani 'ekɨ Yawé pemɨhɨkɨkɨ, mɨpaɨ pemɨtitewa, mɨpaɨ meketemaika 'ekɨ xeikɨa 'Amutewi pemɨhɨkɨkɨ 'ena kwiepa naitsarie.


'Anɨawari, neuxei Kakaɨyari, meta kepemɨtitewa hepaɨ pɨ'ane, kwie manu'axe paitɨ kaniuyeikani, 'amamá tserieta miemetsie tita mɨtiheitserie katinihɨneni.


Yawé kanimatiwani 'aixɨa mɨtiuka'iyarikɨ, 'axamɨtiuka'iyari yuwiniyaritsie kaniyukahɨpani.


Kakaɨyari mɨpaɨ nepɨrahɨawe: nehetsie pepɨkatiuhɨpani. Tita kuta nehepaɨtsita perayexeiya yakeneutayɨki.


»'Aixɨa kani'itɨarieka tewi, kemɨ'ane Kakaɨyari mɨti'ɨkitɨa. Naimekɨmɨtɨrɨkaɨye 'uximatɨarikakɨ meti'ɨkitɨakaku pepɨka'ixani'erieka.


Merikɨtsɨ Rawiri ti'aitakaku haaka kaniutaweni haika wiyari. Rawiri Yawé kaniutahɨawe miparewienikɨ, mɨpaɨ Yawé katinita'eiya: «Tsahuri meta nuiwarimama puwanakekai hipame waxuriya memɨtayeurienikɨ, mɨkɨ kawahunitari mepɨwarukwi, 'ayumieme haka kanixuaweni».


»”¿Ketitayari ti'uxipieka, Yawé kanitanɨ'ani 'Atsikaruni mɨtamienikɨ metatsiere haramara tetsita memɨtama?”»


Yapekatiniutaxatɨarieniri tita 'aixɨa mɨti'ane. Pepɨtiutaxatɨarieri tita mɨtitakwewie 'ahetsiemieme Yawé: Yapepɨtiyurieneni tita mɨtiheitserie hepaɨtsita, pepinaki'erieka nenimayatsika, meta Kakaɨyari hɨxie mariweme pepɨka'ayuyeitɨwani.


«'Axaxemɨte'u'iyari. ¿'Atsinekaraineni tumini xemexeiya 'axa'anemekɨ xeme'iwaxɨ, meta heuyewekamekɨ xemɨteku'inɨnɨata hepaɨtsita?


Mɨkɨ yapɨtiyurieni nehetsiemiemekɨ kemɨtiu'eri, naime kemɨtiku'eriwa yapɨtiyurieni.


Ne nepɨkamatsitinenimayata, matsi yanepɨtiyurieni pemɨrayukatɨanikɨ ke'axapemɨtiuyurikɨ. Mɨpaɨ 'ana pepɨretimani kenameta ne Yawé netiyukwinitɨwa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ