Mikeyaxi 6:8 - Kakaɨyari Niukieya

⁸ Yapekatiniutaxatɨarieniri tita 'aixɨa mɨti'ane. Pepɨtiutaxatɨarieri tita mɨtitakwewie 'ahetsiemieme Yawé: Yapepɨtiyurieneni tita mɨtiheitserie hepaɨtsita, pepinaki'erieka nenimayatsika, meta Kakaɨyari hɨxie mariweme pepɨka'ayuyeitɨwani.

Mikeyaxi 6:8 ပူးပေါင်းရင်းမြစ်များ

Temaiwawemete 21:3

Kepauka teɨteri kemɨtiheitserie yamemɨteyurie, mɨkɨ Yawé pinake keyuri mawari.

Kurutsetari 3:12

'Ayumieme nepaine, Kakaɨyari mɨxe'anuyexeikɨ, teɨterimama xemɨhɨkɨkɨ, xemɨnaki'eriwakɨ, xeteyukanenimayatɨ xekenakɨni yu'iyaritsie, mɨhekwa xe'anakatɨtɨ, 'aixɨa xeketeneu'iyarini, xepɨkateyukatawe'erieka, xeketeneuyukanaki'erieka meta 'axeketeneutewini xekaha'atɨ.

Keremiyaxi 22:3

Mɨpaɨ kanaineni Yawé: ‘Yaxeketeneyurieka kemɨtiheitserie meta kehepaɨ 'aixɨa mɨ'ane. Munawarie xekeneɨxɨna minanaima tɨrɨkariyaya mamayatsie. 'Ateewa kiekame 'axaxepɨkayurieka xepɨka'inanaimaka, meta nutui, meta wiura, metatsiere xeime xepɨkakumemiwani 'atsikatiyurieneme 'ikɨ kwieyaritsie.

'Utseyaxi 6:6

Ne naki'eriya nepɨxewawirie, mawarika pɨkatixaɨ, matsi Kakaɨyari pɨta xekene'enieka mawari taiyariyari pɨkatixaɨ.

1 Tsamuheri 15:22

Tsamuheri mɨpaɨ katinita'eiya: «¿Tita matsi Yawé tinake: mawari taiyariyari meta hipame 'imikierite, nutsu 'aitsikaya kemaine yatepɨtekahuni? Matsi peuyewetse temi'enieka, keyuri mawari, yatemɨteyurieka peuyewetse, wai wiya matɨa pɨkaheuyewetse.

Kitsariyaxi 66:2

Netɨrɨkariya katiniuyurieni naime 'ikɨ mɨtiutawewi: mɨpaɨ tiɨyɨku 'ayumieme katiniuneni ―Yawé mɨpaɨ kanaineni―. »Ne nepuwaxeiya tixaɨtɨ memɨkateheuxeiya meta yu'iyaritsie memɨte'uka'eniwa, kemɨ'ane neniuki memayemakaxe.

1 Pekuru 3:8

'Imatɨrieka yunaitɨ xekeneyuxewini kexemɨteyɨkɨhɨawe, xekeneyuxewini 'axeikɨa xeyutemamawietɨ xeyuhiwerietɨ nutsu, xekeniwanaki'erieka 'iwamarixi, xeketeneyukanenimayaka, xepɨka'ayu'eririyani.

Rukaxi 6:36

Xeketeneyukanenimayaka, xe'ukiyari kemɨtiyukanenimaya.

Rukaxi 11:42

»Xɨa'ui xeme, paritseutsixi, tamamatatsie mieme xeime xepɨyuwaɨriya xemixatɨanikɨ Kakaɨyari yeruwawena, xura meta naime tupiriyate mukwaiwa, peru xepɨkayuwaɨriya heitseriemekɨ yaxemɨtekahunikɨ, xepɨkayuwaɨriya xeminaki'eriekakɨ Kakaɨyari. Mɨpaɨ xemɨtekahunikekai peuyewekai xekatehayewatɨ 'iya kexemɨteyurie.

'Amuxi 5:24

Matsi pɨta 'aixɨa mɨti'ane kexuaweni, mɨtiheitserie ke'uhaneni haixa mɨka'ukawauke hepaɨ.

Mateu 5:7

'Aixɨa mekani'itɨarieka mɨkɨ memɨteyukanenimaya, mepɨtinenimayatsieni.

'Epetsutari 4:32

'Aixɨa xete'u'iyaritɨ xekenakɨni, xekeneyunenimayaka, xeketeneuyuyehɨwirieka, xeme Kakaɨyari kemɨtixeheuyehɨwiri Kɨritsitu hetsie xetewiyakaku.

Tsutɨarika 18:19

Ne nepenayexei yuniwema muwata'ɨxatsitɨanikɨ meta watɨɨriyama, Yawé huyeya'utɨa memuhunikɨ, yamemɨteyuriekakɨri tita 'aixɨa mɨti'ane tita mɨtiheitserie. Hikɨ mɨpaɨ me'anekaku Yawé pɨraye'atɨani 'Apɨrahami kemɨtiutahɨawixɨ».

Ti'ɨkitame 12:13

'Imatɨarieka 'ikɨ niuki naitɨ kaniu'enierieni. Kakaɨyari matsi kenayemakaxeni, yaketinekamieni 'aitsikayatsie, 'ikɨ naitɨ tewi hetsie kanimiemetɨni.

'Utseyaxi 12:6

Peru 'ekɨ kenenua 'akakaɨyari hetsɨa, peti'akanaki'erietɨ kemɨtiheitserie ketineyurieneni, hetsiena yuri peti'erietɨ.

Kitsariyaxi 57:15

Mɨpaɨ mainekɨ 'amutewi meta mumariwe, yuheyemekɨ 'amuyeika, mɨpatsie mɨtitewa: «Ne meutitewatsie nekanikiekametɨni mɨpatsietsie, Peru yaxeikɨata yu'iyaritsie muyuhiwerie meta tixaɨtɨ mɨkarayuyeitɨa hamatɨa nepuyeika, nemɨwatɨrɨkariyanikɨ yu'iyaritsie memɨwerarani kemɨ'ane yu'iyaritsie memɨyuhiwerie nepɨwatɨrɨkariya.

Mateu 5:3

«'Aixɨa mekani'itɨarieka mɨkɨ waɨkawa memɨteheuyehɨwa yu'iyaritsie kememɨteyumate, kemɨ'ane taheima makawe mekanexeiyakakuni tiwa'aitɨwametɨme.

Tsupuniyaxi 2:3

Yawé xekeneutiwawa, yunaitɨ xeme tixaɨtɨ xemɨkatehayuyeitɨa 'ena kwiepa, yaxemɨteyurie 'aitsikateya kemaine. Xekeneutiwawa tita mɨtiheitserie meta 'axekeneu'uwani tixaɨtɨ xekatehayuyeitɨatɨ, heiwatɨ 'ana xe'uti'awieta, kepauka Yawé haxɨaya tukarieya maye'anitsie.

Tanieri 4:37

'Ayumieme ne, Nawukurunutsuxi, nekaninɨawani, mariweme nekaneyeitɨwani meta 'aixɨa nekanaineni Ti'aitame muyuawitsie makawe hepaɨtsita, yuheyemekɨ kemɨtiheitserie mɨtiyurienekɨ meta heitserie mexeiyakɨ, meta puyuwaɨriya memɨyuti'ɨre tixaɨtɨ mɨkatiwarayeitɨani.

Nɨawari 37:26

Yuheyemekɨ meyutemamawietɨ 'aixɨa 'anemekɨ mepɨtewaniɨtɨa, waniwema wahekɨ 'aixɨa mepɨ'itɨarie hipatɨ.

Nehemiyaxi 9:13

»Tsinahi hɨriyaritsie pepunua, muyuawitsie paitɨ pepuwarutahɨawixɨ. Ketitamɨtiheitserie pepɨtiwarutaxatɨa meta 'inɨari niukiyari yuri maine, 'aitsika 'aixɨa mɨ'anene.

Nɨawari 112:4

'Aixɨa memɨte'u'iyari mekanihekɨariwiyarieka yɨwipa. Kakaɨyari 'aixɨa pɨtiuka'iyari, pɨtiyukanenimaya meta heitserie pɨtiyuriene.

Hiwerika 3:26

'Aixɨa kani'aneni kayuwatɨ 'umatɨ mitakwewieka, Yawé mayenenikɨ tatsitawikweitsitɨanike.

Nɨawari 112:9

Tixaɨtɨ memɨkatehexeiya pɨtiwamikwa tita mɨrexeiya, ke'aixɨa mɨtiyuriene yuheyemekɨ katiniyurieneni, kemɨtiyurieneni 'aixɨa 'anemekɨ pɨmatiwani.

Nɨawari 73:28

Matsi 'aixɨa pɨ'ane Kakaɨyari hamatɨa nemuyeikani 'ahurawa. Yawé Ti'aitame nehetsie nunuwame nepayeitɨa, naime wewiyaya nemɨtikuxatanikɨ.

2 Kemɨtiuyɨ 34:27

‘'A'iyari muyuitɨariekɨ meta tixaɨtɨ pemɨkarayuyeitɨakɨ nehɨxie pe'u'enaka 'ikɨ kwieyaritsie meta 'ena kiekatari wahetsiemieme kenemutayɨ, meta 'akamixa pemeukatsanaxɨkɨ hiwerikakɨ meta nehɨxie pemutatsuakakɨ, ne nekamaniu'enieni. Ne, Yawé, mɨpaɨ nekanaineni.

Tsatiyaku 2:20

Kari pemɨka'akɨhɨawe pepɨhɨkɨ. ¿Tietɨtsɨ pe'awaɨriyani mɨpaɨ pemɨretimanikɨ, tewi 'atsimɨkayɨwekɨ xɨka yuri ti'erieka tixaɨ 'atsikatiyurienetɨ?

Xumatari 7:16

Hikɨ merikɨ, xɨka tita mɨkanetinake yanetiyurieneni, 'ayumieme 'aixɨa nepɨtixeiya 'inɨari niukiyari, kename 'aixɨa'ane ne'utaitɨ.

2 Kemɨtiuyɨ 32:26

Hikɨ 'Etsekiyaxi meta Kerutsareme kiekatari wahamatɨa, 'aixɨa mekaniuyuyurieni kemɨtiuyuta'ɨrekai, hikɨ kepauka mɨkɨ 'amuyeikakai, Yawé tawari pɨka'uyeha'a mɨkɨ wahamatɨa.

1 Tsamuheri 12:23

Peru neta Yawé kenetsiparewieka nemɨkatihayewakɨ xehetsiemieme neyunenewietɨ, xɨka ne netiuhayewa Kakaɨyari hetsiemieme 'axanepɨtiyurieni. Meta huye mɨheitserie 'aixɨa mɨ'ane nepɨxe'ɨkitɨaka 'akuxi.

Xumatari 9:20

Neuxei: ¿'Ekɨtsɨari kepaikɨ pepɨhɨkɨ pemita'eiyakɨ Kakaɨyari? «¿Tita mɨtiutawewiya ketitahɨawiwe kemɨ'ane mita'iwewaxɨ: “¿Titayari mɨyane'aneme penetiutawewi?” 'utaitɨ?»

Rukaxi 10:42

tixewitɨ xeikɨa peuyewetse. Mariya kanenuyexeiya tita matsi 'aixɨa mɨti'ane, pɨkanawaiyarieni.

'Etsekieri 16:63

Kepauka ne nemareuyehɨwirieni, naime ke'axapemɨtiuyurikɨ, 'ekɨ pepaye'erieni ke'axapemɨtiuyuri peru pepɨ'atitewiya, 'aixɨa pepuyuyurieni tawarita 'axapepɨkatayɨni. Yawé naimekɨmɨyɨwe mɨpaɨ kanaineni”».

2 Kemɨtiuyɨ 33:23

Peru, yu'ukiyari Manatsexi hepaɨ pɨka'uyɨ, Yawé hetsɨa pɨkayuyetua, matsi waɨkawa 'axapɨtiyurienekai xeikɨa.

2 Tetsarunikatari 2:16

Tati'aitɨwame Ketsutsi Kɨritsitutɨtɨ meta Kakaɨyari mɨta'ukiyari, kemɨ'ane mɨtatsi'utanaki'eri meta 'aixɨa mɨtiuka'iyarikɨ mɨtatsinɨtɨa yuheyeme meta mɨtatsipitɨa 'aixɨati'aneme temɨtetakwewiekakɨ,

Tsutɨarika 5:22

'Utinuiwaku Matutsareni, 'Enuki Kakaɨyari hamatɨa 'aixɨa pɨtiuyeikakai haika tsienituyari wiyari, tawarita hipame pɨwarayexei 'ukitsi 'ukari.

Mawari 26:41

mɨkɨkɨ waɨriyarika mepɨnetsi'upitɨa nemɨwaranɨnɨ'anikɨ memɨwaraye'unie wakwietsie, xɨka wa'iyari kemɨtiyumate tixaɨtɨ mekateheyeitɨatɨ meta meheyutimaixɨame 'axakememɨte'uyurikɨ,

2 Kemɨtiuyɨ 33:19

Naitɨ 'axakemɨtiuyuri meta Kakaɨyari 'aye'unietɨ kemɨratɨa, hakewa tuki 'etsimɨpepe metiwewi, 'uka kakaɨyariyari 'Atserá kemɨtiutiwewi meta hipame kakaɨyarixi, 'arike Kakaɨyari hɨxie kemɨtiyuyetua, nenewierieya meta Yawé kemɨtita'ei, 'ikɨ naitɨ katinaka'uka kemɨtiuyɨ xapayaritsie Kutsahi mɨraka'utɨatsie.

1 Kurinitutari 7:16

'Uka ¿keripetimate, xɨka pe'itawikweitsitɨani 'akɨna. 'Ukita kepetimate xɨka pe'itawikweitsitɨani 'a'ɨya?

2 Kemɨtiuyɨ 30:11

Matsi, hipatɨ 'Atsexi nuiwarimama, Manatsexi meta Tsawuruni wanuiwarima tixaɨ mekatehayuyeitɨaka mekanekɨne Kerutsaremetsie.

Rukaxi 12:14

Ketsutsi mɨpaɨ katinitahɨawe: —Neuxei, ¿kemɨ'ane xe'itsɨkame pɨnetsi'ayeitɨa xepiini hixɨata nemɨtitsananikɨ?

Hutarieka 'inɨari 30:15

»Hikɨ nepɨxepitɨa xemenayexeiyakɨ, tukari yatɨni mɨɨya, 'aixɨa mɨti'ane yatɨni 'axamɨti'ane.

Kitsariyaxi 56:1

Yawé mɨpaɨ kanaineni: «Tita mɨtiheitserie xeketenexeiyani, heitseriemekɨ yaxeketeneu'uwaniri, newikweitsitɨarika 'ari kaninuaximeni, mɨtiheitserie nehetsɨa mieme matsiɨkɨtɨ kanayeimɨkɨ.

'Etsekieri 33:14

Xɨkata 'axatiyuruwame mɨpaɨ netiutahɨawe: ‘Pekanimɨkɨ’, xɨka mɨkɨ yapauka tiuhayewa 'axatiyurienetɨ, xɨka 'aixɨa pɨta tiyurienetɨ hayani,

Mikeyaxi 6:9

Nuiwarite meta teɨteri kiekaritsie kiekatari, Yawé niukieya xekeneu'eni, pɨxeha'iniwa, xɨka xetemaiwaweni, Yawé xekenemakaxeni.

Tsakariyaxi 7:9

«Mɨpaɨ kanaineni Yawé Naimekɨmɨtɨrɨkaɨye: »“Xeketeneheitseritɨaka yurikɨ kemɨtiheitserie, xekeneyunaki'erieka meta xekeneyunenimayaka xeyunɨtɨ yunaitɨ.

Hutarieka 'inɨari 27:10

Kemaine Yawé xekakaɨyari xekeneu'enieka, yaxeketenekahuni 'aitsikateya kemaitɨka, hikɨ ne kenemɨtixe'aitɨa».

Kutsuhexi 24:14

»'Ayumiemeta hikɨ, xeme xekeneyuyetua Yawé hetsɨa, xeketene'uximayatsirieka hetsiena xetewiyatɨ. Xekeniwaruku'eiri kakaɨyarixi xetutsima memɨwarayexeiyakai 'Eupɨrate 'anutaɨye paitɨ meta 'Ekipitu, Yawé xeikɨa xekenayexeiyani.

Nɨawari 101:1

Naki'eriya nepɨtakwika meta tita mɨtiheitserie: Yawé, nɨawari 'ahetsiemieme nepɨtikwika.

Keremiyaxi 9:23

Yawé mɨpaɨ kanaineni: «Pɨkayuta'ɨreni mɨtimaiwe mɨtimaiwekɨ, meta mɨtɨrɨkaɨye yutɨrɨkariyakɨ, meta mɨxiku mɨrexeiyakɨ.

Keremiyaxi 22:16

Kemɨ'ane tixaɨtɨ mɨkarexeiya puparewiekai meta kemɨ'ane mɨreuyehɨwa, 'ayumieme 'aixɨa 'iyari puyeikakai. ¿Mɨpaɨ kati'ane kemɨ'ane mɨnetsimate? —Yawé mɨpaɨ kanaineni—.