Mikeyaxi 6:2 - Kakaɨyari Niukieya

² Yemurite xekeneu'eni, Yawé xanetsikaya, kayuwatɨ xekeneu'enana, kwie tsutɨmeyari, Yawé kanitsutɨaka yuteɨterima waxanetatɨ, kanitsutɨani 'ixaheritsixi wahamatɨa 'aixɨa mɨtiyurienikɨ:

Mikeyaxi 6:2 ပူးပေါင်းရင်းမြစ်များ

'Utseyaxi 12:2

Yawé Kura kanixanetani, pɨrayukatɨani Kakuwu naime kemuyuri, naime kemɨtiuyuri mɨkɨta mɨpaɨ pɨtipitɨarieni.

'Utseyaxi 4:1

Xekeneu'enana 'ixaheritsixi, Yawé niukieya xekeneu'eni, 'ari Yawé yuxanetsika kanitsutɨamɨkɨ mɨkɨ mana kiekatari wahetsie: «Neteɨterima wahetsie pumawe 'aixɨa mɨti'ane meta naki'eriya mepɨkahexeiya, meta Kakaɨyari mepɨkamate.

Kitsariyaxi 1:18

Yawé mɨpaɨ kanaineni: «Xekenakɨni, 'aixɨa tepɨtayurieni 'ahekɨakamekɨ, ¿'Axakexemɨteyuriekɨ xuriya muweka hepaɨ ti'ane? 'Ɨwi hepaɨ tituxatɨ kanayeimɨkɨ. ¿'Axakexemɨteyuriekɨ tixeta mɨyɨtsikimaɨyeni hepaɨ? Muxa huxarieya mutuxa hepaɨ kaniyɨmɨkɨ.

Nɨawari 104:5

'Ekɨ kwie pekaniukamani tsutɨmeyaritsie, hikɨ mana hatsuaku pɨkahewatayuani,

2 Tsamuheri 22:16

Yawé kaniwarutatieni meta ha'atɨ muta'iwekaikɨ, haramara hetɨa mieme kwie pahekɨarixɨ, meta kwie tsutɨmeyari hekɨa kaniyuhayewa.

Hutarieka 'inɨari 32:22

Nehaxɨa tai hepaɨ kaniutani, naime mɨtititaiya mɨki teukiyapa. Kwie pɨtaxɨtɨani meta naime mana mɨti'etsie, meta hɨri nanari naime pɨtitaiya.

Keremiyaxi 31:37

Yawé mɨpaɨ kanaineni: «Xɨka muyuawi kemeutitewa yu'inɨatsinɨakake, meta kwie tsutɨmeyari yuxeiyanɨakake, hikɨ ne 'Ixaheri nuiwarieya nepuwaruku'eirienike naimekɨ ke'axamemɨte'uyurikɨ. —Yawé mɨpaɨ kanaineni—.

Keremiyaxi 25:31

Rɨrɨnarieya kwie manu'axetsie paitɨ kana'eniɨriɨkɨni, Yawé nuiwarite kwiepa memɨtama wahetsiemieme pɨranieritɨa, yunaime teɨteri wahetsiemieme mɨkɨ pɨ'itsɨkame, mɨkɨ 'axamemɨte'u'iyari 'ixiparakɨ puwatakukuya”», Yawé mɨpaɨ kanaineni.

Keremiyaxi 2:9

'Ayumieme, hikɨ 'akuxi hekwamekɨ nepɨxetaxaneta, metatsiere xeniwema waniwema wahetsie nepɨrahɨani, —Yawé mɨpaɨ kanaineni—.

Kitsariyaxi 43:26

Kenenaye'eritɨa kuta. Tepuyutaxaneta, yakeneutayɨki xɨka yakɨ xeikɨa petiukwinitɨarieni.

Kitsariyaxi 5:3

Hikɨ Kura teɨteriyari, Kerutsareme kiekatari, yaxekeneutiyua kemɨ'ane mɨya'aneme peutiwiwiexɨa nekaxie haraweriyari nutsɨtɨ ne pɨnehetsiemieme.

Temaiwawemete 8:29

kepauka haramara mupitɨa hakewa meye'atɨkani, meta 'aitsikaya meu'eniekakɨ, kepauka kwie tsutɨmeyari mukayatsaxɨtsie,

2 Tsamuheri 22:8

»Hikɨ kwie kaniutayuani, kaniuyuanekaitɨni, meta muyuawi mutuikatɨka kaniwatayuaxɨani, mekaniwatayuani Kakaɨyari haxɨayakɨ.

Hutarieka 'inɨari 4:26

Hikɨ ne yanekanitayɨmɨkɨ muyuawi meta kwie memunenierixɨ mekanihɨkɨtɨkakuni xehetsiemieme, 'ikɨ Kurutanitsie xe'anɨkɨneme mɨkɨ xekwie mayanitsie kwitɨwa xekanakumawerikuni. Mana mɨixa wiyari xepɨkatihini, xekanakumaweriyariekuni yunaitɨ.

Kitsariyaxi 3:13

Yawé puyukuha'aritɨwa wahetsie mɨrahɨanikɨ, 'apuwe yuteɨterima wataxanetake.

Mikeyaxi 6:1

Yawé kemutaine xekeneu'eni: «Kenanukukexi, hɨrite wahɨxie 'axanetsika keneyetua, yemurite 'aniuki meke'u'enieni».

'Utseyaxi 12:3

Yumaama hukayatsie paitɨ yekaitɨ yu'iwa putami, meta kepauka temaikɨ matɨa Kakaɨyari hamatɨa puyutami.