Mikeyaxi 6:16 - Kakaɨyari Niukieya

¹⁶ 'Ekɨ 'aixɨa 'anemekɨ 'Umiri 'aitsikaya pekaniuweiyani meta naime 'Akawi nuiwarimama kememɨteyurie, yapepɨtiuyeika 'ɨxatsieya kemutiyuane. 'Ayumieme pemɨka'unarienikɨ nekameniyetuamɨkɨ, meta 'ateɨterima nekaniwatewinɨamɨkɨ. Teɨteri 'axakemematekɨhɨaweni pepinewieka».

Mikeyaxi 6:16 ပူးပေါင်းရင်းမြစ်များ

Keremiyaxi 51:51

«Tepeuyutetewiyakai 'axatemɨtekɨhɨawarɨwakaikɨ, tewiyarikakɨ tepɨhɨpɨnekai, teɨteri memɨkata'iwama 'ateewa kiekatari Yawé tukieyata memeutahaxɨakɨ».

Keremiyaxi 7:24

Peru mɨkɨ mepɨkanetsi'anu'eni yamepɨkatekakɨ, yu'iyari mɨkaheu'ena meta 'axamɨtiuka'iyari pɨta kemɨtiwakɨhɨawekai mepanukuwei. Mɨpaɨ me'ɨyɨka mekanewa'uni pɨta, yukutama mekaniyekɨne.

Keremiyaxi 19:8

'Ikɨ kiekari makumawe nekanayeitɨamɨkɨ meta 'atsieriwame. Mana kemɨ'ane muyeyani kanihɨxiyamɨkɨ kemɨtiukwinitɨariekɨ mekaniutinawekuni.

Kitsariyaxi 25:8

Mɨki mɨɨya kanikumaweriyamɨkɨ yuheyemekɨ, Yawé naimekɨmɨyɨwe yunaime teɨteri kaniwara'ukaipiexɨamɨkɨ, meta naitsarie kwiepa teɨterimama memɨkananaimariekakɨri katinikumaweriyamɨkɨ. Yawé yɨkɨmana mɨpaɨ kanaineni.

Nɨawari 44:13

Ta'aurie kiekatari wahɨxie tetewiwekame pepɨtatsi'ayeitɨa, nanaimariwamete 'atsieriwamete tekanihɨkɨtɨni.

Matsiɨkɨtɨ kemɨratɨa 2:20

Perutsɨ ne nepɨrayexeiya 'ahepaɨtsita, 'ukaratsi Ketsaweri pemɨpitɨakɨ yamɨtiyurienenikɨ kemɨtinake, niukame pɨyuxata Kakaɨyari hetsɨa mieme. Peru kemɨti'ɨkita, pɨtiwa'itaiya nehetsɨa miemete te'uximayatamete memɨwakumaɨwanikɨ kemɨ'ane mɨkayɨkɨna mɨkayɨ'ɨya, meta memikwakakɨ tita kakaɨyarixi memɨtemawiyarie.

'Utseyaxi 5:11

'Epɨrahini 'axapɨtixeiyarie, memeye'unie xeikɨa mepitsaipɨna, memɨkayuri kakaɨyarixi mɨwaruweiyakɨ.

Tanieri 9:16

Mɨpaɨ tepɨtemate waɨkawa 'aixɨa pepɨtiuka'iyari, 'ayumieme ketineuhayewari peha'atɨ Kerutsareme hetsiemieme, mɨkɨ pɨ'akiekari meta 'ahɨri mɨpatsie pɨhɨkɨ. 'Axatemɨte'uyurikɨ meta tatewarima 'axamemɨte'uyurikɨ, Kerutsareme meta tame 'ateɨterima mepɨtatsiyuriya ta'aurie kiekatari.

'Etsekieri 39:26

Kepauka 'aixɨa 'iyari yukwietsie memu'uwani, xewitɨ kawa'uximatɨakaku, yutewiyarika mepatɨmaiyani naime 'axakememɨte'uyuri kemɨkanetinakekai.

Hiwerika 5:1

Yawé, kenaye'eri kemɨtatiuyuri, ketemɨteyutewinɨa kenaye'eri.

Keremiyaxi 25:9

ne yanetiniyurimɨkɨ kiekarite tayeta mukumane memɨ'axɨanikɨ meta tine'uximayatsiriwame Nawukurunutsuxi Wawiruniya kwieyaritsie ti'aitame. Neniwa'atɨamɨkɨ 'ikɨ kwieyaritsie hepaɨtsita, meta 'ena kiekatari wahepaɨtsita meta yunaime nuiwarite 'auriena mamanetɨka wahepaɨtsita, neniwaka'unamɨkɨ yunaime: metewiwemetɨkaime neniwarayeitɨamɨkɨ, 'atsieriwamete meta hakumaweme yuheyeme —Yawé mɨpaɨ kanaineni—.

Kitsariyaxi 9:16

Kemɨ'ane 'ikɨ kiekari memuwitɨxime mepeiyehɨa, kemɨ'ane memuwitɨkiexime mepɨ'iyɨrie.

Nɨawari 1:1

'Aixɨa kani'itɨarieka tewi kemɨ'ane 'axamemɨte'u'iyari wa'ɨxatsi mɨka'enie, meta 'axamemɨteyurie wahuyeta mɨka'umie meta 'axamemɨteniniuki wahamatɨa mɨkayuxewiriya,

2 Kemɨtiuyɨ 34:25

Mɨkɨ mepɨnetsi'uku'eiri, hipame kakaɨyarixi 'ɨkwa mepɨwatairietɨwe, meta yunaime yutetexi kakaɨyarixiyarikɨ mekaneniuyehaxɨatɨani. 'Ayumieme waɨkawa nepɨha'a 'ikɨ kwieyaritsie mieme, meta nepɨkatihayewa.’

2 Te'aitamete 21:3

Hekwamekɨ kanitiwewieni mawari matitaiyarɨwa kakaɨyarixi wahetsiemieme paapaya 'Etsekiyaxi miti'unakai, meta tawari hipame mawari matitaiyarɨwa kaniutiwewieni Wahari hetsiemieme meta 'uka 'Atserá kakaɨyariyari 'ɨkiyari xeime kaniutawewieni, 'Akawi kemɨtiuyuri hepaɨ 'Ixaheri kwieyaritsie ti'aitame. Yunaime xurawetsixi muyuawitsie miemete puwarayexeiyakai wahɨxie pukatunumakekakai.

2 Te'aitamete 16:3

Matsi, 'Ixaheritsie te'aitamete ke'axamemɨte'uyuri wahepaɨ katiniuyurieni, metsɨ paitɨ yuniwe kaniutataiya taipa mawari mayanikɨ, nuiwarite mana memɨtamakai Yawé mɨwarayeweiyakai 'ixaheritsixi wahɨxie ke'axamemɨte'uhukai wahepaɨ.

1 Te'aitamete 18:4

Ketsaweri Yawé niukametemama muwakwikaikɨ, 'Awiriyaxi xeitsienituyari pɨwaruti'awietakai huta terɨyarita, huta tewiyari heimana tamamata xeime terɨta, yaxeikɨa meyupaɨmemeta xeimeta, mɨkɨ pɨtiwamikwakai pɨwaharitɨakai meta.

1 Te'aitamete 9:8

Tsepa hikɨ 'ikɨ tuki mɨmariwe, paye'ani tukari kepauka yunaitɨ kemɨ'ane hɨxiena muyeyani pɨtimani, meta nanaimarikakɨ mɨpaɨ katinita'iwaumɨkɨ: “¿Titayari Yawé mɨya tiwaruyuri 'ikɨ teɨteri meta 'ikɨ tuki?”

Keremiyaxi 25:18

Kerutsareme nepanu'itɨa, meta Kura kiekariteya, yunaime mana te'aitamete meta waparewiwamete, memɨka'unarienikɨ, memɨmakaxiwanikɨ 'axamemɨ'itɨarienikɨ, memɨnanaimariekakɨ, hikɨ ketemɨteneniere.

Keremiyaxi 29:18

Nekaniwarayeweiyamɨkɨ 'ixiparakɨ, haakakɨ meta kwiniyakɨ, te'aitamete kwiepa memɨtama yunaitɨ mepuwaxani'erieka, 'axamepɨ'itɨarieka meta 'atsieriwamete meta mepuyuriyarieka naitsarie nuiwarite wahetsɨa hakewa ne nemuwaranɨnɨ'anitsie.

'Utseyaxi 12:14

Peru 'Epɨrahini Yawé kaniuyehaxɨatɨani, 'ayumieme Kakaɨyari waɨkawa kaniwarutixani'erieni. Hikɨ Yawé pɨrekapitɨani ke'axamɨtiuyuri, kemɨtiuka'iyari mɨpaɨ katinanuyeyeimɨkɨ.

Mikeyaxi 2:6

'Ikɨ Kakaɨyari niukametemama mɨpaɨ mepɨnetekɨhɨawe: «'Ari ketineuhayewa petihekɨatatɨ. Pepɨkataraxaxatɨwani kename teka'unarieni».

Mikeyaxi 6:13

'Ayumieme ne, nekametinikwinitɨamɨkɨ nemetsitiwayatɨ, ne nepɨmetsika'una 'axapemɨtiuyurikɨ.

2 Kemɨtiuyɨ 22:4

Yawé kemɨkatinake katiniuyurieni, kememɨte'uyuri 'Akawi niwemama. Hikɨ paapaya 'umɨku, 'Ukutsiyaxi mɨkɨ 'iwamama memi'ɨxatsitɨaka kaniwarayeitɨani, mɨpaɨ mɨkɨ katineuyeweni.

Nɨawari 44:14

Kwiepa memɨtama wananaitɨwamete tekanihɨkɨtɨni, yunaitɨ teɨteri memu'uwa mekatani'atseni tame.