Mikeyaxi 5:8 - Kakaɨyari Niukieya

⁸ Kakuwu nuiwarimama memuyuhayewa nuiwarite watsata, yumɨireme teɨteri watsata, maye yeutarite watsata kemɨtiyumate mɨkɨ hepaɨ mepɨ'aneni, maye temaikɨ muxatsi watsata kemɨtiyumate hepaɨ, kepauka watsata meutahani puwatixutsina meta puwatikwa'a, nixewitɨ wahetsie mɨtanuani mɨkayɨwekɨ.

Mikeyaxi 5:8 ပူးပေါင်းရင်းမြစ်များ

Tsakariyaxi 10:5

Meyuxewitɨ yunaitɨ memɨte'ayu'iwa mepɨhɨkɨtɨni meyukwitɨwetɨ mepɨte'ayu'iwani kaye'utɨma muhaxuyatsie, kawayutsixi wahetsie memutei mepɨwaranakaxɨrɨwani, Yawé wahamatɨa muyeikanikɨ waparewietɨ.

Mikeyaxi 4:13

Kenanukukexi, neniwe 'uka Tsiyuni. Kene'uneni. 'A'awate tepɨa nekanayeitɨaxɨamɨkɨ meta 'akarutsate wurunitse nekanayeitɨaxɨamɨkɨ, yumɨireme teɨteri tumuanari pemɨwarayeitɨanikɨ, meta Yawé pekatiniyetuiriemɨkɨ tita memɨte'a'iwaxɨ 'axa'anemekɨ, tita waɨkawa memɨteheuxeiya pekatiniyetuamɨkɨ, Ti'aitame mɨhɨkɨ naitsarie kwiepa.

Tsakariyaxi 12:3

meta yunaitɨ nuiwarite kwiepa memɨtama mepɨyunɨni memika'unakɨ. »'Iya tukaritsie Kerutsareme tete mɨkayukemarinɨa nepayeitɨani yunaime teɨteri wahetsiemieme. Kemɨ'ane memikuyuitɨani mɨkɨ pɨwatipɨna.

Tsakariyaxi 9:15

Yawé Naimekɨmɨtɨrɨkaɨye pɨwa'ɨwiyani yuteɨterima, mɨkɨ naime mekanititarakuni tetexi kɨmana memɨtituaxienikekai. Kwinie mepɨte'uhiwani winukɨ memɨtarɨweka hepaɨ, xuriyakɨ mepeu'ɨwatɨkani tekɨxi tukita mieme hepaɨ, meta mawari taiyame 'awateya hepaɨ.

'Utseyaxi 5:14

Ne maye nepayani 'Epɨrahini hetsiemieme, maye nunutsita Kura hetsiemieme. Ne nekɨmana nekaniwatitsanamɨkɨ, meta nekaniyemieni, nemiwiyaxɨ ne'atɨtɨ, nixewitɨ pɨkayɨweni mɨnetsi'unawairieni.

Nɨawari 50:22

»Xeme Kakaɨyari xematɨmai, xekeneutimaixɨa kenemaine, xɨkate mɨpaɨ xeka'ɨyɨni, ne nekanixetitsanamɨkɨ, nixewitɨ tɨma pɨkaxetawikweitsitɨani.

Hepɨrayutsixi 12:25

Xekeneyukweriwayurieka xemɨka'ixani'eriekakɨ kemɨ'ane maniuka. Mɨkɨ mepɨka'utawikwei me'itixani'erieka kemɨ'ane 'ena kwiepa mɨpaɨ mɨtiwarutahɨawixɨ kememɨ'itɨarienikekai, tame matsi yemekɨ tepɨkatawikweni xɨka ta'aurie te'axɨrieni temɨka'i'enienikɨ kemɨ'ane taheima maniuka.

Nɨ'ariekate 18:6

Kepauka huriyutsixi Papuru memiti'uxiwe'eri meta 'axamekatenikɨhɨawekaitɨni, Papuru yu'ixuriki 'utakatseka 'inɨari 'ayeitɨaka, mɨpaɨ katiniwarutahɨawe: «Xeme yuhetsie xepɨtehahɨpa xɨka xe'ukwini. Ne pɨta nepɨ'itiya. Hikɨri 'ena nemɨyeyani memɨkahuriyutsixi wahetsɨa nepɨyemie».

Mateu 10:14

Kemɨ'ane mɨkaxetanaki'erieni, kemɨ'ane mɨkayuwaɨriya xeniuki mɨ'enienikɨ, kiita xewayekɨneme yatɨni mɨkɨ kiekaritsie, tumuanari xekeneukatsixɨa yu'ɨkatetsie,

Tsutɨarika 49:9

Neniwe Kura, maye temaikɨ hepaɨ pepɨ'ane, maxa muwiyarie mɨkwa'a hepaɨ. Maye 'amɨpa hepaɨ, pe'itakwaka pehakunuaka pemanuhuputsie pekaniyuhayewa. Maye 'uka hepaɨ, xewitɨ pɨkayɨwe mɨmatsi'uximatɨanikɨ.

Hepɨrayutsixi 2:3

¿Merikɨte, xɨka mɨpaɨ 'aneni, ketsɨ tetetawikweni tame xɨka te'itawe'erieka 'ikɨ wikweitsitɨarika mɨya mɨtitɨrɨkaɨye? Mɨkɨ kaniutsutɨarieni Ti'aitame yatikuxatakaku ketemɨtetawikweitsitɨarieni haitɨ, niukieya meputseiriyaxɨ mɨkɨta memi'eniekai mɨpaɨ temɨtemaikakɨ tame.

'Inɨatsie 24:9

Maye 'uki hepaɨ kanakatutsitani, maye 'ukaratsi hepaɨ 'akaniuhupuni: ¿kemɨ'ane ka'ukamatɨ piyehaxɨatɨawe? 'Aixɨa meke'itɨarieka 'aixɨa memɨmatsiyurie. 'Axameke'itɨarieka 'axamemɨmatsiyurie».

Nɨawari 44:5

'Ekɨ petatsiparewiekaku memɨtatsi'aye'unie tepɨwara'iwaxɨ, kepemɨtitewa hekɨ tepɨwarutipɨnaxɨ memɨtatsi'aye'uniekai.

Nɨawari 104:20

'Ekɨ yɨriya pekani'atɨwani, kani'axeni, hikɨ mɨkɨ tɨkaritsie yutawima memɨteku'uwa yeutari mekanewayekɨkani.

Temaiwawemete 30:30

maye, 'ɨrawetsixi watsata mɨtɨrɨkaɨye, tixaɨtɨ timakatɨ mɨka'ukununuwa,

Kitsariyaxi 5:29

Maye 'ukaratsi mɨtiyuhaxɨatɨwa hepaɨ katiniyu'eniɨriɨkɨni, meta mayetsi tɨɨrixi wahepaɨ, 'utitsinawatɨ yutahaxɨatɨame kaniwiyamɨkɨ tita mɨtitakwani, meta kanenuhanimɨkɨ nixewitɨ pɨkayɨwe minawairienikɨ.

'Etsekieri 39:10

'Ana mepɨkakukɨ'etɨweni 'ateewa paitɨ 'ɨtsita, meta kɨyexi 'amɨtipapa mepɨkatehawitekeni, kɨye memɨnaika xetupi pɨtihɨkɨtɨni. Meta mepɨtewanawairieni kemɨ'ane memɨtewarunawatsiriekai. Yawé mɨpaɨ kanaineni.

Mikeyaxi 2:12

Kakuwu, yurikɨ mɨpaɨ nekanaineni, ne yunaime 'ateɨterima nekaniwakuxeɨrimɨkɨ. 'Ixaheri, yurikɨ mɨpaɨ nekanaineni, ne nekaniwakuteɨximɨkɨ memuyuhayewaxɨ. Nepuwakuxeɨrieni muxatsi kuraruta memeuta'ɨnarieni hepaɨ, muxatsi wahepaɨ, maku'ɨxaya hixɨapa, memɨyuwaɨkawani hepaɨ tɨranari mepɨwewieni.

Mikeyaxi 4:7

Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

Mikeyaxi 5:3

'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Tsakariyaxi 11:6

'Ayumieme 'ariri nepɨkawatinenimayata 'ikɨ kwieyaritsie memɨkiekatari —mɨpaɨ kanaineni Yawé—, pɨta nekaniwayetuamɨkɨ wa'aurie kiekatari wahetsɨa meta tiwa'aitɨwame hetsɨa. Tsepa wakwieyaritsie memɨtetahaxɨa meteyuniyatɨ, ne wahetsie nepɨkatanuani».

Marakiyaxi 4:3

Mɨkɨ tukaritsie nemikuha'aritɨwatsie xeme 'axateyuruwamete xekaniwatiketsikuni, xe'ɨkate hetɨa tumuanari mepɨhɨkɨtɨni —Yawé Naimekɨmɨtɨrɨkaɨye mɨpaɨ kanaineni—.

Tsakariyaxi 14:18

Xɨka 'ekipitutari mekaheukɨne, mɨkɨta yaxeikɨa mepɨkakawiyerieni. Yawé penunɨ'ani kwiniya mɨtiwakwinitɨanikɨ nuiwarite kemɨ'ane memɨkahu Xamaru 'ixɨarariyari memɨwewienikɨ.