Mikeyaxi 5:7 - Kakaɨyari Niukieya

⁷ Kakuwu nuiwarimama memuyuhayewa, teɨteri meyumɨireme watsata, haɨtsi Yawé hetsɨa mieme hepaɨ mepɨ'aneni, wiyeri 'amayetsuye tupiriya hetsie mɨkaxɨrɨwe hepaɨ, teɨteri memɨka'inɨ'a, meta tixaɨtɨ mɨkatiwarawawiriwa.

Mikeyaxi 5:7 ပူးပေါင်းရင်းမြစ်များ

Mikeyaxi 5:3

'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

Kitsariyaxi 44:3

kwie meuharimɨkɨ hakɨ nekanakuhatuiyamɨkɨ, kwie mɨwaki, haixa 'akiyari nekaniuyetuaxɨamɨkɨ, ne'iyari 'anuiwarima nekaniwapitɨamɨkɨ, meta 'aixɨa nekaniwayurimɨkɨ kemɨ'ane memɨtiyɨrarɨme 'anuiwarima,

Hutarieka 'inɨari 32:2

Wiyeri hepaɨ ke'ukaxɨrieni ne'ɨkitɨarika 'aixɨa manuyɨne, neniukikɨ ke'ukuhawire haɨtsi ximeri mieme hepaɨ, 'ɨxa mɨhehekwa waɨkawa kemɨtihatuiyarɨwa, wiyeri waɨkawa kemɨtikaxɨrɨwe hepaɨ tupiriya mɨyɨyɨritsie.

'Utseyaxi 14:5

Ne wiyeri hepaɨ nepɨ'aneni 'Ixaheri hetsiemieme, yanepɨtiyurieni mɨkaxutunikɨ texuxuri tuturiyari hatetsita mieme hepaɨ. Nanayari tetɨata paitɨ ratiwiwiyame nepayeitɨani Riwanu kɨyeyari hepaɨ.

Nɨawari 72:6

'Etsaripa kemɨtiukawiwiye hepaɨ ke'aneni, wiyeri kwie mɨtiuhawiya hepaɨ ke'aneni.

Xumatari 10:20

'Arike Kitsariyaxi kamatɨ 'ipaɨ paine: «Mɨkɨ memɨkanetsikuwautɨwekai mepɨnetsi'utaxei, mɨkɨ nehepaɨtsita memɨkaku'iwawakai wahɨxie nematsiɨkɨtɨ nekanayuyeitɨani».

Tsakariyaxi 14:8

»'Iya tukaritsie haa tukari tiyupitɨwame puhaneni Kerutsareme 'ayeneikatɨ, puhaneni witarita meta tsepa mɨtitaxata, hixɨata'atɨ yapaɨmetɨ peukakukeni Harakuna Mɨmɨkitsie, hixɨata'atɨta yapaɨmetɨ peukakukeni haramara Meritexaniyutsie.

'Utseyaxi 6:3

'Ana Yawé tepetimani, kemɨtiku'eriwa 'utɨmana tepuhuni. Yurikɨ tau manatineika hepaɨ, tahamatɨa matsiɨkɨtɨ payuyeitɨani, tahamatɨa punuani wiyeri xexerixa mieme hepaɨ, wiyeri witarita mieme hepaɨ kwie mukuhawiya.

Keremiyaxi 14:22

¿Kamɨtsɨ tiyɨwe xewitɨ kakaɨyari wewiyakametɨtɨ wiyeri manayenɨ'ani? Yawé meta pemɨtakakaɨyari, ¿tamɨ 'ekɨ pekatihɨkɨ wiyeri pemeyenɨ'awa, muyuawi yuxaɨta pɨkayɨwe? Naime 'ekɨ 'ikɨ pepɨtiutawewi, 'ayumieme tepɨta'ikwewa 'ahetsie.

Nɨawari 110:3

'Akuyaxima mepuyuwaɨriyani tukaritsie kepauka xemuyutakwini, hɨrite mɨpatsietɨkatsie me'u'uwatɨ. Tau 'ɨrɨya manatinexɨanitsie, kepauka 'ahetsie mɨtinake hekwamekɨ pɨmatsitɨrɨkariya.

1 Kurinitutari 3:6

ne nekaniuka'eni, 'Apuruxi kani'ipanekaitɨni. Peru Kakaɨyari kanihɨkɨtɨni mitinetɨa.

Xumatari 11:12

'Axamemɨte'uyurikɨ, kwiepa memɨtama waɨkawa kememɨte'upitɨarie, mɨkɨ memɨka'uyɨwekaxɨakɨ memɨkahuriyutsixi waɨkawa kememɨte'upitɨarie, matsi waɨkawa mekatenipitɨariekuni 'akuxi kepauka memaye'axɨani huriyutsixi.

Xumatari 9:30

¿Merikɨte, kete'utiyuaneni? Mɨkɨ memɨkahuriyutsixi memɨkayumexɨitɨakaikɨ heitserie memexeiyanikɨ me'ikuwaɨtɨwetɨ, mɨkɨ heitserie mekaniupitɨarieni. Heitserie mupitɨarienikɨ yuri ti'erietɨ nekanixatani.

Nɨ'ariekate 16:9

Yɨwikɨta Papuru yuheinɨtsita tewi kaniuxeiya matseruniyatanaka, muwa 'utiwekame 'iwawiriekame mɨpaɨ 'utaitɨ: «Kenanaye'a 'anataɨye Matseruniya paitɨ, ketaneparewieka».

Nɨ'ariekate 13:46

Papuru meta Werunawe mɨpaɨ mekateniwaruta'eiya mekamamatɨ: «Peuyewekai xeme meri Kakaɨyari niukieya temɨxetaxatɨanikɨ. Xeme xepɨka'itanaki'eri, tukari mɨkaxɨwe xehetsie mɨtinakenikɨ. 'Ayumiemeri 'ikɨ, memɨkatanuiwari wahetsɨa tekaniyehuni.

Nɨ'ariekate 11:15

»Kepauka netiutsutɨaku netikuxatatɨ, 'Iyari Mɨtiyupata wahetsie pɨtiuwiyaxɨ tahepaɨ tsutɨapai tahetsie mɨtiuwiyaxɨ hepaɨ.

Mateu 28:19

'Ayumieme, xekenehu, teyɨ'ɨkitɨwamete xekeniwarayeitɨa yunaime nuiwarite, xewaka'ɨyatɨ Ta'ukiyari meta Nu'aya meta 'Iyari Mɨtiyupata hetsiemieme,

Mikeyaxi 2:12

Kakuwu, yurikɨ mɨpaɨ nekanaineni, ne yunaime 'ateɨterima nekaniwakuxeɨrimɨkɨ. 'Ixaheri, yurikɨ mɨpaɨ nekanaineni, ne nekaniwakuteɨximɨkɨ memuyuhayewaxɨ. Nepuwakuxeɨrieni muxatsi kuraruta memeuta'ɨnarieni hepaɨ, muxatsi wahepaɨ, maku'ɨxaya hixɨapa, memɨyuwaɨkawani hepaɨ tɨranari mepɨwewieni.

'Amuxi 5:15

'Axamɨti'ane xeketenexani'erieka matsi 'aixɨa mɨti'ane xeketenenaki'erieka. Tita mɨtiheitserie keti'aitani memati'iwawiyarɨwatsie, mɨpaɨ heiwatɨ Yawé, Kakaɨyari Naimekɨmɨtɨrɨkaɨye, Kutse nuiwarimama memuyuhayewatɨwe warutinenimayata.

Kuheri 2:32

Yunaitɨ Yawé memahɨawe kemɨtimariwe yutukari mekanitawikweitsitɨakuni, hɨritsie xeikɨa Tsiyuni meta Kerutsaremetsie, pɨyɨweni muyuta'una, Yawé kemɨtiwarutahuawekai. Memayeneniere wahamatɨa xeikɨa mepu'uwani Yawé mɨwaruta'ini.

'Etsekieri 47:1

Merikɨtsɨ tawarita 'iya tewi kanenewitɨni, tuki kitenie meutahanitsie, hikɨ mana nekanixeiya haa kitenie hetɨa hatineikame, tau manatineika hepatsie kaneutakukekaitɨni, tuki meutanieretsie. Haa tatsutɨa kanayeneikakaitɨni tuki tserieta, mawari taiyame manuwe tsutɨa kanatineikakaitɨni.

Kitsariyaxi 66:19

»'Inɨari nekaniwawewiriemɨkɨ, hipatɨ memɨyuhayewa nuiwarite kwiepa memɨtama wahetsɨa nepɨwaranunɨ'ani: Taritsi kiekariyaritsie, Puri, Riria (mana kiekatari kwinie mepɨteheutamɨiwawekai), Tuwari meta Kɨretsiya, meta haramara tetsita meteewatsie hakewa memɨkanetsihetamariwawe meta kenemɨtimariwe memɨka'ixeiyawawe. Mɨkɨ mekanenitaxatakuni kenemɨtimariwe nuiwarite watsata.

Kitsariyaxi 55:10

Wiyeri meta 'ɨwi muyuawitsie kemɨrakaneika, kwitɨwa pɨka'anutinunuwa kwiepa kakahatuawetɨ, mɨtiyɨratɨakakɨ, kemɨ'ane muka'etsa 'imɨari mexeiyanikɨ meta paa mexeiyanikɨ kemɨ'ane mɨtikwa'a,

Kitsariyaxi 32:15

kepaukake taheima paitɨ 'Iyari temakanɨ'airiyarieni tahetsie mɨtinakenikɨ. Hikɨ makumawetsie kwie 'aixɨa mɨ'ane mɨraka'etsitɨre kanayeimɨkɨ, meta kwie 'aixɨa mɨ'ane mɨraka'etsitɨre 'uhukuyatɨ kanayeimɨkɨ.

'Itsɨkate 6:36

Kerehuni Kakaɨyari mɨpaɨ katiniutahɨawe: «Xɨka 'ixaheritsixi pewatawikweitsitɨamɨkɨ ne 'aixɨa nemɨtiuka'iyarikɨ, kepemɨnerahɨawekai,

Nɨ'ariekate 9:15

Ti'aitame mɨpaɨ katinitahɨawe: —Kenemietsɨ. Ne 'ikɨ nepenayexei, mɨtihekɨatanikɨ nehepaɨtsita nuiwarite wahɨxie, kwiepa te'aitamete meta 'ixaheritsixi wahɨxie.

Tsupuniyaxi 3:13

'etsimeyupaɨmetɨ memɨyuhayewaxɨ 'ixaheritsixi, tita 'axamɨti'ane mepɨkateyuriekari, 'itarikakɨ mepɨkatekuxatani, kwamanarikakɨ mepɨkatekuxatani. Mekateniutikwa'akuni meta mekaniuka'uxipiwekuni nixewitɨ kawamariutakaku».

Mikeyaxi 5:8

Kakuwu nuiwarimama memuyuhayewa nuiwarite watsata, yumɨireme teɨteri watsata, maye yeutarite watsata kemɨtiyumate mɨkɨ hepaɨ mepɨ'aneni, maye temaikɨ muxatsi watsata kemɨtiyumate hepaɨ, kepauka watsata meutahani puwatixutsina meta puwatikwa'a, nixewitɨ wahetsie mɨtanuani mɨkayɨwekɨ.

'Etsekieri 14:22

Peru matsi hipatɨ mepuyuhayewa me'anuhapanieme mepɨtixɨnarieni, yuniwema memehapaniekai mepɨwa'atɨani 'ukitsi meta 'ukari. Kepauka memɨ'axɨani xehetsɨa, xepɨwaxeiya 'aixɨa meteyuriekame meta 'aixɨa mete'u'uwame, 'ana xepuyunɨtɨani kenemɨtiuyuri 'uximatɨarikakɨ Kerutsaremetsie.

2 Tsamuheri 17:12

Rawiri tekanetamiekuni, tsepa hakewa meyeikani, hetsiena tekanekaxɨrikuni haɨtsi kwiepa mɨtikaxɨrɨwe hepaɨ. Xewitɨ 'ayenieretɨ pɨkayuhayewa mɨkɨ meta nixewitɨ kuyaximama.

Nɨawari 133:3

Witsipɨ'ane haɨtsi hepaɨ Heximuni hɨriyaritsie mɨkaxɨrɨwe hayari Kerutsareme kiekariyaritsie makayeneika. Hakewa 'aixɨa 'anemekɨ memuyuxeiya, Yawé 'aixɨa kaniwayurieka meta tukari mɨkaxɨwe kaniwapitɨaka.

Temaiwawemete 19:12

Maye mahiwa hepaɨ kani'aneni ti'aitame haxɨaya, kepauka mɨkɨ muyutemawie 'ɨxa mɨhatuiyarie hepaɨ kani'aneni.

Tanieri 11:32

Kemɨ'ane tɨratu memɨku'eirieni katiniwa'itaiyamɨkɨ witsitiwakɨhɨawetɨ, matsi kemɨ'ane yukakaɨyari memɨmateni mepuyutɨrɨkariyani meta mepɨka'i'enieni.

Mikeyaxi 4:7

Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

'Etsekieri 5:5

»Mɨpaɨ kanaineni Yawé naimekɨmɨyɨwe: 'Ikɨ Kerutsareme kiekariyari kanihɨkɨtɨni. Ne nuiwarite wahixɨapa nekanikamani meta kwie 'auriena mamanetɨka.

Mikeyaxi 4:13

Kenanukukexi, neniwe 'uka Tsiyuni. Kene'uneni. 'A'awate tepɨa nekanayeitɨaxɨamɨkɨ meta 'akarutsate wurunitse nekanayeitɨaxɨamɨkɨ, yumɨireme teɨteri tumuanari pemɨwarayeitɨanikɨ, meta Yawé pekatiniyetuiriemɨkɨ tita memɨte'a'iwaxɨ 'axa'anemekɨ, tita waɨkawa memɨteheuxeiya pekatiniyetuamɨkɨ, Ti'aitame mɨhɨkɨ naitsarie kwiepa.

Tsakariyaxi 9:13

Kura netupi hepaɨ nekanikuha'aritɨamɨkɨ, meta 'Epɨrahini ne'ɨrɨ nekanayeitɨamɨkɨ. Tsiyuni, 'aniwema nepɨwayuitɨani, Kɨretsiya kiekatari waniwema memɨwatakwinikɨ, yumemiwame 'ixiparaya nepɨmatsihayeitɨani.