Mikeyaxi 5:6 - Kakaɨyari Niukieya

⁶ mɨkɨ 'Atsiriyatsie mepɨtetahɨni 'ixiparakɨ, Nimiruri kwieyatsie, nawaxakɨ mepɨteta'aita. Xɨka 'Atsiriya takwieyari 'uka'unake, xɨka takwieyaritsie watahanike, mɨkɨ pɨtatsitawikweitsitɨani.

Mikeyaxi 5:6 ပူးပေါင်းရင်းမြစ်များ

Kitsariyaxi 14:25

'Atsiriya 'ena nekwiepa nekanika'unamɨkɨ, nehɨritetsie nekanitiketsixɨamɨkɨ. Neteɨterima mɨkɨ yuku hetsɨana mieme me'anuyetetɨ mekatenihayewakuni, 'ari wanaiparietsie mɨkɨ 'ika pɨkahahetere».

Rukaxi 1:74

Kename tatsipitɨanikekai tekamamatɨ 'atemu'uwanikɨ, tatsi'utawikweitsitɨaka mɨkɨ memɨtatsi'aye'unie wahetsɨa, temeyexeiyanikɨ kemɨtinake,

Rukaxi 1:71

mɨtatsitawikweitsitɨanikɨ mɨkɨ memɨtatsi'aye'unie memɨkatatsi'a'iwakɨ, meta mɨkɨ memɨtatsi'uxiwe'erie memɨkatatsi'a'iwakɨ,

Tsupuniyaxi 2:13

Yawé yutɨrɨkariya kanitanɨ'amɨkɨ tayeta memukuma wahepa. 'Atsiriya kiekatari yunaime kaniwarakukwimɨkɨ, meta Niniwe 'akumaweme kanayeitɨamɨkɨ, xiekaripa makuwaki hepaɨ.

Nahumi 2:11

¿Mayetsi waterɨ keranuyetɨa meta mayetsi tɨɨrixi waterɨ, hakewa maye 'uki, maye 'ukaratsi meta waniwema memeyu'awietakai nixewitɨ kawa'uximatɨakakɨ?

Kitsariyaxi 33:1

Xɨa'ui 'ekɨ, pemɨtiyuka'uname, 'akuxi pemɨkaka'unariewe. Xɨa'ui 'ekɨ, pemɨtiyukananaima, 'akuxi pemɨkananaimariewe. Kepauka 'ari pemɨtiyuka'una, 'ekɨta pepɨka'unarieni, kepauka pemɨtiyunanaimani, 'ekɨta pepɨnanaimarieni.

Kitsariyaxi 14:2

Teɨteri yukwietsie mepɨwatanaki'erieni meta wakiekaritsie paitɨ mepuwatuayu. 'Ixaheritsixi teyu'uximayatsiriwamete 'ukitsi meta 'ukarawetsixi Yawé kwieyatsie mepɨwarayeitɨani, memɨwaraye'uniekai mekaniwaranutaxɨriekuni meta mekateniwata'aitɨakuni kemɨ'ane memɨtewa'aitɨakai.

2 Kemɨtiuyɨ 33:11

'Ayumieme Yawé kaniwarenɨ'airieni 'Atsiriyatsie ti'aitame kuyaximama wa'ukiyarima, hikɨ mɨkɨ Manatsexi mekaniuwiya meta Wawiruniya paitɨ mekaneihana tsurieyatsie me'iwiwitɨaka meta wurunitse tepɨayari kaunariyarikɨ.

2 Te'aitamete 15:29

Kepauka Pekaki 'Ixaheritsie mɨti'aitakai, Tikɨrati-Piretsexi 'Atsiriyatsie ti'aitame 'Ixaheri kwieyaritsie kaninuani hikɨ 'Iyuni kiekariyari kana'iwa, 'Aweri-Wetimaká kiekariyari, Kanuha, Tseretsi, Katsuxi, Karaha, meta Karereya kiekariyari, metatsiere Nepɨtahari kwieyari naime, meta hipame teɨteri 'Atsiriya paitɨ kaniwarehapani.

Rukaxi 24:27

'Ana Muitsexi xapaya xatatɨ meri yunaime texaxatamete waxapa xatatɨ, kanitsutɨani tiwahekɨatsitɨiyatɨ kemɨre'ukai hepaɨtsitana naime 'utɨarikatsie.

Kitsariyaxi 37:36

Hikɨ Yawé niuki tuayameya muyuawitsie mieme kanayeyani xeitsienituyari heimana nauka tewiyari heimana 'auxɨwi miriyari (185.000) kuyaxi 'atsiriyutsixi memakutekatsie kaniwarukwini. 'Uxa'arieka ximeri memanuku'ui hipatɨ wa'iwama, mana yunatɨ mɨkite mepukuhetei.

Kitsariyaxi 37:37

'Ayumieme Tsenakeriwi, ti'aitame 'Atsiriya kiekame, manukateitsie kaneyani. Niniwe kiekariyaritsie kaninuani mana kaniyuhayewa.

Hutarieka 'inɨari 32:2

Wiyeri hepaɨ ke'ukaxɨrieni ne'ɨkitɨarika 'aixɨa manuyɨne, neniukikɨ ke'ukuhawire haɨtsi ximeri mieme hepaɨ, 'ɨxa mɨhehekwa waɨkawa kemɨtihatuiyarɨwa, wiyeri waɨkawa kemɨtikaxɨrɨwe hepaɨ tupiriya mɨyɨyɨritsie.

1 Kemɨtiuyɨ 1:10

Kutsi Nimiruri paapaya kanayani, mɨkɨ tewi kwinimieme reuyutamiewetɨ kanayani 'ena kwiepa.

Kuwi 29:22

Ne kepauka nemɨtiutaxaxatakai, xewitɨ 'axapɨka'utainekai nehepaɨtsita, neniuki wanakata pɨtikunanakekai.

Nɨawari 72:6

'Etsaripa kemɨtiukawiwiye hepaɨ ke'aneni, wiyeri kwie mɨtiuhawiya hepaɨ ke'aneni.

Nɨawari 110:3

'Akuyaxima mepuyuwaɨriyani tukaritsie kepauka xemuyutakwini, hɨrite mɨpatsietɨkatsie me'u'uwatɨ. Tau 'ɨrɨya manatinexɨanitsie, kepauka 'ahetsie mɨtinake hekwamekɨ pɨmatsitɨrɨkariya.

Kitsariyaxi 6:13

Xɨka 'akuxi kwie tamamatatsie mieme xewitɨ yuhayewaneni, mɨkɨ 'akuxi mekanakumaweriyariekuni. Peru kepauka xiu mawitekietsie meta tuaxa kutsunuyari kemɨtiyukuhayeikawa, mɨkɨ yɨrameyari mɨpatsie kanihɨkɨtɨni».

Keremiyaxi 14:22

¿Kamɨtsɨ tiyɨwe xewitɨ kakaɨyari wewiyakametɨtɨ wiyeri manayenɨ'ani? Yawé meta pemɨtakakaɨyari, ¿tamɨ 'ekɨ pekatihɨkɨ wiyeri pemeyenɨ'awa, muyuawi yuxaɨta pɨkayɨwe? Naime 'ekɨ 'ikɨ pepɨtiutawewi, 'ayumieme tepɨta'ikwewa 'ahetsie.

Tsupuniyaxi 3:12

Mekaniyuhayewakuni xeikɨa, tixaɨtɨ memɨkatehɨkɨ. Mɨkɨ Yawé hetsie memɨtewiya memɨhɨkɨkɨ,