Mikeyaxi 5:5 - Kakaɨyari Niukieya

⁵ Mɨkɨ kayuwatɨ temu'uwanikɨ yapɨtiyurieni. Xɨka 'Atsiriya nuani takwieyaritsie takwieyari ka'unake takiekarite kuraruyari 'amatitetewa, tepitamieni yu'atahutame muxatsi wahɨwemete tewarawitɨtɨ, meta 'atahaika kuyaxi memanuyetei wahekɨ,

Mikeyaxi 5:5 ပူးပေါင်းရင်းမြစ်များ

Rukaxi 2:14

«Taheima witsikatinikɨhɨawarɨwani Kakaɨyari, kwiepa 'aixɨa mekatenixeiyariekuni teɨteri mɨkɨ wakɨmana mɨnaki'a».

Tsakariyaxi 10:3

Nepɨha'a tehɨwemete wahepaɨtsita, nepɨwa'uximatɨani mɨkɨ memanuyetei. Yurikɨ Yawé Naimekɨmɨtɨrɨkaɨye Kura kwieyaritsie kiekatari kaniwa'ɨwiyani, mɨkɨ muxatsimama mekanihɨkɨtɨni, 'arike yukawayutsixima memɨtɨrɨkawi kaniwarayeitɨamɨkɨ kepauka muyutamieni.

Wani 14:27

Mɨpaɨ nepɨtixe'uhayewi, yu'iyaritsie xemɨka'uximatɨariekakɨ, nehepaɨ yu'iyaritsie xemɨka'uximatɨariekakɨ nepɨxepitɨa. Kwiepa memɨtama kememɨteyupitɨwa mɨpaɨ nepɨkatixepitɨa, xe'iyari pɨkayumuinaneni, meta pɨkamamaka.

Tsakariyaxi 9:10

'Epɨrahini kaxetamama kuyaxa mieme pukumaweriya meta kawayutsixi Kerutsareme miemete. Tupite kuyaxa miemete pɨtimura, hikɨ nuiwarite memɨyuxewinikɨ niukiyari pɨwataxatɨani. Pɨtita'aita haramaratsie ka'atɨkaime meta tapa haramaratsie paitɨ ye'atɨkaime, 'Eupɨrate hatuxameyaritsie tsutɨme 'atsita kwie manu'axe paitɨ.

Ti'ɨkitame 11:2

Me'atahutame yatɨni me'atahaikame ketiniwarumikwa tita pemɨrexeiya, 'atsipemɨkatimatekɨ tita 'uximatɨarikayari 'umɨramie 'ena kwiepa.

Kuwi 5:19

Kamaniparewiemɨkɨ 'ataxewimexɨa pe'uximatɨariekaku, meta 'atahutarieka 'axapepɨkaranuyeyani.

Matsiɨkɨtɨ kemɨratɨa 19:14

Kuyaximama muyuawitsie miemete mekaneweiyakaitɨni, kawayutsixi memeutuxa wahetsie me'utetɨ meta rinu 'ixurikiyari, mutuxa meta mɨ'itiyatɨka me'anakatɨtɨkaitɨ.

Matsiɨkɨtɨ kemɨratɨa 17:14

Mɨkɨ Muxa mekanitamiekuni, peru Muxa kaniwara'iwamɨkɨ kutsiyarite mɨwakutsiyarikɨ meta te'aitamete mɨtiwa'aitɨwamekɨ, meta mɨkɨ hamatɨana memu'uwa meputa'inierie, mepanayexeiyarie yamemɨtekahu».

Wani 16:33

'Ipaɨ nekatinixekuxaxatɨwakaitɨni yu'iyaritsie xemɨka'uximatɨariekakɨ nehetsie xetewiyatɨ. Kwiepa 'uximatɨarika xekanexeiyakakuni, yu'iyari xekeneukayetsa matsi, ne nekane'iwa tita kwiepa mɨtimieme.

Tsakariyaxi 12:6

»Mɨkɨ tukaritsie Kura kwieyaritsie kiekatari wa'ukiyarima tɨɨ yayatsame mɨta'a nekaniwarayeitɨamɨkɨ 'ɨtsi tsata, yatɨni kɨye manuta'a 'itsanari tsata. Yutserieta miemete meta yu'utata miemete mekaniwatitaiyakuni teɨteri yu'aurie kiekatari, peru Kerutsareme tawari kiepa payani.

Tsakariyaxi 9:13

Kura netupi hepaɨ nekanikuha'aritɨamɨkɨ, meta 'Epɨrahini ne'ɨrɨ nekanayeitɨamɨkɨ. Tsiyuni, 'aniwema nepɨwayuitɨani, Kɨretsiya kiekatari waniwema memɨwatakwinikɨ, yumemiwame 'ixiparaya nepɨmatsihayeitɨani.

'Amuxi 1:6

Yawé mɨpaɨ kanaineni: «Kahatsa kiekatari waɨkawa 'axamepɨte'uyuri, 'ayumieme ne nepɨkatiwareuyehɨwirieni. Xei nuiwariyari yunaime memɨwarehapakɨ, 'Erumi kiekatari wahetsɨa mewatuanike,

'Amuxi 1:3

Yawé mɨpaɨ kanaineni: «Ramatsiku kiekatari waɨkawa 'axamepɨte'uyuri, 'ayumieme ne nepɨkareiyehɨwirieni. Karaha kwieyari memakupɨnaxɨkɨ, tepɨa 'uwamekɨ.

Keremiyaxi 33:15

»”'Iya tukaritsie, meta 'iya wiyaritsie, Rawiri hetsie neneikunuiwitɨamɨkɨ xeime 'aixɨa tiuka'iyarime, mɨkɨ 'aixɨa tiuyeikatɨ kanayeimɨkɨ, heitseriemekɨ 'ikɨ kwieyaritsie.

Kitsariyaxi 65:8

Yawé mɨpaɨ kanaineni: «Kepauka xewitɨ kaxie takari witsi'aneneme mɨtaxeiya, mɨpaɨ putaine: “Nemarima 'aixɨa, 'akuxi kanayemaneni hayari”. Mɨpaɨta yaxeikɨa nepɨtiyurieni nete'uximayatsiriwamete nemɨwanaki'eriekɨ: Yunaime nepɨkawaka'una.

Kitsariyaxi 59:19

Tau makayuyuipike hepa kiekatari Yawé kemɨtitewakɨ mepɨtimakani, meta tau manatineikatsie kiekatari mumariwe mepeu'enieka. Karikɨ kaninuamɨkɨ haa tɨrɨkaɨyetɨ muwayeneika hepaɨ, Yawé hɨtsierieyakɨ muwayenexɨa.

Kitsariyaxi 44:28

Ne mɨpaɨ nekanaineni Tsiru nemuxatsi wahɨweme kanihɨkɨtɨni, kemɨnetinake mɨkɨ yapɨtikayani, yapɨtitanaki'erieni Kerutsareme manukakitɨarienikɨ, meta tuki tenariyari manukuwewiyanikɨ”».

Kitsariyaxi 7:14

'Ayumieme Ti'aitame 'inɨari kanixewewiriemɨkɨ: 'Ɨimari kanitihukatamɨkɨ kanitiniwemɨkɨ, 'Emanuheri katiniterɨwamɨkɨ.

Temaiwawemete 30:29

»Yuhaikatɨta mekanixuaweni 'aixɨa mete'ɨkɨkatɨ, matsi naurieka mieme wahepaɨ 'aixɨa pɨtiuyeika:

Temaiwawemete 30:18

»Haikatɨ kanixuaweni 'inɨari mɨnetsihɨxiyatsitɨa, matsi naurieka mieme nepɨka'uyɨwekaxɨa nemeitimanikɨ:

Nɨawari 72:7

'Uyeikakaku mɨtiheitserie keranayuhayewani, waɨkawa ketixuaweni tita memɨteheuyehɨwa, kepaukake metsa makayune.

Temaiwawemete 6:16

'Ataxewitɨ kanixuaweni teɨteri kememɨteyurie Yawé mi'uxiwe'erie, meta xeime matsi mixani'erie:

Kitsariyaxi 14:25

'Atsiriya 'ena nekwiepa nekanika'unamɨkɨ, nehɨritetsie nekanitiketsixɨamɨkɨ. Neteɨterima mɨkɨ yuku hetsɨana mieme me'anuyetetɨ mekatenihayewakuni, 'ari wanaiparietsie mɨkɨ 'ika pɨkahahetere».

Tsakariyaxi 10:11

Haramara kayuwatɨ mɨkatimatsie mepɨkɨne, ne peru hamewari kayuwatɨ nepɨpitɨani, meta Niru hatuxameyari 'amatiyewa pakawani. 'Atsiriya kemɨtiyuta'ɨre nepeitiparitɨani, meta 'Ekipitu kemɨti'aita nepikumaweriya.