Mikeyaxi 5:4 - Kakaɨyari Niukieya

⁴ Peru xewitɨ kaninemɨkɨ muxatsi wahepaɨ wahɨweme mayani Yawé tɨrɨkariyayakɨ, mɨkɨ kemɨtimariwe 'ipitɨakaku Yawé kakaɨyarieya. 'Aixɨa 'iyari mepu'uwani, mɨkɨ mɨti'aitanikɨ kwie kemɨyewa naimetsie.

Mikeyaxi 5:4 ပူးပေါင်းရင်းမြစ်များ

Mikeyaxi 7:14

'A'itsɨ pe'akwetɨ 'ateɨterima keniwahɨneni, muxatsi 'atewama, yuxaɨta 'ɨtsita memɨkie, 'ɨtsi hixɨapa. Watsani meta Karaha mu'ɨxayatsie ketiniwarutimikwa meripaitɨ hepaɨ.

Rukaxi 1:32

Mɨkɨ mariwetɨ kanayeimɨkɨ, 'Amutewi Nu'aya katiniuterɨwarɨwamɨkɨ. Ti'aitame Kakaɨyari kanipitɨamɨkɨ Rawiri 'uwenieyatsie mayerɨnikɨ, tutsieya.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

1 Pekuru 1:5

Xemetsɨ yuri xete'erietɨ xekani'ɨwiyarieka Kakaɨyari tɨrɨkariyayakɨ. 'Ayumieme xekanitawikweitsitɨariekuni, kemɨtimatsiɨkɨni xewikweitsitɨatɨ tukari 'aye'ayu kepauka mɨtapare.

Kura 1:1

Ne Kura, Ketsutsi Kɨritsitu hetsiemieme nekatini'uximayatametɨni meta Kakuwu 'iwaya nekanihɨkɨtɨni. Nekanixewaɨritɨaka xeme xemɨnaki'eriwa Kakaɨyari mɨta'ukiyaritsie xetewiyatɨ, Ketsutsi Kɨritsitu mɨxe'ɨwiya xemuta'inierie xemɨtawikweitsitɨarienikɨ:

'Epetsutari 1:3

'Aixɨa ketikuxaxatsiwani Kakaɨyari, kemɨ'ane Tati'aitɨwame Ketsutsi Kɨritsitu mu'ukiyarieya. Kɨritsitu hetsie tetewiyakaku mɨkɨ 'aixɨa kataniuyurieni tatsi'upitɨaka naime 'aixɨa mɨ'ane 'iyaritsie mieme, meta muyuawi hetsiemieme.

Wani 20:17

Ketsutsi mɨpaɨ katinitahɨawe: —Pepɨkanetsikuwiwiyani, ne'ukiyari hetsɨa nepɨka'anutiyeiwe 'akuxi. Matsi ne'iwama wahetsɨa kenemie. Mɨpaɨ ketiniwaretahɨawi: “Ne'ukiyari hetsɨa mɨxe'ukiyari hetsɨa nekananutiyeimɨkɨ, nekakaɨyari hetsɨa mɨxekakaɨyari hetsɨa neranutiyanita”.

Wani 10:38

Peru xɨka yanetiyurieneni, tsepa yuri xemɨkanete'eririe, tita nemɨtiyurienetsie pɨta yuri xeketene'erieka mɨpaɨ xemɨtehetimanikɨ kename ne'ukiyari nehetsie tiwiya, neta ne'ukiyari hetsie netiwiya.

Mateu 25:31

»Kepauka munuani Yuri Tewi yuxawatɨriyatsie, yunaime yuniuki tuayamete warawitɨtɨ, 'ana 'apayerɨni yu'uweni mɨxawatɨtsie.

Mateu 16:18

Netsɨ mɨpaɨ nekamatinahɨaweni 'ekɨ Pekuru pekanihɨkɨtɨni, 'ikɨ tetetsie nepɨwatsutɨani memɨyutixexeɨriwani nehetsɨa miemete, meta mɨkɨ mepɨka'a'iwarieni tsepa memukwi'iwaxɨ.

Mateu 2:6

»“Peru 'ekɨ, Wereni, Kureya kwieyaritsie mukuma, kepemɨtinenixeiyarie te'aitamete Kura kwieyaritsie watsata, kanimariwani xekiekari. 'Ahetsɨa pɨyenuiwa ti'aitametɨtɨ, neteɨterima 'ixaheritsixi wa'ɨwiyame kanayeimɨkɨ”».

Tsakariyaxi 9:10

'Epɨrahini kaxetamama kuyaxa mieme pukumaweriya meta kawayutsixi Kerutsareme miemete. Tupite kuyaxa miemete pɨtimura, hikɨ nuiwarite memɨyuxewinikɨ niukiyari pɨwataxatɨani. Pɨtita'aita haramaratsie ka'atɨkaime meta tapa haramaratsie paitɨ ye'atɨkaime, 'Eupɨrate hatuxameyaritsie tsutɨme 'atsita kwie manu'axe paitɨ.

Kitsariyaxi 52:13

Neuxei, neti'uximayatsiriwame pɨra'iwa, 'aixɨa pɨtitamatiwa, mariweme payeitɨarieni 'aheutitewametsie payerieni.

Kitsariyaxi 49:5

Hikɨta Yawé mɨpaɨ kanaineni, nemaamatsie mɨnetsikaye, ne ti'uximayatame hetsiena mieme nemayanikɨ, Kakuwu nemɨ'atɨanikɨ hetsɨana, 'ixaheritsixi 'auriena memɨ'axɨanikɨ, Yawé hɨxie ne 'aixɨa nemɨtiuka'iyarikɨ, Kakaɨyarita nehetsie nunuwame pɨhɨkɨ:

Nɨawari 145:12

yunaitɨ kwiepa memɨtama memeitimanikɨ mariweme kepemɨtiuyuri meta witsipe'anetɨ kepemɨtimariwe metatsiere 'aixɨa 'anemekɨ kepemɨti'aita.

Nɨawari 98:3

Paye'eri naki'eriya kemɨrexeiya meta ke'aixɨa mɨtikamie, 'ixaheritsixi teɨteriyari wahetsiemieme, yunaitɨ teɨteri kwiepa memɨtama yamepɨtemate takakaɨyari wikweitsitɨarikaya hetsiemieme.

Nɨawari 93:1

Yawé katini'aitani, witsi'aneme 'anakatɨtɨ, Yawé mariwemekɨ pɨyutikemaritɨa yɨtɨrɨkariya panakatɨ. 'Aixɨa 'aneme kwie putawewi, hatsuaku pɨkakuyuitɨarieni.

Nɨawari 72:19

'Aixɨa keraniuwani hetsiena mieme yuheyemekɨ, kemɨtimariwe ke'utahekɨatsieni naitsarie. 'Aixɨa pɨ'ane, 'aixɨa pɨ'ane.

Nɨawari 72:8

Ti'aitame keti'aitani huta haramarayari tsata haa 'Epɨrata manuyeka 'atsita kwie hakewa meu'axe.

Nɨawari 22:27

Yawé mekanaye'erikuni, hetsɨana mekani'axɨakuni yunaitɨ kwie manuye'atɨkatsie paitɨ memɨtama, hɨxiena mekanikatunuma'uikuni yunaitɨ kwiepa memɨtama wanuiwarima.

Memeyekɨ 23:21

Keneu'enieka yaketinekamieni. 'Axapepɨkareyurieneni hɨxiena, nehetsiemieme kaniyɨaneni, pɨkamereuyehɨwirieni xɨka mɨpaɨ pereyurieni.

Kitsariyaxi 52:10

Yawé yutɨrɨkariya matsiɨkɨme kanayeitɨamɨkɨ yunaime nuiwarite wahɨxie, meta yunaitɨ kwie manu'axe kiekatari takakaɨyari wikweitsitɨarikaya mepɨxeiya.

Kitsariyaxi 45:22

»Nehetsɨa tawarita xekeneu'axɨa, xemɨtawikweitsitɨarienikɨ, yunaitɨ kwie manu'axetsie paitɨ xemu'uwa, karikɨ ne nekanikakaɨyaritɨni, tawarita xewitɨ kaniumaweni.

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

Marakiyaxi 1:5

Xeme hekɨakamekɨ xekaninenierikuni, mɨpaɨ xekanitiyuakuni: “Yawé waɨkawamekɨ mariwame payuyeitɨa 'Ixaheri kwieyari kemɨreu'atɨka matsi humapaitɨ”.

Kitsariyaxi 8:7

Ti'aitame 'ari haa 'Eupɨrate hatɨayari wahetsie kaniwayenetɨamɨkɨ haa waɨkawa mɨtɨrɨkaɨye: ti'aitame 'Atsiriya kiekame kaniyɨanemɨkɨ kemɨtimariwe. Naime haa manuyehapanekai tihɨniyame kanenatiyeuriexɨamɨkɨ, hakewa meta'atɨkatsie panakayeurieni.