Mikeyaxi 5:3 - Kakaɨyari Niukieya

³ 'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

Mikeyaxi 5:3 ပူးပေါင်းရင်းမြစ်များ

Mateu 1:21

'Ukitɨme pɨtiniweni, Ketsutsi pɨtitewaka, mɨkɨ yuteɨterima kaniwatawikweitsitɨamɨkɨ ke'axamemɨteyurie».

Mikeyaxi 4:7

Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

'Utseyaxi 11:8

»'Epɨrahini, nepɨkayɨwe nemetsiyetuani. 'Ixaheri, nepɨkayɨwe nemetsi'uku'eirieni. Ne nepɨkayɨwe nemetsiyetuani 'Arimaha kenemɨtiyetua hepaɨ. Ne nepɨkayɨwe nemetsi'uku'eirieni Tsewuhini hepaɨ. Netaɨta, ne'iyari pɨkarexeiya, metatsiere nekwinurite panukuyuane.

Mikeyaxi 7:13

Karikɨ mɨkɨ kwieyarite makumawe kanayeixɨamɨkɨ teɨterimama ya'aneme meheutiwiwiexɨaku, 'axamemɨteyuriekaikɨ.

'Utseyaxi 2:14

»'Ayumieme hikɨ nekatini'irɨwiyamɨkɨ: makumawetsie nekanenuwitɨmɨkɨ mana witsi'anekamekɨ nekaneitahɨawimɨkɨ.

'Utseyaxi 2:9

»'Ayumieme kepauka tukarieya maye'ani ne tɨriku nepinawairieni kaxie winuyari mɨhekwa. Muxa kaheuhuxakame nepɨhayewa meta rinu 'ixurikiyari kahexeiyame nemɨtiyetuiriekai mawekaku kɨmana meuyukunakakɨ.

Xumatari 8:29

Mɨkɨ meripaitɨ mɨwamaikai, mɨkɨ nu'aya hepaɨ me'aneneme pɨwarayeitɨamɨkɨkai meripaitɨ, 'iya yumɨireme 'iwamarixi wamatsika mayanikɨ.

Mateu 25:40

Hikɨ Ti'aitame mɨpaɨ katiniwatahɨawimɨkɨ: “Yurikɨ mɨpaɨ nepɨxerahɨawe, naime kexemɨte'uyuri 'ikɨ ne'iwama wahetsiemieme tsepa tixaɨtɨ mɨkatihɨkɨ hetsiemieme, mɨkɨ nehetsiemieme xepɨte'uyuri”.

Mateu 12:50

Karikɨ kemɨ'ane yamɨtiyuriene kemɨtinake ne'ukiyari taheima makawe, mɨkɨ kanine'iwatɨni meta kaninemaamatɨni.

Mikeyaxi 6:14

Pepɨtiutikwa'ani, matsi pepɨka'utahuxarɨweni, matsi yaxeikɨa pepɨhaakatɨarieka. Pemɨtiukaxexeiyani yapɨreuyeikani, meta tita 'etsiwa pemɨrexeiyani memɨmatsi'aye'unie nekaniwayetuiriemɨkɨ.

Keremiyaxi 31:1

Yawé mɨpaɨ kanaineni: «'Iya tukaritsie, 'Ixaheri tɨɨriyamama Wakakaɨyari nepɨhɨkɨtɨni mɨkɨta neteɨterima mepɨhɨkɨtɨni».

Kitsariyaxi 11:11

'Iya tukaritsie Yawé tawarita yumamá kaneutatseramɨkɨ yuteɨterimama memuyuhayewatɨwe muwakuxeɨrienikɨ, 'Atsiriyatsie memuyuhayewaxɨ, 'Ekipitu, Paturutsi meta Kutsi, 'Erami, Tsinaxi meta Kamati, meta haramara hatetsitayari 'ametetewatsie.

2 Kemɨtiuyɨ 30:7

Xe'ukiyarima wahepaɨ xepɨka'aneni, meta yu'iwama wahepaɨ, Yawé memuku'eiri me'eye'unietɨ memakɨ, yu'ukiyarima wakakaɨyari. 'Ayumieme mɨkɨ xeme nanaimariwamete kanixe'ayeitɨani, hikɨ kexemɨteneniere.

1 Te'aitamete 14:16

Yawé 'ixaheritsixi kaniwaku'eirimɨkɨ Keruwuhani ke'axamɨtiuyurikɨ meta 'ixaheritsixi 'axameteyuriekame muwarayeitɨakɨ».

'Amuxi 5:15

'Axamɨti'ane xeketenexani'erieka matsi 'aixɨa mɨti'ane xeketenenaki'erieka. Tita mɨtiheitserie keti'aitani memati'iwawiyarɨwatsie, mɨpaɨ heiwatɨ Yawé, Kakaɨyari Naimekɨmɨtɨrɨkaɨye, Kutse nuiwarimama memuyuhayewatɨwe warutinenimayata.

Mikeyaxi 5:7

Kakuwu nuiwarimama memuyuhayewa, teɨteri meyumɨireme watsata, haɨtsi Yawé hetsɨa mieme hepaɨ mepɨ'aneni, wiyeri 'amayetsuye tupiriya hetsie mɨkaxɨrɨwe hepaɨ, teɨteri memɨka'inɨ'a, meta tixaɨtɨ mɨkatiwarawawiriwa.

Mikeyaxi 5:8

Kakuwu nuiwarimama memuyuhayewa nuiwarite watsata, yumɨireme teɨteri watsata, maye yeutarite watsata kemɨtiyumate mɨkɨ hepaɨ mepɨ'aneni, maye temaikɨ muxatsi watsata kemɨtiyumate hepaɨ, kepauka watsata meutahani puwatixutsina meta puwatikwa'a, nixewitɨ wahetsie mɨtanuani mɨkayɨwekɨ.

Nɨawari 67:3

Kakaɨyari 'aku, teɨteri mekemetsitemawieritɨaka, yunaitɨ teɨteri kwiepa memɨtama mekemetsinɨawani.

Kitsariyaxi 49:6

«Neti'uximayatsiriwame pepɨhɨkɨ, meta Kakuwu nuiwarimama pemɨwahekwariya, meta 'ixaheritsixi pemɨwa'atɨani, kemɨ'ane nemɨwa'ɨwiya, hikɨ 'ayumieme nuiwarite wahekɨariwiyame nekamenayeitɨamɨkɨ, newikweitsitɨarika kwie manu'axe paitɨ pemɨtaxatakɨ».

Keremiyaxi 23:5

Yawé mɨpaɨ kanaineni: «Tukari kanamieni, kepauka Rawiri nuiwarieyatsie xeime 'aixɨa tiuka'iyarime nemanukuketɨanikɨ, mɨkɨ katinita'aitamɨkɨ timaiwetɨ 'ikɨ kwieyaritsie, yakatiniyurienemɨkɨ tita mɨtiheitserie meta 'aixɨa mɨti'ane.

'Etsekieri 34:16

Memeuyexɨri muxatsi nekaniwatiwaumɨkɨ, 'ateewa paitɨ memekɨ nekaniwa'atɨamɨkɨ, kemɨ'ane memɨte'uka'eniwani nekaniwati'uayemamɨkɨ, meta kemɨ'ane memɨwerarani nekaniwatitɨrɨkariyamɨkɨ, matsi memɨwaiyatɨka meta memɨtɨrɨkawi nekaniwakumaweriyamɨkɨ. Ne heitseriemekɨ nepɨwaruwitɨximeni.

Mikeyaxi 4:4

Yuxexuitɨ kaxie meta piní 'iteɨriyari hetɨa xepɨtiyaxikeni, nixewitɨ 'axamatɨarietɨ pɨka'ayani —Yawé Naimekɨmɨtɨrɨkaɨye mɨpaɨ kaniutayɨni—.

Tsakariyaxi 10:6

«Ne Kura nuiwarimama tɨrɨkariya nepuwapitɨani meta nepɨwatawikweitsitɨani Kutse nuiwarimama. Nepɨwarutinenimayataxɨ hikɨ 'ayumieme nepuwarakunuitɨani. Wa'atɨtɨ hatsuaku nepɨkatiwaruku'eiri nepɨ'aneni, Ne Yawé nemɨhɨkɨkɨ wakakaɨyari, nepuwata'eiya.