Mikeyaxi 5:2 - Kakaɨyari Niukieya

² Matsi 'ekɨ, Wereni 'Epɨrata, kiekari 'etsipemɨyewa Kura nuiwarimama watsata, 'ahetsie pɨyeyani 'Ixaheritsie mɨtita'aita, tsutɨa paitɨ kiekatari puwanuiwari, watukari mɨka'inɨari.

Mikeyaxi 5:2 ပူးပေါင်းရင်းမြစ်များ

Mateu 2:6

»“Peru 'ekɨ, Wereni, Kureya kwieyaritsie mukuma, kepemɨtinenixeiyarie te'aitamete Kura kwieyaritsie watsata, kanimariwani xekiekari. 'Ahetsɨa pɨyenuiwa ti'aitametɨtɨ, neteɨterima 'ixaheritsixi wa'ɨwiyame kanayeimɨkɨ”».

Wani 7:42

Tamɨ 'utɨarika mɨpaɨ karanuyɨne, Kɨritsitu Rawiri pɨxiɨyarieyatɨni, kiekaritsie Rawiri manukateitsie pɨtinuiwa Werenitsie».

Nɨawari 90:2

Hɨri katinunuiwawekaku meta kwie pekatawewiwekaku, meripaitɨtɨ metatsiere 'uxa'a warietɨni, 'ekɨ Kakaɨyari pepɨhɨkɨ.

Kitsariyaxi 11:1

'Itsahi kutsunuyaritsie xewitɨ yɨrari kananemɨkɨ, mɨkɨ yɨrari nanaritsie kananemɨkɨ.

Tsakariyaxi 9:9

Waɨkawa keneyutemawieka, neniwe 'uka Tsiyuni. Keneutahiwani temawierikakɨ, neniwe 'uka Kerutsareme. Neuxei, mana pamie 'ahepa meti'aitɨwame, heitserie yamɨtikamie, tiyuwikweitsitɨwame meta mariwetɨ mɨkahayuyeitɨwa. 'Akanamieni puxutsie 'anakaitɨ, puxu temaikɨ hetsie, puxu 'ukaratsi nu'ayatsie.

Tsutɨarika 49:10

Kura xewitɨ pɨka'inawairieni ti'aitame 'itsɨya, nuiwarimama yuheyemekɨ mepɨteta'aita. Kepaukake munuani yurikɨ ti'aitame, 'aixɨa mɨtiuka'iyari meuyewetse hɨxiena yamemɨtekahunikɨ kwiepa memɨtama.

Kurutsetari 1:17

Mɨkɨ 'akaniuyeikakaitɨni tixaɨtɨ katinetɨariewekaku 'akuxi, naitɨ katiniyuxewini mɨkɨtsie tiwiyatɨ.

Matsiɨkɨtɨ kemɨratɨa 19:16

Kamixayatsie meta teurieyatsie mɨpaɨ pɨre'ukai kemɨtitewa: Ti'aitame, te'aitamete tiwa'aitɨwame, meta Kutsiyari wakutsiyari.

1 Tsamuheri 17:12

Rawiri 'Itsahi kaninu'ayatɨkaitɨni, 'Epɨrata kiekame Wereni kiekame Kura kwieyaritsie. Tsahuri 'amuyeikakaitsie, 'Itsahi 'akaniyumaikaitɨniri, 'atahaikame yuniwema kaniwarexeiyakaitɨni.

Tsutɨarika 48:7

Parani-'Arami ne'akunuaku, Xakeri 'amaama kanemɨni 'Epɨrata 'aurie, hikɨ Wereni mɨrakutewa, mɨkɨ huyeyari'utɨa tekaneikateuku, Kanani kwieyaritsie.

1 Wani 1:1

Tita matɨari paitɨ mɨtimieme, tita temɨte'u'eni, tita temɨte'uxei tahɨxikɨ, tita 'ahurawa temɨtexeiyakai, tita tamamakɨ temɨte'umayɨa, mɨkɨ tekanixekuxaxatɨwani niuki tukari tiyupitɨwame hepaɨtsita.

Hepɨrayutsixi 13:8

Ketsutsi Kɨritsitu meripaitɨ hikɨta yaxeikɨa kani'aneni, tsepanetɨ xeitsienitu wiyari manuyekɨka.

Mateu 28:18

Hikɨ Ketsutsi 'ahurawa kaniuyani, katiniwarutaxatɨani, mɨpaɨ 'utaitɨ: —Naimekɨ heitserie nepexeiya taheima meta kwiepa.

Xuti 4:11

'Ukirawetsixi meta yunaitɨ mana kiekari kitenie memukutekai, mɨpaɨ mekaniutiyuani: ―Tame temunenierixɨ tepɨhɨkɨ. »Yawé yaxeikɨa yaketiuyurieni mɨkɨ 'ukaratsi pemɨtiwitɨni hetsiemieme, kemɨtiwaruparewi Xakeri meta Reya nuiwari memukama wahepaɨ, 'ixaheritsixi teɨteriyari kememɨte'akɨ. »'Ekɨta pematsiɨkɨtɨ peke'ayani 'Epɨrata mɨtiyetewatsie, meta waɨkawa pemariwatɨ peke'ayani Wereni kiekariyaritsie.

Tsutɨarika 35:19

Mɨpaɨ Xakeri katiniumɨni, 'Epɨrata huyeyari 'utɨa mekanikateuku, hikɨ Wereni mɨrakutewatsie.

Hepɨrayutsixi 7:14

Kanimatsiɨkɨni Tati'aitɨwame Kuratsie mɨyetɨakɨ, tsepa mɨkɨ nuiwari hepaɨtsita Muitsexi 'atsimɨkahainekai kename memawari wewiwametetɨnikeyu.

'Amuxi 9:11

»Mɨkɨ tukaritsie nekanenukuketɨamɨkɨ Rawiri kiiya matiwe. Kemɨtiukatsitsini 'aixɨa nekaniyurimɨkɨ, mɨti'u'uni 'aixɨa nekatinitiyurimɨkɨ 'aixɨa nekatinitiyurimɨkɨ meripaitɨ kemɨti'anenekai,

Keremiyaxi 30:21

Xetsata manuyeyerɨni kanayenemɨkɨ, mɨkɨ xewitɨ xeti'aitɨwame kanayeimɨkɨ. Ne'aurie hurawa 'uyeikame nekanayeitɨamɨkɨ, mɨkɨ nehamatɨa 'uyeikatɨ payani, ¿kemɨ'ane yutukari puyetuawe nehetsɨa maye'anikɨ? —Yawé mɨpaɨ kanaineni—.

Kitsariyaxi 53:2

Mɨkɨ hɨxie putawerixɨ yɨrari mɨyɨri hepaɨ, makuwakitsie tiwiyatɨ. Witsipɨka'anekai meta pɨkamariwekai, kemɨtiyuxexeiyakai pɨkaheiwa'anekai meta witsipɨkatiyuxexeiyakai pɨkaheiwe'eriwakai.

1 Tsamuheri 10:19

Hikɨ matsi xeme yukakaɨyari xepɨkanaki'erie, kemɨ'ane 'aixɨa mɨxe'uyuri naime kexemɨte'uka'eniwakai hepaɨtsita, mɨpaɨ xeikɨa xeputiyɨane: “Hawaikɨ. Ketaneyetuiri tati'aitɨwame, para mɨtati'aitɨakakɨ”. Xekeneyukuxeɨri, Yawé hɨxie keyupaɨmetɨ xemɨnuiwarite meta xemɨxiɨyarimama».

Rukaxi 23:38

Meta mu'uya heima mekaneimani 'utɨarika, mɨpaɨ pɨre'ukai: «'Ikɨ Huriyutsixi Tiwa'aitɨwame Kanihɨkɨtɨni».

Rukaxi 23:2

'Ana menitsutɨani me'ixanetatɨ mɨpaɨ me'utiyuatɨ: —Te'iku'iwawiyatɨ 'ipaɨ tekatenimaika, kwamanarika wewietɨ tiniwa'ɨkitɨaka tateɨterima, pɨkawapitɨa memɨteyukutuayanikɨ Tsetsaxi kuwiyexinuya hetsiemieme, mɨpaɨ kanaineni kename heitserie 'upitɨarie Kɨritsitutɨtɨ, ti'aitame yuxatatɨ.

1 Kemɨtiuyɨ 5:2

Kaniyuritɨni Kura matsi waɨkawa mariwetɨ kanayani kememɨka'anekai 'iwamama, metsɨ mɨtiwa'aitɨa kanayani, peru matɨari miemetɨtɨ heitserie kemɨrexeiyani Kutse hetsie pɨta pɨtiunakixɨ.

1 Kemɨtiuyɨ 4:4

Metatsiere niwemama mekanakɨne: Penuheri, Keruxi paapaya, meta 'Etsexi, Kutsa paapaya. Mɨkɨ mekanakɨne Kuxi nuiwarimama, 'Epɨrata matɨarieya, Wereni paapaya.

Memeyekɨ 18:21

'Ekɨ keniwaranayexeiya hipame 'ukitsi 'aixɨa memaitɨka Kakaɨyari hetsiemieme, yurikɨ yuri memɨte'erie Kakaɨyari memayemakaxe kwamanarika memɨkanaki'erie, xeime keneuhɨritɨa xeimiriyari wa'ukiyari mayanikɨ, xeimeta xeitsienituyari wa'ukiyari, xeimeta huta tewiyari heimana tamamata wa'ukiyari, xeimeta tamamata wa'ukiyari.

Matsiɨkɨtɨ kemɨratɨa 21:6

Mɨpaɨta pɨnetiutahɨawixɨ: «'Ari naitɨ katinaye'ani. Ne Mexɨakame meta 'Imatɨreme nekanihɨkɨtɨni, nemitsutɨa meta neminɨni. Kemɨ'ane meuharimɨkɨ, ne neka'ituirietɨ nekaniharitɨamɨkɨ nehaixakɨ kɨmana tukari mexeiyanikɨ.

Matsiɨkɨtɨ kemɨratɨa 2:8

»Mɨpaɨ ketineu'utɨiri niuki tuayame 'Etsimirɨnatsie memɨyutixexeɨriwa wahetsiemieme: Mɨpaɨ kanaineni kemɨ'ane Mexɨakame meta 'Imatɨreme mɨhɨkɨ, meta kemɨ'ane mumɨkai manutanierixɨta:

Nɨawari 132:6

'Epɨrata tɨratu kakuniyari teputamari, hikɨ tepeitaxei Yakaxi kwieyaritsie:

1 Kemɨtiuyɨ 2:54

Tsarima niwemama: Wereni, netupatari, 'Ateruti-Weti-Kuhawi, hixɨata me'atɨ manakatitsixi, tsurehitsixi,

1 Tsamuheri 23:23

'Aixɨa xeketeneti'iwau naitsarie hakewa meyu'awietane, hikɨ xepɨnetehaxatɨayuta yemekɨ hakewa meyu'awietani. Hikɨ 'ana ne xehamatɨa nekaniyemieni xɨka 'aku Rawiri muwa heyeikani, nekaneitiwaumɨkɨ yunaime Kura nuiwarimama watsata.

1 Tsamuheri 17:18

'Ikɨta haikame kexiu kenanu'ɨiri kuyaxi tiwa'aitɨwame. Kenenierimie kememɨtehaka'iyuniwa 'a'iwama, xɨka 'aixɨa meteheu'erieka ya'ane pekaneni'atɨiriemɨkɨ.

Hutarieka 'inɨari 1:15

'Ayumieme ne nekaniwaruhɨritɨani xenuiwaritsie miemete 'ukitsi memɨtemaiwawe meta memɨtemate, nekaniwaruhɨritɨani heitserie memexeiyanikɨ xehetsiemieme 'itsɨkate wahepaɨ me'anetɨ. Yuxexuime hipame nekaniwaruhɨritɨani xeimiriyari, hipameta xeitsienituyari, hipameta huta tewiyari heimana tamamata, hipameta tamamata, meta hipame yunuiwaritsie teparewiwamete memɨhɨkɨtɨnikɨ.

1 Tsamuheri 8:12

Kuyaxi tewa'aitɨwamete mekanayeitɨariekuni meta kwietsanamete, 'itsanamete, kuyaxi wa'ixiparate wewiwamete, yaxeikɨa tita naime memɨtekumaɨwa kuyaxi.

Memeyekɨ 18:25

Niwaranuyexeiya hipame 'ixaheritsixi watsata meyɨwaweme, mɨkɨ memanuyetei kaniwarayeitɨani, xeime xeimiriyari wa'ukiyari kanayeitɨani, xeimeta xeitsienituyari wa'ukiyari, xeimeta huta tewiyari heimana tamamata wa'ukiyari, xeimeta tamamata wa'ukiyari.

Mateu 2:1

Merikɨtsɨ Ketsutsi Wereni paitɨ hetinuiwaku Kureya kwieyaritsie, kepauka Herurexi mana mɨti'aitametɨkai. 'Ana yukwiepa meheyekɨneka temaiwawemete tayeta mepayenexɨa, kiekaritsie Kerutsareme mekaniu'axɨani,

Tsutɨarika 35:16

Hikɨ 'arike Weteri mekaniyekɨne. 'Epɨrata 'akuxi 'ahetewakaku Xakeri kaniutiniweni, waɨriyarika nunutsi kanayexeiya.

'Itsɨkate 17:7

Xewitɨ temaikɨ rewi tewiyari Wereni Kura kwieyaritsie kiekame, Kura xiɨyarimama watsata kaniuyeikakaitɨni,

Xuti 1:1

Merikɨtsɨ, meripaitɨ 'itsɨkate mete'aitakaku mɨkɨ kwieyaritsie, haakaxa kaniutaweni. Xewitɨ tewi Wereni kiekame Kura kwieyaritsie heyeyaka Muhawi kwieyaritsie peta'a, yɨ'ɨya meta yuniwema yuhutame warawitɨtɨ.

Kitsariyaxi 55:4

Ne nepenukake teɨteri wahetsiemieme munierixɨ mɨhɨkɨtɨnikɨ, wa'ukiyari mɨmariwe hepaɨ.

'Utseyaxi 6:3

'Ana Yawé tepetimani, kemɨtiku'eriwa 'utɨmana tepuhuni. Yurikɨ tau manatineika hepaɨ, tahamatɨa matsiɨkɨtɨ payuyeitɨani, tahamatɨa punuani wiyeri xexerixa mieme hepaɨ, wiyeri witarita mieme hepaɨ kwie mukuhawiya.

Tsakariyaxi 13:7

Mɨpaɨ kanaineni Yawé Naimekɨmɨtɨrɨkaɨye: «'Ixipara, kenanukukexi, nemuxatsi wahɨweme kenaye'unietɨ, kenaye'unietɨ tewi 'aixɨa nemɨtimate. Muxatsi wahɨweme keneumi'a memɨtaxɨriexɨanikɨ muxatsi hikɨ neta muxatsi 'etsimemɨpepe nepɨtiwakwinitɨani».

Kitsariyaxi 7:14

'Ayumieme Ti'aitame 'inɨari kanixewewiriemɨkɨ: 'Ɨimari kanitihukatamɨkɨ kanitiniwemɨkɨ, 'Emanuheri katiniterɨwamɨkɨ.

Mikeyaxi 4:10

Ketineukakukuineni meta keneu'atawawaɨriyani, neniwe 'uka Tsiyuni, 'ukaratsi mɨtiniwerɨmeni hepaɨ, karikɨ hikɨri 'akiekaritsie pekanayeyeimɨkɨ, meta yeuta pe'ukaitɨ pekanayeimɨkɨ. Wawiruniya pekaniyemieni, matsi mana pe'uyeikatɨ pekanixɨnariemɨkɨ, Yawé kamenixɨnamɨkɨ memɨmatsi'aye'unie kememɨmete'aitɨatsie.