Mikeyaxi 5:13 - Kakaɨyari Niukieya

¹³ 'Akakaɨyarixi nekaniwareutipariyamɨkɨ meta 'atetexi memɨpatsietɨka 'amɨti'u, tawariri hatsuaku wahɨxie pepɨkatitunumakeni 'amamakɨ pemɨtiwawewie wahɨxie.

Mikeyaxi 5:13 ပူးပေါင်းရင်းမြစ်များ

'Etsekieri 6:9

Memutawikwei mepɨnetsihaye'erieni, tsepa hakewa memehapanie muwa mehe'uwatɨ. Mepɨnetsihaye'erieni ne kenemɨtiukwinixɨ yu'iyaritsie 'axamemɨte'uyurikɨ kememɨteyupataxɨ nehetsɨa, kakaɨyarixi 'axamemu'ɨatɨka kememɨtewarayexeiyakai. Mehaye'erieme mepitixani'erieni ke'axamemɨteyuriekai mewarayexeiyatɨ.

'Etsekieri 36:25

Haa 'aixɨa mɨ'anekɨ nekaniwati'ɨyamɨkɨ, 'ana 'aixɨa me'itɨarietɨ mekanakɨnikuni. Nekaniwa'itimɨkɨ 'axamɨti'anekɨ meta hipame kakaɨyarixi memɨwarayexeiyakɨ.

Tsakariyaxi 13:2

»'Iya tukaritsie kakaɨyarixi memɨwewiyatɨka kememɨtetetewa nepikumaweriya, hatsuaku tawari me'ayexeiyarietɨ mepɨka'akɨne —mɨpaɨ kanaineni Yawé Naimekɨmɨtɨrɨkaɨye—. Metatsiere nepɨwakumaweriya Kakaɨyari niukametemama memɨyuxatakai meta 'iyari mɨka'itiya mɨwanɨkai.

'Utseyaxi 14:8

Neuxei 'Epɨrahini, kakaɨyarixi wa'ɨkiyari tixaɨtɨ pɨkatihɨkɨ. Ne nemetsiku'eiya nekanihɨkɨtɨni meta nemetsi'ɨwiya. Huku kɨyeyari yamɨtitsiɨraɨye nekanihɨkɨtɨni, kepemɨtiutixuxuawere ne nekatiniyurieneni».

'Utseyaxi 14:3

'Atsiriya pɨkatatsitawikweitsitɨani, kawayutsixi kuyaxa miemete wahetsie tepɨka'anutiyaxe. Tawariri tepɨka'itaterɨwani “'ekɨ takakaɨyari pepɨhɨkɨ” tixaɨtɨ tamamakɨ tiwewiyakame tepɨkate'ayexeiya, 'ahetsie nutui pikaxeiya kepemɨti'akanenimaya».

'Etsekieri 37:23

Tawariri meka'itiyatɨ mepɨkahayuyeitɨani yukakaɨyarixikɨ, meta 'axameteyurietɨ, meta tita mɨtixani'eriwa meteyurietɨ. Ne naime nepɨtiwanawairieni, nepɨwa'itieni ke'axamemɨteyuriekai. Mɨkɨ neteɨterima mepɨhɨkɨtɨni neta wakakaɨyari.

Kitsariyaxi 2:8

Wakwietsie kakaɨyarixi memɨwewiyatɨka mepɨhɨne, teɨteri yuwewiya hɨxie mepukatunuma'uwe, yumamakɨ ketitamemɨte'utiwewi.

Matsiɨkɨtɨ kemɨratɨa 9:20

Hipatɨ teɨteri memɨka'ukwi'iwaxɨ mewakwikaku, mɨkɨ mepɨkatehayewakai mete'ayexeiyatɨ tita yumamakɨ memɨtewewie. Mepɨkatehayewakai nenewieri mewapitɨatɨ kakaɨyarixi 'axamemɨ'anene, huru, pɨrata, wurunitse, tete, kɨye kakaɨyarixiyari tsepa memɨkaheuneniere, memɨkaheu'enana, meta memɨka'ukɨniwawe.

'Itsɨkate 18:17

Meyu'auxɨwitɨ kwie memekuxeiyakai mekaneutahaxɨani kakaɨyari mɨxixiya pɨratakɨ mɨwetsitɨarie mekanewayekweni, meta mawari wewiwame kamixaya 'etsimɨnena meta hipame kakaɨyarixi. Mexi kuyaxi 'ataxewime tsienituyari yutupi me'u'ɨtɨ memeuyukwiyu kitenie mawari wewiwame hamatɨa meti'ukai.

Kitsariyaxi 2:18

meta yuri memɨkakakaɨyarixi yuheyemekɨ mepukumaweriyarieni.

'Utseyaxi 10:2

'Iyarieya pɨharuani, peru yɨkɨmana katinayukatuamɨkɨ kemɨtiuyuri. Yawé wamawari taiyamete kaniti'unamɨkɨ meta naime tetexi mɨpatsietɨka memeyexeiyakai.

Nahumi 1:14

Peru 'ekɨ Niniwe, 'ahepaɨtsita, Yawé 'ipaɨ katiniu'aita: «Tawari 'anuiwarima mepɨkatixuawere memɨmatsiha'eriwani kepemɨtitewa, watukita paitɨ nekaniwatitaramɨkɨ kakaɨyarixi memɨxixiyatɨka meta memɨkwaxiyarietɨka. 'Ateukiya nenikuha'aritɨamɨkɨ, 'axapemɨtiuka'iyari pemɨhɨkɨkɨ».

Tsupuniyaxi 1:4

»Kura kwieyaritsie kiekatari nepɨtiwakwinitɨani, meta yunaime Kerutsareme kiekatari. Wahari huyerieya 'ɨarime naime nepakuyeitɨani, meta mawari wewiwamete hetsɨana miemete kememɨtetetewa naime,

Kitsariyaxi 27:9

Mɨpaɨ Kakuwu 'axakemɨtiuyurikɨ pɨti'itiyarieni, mɨpaɨ xeikɨa katiniyɨmɨkɨ 'axakemɨtiuyuri mɨreuyehɨwiyarienikɨ: tetexi kakaɨyarixi memɨte'atimawiyarɨwa naitɨ tumuanari kehayani, tetexi mu'uniwe mɨtɨxieka hepaɨ, meta 'Atserá 'ɨkiyaya 'a'uwetɨ pɨkakuhayeikarɨwani meta mawari taiyame 'ɨkwa witsimu'ɨa nixewitɨ tɨma.

'Etsekieri 16:41

'Akii kanititaiyariemɨkɨ, 'ukarawetsixi yumɨireme wahɨxie pekanitaxanetsiemɨkɨ. Ke'axapemɨtiuka'iyarikai mana nekatiniu'atɨamɨkɨ, tawariri memɨmatsikumaɨwa pepɨkatiwapitɨani.