Mikeyaxi 4:7 - Kakaɨyari Niukieya

⁷ Muxatsi memɨwitekietɨka memuyuhayewaxɨ nekaniwarayeitɨamɨkɨ, meta 'ateewa memehapanie, xeinuiwariyari metɨrɨkaɨyeme nepɨwarayeitɨani. Yawé mɨkɨ wahetsie katini'aitakamɨkɨ Tsiyuni hɨriyaritsie hikɨ 'ena mɨtiyehane meta yuheyemekɨ.

Mikeyaxi 4:7 ပူးပေါင်းရင်းမြစ်များ

Rukaxi 1:33

'Ixaheritsixi teɨteriyari katiniwata'aitɨamɨkɨ yuheyemekɨ. Kemɨtita'aita pɨkaheutipare hatsuaku.

Mikeyaxi 7:18

Pumawe Kakaɨyari 'ahepaɨ tiuka'iyaritɨ, 'axamɨti'ane mɨtareuyehɨwiriwa meta tixaɨtɨ mɨkarayeitɨwa ke'axamemɨte'uyuri teɨterima memuyuhayewaxɨ. 'Aheyemekɨ pepɨkaha'a, naki'eriya mɨmatsinakekɨ pɨta.

Mikeyaxi 2:12

Kakuwu, yurikɨ mɨpaɨ nekanaineni, ne yunaime 'ateɨterima nekaniwakuxeɨrimɨkɨ. 'Ixaheri, yurikɨ mɨpaɨ nekanaineni, ne nekaniwakuteɨximɨkɨ memuyuhayewaxɨ. Nepuwakuxeɨrieni muxatsi kuraruta memeuta'ɨnarieni hepaɨ, muxatsi wahepaɨ, maku'ɨxaya hixɨapa, memɨyuwaɨkawani hepaɨ tɨranari mepɨwewieni.

Tanieri 7:14

mɨti'aitanikɨ kaniupitɨarieni, tɨrɨkariya meta xawatɨriya kaniupitɨarieni. Yunaitɨ teɨteri, nuiwarite meta yɨkɨ memɨte'uniuka me'eyexeiyatɨ mekanakɨne. Kemɨti'aita yuheyemekɨ pɨti'aitani, pɨka'anuyani, meta kemɨtita'aita hatsuaku pɨkaka'unarieni.

Kitsariyaxi 24:23

Metseri kaniyɨrimɨkɨ tau kaniyutitewiyamɨkɨ, 'ana Tsiyuni hɨriyaritsie, Kerutsareme hetsie, Yawé Naimekɨmɨtɨrɨkaɨye katinita'aitamɨkɨ, mana miemete 'ukirawetsixi mepixeiyani mariweme.

Matsiɨkɨtɨ kemɨratɨa 11:15

Hikɨ 'atahutarieka mieme niuki tuayame yukuxineta kaniutahɨtsieni. Hikɨ karima mekanetiniukakaitɨni muyuawitsie mɨpaɨ me'utiyuatɨ: «Hikɨtsɨari kwiepa memɨtama wahetsie katinanuyeyani, Kɨritsitu pɨtari pɨtita'aita tahetsiemieme, tsepa xeitsienituyari wiyari manuyekɨka».

Mikeyaxi 5:3

'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

Kuheri 3:17

«Merikɨtsɨ xeme mɨpaɨ xekatenetimaikuni, ne Yawé xekakaɨyari, Tsiyuni nemukakɨ neyemuri mɨpatsietsie. Kerutsareme mɨpatsie kanayeimɨkɨ, tawari 'ateewa kiekatari waɨriyarika mepɨkawatahaxɨani mexenawairienike.

'Utseyaxi 1:10

»Peru 'uxa'atɨni warie 'ixaheritsixi teɨteriyari, yumɨiretɨ mepakɨne xiekari haramaratetsita mɨtika mɨkayu'inɨatsinɨa hepaɨ. Kepauka tukari maye'ani xeme hakewa mɨpaɨ xemɨteheterɨwarie: “Mepɨkaneteɨterimari”, mana mɨpaɨ xepɨteterɨwarieni: “Kakaɨyari mayeyuri niwemama”.

Tanieri 7:27

Hikɨ 'ana memɨpatsie pɨta mekaniyetuiriyariekuni, Kakaɨyari 'Amutewi teɨterimama memɨhɨkɨ, memɨte'aitanikɨ xawatɨriya mehexeiyatɨ meta tɨrɨkariya mete'aitatɨ naitsarie kwieyaritetsie. Kemɨti'aitani yuheyemekɨ katini'aitakamɨkɨ, mekaneyexeiyakakuni meta mehei'enietɨ yunaitɨ kuwexinaruritsixi kwiepa memɨtama”.

Kitsariyaxi 66:8

¿Kemɨ'ane 'ari mɨpaɨ pɨtiu'enaxɨ? ¿Kemɨ'ane hepaɨna 'aneme puxei? ¿Tiyɨwe xewitɨ nuiwari mɨtinuiwa xeitukaritsie? ¿Xeikiekariyari mutinuiwa tiyɨwe xeitukaritsie? Matsi, Tsiyuni yutɨɨriyama kaniwarayexeiya 'akuxi ka'itakwiniwetɨ waɨkawa.

Kitsariyaxi 60:22

Waɨkawa mɨwerani xeimiriyarikɨ pɨtaxiɨni, 'etsimutewi nuiwari tɨrɨkaɨyetɨ payani. Ne Yawé nekanihɨkɨtɨni, kepauka tukari maye'ani yanekatiniyurimɨkɨ, nepɨkatihayewa».

Kitsariyaxi 6:13

Xɨka 'akuxi kwie tamamatatsie mieme xewitɨ yuhayewaneni, mɨkɨ 'akuxi mekanakumaweriyariekuni. Peru kepauka xiu mawitekietsie meta tuaxa kutsunuyari kemɨtiyukuhayeikawa, mɨkɨ yɨrameyari mɨpatsie kanihɨkɨtɨni».

Nɨawari 2:6

«Ti'aitame nekananukakeni Tsiyuni nehɨri mɨpatsie hetsie».

Kitsariyaxi 16:5

Heitseriemekɨ 'uweni 'apuweni, xewitɨ Rawiri nuiwarieyatɨtɨ mana katinita'aitamɨkɨ 'aixɨa 'anemekɨ: 'itsɨkame mɨ'ɨtetsa heitserie mɨtikuxatani kanayeimɨkɨ meta 'inaketɨ 'aixɨa mɨtiyurieneni.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Tanieri 4:34

Mɨkɨ wiyari 'anuyekɨneku ne, Nawukurunutsuxi, neheima muyuawitsie nepenierixɨ, 'ana tewi hepaɨ netinekɨhɨawetɨ nepatɨa. Hikɨ 'ana Kakaɨyari 'Amutewi neputanɨawaxɨ, neputihɨximake meta 'aixɨa neputayɨ yuheyemekɨ 'amuyeika hepaɨtsita: Tɨrɨkariyaya pɨkaheu'axe, pɨti'aita yuheyemekɨ.

Kuheri 2:32

Yunaitɨ Yawé memahɨawe kemɨtimariwe yutukari mekanitawikweitsitɨakuni, hɨritsie xeikɨa Tsiyuni meta Kerutsaremetsie, pɨyɨweni muyuta'una, Yawé kemɨtiwarutahuawekai. Memayeneniere wahamatɨa xeikɨa mepu'uwani Yawé mɨwaruta'ini.

Tsupuniyaxi 3:13

'etsimeyupaɨmetɨ memɨyuhayewaxɨ 'ixaheritsixi, tita 'axamɨti'ane mepɨkateyuriekari, 'itarikakɨ mepɨkatekuxatani, kwamanarikakɨ mepɨkatekuxatani. Mekateniutikwa'akuni meta mekaniuka'uxipiwekuni nixewitɨ kawamariutakaku».

'Etsekieri 43:7

Mɨpaɨ netikɨhɨawetɨ: «Tewi pemunu'aya, 'ena katini'aneni ne'uweni manuwe, hakewa ne nemeyuwetɨka, 'ena nepukani yuheyemekɨ 'ixaheritsixi wahamatɨa. Tawariri 'ixaheritsixi meta tewa'aitɨwamete kenemɨtitewa nekapatsiekame mepɨkanetsi'ayeitɨani, te'aitamete wateukiyapa meta hipame kakaɨyarixi mewarayexeiyatɨ.

'Awiriyaxi 1:21

memɨtehayu'iwaxɨta mekananutikɨnikuni Tsiyuni hɨriyaritsie paitɨ, 'Etsahu hɨriyaritsie memɨtama memɨtewata'aitɨanikɨ. Meta mana Yawé pɨti'aitametɨni.

Mikeyaxi 2:13

Panuyekani kemɨ'ane muhuyetarɨmeni, meta mɨkɨtatsiere huye mepuyuwewirieximeni, kitenie mekaniuyekɨnikuni hikɨ mekaniyehuni, mexi tiwa'aitɨwame 'umieni 'anuyekaitɨ, mexi Yawé 'anuyekaitɨ 'umieni.

Tsupuniyaxi 3:20

Mɨkɨ tukaritsie ne nekanixe'atɨamɨkɨ, mɨkɨ tukaritsie nepɨxekuxeɨrieni. Xeme xemariwame waɨkawa nepɨxe'ayeitɨani yunaime teɨteri kwiepa memɨtama watsata kepauka nemɨxehakunuitɨani mɨkɨ wahɨxie 'ateewa xehehapanieku». Mɨpaɨ kaniutayɨni Yawé.