Mikeyaxi 4:4 - Kakaɨyari Niukieya

⁴ Yuxexuitɨ kaxie meta piní 'iteɨriyari hetɨa xepɨtiyaxikeni, nixewitɨ 'axamatɨarietɨ pɨka'ayani —Yawé Naimekɨmɨtɨrɨkaɨye mɨpaɨ kaniutayɨni—.

Mikeyaxi 4:4 ပူးပေါင်းရင်းမြစ်များ

Tsakariyaxi 3:10

»”Mɨkɨ tukaritsie, yuxexuitɨ xekaniwata'iniexɨakuni yu'iwama kaxie hetɨa xemɨtitenikɨ meta piní hetɨa, mɨpaɨ kanaineni Yawé Naimekɨmɨtɨrɨkaɨye”».

1 Te'aitamete 4:25

Kepauka Tsarumuni mɨti'aitametɨkai, yunaitɨ Kura kwieyaritsie kiekatari yaxeikɨa 'Ixaheri kwieyaritsie kiekatari, Rani meta Weritsewa paitɨ meye'atɨkaitɨ, 'aixɨa 'anemekɨ mepu'uwakai yu'etɨpiwaritɨa meta yu'iteɨritsata.

'Etsekieri 39:26

Kepauka 'aixɨa 'iyari yukwietsie memu'uwani, xewitɨ kawa'uximatɨakaku, yutewiyarika mepatɨmaiyani naime 'axakememɨte'uyuri kemɨkanetinakekai.

Kitsariyaxi 1:20

Xɨka xekayuwaɨriyani meta 'akuxi xeheye'unieka. 'Ixiparakɨ xekanikwi'iwakuni». Yawé mɨpaɨ kaniutayuni.

Kitsariyaxi 54:14

Mɨtiheitseriekɨ pepɨtseiriyarieni, waɨriyarika pepɨkati'aitɨarieka, meta nitixaɨtɨ pepɨkarayemakaka, pepɨkamaka, meta hatsuaku pepɨkatimani.

'Etsekieri 34:28

Tawariri nuiwarite memɨtama mepɨkawatikwani, meta tawariri teyukwa'amete mepɨkawatikwani. 'Aixɨa 'iyari mepu'uwani, nixewitɨ pɨkawamariutani.

Kitsariyaxi 58:14

hikɨ 'ana Yawé hetsie temawierika pekanikaxeiyamɨkɨ, hɨritsie pe'uyeikame kawayutsie pe'anakaime nepɨmatsi'ayeitɨani, meta peyutemawiekame nepɨmatsi'ayeitɨani 'apaapa Kakuwu kwie nemɨyetuiritsie». Yawé yɨkɨmana mɨpaɨ kanaineni.

Kitsariyaxi 40:5

Hikɨ Yawé yuxawatɨriya kanihekɨatamɨkɨ, yunaitɨ kwiepa memɨtama mekanixeiyakuni. Yawé yɨkɨmana mɨpaɨ kaniutayɨni».

'Etsekieri 38:11

Meta mɨpaɨ pekanitayɨmɨkɨ: ‘Xeime kwieyaritsie nekanitahamɨkɨ yuhetsie mɨkaheutanuawetsie, xeime nuiwari nekanitamiemɨkɨ kayuwatɨ memu'uwa kiekarite mɨkayukurarutɨiya, 'ituparite mɨkaheuwɨ meta mɨkaheuku'uwetɨka.

'Etsekieri 34:25

»”Wahamatɨa tɨratu nekaniwewimɨkɨ kayuwatɨ memu'uwanikɨ: wakwieyaritsie nekaniwakumaweriyamɨkɨ memɨteyukwa'a, nemuxatsima makumawetsie yu'iyarikɨ memu'uwanikɨ meta muhukuyatsie yu'iyarikɨ memeukukutsunikɨ.

Kitsariyaxi 26:16

Yawé, 'uximatɨarikatsata mepɨmatsi'utiwau, nenewierikɨ 'etsiwa xeikɨa me'eniɨriɨkɨtɨ kepauka 'ekɨ pemɨtiwaruka'enitsitɨatsie.

Mawari 26:6

»Ne 'akwietsie 'aixɨa 'iyari nekaniwapitɨamɨkɨ, xeme 'aixɨa 'anemekɨ xekanitikukutsukuni xekaheumamatɨ. Kwiepa memɨtexɨawe memamariwawetɨ nekaniwapatamɨkɨ memɨteyukwa'a memɨteyukewe meta kuyaxa 'akwietsie pɨkaxɨaweni.

Kuwi 11:19

Pepuka'uxipiweni xeime peka'ayemakatɨ, meta yumɨiretɨ mepɨ'axɨani 'ahetsɨa pemɨwaparewienikɨ.

Nɨawari 72:3

Hɨrite 'aixɨa pɨtiwayatsa 'ateɨterima, hɨri 'amanutitɨtɨ heitserie pɨwapitɨani.

Kitsariyaxi 17:2

Kiekarite 'Aruhexi mieme kaniku'eiriwamɨkɨ, 'ɨ'ɨxayatɨ kanayeimɨkɨ mana muxatsi mekatenitikwaikuni nixewitɨ kawamariutakaku.

Kitsariyaxi 22:25

»'Iya tukaritsie ―Yawé mɨpaɨ kanaineni Naimekɨmɨtɨrɨkaɨye― kɨtsunu kanakainimɨkɨ makuweritsie muwe, kanahunariemɨkɨ nanari'ɨaritɨ kanatiwemɨkɨ, naime kemɨre'ikakai ratɨtɨ». Yawé mɨpaɨ kanaineni.

Kitsariyaxi 36:16

»'Etsekiyaxi xepɨka'enieka. Mɨpaɨ kanaineni ti'aitame 'Atsiriya kiekame: “Nehamatɨa kayuwatɨ xemexeiyanikɨ tɨratu xekeneuwewi, xekeneyuyetua. Mɨpaɨ xɨka xe'ɨyɨni xepɨtetikwani yukaxietsie timieme meta yupiní 'ikwaxiyari, metatsiere xepɨtihareni yuputsuta,

Keremiyaxi 30:10

»”Pepɨkamaka, Kakuwu, neti'uximayatsiriwame, pepɨka'utimamaweni 'Ixaheri —Yawé mɨpaɨ kanaineni—. 'Ekɨ Kakuwu, nekamenixɨnamɨkɨ mɨkɨ kwie 'ateewa mukuma hetsie, meta 'anuiwarima memehapanie neniwa'atɨamɨkɨ. 'Aixɨa 'iyari pe'uyeikatɨ pekanayeimɨkɨ meta peka'uximatɨarietɨ, Hatsuakuri xewitɨ pɨkamatsitimariuta.

1 Te'aitamete 5:5

'Ayumieme nepitawewieni tuki Yawé nekakaɨyari hetsiemieme, nepaapa Rawiri mɨpaɨ mɨrahɨawekaikɨ: “'Aniwe kemɨ'ane 'a'utɨma ti'aitame nemayeitɨani, kanitawewimɨkɨ tuki nehetsiemieme”.

Temaiwawemete 3:25

Pepɨkaheumaka xɨka yapauka 'axamɨti'ane tiukuyani, meta kepauka 'uximatɨarika 'axateyuruwamete wahetsiemieme munuani pepɨkaheumaka.

Kitsariyaxi 32:17

Tita mɨtiheitserie kayuwatɨ mexeiyanikɨ mɨ'ayumieme kanayehɨamɨkɨ, 'aixɨa 'iyari temu'uwanikɨ 'ikwaxiyari kanayehɨamɨkɨ.

Keremiyaxi 23:4

Muxatsi wahɨwemete wahetsiemieme nekaniwaranuka'uitɨamɨkɨ memɨwa'ɨwiyanikɨ, mekamamatɨ mekanakɨnikuni meka'utimariutsiwatɨ, nixewitɨ tɨma heuyewetɨ pɨkahayani —Yawé mɨpaɨ kanaineni—.

Mikeyaxi 5:3

'Ayumieme Kakaɨyari kaniwayetuamɨkɨ mɨwaraye'unie hetsɨa, kepaukake 'ukaratsi mayehuka 'ukitɨme mɨtiniweni, hikɨ 'ixaheritsixi memehapaniekai yu'iwama 'ixaheritsixi wahetsɨa mepɨ'axɨani.

Tsupuniyaxi 3:13

'etsimeyupaɨmetɨ memɨyuhayewaxɨ 'ixaheritsixi, tita 'axamɨti'ane mepɨkateyuriekari, 'itarikakɨ mepɨkatekuxatani, kwamanarikakɨ mepɨkatekuxatani. Mekateniutikwa'akuni meta mekaniuka'uxipiwekuni nixewitɨ kawamariutakaku».