Mikeyaxi 4:3 - Kakaɨyari Niukieya

³ Kakaɨyari yɨkɨmana yumɨireme teɨteri wahetsiemieme 'aixɨa katinakayurimɨkɨ, meta tita mɨtiheitserie hepaɨtsita pɨtita'uximayata nuiwarite memɨtɨrɨkawi wahetsie meta 'ateewa kiekatari. Yu'ixiparate hatsarunite mepayeitɨaxɨani, meta yupitsikate 'ɨxa xikame mepayeitɨaxɨani. 'Ari nuiwarite mepɨkayukwitɨweniri, meta tawariri 'imieri kuyaxa mieme mepɨkayuti'ɨkitɨani.

Mikeyaxi 4:3 ပူးပေါင်းရင်းမြစ်များ

Kitsariyaxi 2:4

Mɨkɨ nuiwarite watsata kaniwataxanetamɨkɨ meta mɨkɨ yuwaɨkawame wa'itsɨkame kanihɨkɨtɨkamɨkɨ. Yu'ixipara hararu mepayeitɨaxɨani meta yupitsika 'ɨxa xikame mekanayeitɨaxɨakuni. Nuiwariteri 'ixiparakɨ mepɨkayutakwini, tawariri mepɨkayuti'ɨkitɨani kuyaxa miemekɨ.

'Utseyaxi 2:18

Mɨkɨ tukaritsie tɨratu nepɨwewieni Yeutari wahamatɨa, muyuawitsie memɨte'uwɨtɨkɨka wahamatɨa kwiepa memɨteku'ɨretɨwe wahamatɨa. Kiekari mukumanetsie tupi nepɨwanawairieni, 'ixipara, kuyaxi meta para 'aixɨa 'anemekɨ xemu'uwanikɨ yunaitɨ.

Nɨ'ariekate 17:31

Xeime tukari pukaye mɨwa'inɨatanikɨ kwiepa memɨtama heitseriemekɨ yɨanetɨ, 'iya 'uki manuyexei yatiyurienekaku. Kakaɨyari yurikɨ niwarutahekɨatɨani yunaime, 'enukuketɨaka mɨkɨ mɨkite watsata».

Kitsariyaxi 65:25

Maye muxa hamatɨa yunaitɨ mepɨtetikwani makutsiɨraɨyetsie, maye 'ɨxa pɨtikwani tuuru hepaɨ, meta kuu 'ikwaiya tumuanari pɨhɨkɨtɨni. Naitsarie nehɨri mɨpatsietsie tiyukwinitɨwatɨ kaniumawekamɨkɨ meta tiuyuka'unatɨ», Yawé kanaineni.

Nɨawari 98:9

Yawé hɨxie xekeneutikwikani, 'ukanamieniri kwiepa 'aixɨa tiyurienike. Kwiepa memɨtama wahetsie 'aixɨa katiniyurimɨkɨ, teɨteri wahetsie 'aixɨa 'anemekɨ katinita'aitamɨkɨ.

Nɨawari 96:13

Yawé hɨxie xekeneutikwikani, 'ukanamieniri. 'Ukanamieniri kwiepa 'aixɨa tiyurienike. Kwiepa memɨtama kaniwataxanetamɨkɨ kemɨtiheitseriekɨ, meta teɨteri wahetsie yuri mainekɨ.

Matsiɨkɨtɨ kemɨratɨa 19:11

Manata muyuawi nekaniuxeiya reuyepiekame, meta kawayu heutuxatɨ mana kaniuwekaitɨni. Manakatei Yamɨtikamie meta Yurimaine katinitewakaitɨni. Heitseriemekɨ yatikamietɨ kaniwaranutaxɨrɨwani meta kuyaxa kaniwewieka.

Tsakariyaxi 14:3

Hikɨ 'ana Yawé payeyani, kaniwatakwimɨkɨ mɨkɨ nuiwarite, kepauka kuyaxa muyutamemiwa hepaɨ.

Tsakariyaxi 9:10

'Epɨrahini kaxetamama kuyaxa mieme pukumaweriya meta kawayutsixi Kerutsareme miemete. Tupite kuyaxa miemete pɨtimura, hikɨ nuiwarite memɨyuxewinikɨ niukiyari pɨwataxatɨani. Pɨtita'aita haramaratsie ka'atɨkaime meta tapa haramaratsie paitɨ ye'atɨkaime, 'Eupɨrate hatuxameyaritsie tsutɨme 'atsita kwie manu'axe paitɨ.

Mikeyaxi 5:15

neha'atɨ waɨkawa nekatiniwarakapitɨamɨkɨ kemɨ'ane nuiwarite memɨkanetsi'anu'eni».

Kuheri 3:2

yunaime nuiwarite nekaniwakuxeɨriemɨkɨ Kutsapati mayeweritsie nekaniwakanɨ'amɨkɨ. Mana nekaneutahamɨkɨ teɨteri nemɨtiwakwinitɨanikɨ neteɨterima 'Ixaheritsixi wahetsiemieme, 'ateewa nuiwarite watsata memɨwareutaweiyaxɨakɨ meta nekwie memuyutaxitekiexɨakɨ.

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Kitsariyaxi 60:12

Kemɨ'ane nuiwari mɨkameti'uximayatsirie, pɨkumawere, naitɨ pɨka'unarieni.

Kitsariyaxi 51:5

'Ari kanehurani tita mɨtiheitserie, newikweitsitɨarika 'ari 'ukanamieni, netɨrɨkariya 'aixɨa puwayurieni nuiwarite. Hatetsita 'ateewa memukutetɨka nehetsie yuri mepɨte'erie, netɨrɨkariyatsie mepɨta'ikwewa.

Kitsariyaxi 25:3

'Ayumieme teɨteri metɨrɨkawitɨ 'aixɨa mepɨmatehahɨawe, nuiwarite 'axamemɨte'u'iyari wakiekari pɨmatsi'ayemakaxe.

Kitsariyaxi 9:7

Kemɨti'aitanikɨ kanitamɨirimɨkɨ meta kayuwatɨ kemɨtiyupitɨwakɨ, meta mɨkɨ pɨka'uye'atɨyani. Rawiri 'uwenieyatsie 'akaitɨ katinita'aitamɨkɨ meta hakewa mɨre'aitakaitsie, 'amuwenikɨ meta mituikanikɨ heitseriemekɨ meta kemɨreuyewetse hikɨ meta yuheyemekɨ. 'Ikɨ yakatinaye'atɨamɨkɨ Yawé Naimekɨmɨtɨrɨkaɨye 'ɨtetsarikaya.

Nɨawari 82:8

Kenanukukexi, Kakaɨyari 'aku, kwiepa tita mɨtiheitserie yaketineuyuri, nuiwarite yunaitɨ memɨte'apiinimakɨ.

Nɨawari 72:7

'Uyeikakaku mɨtiheitserie keranayuhayewani, waɨkawa ketixuaweni tita memɨteheuyehɨwa, kepaukake metsa makayune.

Nɨawari 46:9

Kuyaxa kaneutipariya naitsarie kwiepa. Tupi kaniutimura, pitsika 'amɨtɨtɨ kaniutimura, kaxetate kuyaxa mieme taipa kaneuxɨrieni.

1 Tsamuheri 2:10

»Yawé memeye'unie kaniwaka'unamɨkɨ, muyuawitsiepaitɨ mimierɨkari kananakanɨ'amɨkɨ wahetsie. Yawé yunaime kwiepa memɨtama pɨwa'itsɨkame, mɨkɨ ti'aitamekɨ manukakeni waɨkawa tɨrɨkaɨyeme payeitɨani meta mɨkɨ menayexei tɨrɨkariya pupitɨa».

Nɨawari 72:3

Hɨrite 'aixɨa pɨtiwayatsa 'ateɨterima, hɨri 'amanutitɨtɨ heitserie pɨwapitɨani.

Tsakariyaxi 8:20

»Mɨpaɨ kanaineni Yawé Naimekɨmɨtɨrɨkaɨye: »“Mekani'axɨakuni teɨteri, waɨkawa kiekari mukumanetsie kiekatari,

Nɨawari 46:10

«Kayuwatɨ xeketeneteni, mɨpaɨ xeketenetimati ne Kakaɨyari nemɨhɨkɨkɨ. Ne 'aixɨa nekatinitahɨawariemɨkɨ nuiwarite watsata. Ne nemariwetɨ nekanayeitɨariemɨkɨ kwiepa».

'Utseyaxi 2:20

Pepɨnetsihetimani heitseriemekɨ kenemɨtiuka'iyari hatsuaku nepɨkamatsiku'eirieni, hikɨ 'ana Yawé pekanetimaimɨkɨ.