Mikeyaxi 4:2 - Kakaɨyari Niukieya

² meta nuiwarite yumɨiretɨ hetsɨana mekani'axɨakuni, mɨpaɨ mekanitiyuakuni: «Xekenakɨni, tepanutikɨne Yawé yemurieyatsie, Kakuwu Kakaɨyarieya tukita. Kakaɨyari yukɨmana yu'aitsikate kataneta'ɨkitɨamɨkɨ, 'ana mɨpaɨ tepɨte'u'uwani». Karikɨ Tsiyunitsie kanayeneikani 'ɨkitɨarika, Kerutsareme hetsie, Yawé niukieya.

Mikeyaxi 4:2 ပူးပေါင်းရင်းမြစ်များ

Kitsariyaxi 2:3

Teɨteri meyumɨiretɨ mekani'axɨakuni, meta mɨpaɨ mekanitiyuakuni: «Xekenakɨni, Yawé hɨrieyatsie tepanutikɨne, Kakuwu Kakaɨyarieya kie, yuhuye mɨtatsiheta'ɨkitɨanikɨ meta huyetana xeikɨa temuhunikɨ». Karikɨ Tsiyunitsie xeikɨa 'ɨkitɨarika kanayenexɨamɨkɨ, meta Kerutsaremetsie Yawé niukieya.

Keremiyaxi 31:6

Tukari kanaye'amɨkɨ kepauka tehɨwemete memɨtihiwa 'Epɨrahini hɨriyaritsie: “Xekenatihuni, Tsiyuni paitɨ tepanutikɨne, Yawé hɨrieyatsie takakaɨyari”».

Nɨ'ariekate 1:8

Matsi xekanitɨrɨkariyariekuni 'Iyari Mɨtiyupata yuhetsie xehexeiyatɨ. Xemunenierixɨ xepɨhɨkɨtɨni xetehekɨatatɨ nehepaɨtsita Kerutsareme, naitsarie Kureyatsie, Tsamariyatsie meta naitsarie kwie manuniere paitɨ.

Kitsariyaxi 54:13

Yawé 'aniwema yunaime kaniwata'ɨxatsitɨamɨkɨ, yemekɨ 'aixɨa 'anemekɨ mepɨtiteni.

Nɨawari 25:12

¿Kemɨ'ane tewi Yawé payemakaxe? Mɨkɨ huyeta 'aixɨa 'anemekɨ kaniyewitɨkiemɨkɨ.

Wani 7:17

Xɨka tewi yuwaɨriyani yamɨtikamienikɨ tita mɨtinake Kakaɨyari, katinimaikamɨkɨ tita nemɨti'ɨkita hepaɨtsita, xɨka Kakaɨyari hetsɨa miemetɨni, yanutsutɨni nekɨmana ne'utaineni xeikɨa.

Xumatari 15:19

tɨrɨkariya nehexeiyakaku 'inɨarite mamariwawemekɨ mɨtiyɨnikɨ, tɨrɨkariya nehexeiyakaku Kakaɨyari 'Iyarieya hetsɨa miemekɨ. Kerutsareme neheyeyaka 'Iririku paitɨ neheuyeyuneka nekanaye'ani yemekɨ netikuxatatɨ niuki 'aixɨa manuyɨne Kɨritsitu hepaɨtsita,

Rukaxi 24:47

Mɨkɨ meta, yunaitɨ nuiwarite mɨpaɨ mekatenitahɨawariekuni, xɨka xete'uhayewa kexemɨteyuriekai, xɨka pɨta xenetsihahɨaweni kemɨ'ane nemɨhɨkɨ, xepɨteheuyehɨwiyarieni 'axaxemɨte'uyurikɨ, Kerutsareme meri, 'ariketa xaɨtsie yakatinikuxaxatsiwamɨkɨ.

Marikuxi 16:20

Naitsarie mekaneutayeixɨani mɨkɨ metekuxatatɨ, Ti'aitame waɨkawa kaniwaparewiekaitɨni kememɨte'uximayakai waniuki tseiriyatɨ 'inɨari kemɨtiwapitɨakai. Mɨpaɨ xeikɨa kani'aneni.

Tsakariyaxi 14:16

»Hikɨ kemɨ'ane memutawikwei yunaitɨ nuiwarite Kerutsareme memutami, mepeta'axeni xeiwiyari 'anuyeyeikakaku Ti'aitame hɨxie memɨkatunuma'unikɨ, Yawé Naimekɨmɨtɨrɨkaɨye, meta Xamaru 'ixɨarariyari memɨwewienikɨ.

Nɨ'ariekate 13:42

Hikɨ huriyutsixi watukiiteta me'ayenexɨaka, mɨkɨ mekaniwarutawawirieni 'ikɨ niuki memɨkuxatanikɨ tawarita 'uxipiya tukaritsie.

Wani 6:45

Kakaɨyari niukametema waxapatsie mɨpaɨ katine'uka: “Kakaɨyari katiniwa'ɨkitɨaka yunaime”. Yunaitɨ memɨ'enana ne'ukiyari kemaine, memɨteyɨ'ɨkitɨa, mɨkɨ nehetsɨa mekaniye'axɨakuni.

Hutarieka 'inɨari 6:1

»'Ikɨ kanihɨkɨtɨni 'inɨari niukiyari meta 'aitsika waɨkawa Yawé 'akakaɨyari mɨnetsi'uta'aitɨa ne nemɨmatsita'ɨkitɨanikɨ, mɨpaɨ xemɨtehe'uwanikɨ xema'axɨanitsie yukwie xemayeitɨanikɨ,

Tsakariyaxi 2:11

»Mɨkɨ tukaritsie, yuwaɨkawatɨ nuiwarite Yawé mekanitinɨikuni. Mɨkɨ neteɨterima mepakɨne, neta watsata nepuyeikani. »'Ana mɨpaɨ xekatenetimaikuni kename Yawé Naimekɨmɨtɨrɨkaɨye hɨkɨ mɨnetsiheyenɨ'a xehetsɨa.

'Utseyaxi 6:3

'Ana Yawé tepetimani, kemɨtiku'eriwa 'utɨmana tepuhuni. Yurikɨ tau manatineika hepaɨ, tahamatɨa matsiɨkɨtɨ payuyeitɨani, tahamatɨa punuani wiyeri xexerixa mieme hepaɨ, wiyeri witarita mieme hepaɨ kwie mukuhawiya.

Nɨawari 110:2

Yawé kemetsi'uparewieni pemɨtita'aitakɨ naitsarie Kerutsareme pe'ukaitɨ. Mana 'ekɨ ketine'aitani memɨmetsi'aye'unie wahixɨata.

Nɨawari 119:1

'Aixɨa mekani'itɨarieka kemɨ'ane huye 'aixɨa mɨ'ane 'utɨa memuhu, Yawé 'aitsikaya kemaine mɨpaɨ memɨte'u'uwa.

Nɨawari 119:171

Ne nemetsinɨawatɨ nepɨkatihayewani, 'ekɨtsɨ 'a'aitsikate pekaneni'ɨkitɨaka.

Nɨawari 122:1

Ne nepuyukatemawiwa kepauka mɨpaɨ nemɨrahɨawarɨwa: «Hikɨmɨ Yawé tukieyata tepuhu».

Kitsariyaxi 56:7

nehɨri mɨpatsietsie nekaniwaranutiwitɨmɨkɨ, nenenewieri kiiyarita temawierika waɨkawa nepɨwapitɨani. Nepitanaki'erieni mawari taiyariyari meta hipame mawarite memitimawani nemawari taiyametsie, nekiitsɨ mɨpaɨ katinitewakamɨkɨ nenewieri kiyari yunaitɨ teɨteri wahetsiemieme».

Keremiyaxi 42:3

Yawé 'akakaɨyari keneutahɨawi ketatsi'uxeitsitɨani huye ke'aneme temanukuweiya meta ketemɨteyurieka.

Tsakariyaxi 9:10

'Epɨrahini kaxetamama kuyaxa mieme pukumaweriya meta kawayutsixi Kerutsareme miemete. Tupite kuyaxa miemete pɨtimura, hikɨ nuiwarite memɨyuxewinikɨ niukiyari pɨwataxatɨani. Pɨtita'aita haramaratsie ka'atɨkaime meta tapa haramaratsie paitɨ ye'atɨkaime, 'Eupɨrate hatuxameyaritsie tsutɨme 'atsita kwie manu'axe paitɨ.