Mikeyaxi 4:13 - Kakaɨyari Niukieya

¹³ Kenanukukexi, neniwe 'uka Tsiyuni. Kene'uneni. 'A'awate tepɨa nekanayeitɨaxɨamɨkɨ meta 'akarutsate wurunitse nekanayeitɨaxɨamɨkɨ, yumɨireme teɨteri tumuanari pemɨwarayeitɨanikɨ, meta Yawé pekatiniyetuiriemɨkɨ tita memɨte'a'iwaxɨ 'axa'anemekɨ, tita waɨkawa memɨteheuxeiya pekatiniyetuamɨkɨ, Ti'aitame mɨhɨkɨ naitsarie kwiepa.

Mikeyaxi 4:13 ပူးပေါင်းရင်းမြစ်များ

Tanieri 2:44

»Mɨkɨ te'aitamete memanuka'ukatsie, Kakaɨyari muyuawitsie makawe xeime ti'aitame nanukakemɨkɨ mɨkɨ hatsuaku tɨma pɨkaka'unarieni meta xeime kiekaritsie pɨkayetuiyani, matsi yuheyemekɨ 'akaniuwemɨkɨ xeikɨa meta 'ikɨ te'aitamete yunaime kaniwareuyehɨamɨkɨ.

Kitsariyaxi 23:18

Peru ketipaɨmeme mɨtiyetua meta kepaɨmeme mana'i'iwani Yawé hetsɨa mieme tipatsietɨ pɨrayeikani, pɨkati'utɨni meta pɨkatixeɨriyaka xeikɨa. Tita mɨrana'iwarieka Yawé hetsiemieme memɨte'uximaya wahetsiemieme pɨrayeikani, memɨteyumikwanikɨ 'anayuhayewamekɨ meta 'ixuriki witsimɨ'anenekɨ memuyukemaritɨakakɨ.

Kitsariyaxi 18:7

'Iya tukaritsie mɨkɨ teɨteri 'amemutɨtɨ meta yuwaiyaritsie memeumerɨkawi, teɨteri mɨkɨ naitsarie memɨmakaxiwa, mɨkɨ nuiwari memɨtɨrɨkaɨye memɨteyu'aitɨwa, wakiekari haa 'anuyehapanekaku mɨyema, Yawé Naimekɨmɨtɨrɨkaɨye mawari mekaniwewiriekuni. Tsiyuni hɨriyaritsie mekanenutɨkiriekuni hakewa mekiena kemɨtitewakɨ Yawé Naimekɨmɨtɨrɨkaɨye.

1 Kurinitutari 16:2

Mexɨakame tukaritsie xexuime tsemanatsie, yuxexuitɨ xeme xekeneuti'uta yuhetsɨa, xe'ixeɨrietɨ 'aixɨa kexemu'itɨarie, 'ana xemɨka'ikuxexeɨriwanikɨ kepauka nemɨnuani.

Tsakariyaxi 6:5

Niuki tuayame mɨpaɨ kanetiniuta'eiya: «'Ikɨ yunaukatɨ 'iyarite mekanihɨkɨtɨni muyuawitsie miemete, mekanayekɨneri naitsarie kwiepa Ti'aitame hɨxie meheyukuxataka.

Tsakariyaxi 4:14

Hikɨ niuki tuayame mɨpaɨ kanetiniutaxatɨani: «'Ikɨ yuhutatɨ memanayexeiyarie mekanihɨkɨtɨni ti'aitame memɨte'uximayatsirie naitsarie kwiepa».

Keremiyaxi 51:33

Mɨpaɨtsɨ kanaineni Yawé Naimekɨmɨtɨrɨkaɨye, 'Ixaheri Kakaɨyarieya: «Wawiruniya kiekariyari witsimɨraku'ane, tɨriku waxayari hepaɨ pɨ'ane, ka'itsanarieximetɨ, 'ari tukarieya kanaye'ani mɨka'itsanarienikɨ».

Nɨawari 68:29

'Atuki Kerutsareme muwekɨ te'aitamete mepɨmetemini 'aixɨa mɨti'ane.

Kutsuhexi 6:19

Hurukɨ pɨratakɨ meta wurunitsekɨ mɨtiwewiyatɨka meta tepɨakɨ, mɨkɨ Yawé hetsɨa pɨtimieme hipame piiniteya mɨrayepinetsie xeketenekapini».

Kitsariyaxi 5:28

Wa'ɨrɨ kwinimieme pɨranuyemɨtsɨ, naitɨ watupi payuhapatɨka, wakawayutsixi tepɨa memeumanatɨka tete mɨtse'i hepaɨ pɨ'anene, meta wakaxetate 'itsikɨriyarita teɨka puwayenenetɨwa.

Nɨawari 72:10

Taritsi kwieyaritsie te'aitamete meketeyutuaka meta haramara tetsita 'anutaɨye te'aitamete mekete'i'atɨiriwani Tsawani meta Tsewa kiekatari.

Hutarieka 'inɨari 33:25

'A'ituparite warita mauku'uwe tepɨa meta wurunitse tepɨayari pɨhɨkɨtɨni, 'apekereutere 'ape'uyeikatɨ petɨrɨkaɨyetɨ.

Kitsariyaxi 21:10

Neteɨterima, tɨriku mu'urie hepaɨ mɨ'ane, ne nekamatinaxaxatɨwani kenemɨtiu'enaxɨ Yawé Naimekɨmɨtɨrɨkaɨye hetsiemieme, 'Ixaheri Kakaɨyarieya.

Keremiyaxi 51:20

»'Ekɨ nemaxu pepɨhɨkɨ, nemɨyutamemiwatsie mieme, 'akɨmana nuiwarite meta te'aitamete nepɨwatitsuna.

'Utseyaxi 10:11

'Epɨrahini tsikeru mɨmaxiutɨarie pɨhɨkɨ, mɨkɨ pinake tɨriku mu'uneni, peru ne yuku nepɨka'enutitekiri. Peru hikɨ 'Epɨrahini yuku nekananutitekiriemɨkɨ, Kura kanitakwietsanamɨkɨ, Kakuwu kwie 'aixɨa kaniyurimɨkɨ».

'Awakuki 3:12

Peha'atɨ, naitsarie kwiepa pekaniuyeikani, waɨkawa peha'atɨ, nuiwarite pekaniwatipɨnani.

Nɨawari 24:1

Yawé kwie naitɨ pɨtipiinieya meta hetsiena naitɨ mɨtixuawe, kwie naitɨ kemɨnena, meta keyupaɨmetɨ mana memɨte'u'uwa,

Mikeyaxi 5:7

Kakuwu nuiwarimama memuyuhayewa, teɨteri meyumɨireme watsata, haɨtsi Yawé hetsɨa mieme hepaɨ mepɨ'aneni, wiyeri 'amayetsuye tupiriya hetsie mɨkaxɨrɨwe hepaɨ, teɨteri memɨka'inɨ'a, meta tixaɨtɨ mɨkatiwarawawiriwa.

Tsakariyaxi 12:3

meta yunaitɨ nuiwarite kwiepa memɨtama mepɨyunɨni memika'unakɨ. »'Iya tukaritsie Kerutsareme tete mɨkayukemarinɨa nepayeitɨani yunaime teɨteri wahetsiemieme. Kemɨ'ane memikuyuitɨani mɨkɨ pɨwatipɨna.

Tsakariyaxi 12:6

»Mɨkɨ tukaritsie Kura kwieyaritsie kiekatari wa'ukiyarima tɨɨ yayatsame mɨta'a nekaniwarayeitɨamɨkɨ 'ɨtsi tsata, yatɨni kɨye manuta'a 'itsanari tsata. Yutserieta miemete meta yu'utata miemete mekaniwatitaiyakuni teɨteri yu'aurie kiekatari, peru Kerutsareme tawari kiepa payani.